Borôro: Pao Kurireu Bataru Kurireu; O Novo Testamento (New Testament)

Pao Kurireu Bataru Kurireu; O Novo Testamento

<div class="version vid2518 iso6393bor" data-vid="2518" data-iso6393="bor">
 <div class="book bkMAT">
 <div class="chapter ch15" data-usfm="MAT.15">
 <div class="label">15</div><div class="s">Jesus Makore Nou Judeu Doge Eroiaji</div><div class="p"> 1&#268;a ia fariseu doge etaregodure Jerusal&#233;m piji. Nouia jorduware bakaru jiwuge jamedu etaregodure Jerusal&#233;m piji jamedu tumagowo Jesusji. &#268;a enarare ji. 2Egore: &#8211; Kodiba atugarege enogwagere tugera rorogodu tabo? Emeartorukare nou jaoboe emagore jiboeji. Erokare nono jaoboe ero mogadure.</div><div class="p"> 3Jesus makogodure ei. Akore: &#8211; Kodiba tameartorukare Pao Kurireu makore jiboeji? Tagodure tu nou tameardae rekodaji. 4&#268;a Pao Kurireu akore: &#8220;Tameartorudo taoji, tajeji. &#268;a nou boe mako pegamode tuoji, tujeji tuwo epogurudo dukeje bitoduiago.&#8221;#15.4 Awu bataru padure &#202;xodo 20.12, Deuteron&#244;mio 5.16, &#202;xodo 21.17, Lev&#237;tico 20.9 keje. Ainore Pao Kurireu akore jawu tawobei. 5-6Mare tagi tare boe erduwado ia bataru tuginaiwuji boe ekawo tugera maku tuwo ai tuje ai. Tagagore imedu makomoduie tujeji tuoji tumodukaie tugera maku etai tumoduie toe maku Pao Kurireu ai kodi. Dukodire tumodukaie tugera maku tuwo ai tuje ai. Ainore boe eromoduie. Mare pagare egoino. Etaidukare tuwo tugera maku tuwo ai tuje ai dukodire egoino. Taigoiare tare boe egodo aino. Dukodire &#269;are tagaidukare Pao Kurireu bataruji rugadu. Tameartorukare ji. Tagaidure tagoduwo tu nou tameardae rekodaji. 7&#268;a tamagore boei tawo boe erduwado. Mare tameartorukare tagagoino jiboeji. Tagodu pegare nou tagagoino jiboeji tarore jiboeji rugadu. Mariguduwu makore Pao Kurireu bataru jiwu Imedu Isa&#237;as mako pemegare. Makore ainore taromode rugadu duji. Akore:</div><div class="q"> 8&#8211; Pao Kurireu akore: &#8220;Awu boe emagore togwa tabo tumeartoruie i mare nou boe rugadu boe emeardae remawu ure tuginai rugadu toro imeardae piji rugadu. 9Awu boe ere tubu jodo tumago pemegawo i mare pagare egoino. Ere boe erduwado bakaruji. Egore iwadaruie. Mare pagare egoino. Ia tumagore jiwu bakaru jire nou boe egoino rugadu.&#8221;#15.9 Awu bataru padure Isa&#237;as 29.13 keje.</div><div class="p"> 10Jesus makore boe makareuge etae ewo bato pui pudae. Akore: &#8211; Tawiapagado. Tarduwado. 11Nou tagwagemode jiboe umodukare tabegado Pao Kurireu jakai dukodire tawujedumodukare mugure tagabowu tago bakaru piji rugadu. Mare nou taiabijiwu tawadaru pegareu emare umode tabegado Pao Kurireu jakai dukodire tawujedumode mugure tagabowu tago bakaru piji rugadu jii toro rugadu.</div><div class="p"> 12&#268;a nou Jesus ure jorduwadowuge ere tuburedo ji. Egore: &#8211; Nou fariseu doge ekorigodure nou amagore &#269;ei jiboeji.</div><div class="p"> 13&#268;a Jesus makore pugeje. Akore: &#8211; Nou baru tadawu Iogwa ukare tuguwu iguru rugadu boe tawujedumode. Mare iguru ji karega inagoino. Nou fariseu doge eire inagoino. 14Dukodire tamororamagadukaba nou fariseu dogei. Eku bokware. Mare nou joku bokwareu iera bararemode nou timedia joku bokwareuji dukeje ei pobedu ewudumode nou boeiakoto. Mare eku bokwa ji karega inagoino. Emeardae pegare nou Pao Kurireu meardae remawu piji. Dujire inagoino.</div><div class="p"> 15&#268;a Pedro okwamagudure: &#8211; &#268;erduwado nou akagoino mariguduboe jiboeji &#269;ewiagai.</div><div class="p"> 16Jesus akore: &#8211; Ko&#269;are tagaora rakare tarduwagoduwo boe remawuji? 17Nou tagwagere jiboe utumode tagurito mare umode tudawuje tabiji. 18Mare nou umode tudawuje taiabijiwu tawadaru aregodumode nou tameardae piji. Nou inodu koiare umode boe epegado Pao Kurireu jakai dukodire etawujedumode to bakaru tadawu turo piji jii je. 19Du nou tameardae pegareu aregodumode tabiji rugadu. Nou umode boe ewidowu, nou jeribarimode toreduje pijiwu toredu pijiwu, nou umode turo pegareu tieribari tabowu, nou iwogureu, nou umode boe ekiripagadowu, nou mako pegamode timedia ro jiwu. 20Awu boe ero pegareu koiare umode boe epegado rugadu Pao Kurireu jakai dukodire etawujedumode to bakaru tadawu turo piji rugadu. Mare boe enogwagemode tugera rorogodutabo du umodukare boe epegado Pao Kurireu jakai.</div><div class="s">Aredu Tuginaiwudo</div><div class="p"> 21Jesus ure tudawuje nou boe piji nono utu puredure nouia boe eda ka. Nou boe eda mugu puredure nou Tiro ba kurireuji, nou Sidom ba kurireuji jamedu. 22&#268;a nouia aredu cananeu kejewudo mugure nou moto kejewudo ure tuburedo Jesus ae. &#268;a kudugodure boe eiamedu boe emearduwo. Akore: &#8211; Ikimijera nure aki. Jawu boe eimijera kurireu Davi onaregedu nure aki. &#268;a akogududo itabo. Bope meture itonaregedu aredu tada. Ro pega kigodure ji dukodire boe pegare ji rugadu. Awo nou bope tawuje itonaregedu piji.</div><div class="p"> 23Mare Jesus makokare boeji. Dukodire &#269;are ure jorduwadowuge etaregodu puredure ae. &#268;a egore: &#8211; Awu aredu utudo pabiji. Ukare boe kiorodo paregodaji.</div><div class="p"> 24&#268;a Jesus makogodure: &#8211; Imi itaregodure woe itaiwowo nou Israel doge egu ovelha okwareuge ewagai. Mare ovelha ji karega inagoino. Israel moto kejewu meartorukare Pao Kurireu jiwuge eire inagoino.</div><div class="p"> 25&#268;a nou aredu aregodure. &#268;a ure tubu jodo moto keje Jesus bure keje. &#268;a akore: &#8211; Akera maku inai.</div><div class="p"> 26Jesus akore: &#8211; Ukare turugadu boe ewo tore eke rogu tawuje epiji tuwo maku tagu ariga doge etai.#15.26 Boe eke ji karega Jesus akoino. Tumeardae pemegareu, tuwadaru pemegareu jire akoino. Turo pemegareu rakareu jire akoino jamedu. Boe etore ei karega akoino. Israel doge eire akoino. Ariga doge ei karega akoino. Boe tuginaiwuge eire akoino. Jesus ure tumeardae pemegareu tuwadaru pemegareu maku Israel doge etai boetoji. Dujire akoino. Ure turo rakareu to Israel dogei boetoji. Dujire akoino. Nono makudumode boe tuginaiwuge etai boigodu. Dujire akoino. Nou boe tuginaiwudo aredu o&#269;arokare pudui dukodire korigodukare Jesus makore jiboeji. Korigodukare tuie nono ariga mogadure Pao Kurireu jakai. Mare meartorure ji rugadu dukodire akore nou boe eke gigudu boeji. Mare boe eke gigudu ji karega nou aredu akoino. Pao Kurireu ro biagareu kurikareu jire akoino. Jorduware nou Pao Kurireu ro biagareu kurikareu rakare rugadu tuwo nou bope tawuje tonaregedu piji. Dukodire Jesus akore aino nou areduji meartoru kurie pudui rugadu.</div><div class="p"> 27&#268;a aredu makogodure: &#8211; Boe rugadu. Mare ariga doge emode nou buture nou ira kudawu boe eke gigudu rugadu boe kowuje.</div><div class="p"> 28&#268;a Jesus akore aino nou areduji. Akore: &#8211; Aredu. Ameartoru kurire i rugadu. Nou akaidure bagaiboe todumode rugadu.</div><div class="p">&#268;a kuri je nou aredu onaregedu pemegagodure rugadu.</div><div class="s">Jesus Iogore Boe Makareugei</div><div class="p"> 29Jesus ure tudawuje nou boe epiji. Nono uture toro nou Galil&#233;ia pobo maereu okwa ka. Nono Jesus kodure nou Galil&#233;ia pobo maereu okwaji. Nono &#269;a ruture nouia tori ao ka. &#268;a ure tumugudo nono. 30Nono &#269;a boe makareuge eture Jesus ae. Ere nou kogodureuge erego toro Jesus ae. Nou joku bokwareuge, nou mako bokwareuge, nou meru bokwareuge, nou pogora pegareuge, nou kana pegareuge, nou kogodureuge jamedu ere erego toro Jesus ae. Nono Jesus iogore eiamedu boei. 31Nou boe erore ta je erdure nou mako bokwareuge emagore duji, nou kana pegareuge nou pogora pegareuge epemegagodure duji, nou meru bokwareuge emerure duji, nou joku bokwareuge etaiwore duji. Nono &#269;a nou boe emago pemegare Pao Kurireuji. Egore: &#8211; Israel moto kejewu pawobe emeartorure jiwu Pao Kurireu ro pemegare pai rugadu.</div><div class="s">Jesus Ure Ia Boe Makareuge Enogwagedo Jamedu</div><div class="p"> 32Jesus makore nou ture jorduwadowuge etae. Nono &#269;a makore ei. Akore: &#8211; Inogudugodure awu boebo. Merire pobe metia bokware ei woe itabo. Woe boe eke bokware rugadu ewo ko. Itaidukare iwo etudo tuguri bioro tabo. Eragamodukare tumeruwo awaraji tuguri bioro tabo.</div><div class="p"> 33Nono &#269;a Jesus ure jorduwadowuge egore nou boe emagaie nono dukodire enaragodure nuba turomoduie nou boe maereuto boe eke bagai nou boe ekeje.</div><div class="p"> 34Jesus akore: &#8211; Nuba tage amireu rogure tu je?</div><div class="p">Egore: &#8211; Amireu oto padure sete. Kare kugure enowarore tu je.</div><div class="p"> 35Nono &#269;a Jesus makore nou boe ewo tumugudo moto keje. 36Nono &#269;a ure tugeragu nou sete amireuji nou kare kugurei jamedu. Nono &#269;a imadure Pao Kurireu apo nou amireu paru tabo nou kare kugure eparu tabo jamedu uwo nou amireu nou kare kugure eidodudo. Nono &#269;a ure kado puiato. Ure maku nou ture jorduwadowuge etai. Nono ere reko nou boe etae. Ere pedo boei rugadu. 37Nono &#269;a nou boe eiamedu boe enogwagere rugadu. Egarere pudui rugadu tuguredure duji. Nono &#269;a nou Jesus ure jorduwadowuge ere kadarabo korobadureugedo sete nou boe eke kobo tabo. 38Nou okwagereuge boe enodo padu kejeboere quatro mil ime. Aremere jamedu. Boe etore kugurere jamedu. 39Nono &#269;a Jesus makore nou boei etuwo. &#268;a ure taredo nou ika kurireuto. Nono &#269;a uture nou pobo maereu kajeje toro nou Magad&#227; ba kurireu ka.</div>
 </div>
 </div>
</div>

Ča ia fariseu doge etaregodure Jerusalém piji. Nouia jorduware bakaru jiwuge jamedu etaregodure Jerusalém piji jamedu tumagowo Jesusji. Ča enarare ji. Egore: – Kodiba atugarege enogwagere tugera rorogodu tabo? Emeartorukare nou jaoboe emagore jiboeji. Erokare nono jaoboe ero mogadure.
Jesus makogodure ei. Akore: – Kodiba tameartorukare Pao Kurireu makore jiboeji? Tagodure tu nou tameardae rekodaji. Ča Pao Kurireu akore: “Tameartorudo taoji, tajeji. Ča nou boe mako pegamode tuoji, tujeji tuwo epogurudo dukeje bitoduiago.” Ainore Pao Kurireu akore jawu tawobei. Mare tagi tare boe erduwado ia bataru tuginaiwuji boe ekawo tugera maku tuwo ai tuje ai. Tagagore imedu makomoduie tujeji tuoji tumodukaie tugera maku etai tumoduie toe maku Pao Kurireu ai kodi. Dukodire tumodukaie tugera maku tuwo ai tuje ai. Ainore boe eromoduie. Mare pagare egoino. Etaidukare tuwo tugera maku tuwo ai tuje ai dukodire egoino. Taigoiare tare boe egodo aino. Dukodire čare tagaidukare Pao Kurireu bataruji rugadu. Tameartorukare ji. Tagaidure tagoduwo tu nou tameardae rekodaji. Ča tamagore boei tawo boe erduwado. Mare tameartorukare tagagoino jiboeji. Tagodu pegare nou tagagoino jiboeji tarore jiboeji rugadu. Mariguduwu makore Pao Kurireu bataru jiwu Imedu Isaías mako pemegare. Makore ainore taromode rugadu duji. Akore:
– Pao Kurireu akore: “Awu boe emagore togwa tabo tumeartoruie i mare nou boe rugadu boe emeardae remawu ure tuginai rugadu toro imeardae piji rugadu. Awu boe ere tubu jodo tumago pemegawo i mare pagare egoino. Ere boe erduwado bakaruji. Egore iwadaruie. Mare pagare egoino. Ia tumagore jiwu bakaru jire nou boe egoino rugadu.”
Jesus makore boe makareuge etae ewo bato pui pudae. Akore: – Tawiapagado. Tarduwado. Nou tagwagemode jiboe umodukare tabegado Pao Kurireu jakai dukodire tawujedumodukare mugure tagabowu tago bakaru piji rugadu. Mare nou taiabijiwu tawadaru pegareu emare umode tabegado Pao Kurireu jakai dukodire tawujedumode mugure tagabowu tago bakaru piji rugadu jii toro rugadu.
Ča nou Jesus ure jorduwadowuge ere tuburedo ji. Egore: – Nou fariseu doge ekorigodure nou amagore čei jiboeji.
Ča Jesus makore pugeje. Akore: – Nou baru tadawu Iogwa ukare tuguwu iguru rugadu boe tawujedumode. Mare iguru ji karega inagoino. Nou fariseu doge eire inagoino. Dukodire tamororamagadukaba nou fariseu dogei. Eku bokware. Mare nou joku bokwareu iera bararemode nou timedia joku bokwareuji dukeje ei pobedu ewudumode nou boeiakoto. Mare eku bokwa ji karega inagoino. Emeardae pegare nou Pao Kurireu meardae remawu piji. Dujire inagoino.
Ča Pedro okwamagudure: – Čerduwado nou akagoino mariguduboe jiboeji čewiagai.
Jesus akore: – Kočare tagaora rakare tarduwagoduwo boe remawuji? Nou tagwagere jiboe utumode tagurito mare umode tudawuje tabiji. Mare nou umode tudawuje taiabijiwu tawadaru aregodumode nou tameardae piji. Nou inodu koiare umode boe epegado Pao Kurireu jakai dukodire etawujedumode to bakaru tadawu turo piji jii je. Du nou tameardae pegareu aregodumode tabiji rugadu. Nou umode boe ewidowu, nou jeribarimode toreduje pijiwu toredu pijiwu, nou umode turo pegareu tieribari tabowu, nou iwogureu, nou umode boe ekiripagadowu, nou mako pegamode timedia ro jiwu. Awu boe ero pegareu koiare umode boe epegado rugadu Pao Kurireu jakai dukodire etawujedumode to bakaru tadawu turo piji rugadu. Mare boe enogwagemode tugera rorogodutabo du umodukare boe epegado Pao Kurireu jakai.

Jesus ure tudawuje nou boe piji nono utu puredure nouia boe eda ka. Nou boe eda mugu puredure nou Tiro ba kurireuji, nou Sidom ba kurireuji jamedu. Ča nouia aredu cananeu kejewudo mugure nou moto kejewudo ure tuburedo Jesus ae. Ča kudugodure boe eiamedu boe emearduwo. Akore: – Ikimijera nure aki. Jawu boe eimijera kurireu Davi onaregedu nure aki. Ča akogududo itabo. Bope meture itonaregedu aredu tada. Ro pega kigodure ji dukodire boe pegare ji rugadu. Awo nou bope tawuje itonaregedu piji.
Mare Jesus makokare boeji. Dukodire čare ure jorduwadowuge etaregodu puredure ae. Ča egore: – Awu aredu utudo pabiji. Ukare boe kiorodo paregodaji.
Ča Jesus makogodure: – Imi itaregodure woe itaiwowo nou Israel doge egu ovelha okwareuge ewagai. Mare ovelha ji karega inagoino. Israel moto kejewu meartorukare Pao Kurireu jiwuge eire inagoino.
Ča nou aredu aregodure. Ča ure tubu jodo moto keje Jesus bure keje. Ča akore: – Akera maku inai.
Jesus akore: – Ukare turugadu boe ewo tore eke rogu tawuje epiji tuwo maku tagu ariga doge etai.
Ča aredu makogodure: – Boe rugadu. Mare ariga doge emode nou buture nou ira kudawu boe eke gigudu rugadu boe kowuje.
Ča Jesus akore aino nou areduji. Akore: – Aredu. Ameartoru kurire i rugadu. Nou akaidure bagaiboe todumode rugadu.
Ča kuri je nou aredu onaregedu pemegagodure rugadu.

Jesus ure tudawuje nou boe epiji. Nono uture toro nou Galiléia pobo maereu okwa ka. Nono Jesus kodure nou Galiléia pobo maereu okwaji. Nono ča ruture nouia tori ao ka. Ča ure tumugudo nono. Nono ča boe makareuge eture Jesus ae. Ere nou kogodureuge erego toro Jesus ae. Nou joku bokwareuge, nou mako bokwareuge, nou meru bokwareuge, nou pogora pegareuge, nou kana pegareuge, nou kogodureuge jamedu ere erego toro Jesus ae. Nono Jesus iogore eiamedu boei. Nou boe erore ta je erdure nou mako bokwareuge emagore duji, nou kana pegareuge nou pogora pegareuge epemegagodure duji, nou meru bokwareuge emerure duji, nou joku bokwareuge etaiwore duji. Nono ča nou boe emago pemegare Pao Kurireuji. Egore: – Israel moto kejewu pawobe emeartorure jiwu Pao Kurireu ro pemegare pai rugadu.

Jesus makore nou ture jorduwadowuge etae. Nono ča makore ei. Akore: – Inogudugodure awu boebo. Merire pobe metia bokware ei woe itabo. Woe boe eke bokware rugadu ewo ko. Itaidukare iwo etudo tuguri bioro tabo. Eragamodukare tumeruwo awaraji tuguri bioro tabo.
Nono ča Jesus ure jorduwadowuge egore nou boe emagaie nono dukodire enaragodure nuba turomoduie nou boe maereuto boe eke bagai nou boe ekeje.
Jesus akore: – Nuba tage amireu rogure tu je?
Egore: – Amireu oto padure sete. Kare kugure enowarore tu je.
Nono ča Jesus makore nou boe ewo tumugudo moto keje. Nono ča ure tugeragu nou sete amireuji nou kare kugurei jamedu. Nono ča imadure Pao Kurireu apo nou amireu paru tabo nou kare kugure eparu tabo jamedu uwo nou amireu nou kare kugure eidodudo. Nono ča ure kado puiato. Ure maku nou ture jorduwadowuge etai. Nono ere reko nou boe etae. Ere pedo boei rugadu. Nono ča nou boe eiamedu boe enogwagere rugadu. Egarere pudui rugadu tuguredure duji. Nono ča nou Jesus ure jorduwadowuge ere kadarabo korobadureugedo sete nou boe eke kobo tabo. Nou okwagereuge boe enodo padu kejeboere quatro mil ime. Aremere jamedu. Boe etore kugurere jamedu. Nono ča Jesus makore nou boei etuwo. Ča ure taredo nou ika kurireuto. Nono ča uture nou pobo maereu kajeje toro nou Magadã ba kurireu ka.

Sikiliza Mateus 15