Mistari Maarufu ya Biblia kutoka Nambase 14

Shirikisha

Dokona Kamongo kando kamba lao apiyanda pii napala yuu range wambu dupwa kando paka nalapape. Paka nao namwame nakama kapa mee manda rasi pyao anamasi minyarama. Kamongo doko namwa keta karapyamo dokome nakamana mee bange anatu lao lakandenge dupwa nyuo anamasi minyiyamo dokona lao namwa paka nao karamana, leyambi.

Namba Kamongo, doko waiya lao imbwa nao wambu dupwa ama mona reto yaki nyii nao koo pyuo mata jilyaminyipape kame sakamingi. Nakamana endangi rakangepe koo pingi dokona nambame ikinyipi wanengepe apusingi kauwangepe dupwa koo keta palyuo pyao randa mairu. Randa maiyuo nakamame para pyao wane manjo manjo paraminyi dupwa randa maiyuo piru, lee.

Dokona Kamongome namwa kando rae maira ramo doko baame namwa nyuo yuu dokona lanyuo papala yuu amenge pingi nenge malu andenge doko namwa jera.

Dopa piramopape nambana kendemande akali Kelepe banya mona wakale palyuo karo namba yaki nyii nange dokona baa yuu waa kando kandala peyamo dokona nambame baa lanyuo paro. Dokopa yuu dokona yuu angi lama lama dupwana Amaleke wambupi Kenane wambupi dupwa epapu palaminyi banya para pyaramo dupwana ingyara.

Dokona epapu nakambame nakama dopa lao isingi lamaiyuo, Namba Kamongo dopa leto. Nambame kinyi kinyi lalu lao lao, Mende pyakapili lao piso siminyili pyuo nakama keta pyakaro, leto.

Kamongome Mosese lamaiyuo, Yuu gii akipare nembo wambu dupwame namba mata joo yaki nyuo kaeyaramisi? Wambu dupwa keta nambame yulu kanda nange dupwa pipunupape yuu gii akipare wambu dupwame mona kana poko namba kapa ingingi lao suu pyaa naramisi?

Wambu dupwa Mosese Eronepa kando mumu lao lao, Yuu Isipi dokonape panda yuu muiyane karamano dakenape kumuyamali doko kapa ingyapyali.

Nanena ikinyingi Josua lengepe Kelepe Jepuna ikinyingipi yuu dokona waa kando kandala peyambinyi dolapome kondome kumapala nakambana komau minyuo kanguyambi. Kangupala dokopa wambu dupwa kando lamaiyuo, Namwa yuu kandala peyama kande doko ama keyange wakasa.

Dopa pirunupape namba lete karo nambana yanga paupau lenge renge doko yuu dakena pano silyamo dokona kinyi lengenyili pyuo lalu lao lao, Wambu dapwana mendemepe yuu dokona sukusa pao pali nara. Nakama nambana yanga paupau lenge renge dokome epo kendale piyasa kandeyaminyi dokope dee yuu Isipi dokonape yuu muiyane dokonape yulu mendeme pii nange dupwa piyunu kandeyami. Kandeyaminyipape nakamame nambana maka nange renge doko makande pipa pyuo nambana pii warombo see napala kamba leyami. Nambame nakamana rora ambasu dupwa yuu doko mairu lao lalu lao leyo dokona nakama paa narami. Nakamame namba mata jilyaminyi dupwana mendemepe yuu dokona kapa pao kara nara.