Mistari Maarufu ya Biblia kutoka Kini Pieke 27

Shirikisha

Koda꞉ma꞉ oli ya nanema꞉ ekepipida꞉ kitolo naka꞉ hama꞉manu ne tieke wina꞉e. Kutupa widi make waini ikali make wopu kina꞉e. Tutu manuta꞉ naka꞉ e pokaasa꞉ tapake haena꞉e. Kutupa wanda꞉hali neke pa꞉ta꞉ panda꞉puniaena꞉e. Naka꞉ tapake paeyao handeteke halena꞉e. Naka꞉ ama꞉na꞉ monduma꞉ monduma꞉ pa꞉la꞉ wekiwandikina꞉ wekiwandikima꞉ neke pa꞉ta꞉ panda꞉puniaena꞉e. Mo neke pa꞉ta꞉ esihou tunkilimi tapaketa꞉ esihou pa꞉ta꞉ haena꞉e. Kutupa neke epealimi wanda꞉halita꞉ iki make epeaasa꞉eki mina꞉e laa leekeme.

Isoma꞉ alota꞉ Dota꞉ ipika꞉ hoto yaapo peao I̱ makeala꞉me. Koto ekina꞉ ipika꞉ biki Dieikopeta꞉ ota꞉ ana꞉piki tupa꞉ laa pimika꞉ta꞉me. Ipikana꞉ma꞉ta꞉ yaka mupeke wekina꞉ anke teke mulu poloeki make mea ameta꞉ yaka epeaasa꞉eki make mea pua pika꞉ta꞉me. Koto ekina꞉ I̱ta꞉ epeaasa꞉eki ma꞉nda꞉ na panka꞉ wialepe leekeme.

Kota꞉ Aisa꞉kema꞉ ipiki pa꞉ta꞉ alota꞉ Oli ya nanema꞉ ekepipida꞉ neke ma꞉nda꞉ na kina꞉e. Kenke epeke wiki hama꞉ ma꞉nda꞉ dia꞉me. Neketa꞉ naka꞉ bainasi yaapo hao pelipikie. Pate neketa꞉ naka꞉ kamena꞉ pa hameke e pokaasa꞉ hali halipikie. Kutu pulu pa꞉la꞉pate wetepena꞉ a꞉nda꞉ liata꞉ mo ipika꞉ handeteke halia꞉eki pendulu bao pelipikie leekeme.

Koto leekepate kone Isoma꞉ta꞉ ateke pa꞉ta꞉ honke ombu alo hata꞉ alota꞉ Apa꞉o. Mo epeaasa꞉eki homeke siki make ota꞉ ma꞉nda꞉ na wilipe. Apa꞉o. I̱ make epeae alo hata꞉ e̱ leekeme.