Mistari Maarufu ya Biblia kutoka Yohani 10

Shirikisha

Ʉmhɨɨji ikwisa nʉ vʉfumbue ʉvwa kʉhɨɨja, kubuda na kunangania. Ʉne nisile kuuti avaanhu vaave nʉ vwʉmi, ʉvwʉmi ʉvʉkwɨlanɨfu.

“Ʉne nɨlɨ nʼdɨɨmi nnofu. Ʉnʼdɨɨmi ʉnnofu, ikutavʉla kufua vwɨmɨla ingʼholo saake.

Ingʼholo sango sipʉlɨka ɨlɨsio lyango, na jʉʉne nɨsikagwile, soope sikʉmbɨngɨlɨla.

Nɨkʉsipeela ʉvwʉmi ʉvwa kʉvʉsila kʉsila, nasilasova lʉsiku. Kange, nakwale ʉmuunhu ʉghwa kʉsivʉsia mʉ mavoko ghango.

Ʉne neene mʉlyango, ʉmuunhu jʉno ikwingila kukilila ʉne, ipokua. Kukilila ʉne ikwingilagha na kuhʉma na kuuva nɨ kyakʉlia.

Ʉne nɨlɨ nʼdɨɨmi nnofu. Ingʼholo sango nɨsikagwile, soope singʼhagwile

ɄNhaata ghwango jʉno amheliile ingʼholo isio, mʼbaha kukila vooni, kange nakwale ʉmuunhu jʉno ndepoonu ɨkʉsivʉsia mʉ mavoko ghaake. Ʉne nʉ Nhaata tʉlɨ jʉmo.”

ndavʉle ʉNhaata vʉle angʼhagwile ʉne, na jʉʉne vʉle nɨnkagwile ʉmwene. Ʉne nikutavʉla kufua vwɨmɨla ingʼholo.

Nakwale ʉmuunhu jʉno ndepoonu ivʉsia ʉvwʉmi vwango. Ʉne nitavwile jʉʉne kufua. Ʉne nɨlɨ nʉ vʉtavʉlɨlua ʉvwa kʉvʉsia ʉvwʉmi vwango, kange nɨlɨ nʉ vʉtavʉlɨlua ʉvwa kʉvʉgomosia. Ʉluo lwe lʉno ʉNhaata ghwango andaghiile nɨvombe.”

Pe ʉYesu akavavʉʉla kange akati, “Kyangʼhaani nɨkʉvavʉʉla, ʉne neene mʉlyango ghwa lʉvagha pano sikwingilila ingʼholo.

Ʉmuunhu jʉno idɨɨma ingʼholo vwɨmɨla ʉlʉhombo, ʉjuo nanʼdɨɨmi ghwa ngʼholo, kange ingʼholo nasaake, angavone ɨngʼhekeeva jikwisa, ikɨmbɨla na kʉkʉsileka ingʼholo seene. Pe ɨngʼhekeeva jikwalʉkɨla ingʼholo na kupalasania.

ɄYesu akafijovagha akatisagha, “Kyangʼhaani nɨkʉvavʉʉla, ʉmuunhu jʉno ikwingila mʉ lʉvagha lwa ngʼholo kɨsila kʉkilila pa mʉlyango, neke ikilila pavʉnge, ʉjuo mhɨɨji kange mhɨjimʼbudi.