Mistari Maarufu ya Biblia kutoka Yohani 11

Shirikisha

ɄYesu akamʼbʉʉla akati, “Ʉne neene lʉsyʉko kange neene vwʉmi. Jʉno ɨkʉnyɨtɨka ʉne, nambe afue, iiva mwʉmi. Ghwope ʉmwʉmi jʉno ɨkʉnyɨtɨka ʉne, naangafue lʉsiku. Lɨno ghukwɨtɨka isio?”

ɄYesu akamʼbʉʉla akati, “Nanɨveele nɨkʉvʉlile kuuti ʉngɨtɨke, ghʉkʉvwagha ʉvʉvaha vwa Ngʉlʉve?”

ɄYesu akalɨla.

ɄYesu ye apʉliike ɨmhola ɨjio akati, “Ɨnhamu ɨjio najɨkʉmpelela ʉLasali kuuti kufua kwa mwene vwe vʉsililo vwake, looli jɨmwaghile kuuti avaanhu vavʉvone ʉvʉvaha vwa Ngʉlʉve, neke ʉMwana ghwa Ngʉlʉve aghinisivue kukilila ɨnhamu ɨjio.”

ɄYesu ye ajovile isio, akakemeela fiijo akati, “Lasali, hʉma kʉnji kʉno!” Pe ʉLasali ʉmfue, akahʉma kʉnji, amaghʉlʉ na mavoko ghaake ghaniengelilue nɨ sanda, kʉ maaso apinyilue nɨ kɨtambala. ɄYesu akavavʉʉla akati, “Mʉmhʉdʉle, mʉmʉleke alʉtaghe.”

ɄYesu ye ajiighe ipumuka mʉ mwojo ghwake, akafika pa mbiipa. Ɨmbiipa ɨjio jɨlyabughulue na kudindua nɨ lɨvue ɨlɨkome.

ɄYesu ye amalile kujova isio, akavavʉʉla avavʉlanɨsɨvua vaake akati, “Ʉmmanyaani ghwitu ʉLasali aghoneliile, neke nilʉta kʉkʉnsisimula.”