Mistari Maarufu ya Biblia kutoka Markus 16

Shirikisha

Bhi satt mwopp le, “Wu dum koohneeh dhighin yill ni wu satt Pwoo'wurett ni gurum mwopp weett.

Bii'kattshiiy mhize mwopp p'ee dhen kihshag kihh mwooh mwopp pihhzeenn: Mwopp p'ee pwat kihh mumullung mwopp dhighin shumm nah; mwopp p'ee kadpwoo sh'i liiss wu'pwooh; Mwopp p'ee mak kok w'oo sh'i sarr ruh; yakhal mihh mwopp shwaa m'ee yentuh, bhi baah nyi p'ee sh'in mee'bii mwopp mou; mwopp p'ee l'e sarr ruh kih mhi'shwal mwopp, bhi mhi'shwal ni mwopp p'ee kad kakhamm.”

Kapp gwooh pihhzeenn, harr mwopp sh'in baptisma nyi, bhi nyi p'ee kad bh'am, dhangg gwooh pihhzeenn mou, bhi Naan p'ee shandyeell gwoh ni.

Yakhal nhighin bhi zheppkamm khinyi mwopp kihh pwat duam y'aa satt pwooNaan koohneeh, bhi Daah Jesu kihh sh'in dhakk kihshag kihh mwopp, kihh kammzeenn mhi pwoo keeniy ni sh'i bii'aapwoo w'u kihh sh'in dhighin mwopp.

Bhi l'aa wuhyah ni satt mwopp le, “Tapp khighiy shwat wunn mou, wunn phi lyap a Jesu Gu-Nazaret w'u deh mwopp pwas shisihng? T'o, baa yakhal! Nyi se dyi mou. Wu naah pee w'u deh mwopp dhen nyi diy s'ang.

Kaarooh mwopp eep yit ru naahpee diy phi kihshirr ni, bhi mwopp naah kad gag elleng ni a wu bhi-byit lhi'baa. Kaarooh mwopp dhel dhighin kihshirr ni, bhi mwopp naah m'ee l'aa wuyyaah kihh looh wu'pyaah pengg-pengg kihh tong koghob sarrsoh, bhi bhaann chaat bwut mwopp pwetd.