Mistari Maarufu ya Biblia kutoka Éxodo 7

Shirikisha

Jich yu'un te Cajwaltic la yalbey xan te Moisés: —Ya calbat, jich me ya xc'oat cu'un te bit'ilon ta stojol faraón. Te abanquil Aarón jich me ya xc'ot awu'un te bit'il j'alwanej ta sc'asesel te ac'ope.

Ja'uc me to, ya me cac' xtulanajuc yo'tan ta lec te faraón, yu'un ya me jpasbey bayal ta jchajp señailetic ta stojol. Te faraón ma me xyaiybat stojol ac'opic. Ja'uc me to, ya me xtal te yip cu'el ta stojol te Egipto, soc muc'ul jchajp señail ta swenta castigo. Jich me ya xloc' bael te lum cu'une, ja' te israeletique.

Te bit'il ya cac' ta ilel cu'el ta Egipto, soc te bit'il ya xloc' bael cu'un te israeletique, te egipcioetic jich me ya sna'ic te jo'on Ajwalilone —xi' te Diose.

Te faraón la yic' tel te p'ijil winiquetic yu'un te ay bitic ya xju' yu'unic spasele, jich la spasic uuc. Juju-jtul la xch'ojic coel ta lum te sbastonique, spisil c'atp'ujic ta chan te sbastonique. Te sbastón Aarón la sbic' bael te bastonetic yu'un te p'ijil winiquetique.

Jich yu'un tey me ya ana' yo'tic a te ja' mero Ajwalil stuquele: Te ya jmaj ta muc'ja' soc te jbastón jtsacoj ta jc'abe, ya me xc'atp'uj ta ch'ich' te ja'e.

—Teme ya sc'anbat jchajp señail te faraón, albeya te Aarón ac'a xch'oj coel ta lum te sbastón ta stojol te faraón, ya me xc'atp'uj ta chan —xi' te Diose. Te Moisés soc te Aarón ba sc'oponic te faraone. Jich la spasic te bit'il la yal mandal te Cajwaltique. Te Aarón la xch'oj coel ta lum te sbastón ta stojol faraón soc te sjo'tac ta at'ele, te bastón c'atp'uj ta chan.