Mistari Maarufu ya Biblia kutoka John 16

Shirikisha

“Anau ekakala aku okou penei, pela okou isuꞌui manau inoho laoi. Keualoko okou enoho iloko kemaalama nei, naola okou mehainakaa. Ia okou isekipuaina. Maikinimea namahi anau elaꞌa iluna namahi kemaalama nei.”

Ia keualoko Keanana hamaoni la mehaele iho, kama la mehuli aku okou namea hamaoni la hakoa. Kama la mesehuli aku nakakala aia soia. Kama la meme aku okou hea aia elono Keakua ekakala la. Imakino okou namea meiapihi mai imuli.

Imua, okou seainoa aꞌe Kamana nimea i kemale anau. Ia vahonei, okou iainoa aku nia okou hihai, kena okou meiko namela, pela okou mehihia hamaoni.

Ia anau ekakala aku okou kehamaoni. Kaualeꞌa pela anau ihaele ikaha maꞌokou. Maikinimea, poi anau ehaele ikaha maꞌokou, kena anau mehaunalia iho kelaa kama ihapoꞌi okou la. Kena kama la mehaele iho nonoho maꞌokou. Kena keualoko kama la mehaele iho, kama la meihuli aꞌe nakama kemaalama nei nahaisala lakou la. Imakino lakou nakipukipu ekonu, ia imakino lakou hoi pela Keakua mehakonukonu namea hakoa.

Ia okou eme pela hoi. Okou amealoha vahonei. Kena imuli, anau mevaꞌai mai noꞌike okou, ihihia hakoa. Ia selavaa hekama keko kehihia la ikaha maꞌokou. Keualoko la, okou mesevasisili mai anau. Anau eme aku okou kehamaoni. Okou iainoa aꞌe Kamana anau la i kemale anau, kena kama la meihoꞌi aku okou.

Anau eme aku okou kehamaoni. Okou meialoha nokani hamaloa. Ia nakama kemaalama nei meihihia oia. Okou meialoha, ia kealoha okou meihuli sia nohihia.