Mistari Maarufu ya Biblia kutoka ယောဟန် 19

Shirikisha

ယေရှု​သည် ထို​ချဉ်သော​စပျစ်ဝိုင်​ကို မြည်းစမ်းတော်မူ​ပြီးမှ “အမှု​ပြီးပြီ” ဟု မိန့်တော်မူ၏။ ထို့နောက် ဦးခေါင်းတော်​ငိုက်​၍ အသက်​ချုပ်တော်မူ၏။

ယေရှု​သည် အမှု​အလုံးစုံ ပြီးစီးကြောင်း​ကို သိတော်မူ​သဖြင့် ကျမ်းစာ​၌ ဖော်ပြထားသည့်​အတိုင်း ဖြစ်လာ​စေရန် “ငါ​ရေငတ်သည်” ဟု မိန့်တော်မူ၏။

ထိုအခါ ယေရှု​သည် မယ်တော်​နှင့် မယ်တော်​၏​အနီး​တွင် မိမိ​ချစ်တော်မူသော​တပည့်တော်​ရပ်နေသည်​ကို တွေ့မြင်တော်မူ​သောအခါ “မယ်တော်… ဤ​သူ​သည် သင်​၏​သား​ပင် ဖြစ်၏” ဟု မိန့်တော်မူ၏။ ထို့နောက် ထို​တပည့်တော်​အား “ဤ​အမျိုးသမီး​သည် သင်​၏ မိခင်​ပင် ဖြစ်၏” ဟု မိန့်တော်မူ၏။ ထို​အချိန်​မှ​စ​၍ ထို​တပည့်တော်​သည် ယေရှု​၏ မယ်တော်​ကို မိမိ​အိမ်​၌ ခေါ်ထားလေ၏။

ယေရှု​ထံတော်သို့ ရောက်​သောအခါ အသက်​ချုပ်တော်မူပြီ​ဖြစ်ကြောင်း​ကို မြင်​သဖြင့် ခြေ​ကို မချိုးဘဲ ထားကြ၏။ သို့သော်လည်း စစ်သား​တစ်ဦး​သည် ယေရှု​၏​နံဘေးတော်​ကို လှံ​ဖြင့် ထိုး​ရာ သွေး​နှင့်​ရေ စီးထွက်လာ၏။

ဤသို့​ဖြစ်ပျက်ရခြင်း​မှာ “သူ​၏ အရိုး​တစ်ချောင်း​မျှ မကျိုးစေရ” ဟူ၍ ကျမ်းစာ​တွင် ဖော်ပြထားသည့်​အရာ ဖြစ်လာ​ရန်​ပင်​ဖြစ်၏။ အခြား​ကျမ်းပိုဒ်​၌လည်း “ထို​သူတို့​သည် မိမိတို့​ကိုယ်တိုင် လှံ​ဖြင့် ထိုးထားသော​သူ​ကို ကြည့်ကြ​လိမ့်မည်” ဟု ဖော်ပြထား၏။

ကိုယ်တော်​သည် လက်ဝါးကပ်တိုင်​ကို ကိုယ်တိုင်​ထမ်း​၍ ဦးခေါင်းခွံ​ဟု ခေါ်ဆိုသော​အရပ်​သို့ ကြွတော်မူ၏။ ထို​အရပ်​ကို ဟေဗြဲဘာသာ​ဖြင့် “ဂေါလဂေါသ” ဟု ခေါ်ဆို၏။

စစ်သားများ​သည် ဆူးခက်​ကို သရဖူ​အဖြစ် ရစ်ခွေ​ပြီး ယေရှု​၏ ဦးခေါင်းတော်​၌ ဆောင်းစေ​၍ ခရမ်းရောင်​ဝတ်ရုံ​ကိုလည်း ခြုံစေကြ၏။