Mistari Maarufu ya Biblia kutoka يُوحَنَّا 21

Shirikisha

وَ وَكِتْ فَطَرَوْا خَلَاصْ، عِيسَى سَأَلْ سِمْعَانْ بُطْرُسْ وَ قَالْ: «سِمْعَانْ وِلَيْد يُوحَنَّا، تِحِبِّنِي مَحَبَّةْ شَدِيدَةْ زِيَادَةْ مِنْ الْآخَرِينْ وَلَّا؟» وَ سِمْعَانْ بُطْرُسْ رَدَّ لَيَّهْ وَ قَالْ: «أَيْوَى سَيِّدْنَا، تَعَرِفْ نِحِبَّكْ.» وَ عِيسَى قَالْ لَيَّهْ: «أَسْرَحْ بِحُمْلَانِي.» وَ مَرَّةْ تَانِيَةْ سَأَلَهْ وَ قَالْ: «سِمْعَانْ وِلَيْد يُوحَنَّا، تِحِبِّنِي مَحَبَّةْ شَدِيدَةْ وَلَّا؟» وَ سِمْعَانْ بُطْرُسْ رَدَّ لَيَّهْ وَ قَالْ: «أَيْوَى سَيِّدْنَا، تَعَرِفْ نِحِبَّكْ.» وَ عِيسَى قَالْ لَيَّهْ: «أَسْرَحْ بِغَنَمِي.» وَ مَرَّةْ تَالْتَةْ عِيسَى سَأَلَهْ وَ قَالْ: «سِمْعَانْ وِلَيْد يُوحَنَّا، تِحِبِّنِي وَلَّا؟» وَ بِقِي لِسِمْعَانْ بُطْرُسْ قَاسِي بِلْحَيْن أَشَانْ تَلَاتَةْ مَرَّاتْ عِيسَى سَأَلَهْ وَ قَالْ: «تِحِبِّنِي وَلَّا؟» وَ بُطْرُسْ رَدَّ لَيَّهْ وَ قَالْ: «سَيِّدْنَا، تَعَرِفْ كُلَّ شَيّءْ. وَ تَعَرِفْ نِحِبَّكْ.» وَ عِيسَى قَالْ لَيَّهْ: «أَسْرَحْ بِغَنَمِي.

أَسْمَعْ نُقُولْ لَيْك الْحَقّ، وَكِتْ إِنْتَ صَغَيَّرْ، إِنْتَ رَبَطْت صُلْبَكْ وَ مَشَيْت مِثِلْ دَوَّرْتَهْ. لَاكِنْ وَكِتْ تَبْقَى كَبِيرْ، تِمِدّ إِيدَيْنَكْ وَ نَادُمْ آخَرْ يَرْبُطَكْ وَ يِوَدِّيكْ فِي بَكَانْ الْإِنْتَ مَا تِدَوْر تَمْشِي فَوْقَهْ.»

وَ قَالْ لَيْهُمْ: «أَزْقُلُوا شَرَكُّو فِي النُّصّ الزَّيْنَايْ هَنَا الْمَرْكَبَةْ وَ تَكُرْبُوا حُوتْ.» وَ زَقَلَوْا شَرَكْهُمْ وَ كَرَبَوْا حُوتْ كَتِيرْ لَحَدِّي مَا قِدْرَوْا كَرَّوْه فَوْق فِي الْمَرْكَبَةْ.

وَ سِمْعَانْ بُطْرُسْ حَجَّى لَيْهُمْ وَ قَالْ: «أَنَا نَمْشِي نِحَوِّتْ.» وَ قَالَوْا لَيَّهْ: «نَمْشُوا مَعَاكْ.» وَ مَرَقَوْا وَ رِكْبَوْا فِي الْمَرْكَبَةْ وَ لَاكِنْ طُولْ اللَّيْل مَا كَرَبَوْا شَيّءْ.