Mistari Maarufu ya Biblia kutoka Yohanɛɛsɩ 2

Shirikisha

Ḿbʋ́ Yesu labɩ ɛ-kajalaɣ hama lakasɩ. Kana tɛtʋ ndʋ́ tɩwɛ Galilee egeetiye taa yɔ, tɩ-taa ɛlabɩ-sɩ. Ḿbʋ́ ɛwɩlɩnɩ e-ɖoŋ koboyaɣ ñɩŋ nɛ ɛ-tɔmkpɛlɩkɩyaa wɛnɩ lidaʋ ɛ-yɔɔ.

Yesu cosi-i se: «Halʋ! Pɩtɛkɛ ñeheyiɣni-m mbʋ́ pʋwɛɛ se mala yɔ. Ma-alɩwaatʋ tatalɩda.»

Pɩkɛdaa lɛ, Yesu heyi tʋmlaɖaa se polu lɩm nɛ papɩyɩ a-taa nɛ pusu. Peeɖe paba luwa nɛ pusu a-taa ɖo. Pɛtɛma lɛ, eheyi-wɛ se pocozi lɩm ḿbʋ́ pazɩ nɛ powoni pɛcɛlɩ halɩkpaɣyɛ kazandʋ yɔɔ cɔnɩyʋ nɛ ɛɖɩŋ. Ɛlɛ́, pala ḿbʋ́ ɖɔɖɔ.

Yesu cosi-wɛ se: «Yee ɩyɔkɩ Ɛsɔ ɖɩɣa kanɛ yɔ, mamaɣ-kɛ nɛ kɩyakɩŋ naadozo.»

Peeɖe ɛkpaɣ nimee nɛ ɛlʋʋ ɛgbazɩyɛ nɛ ɛɖɔɔnɩnɩ-wɛ ka-taa, pa nɛ pe-heŋ nɛ pa-naŋ nɛ pese palɩɩ nɛ piyele etuzi pa-taabɩlɩnaa ɛpɛɖɩ nɛ liidiye mɩzɩ. Ɛlɛ́, eheyi halikukunaa pɛdɩyaa se: «Ɩkpaɣ mɩ-halikukunaa nɛ ɩɖɛɛ lɔŋ. Ɩtaapɩsɩ man-Caa ɖɩɣa kɩyakʋ.»