Mistari Maarufu ya Biblia kutoka Fe Fɔlɔ Fɔlɛ 27

Shirikisha

Ala xa xini fi i ma naxan kelima koore ma. Ala xa bɔxi daxamui fi i ma. Ala xa barakɛ sa i xa xɛ ma. Ala xa wɛni gbegbe fi i ma. Ala xa ɲama birin lu i sagoe. Ala xa si birin magoro i bɛ. I xa findi i ngaxakerenyie xa yarerati ra. E birin xa e magoro i bɛ. Mixi yo na i danka, na dankɛ xa gbilen a kanyi ma. Mixi yo na duba i bɛ, Ala xa barakɛ sa na kanyi ma.»

Esayu naxa a fala, «A xili yati na a xun ma, Yaxuba, ‹mixi mayanfɛ›. A sanmaya firin nan ya a n mayanfama. A bara n ma foriɲa tide tongo. Yakɔsi a bara n ma dubɛ fan sɔtɔ.» Esayu man naxa a maxɔrin, «Dubɛ yo mu na i yi ra sɔnɔn, i lan i xa naxan naba n tan bɛ?»

A baba Isiyaga naxa a yaabi, «A kolon, i mu fama bɔxi daxamui sɔtɔde, a nun xini naxan kelima koore ma. I baloma i xa santidɛgɛma nan xun na. I fama walide i xunya xa nɔɛ nan bun ma, kɔnɔ yare i fama i yɛtɛ sɔtɔde. A na nɔɛ naxan sa i ma, i tondima nɛ a ra.»

Esayu naxa a fala a baba bɛ, «Dubɛ keren peti nan na i yi ra? N baba, duba n tan fan bɛ.» A naxa wa a xui itexi ra.