RIPHUTNA THUMAVÂN
THUMAVÂN
Genesis chu “Riphutna” “Thilbul” itina a nit. Hi lekhabu a hin rinêng neh rivân siam thu hei, miriam hong om phut thu hei, sual neh dengthei riphutna thu hei neh Pathianin miriamhei a enkol dân thurchi a isîr a nit. Genesis bu hih thu lompui buk inika ṭhen thei a nit.
1. Bung 1-11: Hi bungah hin rammual siam thu neh miriamhei hong riphut dân thurchi a bîkin Adama neh Evi, Kaina neh Abela, Nova neh Tui liansâng thu hei, Babel In risâng sin thu hei ai chuang a nit. 2. Bung 12-50: Hi bungah hin Israel richibulhei thurchi ai chuang a nit. Pathian iiam ngit a, a thu zôm mai ngai Abrahama thurchihei, a naipa Isaka thurchihei, Jakoba thurchihei a chuang a. Jakoba kha Israela iti a nit sa ngai a, a nai pasal sômleiinikahei kha Israel nam sômlei nam inikahei lupuihei an nit. A naihei lâiah Josefa chungchâng sui bîkna hei, Jakoba neh a nai danghei Aigupta rama an zu om tak dân thurchi ai chuang a nit.
Hi lekhabu hih mi dang dang thurchi suina angkan ilang khom sela, Pathian thiltho dân suina ai nit a nit. Pathianin rinêng neh rivân hi ai siam a nit itin a phut a, Pathianin a mihei a ngaisak zui mai rang inkungna thun ai mong a nit. A bu pumpuia ân lâr tak chu Pathian a nit a; ani khan a miriam siamhei chungah roi a rêl a, ṭhat a vur a, an isualin kuttum a tho a, a kâiruai a, a ṭangpui a, an om dân rang ai rêl infel pêk riai a nit. Hi tianlâi lekhabu hih mihei iamna thurchi riatmaina rang neh kha iamna khah inring maia a om theina ranga riziak a nit.
A sunga thu tlângpui
Rinêng neh rivân neh miriam siam thu 1:1—2:25
Sual neh dengthei riphutna 3:1-24
Adama ata Nova 4:1—5:32
Nova neh Tui liansâng 6:1—10:32
Babel In risâng 11:1-9
Sema ata Abrama 11:10-32
Chibulhei Abrahama, Isaka, Jakoba 12:1—35:29
Esauva richihei 36:1-43
Josefa neh a urênghei 37:1—45:28
Israelhei Aigupta ramah 46:1—50:26
Iliyochaguliwa sasa
RIPHUTNA THUMAVÂN: BIATBSI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible Society of India
© 2014, Used by permission. All rights reserved. More