2 Wathesalonike Utangulizi

Utangulizi

Waraka huu uliandikwa miezi michache tu baada ya ule wa kwanza. Baadhi ya watu walikuwa wamemwelewa vibaya Paulo, au waraka mwingine wa bandia uliosemekana kuwa ulitoka kwa Paulo ulikuwa umewafadhaisha Wathesalonike kuhusu kurudi kwa Isa. Paulo aliandika waraka huu ili kuwakumbusha yale aliyokuwa ametangulia kuwafundisha, akiwahakikishia waumini kuwa Al-Masihi atarudi kuwafariji waliomwamini na kuwaadhibu wale waliokuwa wakiwatesa. Aliwaambia kwamba siku ya Mwenyezi Mungu, yaani siku ya hukumu, haingewafikia mara moja, bali ingetanguliwa na matukio mbalimbali. Wakifahamu kuwa hakika Al-Masihi angerudi, iliwapasa waumini kuishi maisha matakatifu yasiyo na lawama.

Mwandishi

Mtume Paulo.

Kusudi

Kuondoa mkanganyiko kuhusu kuja kwa Isa Al-Masihi mara ya pili.

Mahali

Korintho.

Tarehe

Mnamo 51–52 B.K.

Wahusika Wakuu

Paulo, Silvano na Timotheo.

Wazo Kuu

Kuwafariji Wathesalonike kwa ajili ya mateso, na kuwahimiza waishi maisha ya kumtukuza Mwenyezi Mungu.

Mambo Muhimu

Kurudi kwa Isa Al-Masihi, na kuwaonya waumini wasiache kufanya kazi.

Yaliyomo

Faraja kutokana na kurudi kwa Al-Masihi (1:1-12)

Matukio kabla ya kuja kwa siku ya Mwenyezi Mungu (2:1–3:5)

Mausia ya wafuasi wa Al-Masihi, na kuwatakia heri (3:6-18).

Iliyochaguliwa sasa

2 Wathesalonike Utangulizi: NENO

Kuonyesha

Shirikisha

Nakili

Je, ungependa vivutio vyako vihifadhiwe kwenye vifaa vyako vyote? Jisajili au ingia

Neno: Maandiko Matakatifu™ NMM™

Imetumiwa kwa ruhusa.

Haki zote zimehifadhiwa duniani kote.

Kiswahili Contemporary Scriptures™

Jifunze Mengi Kuhusu Neno: Maandiko Matakatifu 2024