Yona Utangulizi

Utangulizi

Jina Yona maana yake ni “Hua”. Kitabu hiki kinaelezea yale yaliyomtokea Yona kama mjumbe wa Mwenyezi Mungu. Yona alikuwa ameagizwa na Mwenyezi Mungu aende kuwaonya watu wa Ninawi juu ya hukumu iliyokuwa inakuja. Alijaribu kumkimbia Mwenyezi Mungu na kuelekea Tarshishi, upande wa magharibi wa Israeli badala ya kuelekea Ninawi iliyokuwa kaskazini mashariki. Yona alitupwa baharini akamezwa na samaki mkubwa sana ambaye alimtapika pwani ya mashariki mwa Bahari ya Kati (Mediterania). Hatimaye alikwenda Ninawi na kuwaonya watu kuhusu hukumu ya Mwenyezi Mungu na watu wa Ninawi walitubu. Badala ya kufurahia jambo hili, Yona alihuzunika na kuvunjika moyo kwa sababu Mwenyezi Mungu alionesha rehema na kughairi hukumu dhidi ya watu wa Ninawi.

Mwandishi

Yona mwana wa Amitai.

Kusudi

Kuonesha ukuu wa rehema za Mwenyezi Mungu na wokovu kwa mwanadamu. Pia, kuonesha jinsi ambavyo mwanadamu hawezi kukimbia wito wa Mwenyezi Mungu.

Mahali

Inaweza kuwa Israeli au Ninawi.

Tarehe

Inadhaniwa kuwa mnamo 785–760 K.K.

Wahusika Wakuu

Yona, nahodha wa meli na mabaharia, mfalme wa Ninawi, na Waninawi wote.

Wazo Kuu

Ukuu wa rehema za Mwenyezi Mungu.

Mambo Muhimu

Rehema za Mwenyezi Mungu na upendo wa Mwenyezi Mungu kwa watu wote.

Yaliyomo

Yona amkimbia Mwenyezi Mungu (1:1-17)

Maombi ya Yona na kuokolewa (2:1-10).

Yona aenda Ninawi (3:1-10)

Hasira ya Yona kwa ajili ya huruma ya Mwenyezi Mungu (4:1-11).

Iliyochaguliwa sasa

Yona Utangulizi: NENO

Kuonyesha

Shirikisha

Nakili

Je, ungependa vivutio vyako vihifadhiwe kwenye vifaa vyako vyote? Jisajili au ingia

Neno: Maandiko Matakatifu™ NMM™

Imetumiwa kwa ruhusa.

Haki zote zimehifadhiwa duniani kote.

Kiswahili Contemporary Scriptures™

Jifunze Mengi Kuhusu Neno: Maandiko Matakatifu 2024