Obadia Utangulizi

Utangulizi

Jina Obadia lina maana ya “Mtumishi wa Yehova.” Habari za nabii Obadia hazipatikani popote nje ya kitabu hiki. Unabii wa kitabu hiki unahusu hukumu ya Mwenyezi Mungu dhidi ya taifa la Edomu, na kukomeshwa na kuangamizwa kwa taifa hilo kwa sababu ya kiburi na udhalimu wake. Waedomu, waliokuwa uzao wa Esau, walijivunia usalama katika ngome zao kwenye Mlima Seiri, kusini mwa Bahari ya Chumvi. Askari wao walitumika katika jeshi la Nebukadneza baada ya Yerusalemu kutekwa na kuteketezwa mnamo 587 K.K. Waedomu waliwadharau watu wa Yuda, na hawakuwasaidia walipopatwa na mikasa ya kuvamiwa na kupigwa na majeshi ya kigeni. Mwanzoni mwa karne ya tisa, Waedomu wenyewe walishiriki zaidi ya mara nne kuiteka Yerusalemu.

Mwandishi

Obadia.

Kusudi

Kudhihirisha hasira kuu ya Mwenyezi Mungu na hukumu yake dhidi ya Waedomu.

Mahali

Yerusalemu.

Tarehe

Inadhaniwa kuwa mnamo 605–586 K.K.

Wahusika Wakuu

Waedomu.

Wazo Kuu

Hukumu ya Mwenyezi Mungu dhidi ya Waedomu.

Mambo Muhimu

Dharau, kiburi na udhalimu wa Waedomu na hukumu ya Mwenyezi Mungu kwao.

Yaliyomo

Maangamizi ya Edomu (1-14)

Kurejeshwa kwa Israeli (15-21).

Iliyochaguliwa sasa

Obadia Utangulizi: NENO

Kuonyesha

Shirikisha

Nakili

Je, ungependa vivutio vyako vihifadhiwe kwenye vifaa vyako vyote? Jisajili au ingia

Neno: Maandiko Matakatifu™ NMM™

Imetumiwa kwa ruhusa.

Haki zote zimehifadhiwa duniani kote.

Kiswahili Contemporary Scriptures™

Jifunze Mengi Kuhusu Neno: Maandiko Matakatifu 2024