Mithali Utangulizi

Utangulizi

Neno la Kiebrania “Mashal” ndilo lililotafsiriwa “Mithali”; lina maana nyingine zaidi, yaani “Mapokeo”, “Mafumbo”, au “Semi za hekima”. Hivyo, kitabu cha Mithali ni mkusanyiko wa semi nyingi za hekima, busara, na mambo yanayohusu haki katika maisha ya kila siku katika jamii.

Kitabu hiki kimejaa mafundisho yenye mafumbo yaliyokuwa ya kawaida katika mazingira ya Mashariki ya Kati nyakati zile. Mambo ya hekima yaliyo katika kitabu hiki ni ya kipekee sana kwa sababu yameelezwa kwa mtazamo wa Mwenyezi Mungu kwa kutumia vigezo vya haki. Kitabu cha Mithali kimekuwa tunu na msaada mkubwa katika kutoa mafundisho ya kuwaongoza watu kutenda mambo kwa hekima na busara.

Kama vile Daudi alivyo chimbuko la Zaburi katika Israeli, ndivyo Sulemani alivyo chimbuko la hekima katika Israeli (1:1; 10:1; 25:1).

Mwandishi

Inadhaniwa kuwa mwandishi ni zaidi ya mtu mmoja: Sulemani, Aguri mwana wa yake, Mfalme Lemueli, na wenye hekima ambao majina yao hayakutajwa. Maandishi yalikusanywa na kuwekwa pamoja wakati wa Mfalme Hezekia.

Kusudi

Kuwafundisha watu jinsi ya kupata hekima, kuishi maisha ya uadilifu, kutenda haki, na jinsi ya kutambua tofauti kati ya wema na uovu, kweli na uongo, hekima na upumbavu; kuwaelekeza na kuwahimiza watu kuishi maisha ya kumtii Mwenyezi Mungu ambaye ndiye chanzo na utoshelevu wa maarifa na ufahamu kamilifu.

Mahali

Yerusalemu.

Tarehe

Maandiko ya kitabu hiki yalikusanywa pamoja na Mfalme Hezekia mnamo 715–686 K.K.

Wahusika Wakuu

Sulemani, Aguri na Lemueli.

Wazo Kuu

Kumcha Mwenyezi Mungu ni chanzo cha maarifa.

Mambo Muhimu

Baadhi ya mambo muhimu yaliyoorodheshwa katika kitabu hiki ni: Vijana na nidhamu, jamaa, kumjua Mwenyezi Mungu, ndoa, kufahamu ukweli na hekima.

Yaliyomo

Utangulizi, na maelezo juu ya hekima na upumbavu (1:1–9:18)

Mithali za Sulemani (10:1–22:16)

Misemo ya wenye hekima (22:17–24:34)

Mithali zaidi za Sulemani (25:1–29:27)

Misemo ya Aguri na ya Lemueli (30:1–31:9)

Mke mwenye sifa nzuri (31:10-31).

Iliyochaguliwa sasa

Mithali Utangulizi: NENO

Kuonyesha

Shirikisha

Nakili

Je, ungependa vivutio vyako vihifadhiwe kwenye vifaa vyako vyote? Jisajili au ingia

Neno: Maandiko Matakatifu™ NMM™

Imetumiwa kwa ruhusa.

Haki zote zimehifadhiwa duniani kote.

Kiswahili Contemporary Scriptures™

Jifunze Mengi Kuhusu Neno: Maandiko Matakatifu 2024

Mithali Utangulizi

Mistari Maarufu ya Biblia kutoka
Mithali Utangulizi

Bibilia:

Kiswahili

Tolea: Neno: Maandiko Matakatifu 2024 - NENO