Zaburi 58
58
Zaburi 58
Mwenyezi Mungu kuwaadhibu waovu
Kwa mwimbishaji. Mtindo wa “Usiharibu”. Utenzi wa Daudi.
1Enyi watawala, je, kweli mwanena kwa haki?
Je, mnahukumu kwa unyofu miongoni mwa watu?
2La, mioyoni mwenu mnatunga udhalimu,
na mikono yenu hueneza jeuri duniani.
3Waovu ni wapotovu tangu kuzaliwa kwao,
toka tumboni mwa mama zao
ni wakaidi na husema uongo.
4Sumu yao ni kama sumu ya nyoka,
kama ile ya fira ambaye ameziba masikio yake,
5ambaye hatasikia sauti ya kutumbuiza ya mwaguzi,
hata kama mganga angecheza kwa ustadi kiasi gani.
6Ee Mungu, yavunje meno katika vinywa vyao;
Ee Mwenyezi Mungu, vunja meno makali ya hao simba!
7Na watoweke kama maji yanavyotiririka;
wanapovuta pinde zao, mishale yao na iwe butu.
8Na wawe kama konokono anayeyeyuka akitembea,
kama mtoto aliyezaliwa akiwa mfu.
9Kabla vyungu vyenu havijapata moto wa kuni za miiba,
zikiwa mbichi au kavu,
waovu watakuwa
wamefagiliwa mbali.
10Wenye haki watafurahi wakilipizwa kisasi,
watakapochovya nyayo zao katika damu ya waovu.
11Ndipo wanadamu watasema,
“Hakika utulivu wa wenye haki bado una thawabu,
hakika kuna Mungu ahukumuye dunia.”
Iliyochaguliwa sasa
Zaburi 58: NENO
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Neno: Maandiko Matakatifu™ NMM™
Hakimiliki © 2018, 2024 na Biblica, Inc.
Imetumiwa kwa ruhusa.
Haki zote zimehifadhiwa duniani kote.
Kiswahili Contemporary Scriptures™
Copyright © 2018, 2024 by Biblica, Inc.
Used with permission. All rights reserved worldwide.