Mithali 21

1Moyo wa mfalme huwa katika mkono wa BWANA;

Kama mifereji ya maji huugeuza popote apendapo.

2 # 1 Sam 16:7; Yer 17:10; Yn 2:24 Kila njia ya mtu ni sawa machoni pake mwenyewe;

Bali BWANA huipima mioyo.

3 # Hos 6:6 Kutenda haki na hukumu

Humpendeza BWANA kuliko kutoa sadaka.

4 # Mit 24:20 Mwenye kiburi na moyo wa majivuno,

Taa yake ni dhambi.

5Mawazo ya wenye bidii huuelekea utajiri tu;

Bali kila mwenye pupa huuelekea uhitaji.

6Kupata akiba ya mali kwa ulimi wa uongo

Ni moshi upeperushwao; ni kutafuta mauti.

7Jeuri ya wabaya itawaondolea mbali;

Kwa sababu wamekataa kutenda hukumu.

8Njia yake aliyelemewa na dhambi imepotoka sana;

Bali mtu aliye safi, kazi yake ni sawasawa.

9Ni afadhali kukaa katika pembe ya darini,

Kuliko katika nyumba pana pamoja na mwanamke mgomvi.

10 # Yak 4:5 Nafsi ya mtu mbaya hutamani uovu;

Jirani yake hapati fadhili machoni pake.

11Mwenye mzaha aadhibiwapo, mjinga hupata hekima;

Na mwenye hekima afundishwapo, hupokea maarifa.

12 # 1 Kor 10:10; Rum 2:8 Mwenye haki huitafakari nyumba ya mtu mbaya;

Jinsi wabaya waangushwavyo wakaangamia.

13 # Zab 58:4; Zek 7:11; Mdo 7:57; Mt 7:2 Azibaye masikio yake asisikie kilio cha maskini,

Yeye naye atalia, lakini hatasikiwa.

14Kipawa cha siri hutuliza hasira;

Na rushwa bindoni humliza ghadhabu kali.

15Ni furaha yao wenye haki kutenda hukumu;

Lakini ni uharibifu kwao watendao maovu.

16Mtu aikosaye njia ya busara

Atakaa katika mkutano wao waliokufa.

17Mtu apendaye anasa atakuwa maskini;

Apendaye mvinyo na mafuta hatakuwa tajiri.

18 # Isa 43:3,4 Mtu asiye haki ni fidia ya wenye haki;

Naye afanyaye hila ni badala ya watu wa adili.

19Ni afadhali kukaa katika nchi ya nyika;

Kuliko na mwanamke mgomvi, mchokozi.

20 # Zab 112:3; Mit 10:22; Mt 25:3 Kuna hazina ya thamani na mafuta katika maskani ya mwenye hekima;

Bali mwanadamu aliye mpumbavu huyameza.

21 # 1 Kor 15:58 Aandamaye haki na fadhili,

Ataona uhai na haki na heshima.

22Mwenye hekima huupandia mji wao wenye nguvu;

Na kuziangusha nguvu za tumaini lao.

23Mtu azuiaye kinywa chake na ulimi wake,

Atajilinda nafsi yake na taabu.

24Mwenye kiburi na kutakabari, jina lake ni mbishi;

Hutenda mambo katika majivuno ya kiburi chake.

25Matakwa yake mtu mvivu humwua,

Kwa maana mikono yake hukataa kufanya kazi.

26Kuna atamaniye kwa choyo mchana kutwa;

Bali mwenye haki hutoa wala hanyimi.

27Sadaka ya wasio haki ni chukizo;

Si zaidi sana ailetapo mwenye nia mbaya!

28Shahidi wa uongo atapotea;

Bali mtu asikiaye atasema maneno yadumuyo.

29Asiye haki huufanya uso wake kuwa mgumu;

Bali mtu mnyofu huzifikiri njia zake.

30Hapana hekima, wala ufahamu,

Wala shauri, juu ya BWANA.

31Farasi huwekwa tayari kwa siku ya vita;

Lakini BWANA ndiye aletaye wokovu.

Iliyochaguliwa sasa

Mithali 21: SRUV

Kuonyesha

Shirikisha

Nakili

Je, ungependa vivutio vyako vihifadhiwe kwenye vifaa vyako vyote? Jisajili au ingia

Mithali 21

Mistari Maarufu ya Biblia kutoka
Mithali 21

Biblia:

Kiswahili

Tolea: Swahili Revised Union Version - SRUV

Mithali 21

Mithali 21

Mistari Maarufu ya Biblia kutoka Mithali 21

Biblia:

Kiswahili

Tolea: Swahili Revised Union Version - SRUV

Mithali 21

Mistari Maarufu ya Biblia kutoka
Mithali 21