Zaburi 38
38
Ombi la uponyaji kwa anayejuta kwa mateso
Zaburi ya Daudi, kwa matoleo ya kumbukumbu.
1Ee BWANA, usinilaumu katika ghadhabu yako,
Wala usiniadhibu kwa ukali wa hasira yako.
2Kwa maana mishale yako imenichoma,
Na mkono wako umenipata.
3Hamna uzima katika mwili wangu
Kwa sababu ya ghadhabu yako.
Wala hamna amani mifupani mwangu
Kwa sababu ya hatia zangu.
4Maana dhambi zangu zimenifunika kichwa,
Kama mzigo mzito zimenilemea mno.
5Majeraha yangu yananuka na kutunga usaha,
Kwa sababu ya upumbavu wangu.
6Nimejipinda na kuinama sana,
Mchana kutwa ninaenda nikiomboleza.
7 #
Ayu 7:5
Maana viuno vyangu vimejaa homa,
Wala hamna uzima katika mwili wangu.
8Nimedhoofika na kupondeka sana,
Nimeugua kwa fadhaa ya moyo wangu.
9Bwana, haja zangu zote ziko mbele zako,
Kuugua kwangu hakukusitirika kwako.
10Moyo wangu unadundadunda,
Nguvu zangu zimenitoka;
Nuru ya macho yangu nayo imeniondoka.
11 #
Lk 10:31
Wanipendao na rafiki zangu wanasimama mbali na pigo langu;
Na jamaa zangu wanasimama mbali.
12Nao wanaoutafuta uhai wangu hutega mitego;
Nao wanaotaka kunidhuru hunena mabaya;
Na kufikiri hila mchana kutwa.
13Lakini kama kiziwi sisikii,
Nami ni kama bubu asiyefumbua kinywa chake.
14Naam, nimekuwa kama mtu asiyesikia,
Ambaye hamna ubishi kinywani mwake.
15 #
Yer 14:8
Kwa kuwa nakungoja Wewe, BWANA,
Wewe utajibu, Ee Bwana, Mungu wangu.
16Maana nilisema, Wasije wakanifurahia;
Wale wanaojitukuza juu yangu Mguu wangu unapoteleza.
17Kwa maana mimi ni karibu na kusita,
Na maumivu yangu yako mbele yangu daima.
18 #
Ayu 31:33; Zab 32:5; Mit 28:13; 2 Kor 7:9 Kwa maana nitaungama uovu wangu,
Na kusikitika kwa dhambi zangu.
19Lakini walio adui zangu bila sababu wana nguvu,
Nao wanaonichukia bure wamekuwa wengi.
20 #
1 Yoh 3:12; 1 Pet 3:13 Naam, wakilipa mabaya kwa mema,
Huwa adui zangu kwa kuwa nilifuata lililo jema.
21 #
Zab 22:1,11 Wewe, BWANA, usiniache,
Mungu wangu, usijitenge nami.
22 #
Kut 15:2; Isa 12:2 Ufanye haraka kunisaidia,
Ee Bwana, wokovu wangu.
Iliyochaguliwa sasa
Zaburi 38: SRUV
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Swahili Revised Union Version Bible © Bible Society of Kenya, and Bible Society of Tanzania, 2005.