A:imo 1
1
1A:imosope gilala, oba Tekowa wala sip tida:na dala gobala eta sip tida:napa dalagi. Obate taote opa:ya ediyala gi tiliyana. Obate Isalel wa gima gi tiliyana enoba Waima:pe pa:la gi Islael wama saki gogo dowatelaliyana tepala. A:ma tepala Usayate Yuda wala kanaba eloyana, a:pite Yelebowa:m Yeyoa:sa#1:1 eta gagi Yoasape mata obate Islael wala kanaba eloyana.
2 #
Yow 3:16
Obate layana,
Sayon baigala LODote layon a:na:pi ulupodoloyana.
Yelusalem baigala oba kadepape gigila a:na:pi elelo,
sip tida:napimunu tiladana wa a sesedili#1:2 sipi tida:nate sabedili,
Ka:mol podo sidila wate sa:ila bapi elelo.
Islael wa auwala ediliyana lumumunu gi bamina gi
3Ma:ma enoba LODote lalelona gilala.
Damaskasape sosawe gi salikiliwa gima
o sakisaki gima, na: na:dowali ga:o gi pa:pa ekeminamalowa.
Gi ase oba Giliyad sasamiyana,
menenapa auli posodanapa lopalale.
4Na: kanaba A:iselepe genamama ila auwaminamalowa,
enoba ilate Ben Adadape tadanapa baiga ololamalelo.
5Na: Damaskes ogosa ka:minamalowa.
Na: kanaba lapolamalowa Aben gwaila elelona,
a:pite Bet Iden wala kamalinapa gabi egete elelona dalagi lapolamalowa. #1:5 Aben, a:goba gi enoba sosawe gi
Amale Alam wana lumate dibulama na:da:madili, Kil wama,
LODote lalelo.
6Ma:ma enoba LODote lalelona gilala,
Gasa wape sosawe gi salikiliwa gima,
o sakisaki gima na:dowali ga:o gi pa:pa ekeminamalowa.
Gi ase obate na:dowali luma gagasila waelabega alolale alelote
taole papada:mite, amale Idom wama ewadoloyana.
7Na: Gasa baiga tama ila auwaminamalowa,
enoba ilate obape tadana baiga oloda:malelo.
8Na: A:sadod wanapa kanaba lapolamalowa,
a:pite A:skalon wala kamalinapa gabi egelaminanona dalagi lapolamalowa.
Na: na:dowali kamalinapa mai Ekolon dima gigiminamalowa,
Pilisitiya luma waelabega etate pa:pa kanika:wamalelo,
Sidinapa LODote lalelo.
9Ma:ma enoba LODote lalelona gilala,
Taya baigape sosawe gi salikiliwa gima,
O sakisaki gima na: na:dowali ga:o gi pa:pa ekeminamalowa.
Gi ase obate na:dowali luma gagasila alolale alolote taole papada:mite Idom dima ewadoloyana,
obate sopodalagi eloyana gi kobele ete ma:ma gi a:na:miyana.
10Na: Taya baiga tama ila auwaminamalowa, a:ma ilate obape baiga ta ololamalelo.
11Ma:ma enoba LODote lalelona gilala,
Idomope sosawe gi salikiliwa gima,
o sakisaki gima na: na:dowali ga:o gi pa:pa ekeminamalowa.
Gi ase obate obape wabeya giwa:la gilile atate weleyana,
awe iwalela gi bini eladele
gi ase oba gwana gobala awe gi bini eloyana.
Obape ga:o gite oba gamominaleyala
obape gwana gobala ilate babalela pela eyana a:pite sa:emina gima pa:pa awapa eyana.
12Na: Teman wama ila auwaminamalowa,
enoba ilate Bosala tadana baigabaiga oloda:malelo.
13Ma:ma enoba LODote lalelona gilala,
Amonpe sosawe salikiliwa gima,
o sakisaki gima, na: na:dowali ga:o gi pa:pa ekeminamalowa,
gi ase obate Giliyad wana oposomadana atomunu gwana gilile tatalada:munoyana,
obape a:i a:yatada: wasegema alilamada:le.
14Na: Laba baigape tama ila auwaminamalowa,
enoba ilate obape kakaleda:na tadana baiga oloda:malelo,
a:ma oloda: gi enoba giwa:la siya gobala saolamalelo,
gwama kabiginapa laoda:te laodolamalelona kadepala.
15Obape kanabate wanapa wama dibula gima welamalelo, obata: obape okona dalata:
LODote lalelo.
Iliyochaguliwa sasa
A:imo 1: GBOTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Gogodala Bible Translation Project © Bible Society of Papua New Guinea, 2016.
A:imo 1
1
1A:imosope gilala, oba Tekowa wala sip tida:na dala gobala eta sip tida:napa dalagi. Obate taote opa:ya ediyala gi tiliyana. Obate Isalel wa gima gi tiliyana enoba Waima:pe pa:la gi Islael wama saki gogo dowatelaliyana tepala. A:ma tepala Usayate Yuda wala kanaba eloyana, a:pite Yelebowa:m Yeyoa:sa#1:1 eta gagi Yoasape mata obate Islael wala kanaba eloyana.
2 #
Yow 3:16
Obate layana,
Sayon baigala LODote layon a:na:pi ulupodoloyana.
Yelusalem baigala oba kadepape gigila a:na:pi elelo,
sip tida:napimunu tiladana wa a sesedili#1:2 sipi tida:nate sabedili,
Ka:mol podo sidila wate sa:ila bapi elelo.
Islael wa auwala ediliyana lumumunu gi bamina gi
3Ma:ma enoba LODote lalelona gilala.
Damaskasape sosawe gi salikiliwa gima
o sakisaki gima, na: na:dowali ga:o gi pa:pa ekeminamalowa.
Gi ase oba Giliyad sasamiyana,
menenapa auli posodanapa lopalale.
4Na: kanaba A:iselepe genamama ila auwaminamalowa,
enoba ilate Ben Adadape tadanapa baiga ololamalelo.
5Na: Damaskes ogosa ka:minamalowa.
Na: kanaba lapolamalowa Aben gwaila elelona,
a:pite Bet Iden wala kamalinapa gabi egete elelona dalagi lapolamalowa. #1:5 Aben, a:goba gi enoba sosawe gi
Amale Alam wana lumate dibulama na:da:madili, Kil wama,
LODote lalelo.
6Ma:ma enoba LODote lalelona gilala,
Gasa wape sosawe gi salikiliwa gima,
o sakisaki gima na:dowali ga:o gi pa:pa ekeminamalowa.
Gi ase obate na:dowali luma gagasila waelabega alolale alelote
taole papada:mite, amale Idom wama ewadoloyana.
7Na: Gasa baiga tama ila auwaminamalowa,
enoba ilate obape tadana baiga oloda:malelo.
8Na: A:sadod wanapa kanaba lapolamalowa,
a:pite A:skalon wala kamalinapa gabi egelaminanona dalagi lapolamalowa.
Na: na:dowali kamalinapa mai Ekolon dima gigiminamalowa,
Pilisitiya luma waelabega etate pa:pa kanika:wamalelo,
Sidinapa LODote lalelo.
9Ma:ma enoba LODote lalelona gilala,
Taya baigape sosawe gi salikiliwa gima,
O sakisaki gima na: na:dowali ga:o gi pa:pa ekeminamalowa.
Gi ase obate na:dowali luma gagasila alolale alolote taole papada:mite Idom dima ewadoloyana,
obate sopodalagi eloyana gi kobele ete ma:ma gi a:na:miyana.
10Na: Taya baiga tama ila auwaminamalowa, a:ma ilate obape baiga ta ololamalelo.
11Ma:ma enoba LODote lalelona gilala,
Idomope sosawe gi salikiliwa gima,
o sakisaki gima na: na:dowali ga:o gi pa:pa ekeminamalowa.
Gi ase obate obape wabeya giwa:la gilile atate weleyana,
awe iwalela gi bini eladele
gi ase oba gwana gobala awe gi bini eloyana.
Obape ga:o gite oba gamominaleyala
obape gwana gobala ilate babalela pela eyana a:pite sa:emina gima pa:pa awapa eyana.
12Na: Teman wama ila auwaminamalowa,
enoba ilate Bosala tadana baigabaiga oloda:malelo.
13Ma:ma enoba LODote lalelona gilala,
Amonpe sosawe salikiliwa gima,
o sakisaki gima, na: na:dowali ga:o gi pa:pa ekeminamalowa,
gi ase obate Giliyad wana oposomadana atomunu gwana gilile tatalada:munoyana,
obape a:i a:yatada: wasegema alilamada:le.
14Na: Laba baigape tama ila auwaminamalowa,
enoba ilate obape kakaleda:na tadana baiga oloda:malelo,
a:ma oloda: gi enoba giwa:la siya gobala saolamalelo,
gwama kabiginapa laoda:te laodolamalelona kadepala.
15Obape kanabate wanapa wama dibula gima welamalelo, obata: obape okona dalata:
LODote lalelo.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Gogodala Bible Translation Project © Bible Society of Papua New Guinea, 2016.