Yowel 3
3
A:ibaigana lumumunu gi babamudamonoyana gi
1 # 3:1 4.1 Ibulu gilala gobala LODote lalelo, a:ma kadepanapa tepala,
ne Yudata: Yelusalemata: obaimunu
gi gwama sa:leda:munamalowamena,
2na: baigabaiga waelabeyagai gaogoda:munote
Yeyosopat golo gobama alete pa:lamalowa.
Amale na: obaimunu gi babamudamonamalowa,
obaite na:dowali lumadima a:na:da:miniyana gima.
Obaite eta:mi opa:pa:yana wama na:dowali Islael luma alete na:diyana gima
amale obaite Islael a:i iwatadiliyana.
3Obai na:dowali Islael luma alelamada:le gi kakalaminapa ba:kelele iyadiliyana,
amale dala bibilina ato alelamada:le kakasi ewadiliyana,
a:pite waen alelamada:le amina ewadiliyana,
obaite nida: gima.
4Amapula na: powa gi da:dima a a:na:miyamanaya, o Tayata: Sidonota: gwama Pilisitiyana wa kabigibegata:. Da: ne a:na:miyamana gima wisa edelewata. Da:na: dima gwama mai wisa gi a:na:minenewamena tepala, na: da:pe ganabima sela pa:labega elamalowa. A:pite da:dima wisa elamalowa. 5Gi ase na:dowali silibata: gaolodota: de alelelyamana, na:dowali sa:sa:lena lopala da:dowali awana gegenamama a:ipatite na:deyamana.#3:5 o sasabama 6Yudata: Yelusalem baigana lumata: de Gulik lumadima ewadeleyamana, obaite baiga ya:bi elatete wabeganapa wama na:da:mada:le.
7Daga tila, de obai ewadeleyamana wala na: obai gwama pakada:minamalowa, a:pite na: de obai dima a:na:da:mineyamana gima da:dowali ganabima wisa elamalowa. 8Da:dowali kakasita: aminata: na: Yuda wana dima ewadolamalowa, a:pite obaite Sabeyana lumadima ewadelamadili, enoba wabeganapa wa. LODote lalelo.
9Baigabaiga gogobala ma:ma gilala ladela.
Giwa:la gima sa:leda:la,#3:9 Ibulu gilala sa:lenapa giwa:la gi
Giwa:lana dala pakakamina.
Awapa giwa:lana dalate giwa:la auwama pa:da:te giwa:la eda:la.
10Da:dowali a:i pasada:mina lopala giwa:la gili a:na:da:mina gima sasada:mina
da:dowali kon dapola gili ameta kibili a:na:da:mina.
A:pite bonogowanapa lumagite lalamalelo,
na: a kamali ewamena.
11Sela pa:da:la, da: baigabaiga waelabega ya:deta:ya:deta:la,
da: pa:da:te a:mama gaogoda:mina.
A:dowali kakamalina giwa:lana auda:mi, O LOD.
12Baiga baiga waelabega patimada:la,
Yeyosopat golo gobama pa:da:la
ase na: a:mala manonamalowa
palata: palata: waelabega a:ibaiganapimunu gi babamudamonamalale.
13Kon dapola gili alete wiwida:mina,
gi ase kon tao a kakalediwina.
Pa:da:la, ga:lip adami etoda:minamadili,
gi ase adami wi tukutukuda:mina kabuwa a tawawena,
wi a wama saesilili.
Obaimunu sosawe gi enoba a:na:pi a kabigibega ediwina.
14Luma waelabeyagai domona pa: awapa
gi mila gobala edeli.
LODope kadepate a auwapula elelo.
Gima kamina golo gobala.
15Kadepata: samosota: itida:madili,
a:pite ibina pa:pa pa:ipila.
16 #
A:im 1:2
LODote Sayon sakala ulupuda:malelo
a:pite Yelusalem baigala gigulamalelo,
a:ibaigata: sawisakata: sasiwadili.
Ameta LODote obape lumumunu kalekalenapa a:wa saba elelo,
enoba Islael lumadima kalekalenapa giligili ogosa a:na:pi elamalelo.
Godope lumumunu sa:kela gi
17Da: amale itawa eda:madelewa na:, da:dowali LOD God,
Sayon sakala elelowa, na:pe awana saka.
Yelusalem enoba awana elamalelo,
eta:mi wana lumate pa:pa gwama baiga gobale sa:eda:te na:da:tedelamadili.
18A:ma kadepala podole kanika:napa waen wite ta:tedelamadili,
a:pite a:i pokopoko eda:le dina wite ta:tedelamadili,
Yudape tata gobale wite ta:tedelamadili.
Wi daodote LODope genama gobala wama saolamalelo
a:pite pa:te Sitim golo baumunamalelo.
19Ameta Isipt wa luma bininapa wa elamalelo,
a:pite Idom wate a:napa wa elamalelo,
gi ase obaite Yuda lumadima giwa:la ediyana gima,
enoba obaimunu wa gobala gi pa:pa a:na:miyana lumumunu dede a sasaminiyana.
20Yuda lumate elomina tepala edelamadili
a:pite Yelusalemala luma matate elomina tepala edomidelamadili.
21Na: dede wisa elamalowa, enoba dede na: pa: wisa elanapa,#3:21 Gk Siliya: Ibulu gilala gobala na: obaimunu dedete wama saeyana gima wisa elamalowa ne lope pa:pa a:na:miyamana a:na:pi
ase na:pe ela saba enoba Sayon.
Iliyochaguliwa sasa
Yowel 3: GBOTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Gogodala Bible Translation Project © Bible Society of Papua New Guinea, 2016.
Yowel 3
3
A:ibaigana lumumunu gi babamudamonoyana gi
1 # 3:1 4.1 Ibulu gilala gobala LODote lalelo, a:ma kadepanapa tepala,
ne Yudata: Yelusalemata: obaimunu
gi gwama sa:leda:munamalowamena,
2na: baigabaiga waelabeyagai gaogoda:munote
Yeyosopat golo gobama alete pa:lamalowa.
Amale na: obaimunu gi babamudamonamalowa,
obaite na:dowali lumadima a:na:da:miniyana gima.
Obaite eta:mi opa:pa:yana wama na:dowali Islael luma alete na:diyana gima
amale obaite Islael a:i iwatadiliyana.
3Obai na:dowali Islael luma alelamada:le gi kakalaminapa ba:kelele iyadiliyana,
amale dala bibilina ato alelamada:le kakasi ewadiliyana,
a:pite waen alelamada:le amina ewadiliyana,
obaite nida: gima.
4Amapula na: powa gi da:dima a a:na:miyamanaya, o Tayata: Sidonota: gwama Pilisitiyana wa kabigibegata:. Da: ne a:na:miyamana gima wisa edelewata. Da:na: dima gwama mai wisa gi a:na:minenewamena tepala, na: da:pe ganabima sela pa:labega elamalowa. A:pite da:dima wisa elamalowa. 5Gi ase na:dowali silibata: gaolodota: de alelelyamana, na:dowali sa:sa:lena lopala da:dowali awana gegenamama a:ipatite na:deyamana.#3:5 o sasabama 6Yudata: Yelusalem baigana lumata: de Gulik lumadima ewadeleyamana, obaite baiga ya:bi elatete wabeganapa wama na:da:mada:le.
7Daga tila, de obai ewadeleyamana wala na: obai gwama pakada:minamalowa, a:pite na: de obai dima a:na:da:mineyamana gima da:dowali ganabima wisa elamalowa. 8Da:dowali kakasita: aminata: na: Yuda wana dima ewadolamalowa, a:pite obaite Sabeyana lumadima ewadelamadili, enoba wabeganapa wa. LODote lalelo.
9Baigabaiga gogobala ma:ma gilala ladela.
Giwa:la gima sa:leda:la,#3:9 Ibulu gilala sa:lenapa giwa:la gi
Giwa:lana dala pakakamina.
Awapa giwa:lana dalate giwa:la auwama pa:da:te giwa:la eda:la.
10Da:dowali a:i pasada:mina lopala giwa:la gili a:na:da:mina gima sasada:mina
da:dowali kon dapola gili ameta kibili a:na:da:mina.
A:pite bonogowanapa lumagite lalamalelo,
na: a kamali ewamena.
11Sela pa:da:la, da: baigabaiga waelabega ya:deta:ya:deta:la,
da: pa:da:te a:mama gaogoda:mina.
A:dowali kakamalina giwa:lana auda:mi, O LOD.
12Baiga baiga waelabega patimada:la,
Yeyosopat golo gobama pa:da:la
ase na: a:mala manonamalowa
palata: palata: waelabega a:ibaiganapimunu gi babamudamonamalale.
13Kon dapola gili alete wiwida:mina,
gi ase kon tao a kakalediwina.
Pa:da:la, ga:lip adami etoda:minamadili,
gi ase adami wi tukutukuda:mina kabuwa a tawawena,
wi a wama saesilili.
Obaimunu sosawe gi enoba a:na:pi a kabigibega ediwina.
14Luma waelabeyagai domona pa: awapa
gi mila gobala edeli.
LODope kadepate a auwapula elelo.
Gima kamina golo gobala.
15Kadepata: samosota: itida:madili,
a:pite ibina pa:pa pa:ipila.
16 #
A:im 1:2
LODote Sayon sakala ulupuda:malelo
a:pite Yelusalem baigala gigulamalelo,
a:ibaigata: sawisakata: sasiwadili.
Ameta LODote obape lumumunu kalekalenapa a:wa saba elelo,
enoba Islael lumadima kalekalenapa giligili ogosa a:na:pi elamalelo.
Godope lumumunu sa:kela gi
17Da: amale itawa eda:madelewa na:, da:dowali LOD God,
Sayon sakala elelowa, na:pe awana saka.
Yelusalem enoba awana elamalelo,
eta:mi wana lumate pa:pa gwama baiga gobale sa:eda:te na:da:tedelamadili.
18A:ma kadepala podole kanika:napa waen wite ta:tedelamadili,
a:pite a:i pokopoko eda:le dina wite ta:tedelamadili,
Yudape tata gobale wite ta:tedelamadili.
Wi daodote LODope genama gobala wama saolamalelo
a:pite pa:te Sitim golo baumunamalelo.
19Ameta Isipt wa luma bininapa wa elamalelo,
a:pite Idom wate a:napa wa elamalelo,
gi ase obaite Yuda lumadima giwa:la ediyana gima,
enoba obaimunu wa gobala gi pa:pa a:na:miyana lumumunu dede a sasaminiyana.
20Yuda lumate elomina tepala edelamadili
a:pite Yelusalemala luma matate elomina tepala edomidelamadili.
21Na: dede wisa elamalowa, enoba dede na: pa: wisa elanapa,#3:21 Gk Siliya: Ibulu gilala gobala na: obaimunu dedete wama saeyana gima wisa elamalowa ne lope pa:pa a:na:miyamana a:na:pi
ase na:pe ela saba enoba Sayon.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Gogodala Bible Translation Project © Bible Society of Papua New Guinea, 2016.