A:imo 5
5
Lumate gwama isolada:te pa:da:mada:le awada:miyana gi
1Ma:ma gilala enamada:la o Islael luma, ma:ma enoba ne da: gima ladolowamena sabe gilala.
2Dalagi gi pa: itawanapa aminagi Islael a dilawena
dilawena sabale pa:pa gwama patamalelo,
oba obape wa bapile oba kopa elelo lumate elatiyala,
eta lumagi bini oba pakamina gima.
3Ma:ma enoba Sidinapa LODote lalelona gilala,
miya Isalalelanapa kabinapa baigate obape 1,000 giwa:lana dala giwa:lama auda:minamalelona,
obape 100 giwa:lana bapite kanika:wada:madili.
Miya Isalalelanapa kowabinapa baigaite 100 kakamalina giwa:lana dala giwa:lama auda:minamalelona,
obape 10 giwa:lana dala bapite kanika:wada:madili.
4Ma:ma enoba LODote Islael dima lalelona gilala,
na: uwalela a:pite da: edelamadelewa,
5da: ege Betel uwalela,
ege Giligal wama na:da:la,
da: ege Beyasiba wama pitida:la.
Gi ase Giligal gibalamale gisaola gima eta a:ibaigama welamalelo,
a:pite Betel pa:pa lopala elamalelo.
6Sidinapa LOD uwalelete kanika:wadela,
da: pa:pa ana:pi eda:madelewamena tepala oba Yosepepe luma gobama ila babalela a:na:pi pa:lamalelo,
obate oloda:malelo,
a:pite Betelope ila sa:emina gima lumagi pa:pa saolamalelo.
7A: sogolale gi bamina gi ameta sokamanapa gima leleminanona lumagi
a:pite sogola gi ameta a:ima etominanona lumagi.
8Obate kadepa sidima ibina gagasida: saki a:na:da:minoyana,
iti kanabi kadepa pula gima lelemiyana
a:pite kadepa itimite elelo,
wasewa gobanapa wi dima mamamida:yana
amale wi egete dite a:i baigama samitelelo,
LOD enoba obape gagi.
9Obate mene gi kamalida ka:omitelelo kakaleda:na sasabama
amale tadana baiga tatalada:miniyana,
10a: gi bamina sabale sogolale gi babaminanona lumagidima mene elelo
a:pite gibalama gi ladolona lumagidima ilapala elelo.
11A: lopala binina luma a:ima etoda:mineno
a:pite obai gamobegada:mineno a: dima kon apilamada:le.
Enobala a: sa:sa:lena gegenema ba:kelele a:na:da:munoyana,
ameta a:mai gegenamala a: pa:pa elamalelo,
a: sa:sa:lena tokobe adami toloyana
a: ameta a:mai waen pa:pa nidolamalelo.
12Gi ase na: a:dowali sosawe gi waelabeyagi itawa,
a:pite a:dowali kabigida:na sosawe gi iya:ta:.
A: sogolale edelina lumadima giwa:la eladele ameta pa: sogola nabidile gi alelalo,
a:pite da: gi bamina sabale aitapadilina lumate sogolale gi bamina gima obai ilapala da:minenewa.
13Enobala sa:kemanapa dalagite a:ma tepala gelate manano,
gi ase a:ma enoba sosawenapa tepa.
14Sa:sa:lena gi uwaladela pa: sosawena gi,
de kanika:wadelamada:le.
Amale LOD God Kamalinapate da:da elamalelo,
de lalelewamena gi obate da:da elelona gi a:na:pi.
15Sosawe gi ilapala edela, sa:sa:lena gi iwida:mina,
gi bamina sabale sogolale gi bamina gi pakamina.
Da: a:pidelamadelewamena LOD God Kamalinapate kabiginapa awe iwalela gile
Yosepepe eta:mi luma awedolamaleloga.
16Enobala ma:ma enoba LOD God Kamalinapate lalelona gilala.
Nabidi tetepala sabe siyate dololamalelo,
a:pite mana gegenama sasabale gwanasaweda: gite dowatelamadili.
Egada okona awada:minamadili adimada: gima
a:pite sabedilina lumate mamale adimadelamadili.
17Tokobe adami egada gobala sabe gite dololamalelo
gi ase na: da: gobala pa:welamalowa
LODote lalelo.
LODope kadepa
18Awe iyo da: LODope kadepate
saolamalale enamadelewamena luma.
Da: powa gi ase LODope kadepama enamadelewaya.
A:ma kadepate iti kanabi elamalelo, pa: lulila.
19A:ma kadepa enoba a:na:pi dalagite layon emote wama welamalelona
oba ameta Beyada gusumida:malelo,
a:na:pi dalagite obape genama gobama sa:ete
obape mai bilima etapaminamalelona
ameta malebete oba lapolamalelo.
20 LOD ope kadepate itilamalelo pa:pa lulilamalelo,
iti kanabi bapi elamalelo eta lulila kowabi pa:pa dololamalelo.
21 #
Ais 1:11-14
Na: ga:olelowa, de balelamina gima poko edelewamena gima ilapala eleowa.
Na: da:pe gaogoda:mina gi ilapala elelowa.
22Da: olodana nagala lopalata: kon nagala lopalata:na: dima alete pa:da:madelewa,
na: ameta a:mai lopala pa:pa awapage lalamalowa.
Da:na: dima a domoda:na nagala lopala menagimina gima alete pa:da:madelewa
na: pa:pa awapage lalamalowa
23Da:dowali dili siya ela:we bega wama alete na:da:la,
na: da:dowali apa siya pa:pa enamamalowa.
24Ameta awapa sogolanapa gi bamina gite wasewanapa wi a:na:pi iwolamalelo,
a:pite sogola gite pa:pa ekelalona kebane gobanapa saelelona wi a:na:pi.
25 #
Aud 7:42,43 Da:na: dima ewama: gita: nagala gita: pa:pa alete pa:deleyamanata
O Islael luma, de 40 gogo a:napa wala edeleyamana tepala.
26Da: da:dowali kanaba dalagipe balelamina saba a pakamiyamana,
enoba da:dowali ididiligipe dola saba,
enoba da:dowali godope ibina
de da:ya da:gima a:na:miyamana.
27Enobala na: da: Damasekes wala alete eta a:i baigama dibula oko gima auda:minamalowa,
LODote lalelo, obape gagi enoba God Kamalinapa.
Iliyochaguliwa sasa
A:imo 5: GBOTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Gogodala Bible Translation Project © Bible Society of Papua New Guinea, 2016.
A:imo 5
5
Lumate gwama isolada:te pa:da:mada:le awada:miyana gi
1Ma:ma gilala enamada:la o Islael luma, ma:ma enoba ne da: gima ladolowamena sabe gilala.
2Dalagi gi pa: itawanapa aminagi Islael a dilawena
dilawena sabale pa:pa gwama patamalelo,
oba obape wa bapile oba kopa elelo lumate elatiyala,
eta lumagi bini oba pakamina gima.
3Ma:ma enoba Sidinapa LODote lalelona gilala,
miya Isalalelanapa kabinapa baigate obape 1,000 giwa:lana dala giwa:lama auda:minamalelona,
obape 100 giwa:lana bapite kanika:wada:madili.
Miya Isalalelanapa kowabinapa baigaite 100 kakamalina giwa:lana dala giwa:lama auda:minamalelona,
obape 10 giwa:lana dala bapite kanika:wada:madili.
4Ma:ma enoba LODote Islael dima lalelona gilala,
na: uwalela a:pite da: edelamadelewa,
5da: ege Betel uwalela,
ege Giligal wama na:da:la,
da: ege Beyasiba wama pitida:la.
Gi ase Giligal gibalamale gisaola gima eta a:ibaigama welamalelo,
a:pite Betel pa:pa lopala elamalelo.
6Sidinapa LOD uwalelete kanika:wadela,
da: pa:pa ana:pi eda:madelewamena tepala oba Yosepepe luma gobama ila babalela a:na:pi pa:lamalelo,
obate oloda:malelo,
a:pite Betelope ila sa:emina gima lumagi pa:pa saolamalelo.
7A: sogolale gi bamina gi ameta sokamanapa gima leleminanona lumagi
a:pite sogola gi ameta a:ima etominanona lumagi.
8Obate kadepa sidima ibina gagasida: saki a:na:da:minoyana,
iti kanabi kadepa pula gima lelemiyana
a:pite kadepa itimite elelo,
wasewa gobanapa wi dima mamamida:yana
amale wi egete dite a:i baigama samitelelo,
LOD enoba obape gagi.
9Obate mene gi kamalida ka:omitelelo kakaleda:na sasabama
amale tadana baiga tatalada:miniyana,
10a: gi bamina sabale sogolale gi babaminanona lumagidima mene elelo
a:pite gibalama gi ladolona lumagidima ilapala elelo.
11A: lopala binina luma a:ima etoda:mineno
a:pite obai gamobegada:mineno a: dima kon apilamada:le.
Enobala a: sa:sa:lena gegenema ba:kelele a:na:da:munoyana,
ameta a:mai gegenamala a: pa:pa elamalelo,
a: sa:sa:lena tokobe adami toloyana
a: ameta a:mai waen pa:pa nidolamalelo.
12Gi ase na: a:dowali sosawe gi waelabeyagi itawa,
a:pite a:dowali kabigida:na sosawe gi iya:ta:.
A: sogolale edelina lumadima giwa:la eladele ameta pa: sogola nabidile gi alelalo,
a:pite da: gi bamina sabale aitapadilina lumate sogolale gi bamina gima obai ilapala da:minenewa.
13Enobala sa:kemanapa dalagite a:ma tepala gelate manano,
gi ase a:ma enoba sosawenapa tepa.
14Sa:sa:lena gi uwaladela pa: sosawena gi,
de kanika:wadelamada:le.
Amale LOD God Kamalinapate da:da elamalelo,
de lalelewamena gi obate da:da elelona gi a:na:pi.
15Sosawe gi ilapala edela, sa:sa:lena gi iwida:mina,
gi bamina sabale sogolale gi bamina gi pakamina.
Da: a:pidelamadelewamena LOD God Kamalinapate kabiginapa awe iwalela gile
Yosepepe eta:mi luma awedolamaleloga.
16Enobala ma:ma enoba LOD God Kamalinapate lalelona gilala.
Nabidi tetepala sabe siyate dololamalelo,
a:pite mana gegenama sasabale gwanasaweda: gite dowatelamadili.
Egada okona awada:minamadili adimada: gima
a:pite sabedilina lumate mamale adimadelamadili.
17Tokobe adami egada gobala sabe gite dololamalelo
gi ase na: da: gobala pa:welamalowa
LODote lalelo.
LODope kadepa
18Awe iyo da: LODope kadepate
saolamalale enamadelewamena luma.
Da: powa gi ase LODope kadepama enamadelewaya.
A:ma kadepate iti kanabi elamalelo, pa: lulila.
19A:ma kadepa enoba a:na:pi dalagite layon emote wama welamalelona
oba ameta Beyada gusumida:malelo,
a:na:pi dalagite obape genama gobama sa:ete
obape mai bilima etapaminamalelona
ameta malebete oba lapolamalelo.
20 LOD ope kadepate itilamalelo pa:pa lulilamalelo,
iti kanabi bapi elamalelo eta lulila kowabi pa:pa dololamalelo.
21 #
Ais 1:11-14
Na: ga:olelowa, de balelamina gima poko edelewamena gima ilapala eleowa.
Na: da:pe gaogoda:mina gi ilapala elelowa.
22Da: olodana nagala lopalata: kon nagala lopalata:na: dima alete pa:da:madelewa,
na: ameta a:mai lopala pa:pa awapage lalamalowa.
Da:na: dima a domoda:na nagala lopala menagimina gima alete pa:da:madelewa
na: pa:pa awapage lalamalowa
23Da:dowali dili siya ela:we bega wama alete na:da:la,
na: da:dowali apa siya pa:pa enamamalowa.
24Ameta awapa sogolanapa gi bamina gite wasewanapa wi a:na:pi iwolamalelo,
a:pite sogola gite pa:pa ekelalona kebane gobanapa saelelona wi a:na:pi.
25 #
Aud 7:42,43 Da:na: dima ewama: gita: nagala gita: pa:pa alete pa:deleyamanata
O Islael luma, de 40 gogo a:napa wala edeleyamana tepala.
26Da: da:dowali kanaba dalagipe balelamina saba a pakamiyamana,
enoba da:dowali ididiligipe dola saba,
enoba da:dowali godope ibina
de da:ya da:gima a:na:miyamana.
27Enobala na: da: Damasekes wala alete eta a:i baigama dibula oko gima auda:minamalowa,
LODote lalelo, obape gagi enoba God Kamalinapa.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Gogodala Bible Translation Project © Bible Society of Papua New Guinea, 2016.