Osey 6
6
Islaelana lumumunu gi bamina gi
1Pa:dala, saga gwama LODdima esaeda:madili.
Obate sa: a galabe sa:miyana
ameta oba sa:pe galabe gwama sa:leda:munamalelo,
obate sa: meleda sa:miyana,
ameta oba sa:pe apapaya gwama salolamalelo.
2Sakai kadepa pa:na:diwila oba sa: gwama kamalisa:minamalelo,
salikiliwanapa kadepala oba sa: gwama kamalisa:minamalelo
se obape sosoko palala edelamada:le.
3Awapa sa: LOD gi itawa eda:madili,
awapa gi oba itawa eda: gima sa: begale iwiminamadili.
Kadepape saola gite lalelo,
oba saolamalelo,
oba sa:dima tawa sulama gwi a:na:pi pa:lamalelo,
obate a:i bauwaminanona gogo tepanapa gwi a:na:pi.
4Ipala:im, na: powa gi a: dima a:na:minamalowaya,
Yuda, na: powa gi a: dima a:na:minamalowaya,
A:pe awe gi enoba ibasegenapa mimida:bi a:na:pi,
a:ibaiganapa waote binilalona gi a:na:pi.
5Enobala na: da: ta:ta:munoyamana na:pe gigiwina dalale,
Ne da: na:pe magata gobana gilalale dapoyamana,
na:pe gi bamina gite da:dima kadepa pa:ela gi a:na:pi eyana.
6Na: kabiginapa awe nagala iwiminoyamana, pa: nagala lopala,
a:pite God itawa gi da: gobama iwimunoyamana, pa: ilale oloda:na nagala lopala.
7A:da:m a:na:pi obai kalekalenapa bata gi a ka:miyana,
obai ya:mala na:le wama na:diyana.
8Giliyad enoba sosawe gi a:na:da:mininina dalimunu wa,
dededana a:iwate a:mala dowatili.
9Obaite lumagi lapola gima a:wada:te mitatilina luma a:na:pi
guwali dala gagsida: enobai a:na:pina edeli,
obaite nabidi tepala luma dapotata na:da:te Sekem nabidima saodili,
obaite pisalana sosawe gi a:na:da:minini.
10Na: sosawe bapinapa gi a tiliyamana
Islael luma gobala.
A:ma wala obaite Ipala:im obe ewada: gima atiyana
a:pite Islael a sosawe eyana.
11A:pite a: Yuda gima,
ne na:dowali lumumunu sa:sa:lena gi pakakaminamalowamena tepala,
sosawe gipe nana ulama dapola tepa a saowena.
Iliyochaguliwa sasa
Osey 6: GBOTP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Gogodala Bible Translation Project © Bible Society of Papua New Guinea, 2016.