PEIKHIETNA 6
6
Israel-te Hutkhiet ding Kigen
(Pei 3:1–4:17)
1Tua ciengin Topa in Moses kung ah, “Tu-in Pharaoh tunga ka bawl ding na mu ding hi: Ama in a vanglien khut tawh amate a peisah valon ding hi; ama in a vanglien khut khat tawh a gam sung panin amate a notmang ding hi,” a ci hi.
2Pasien in zong Moses hopi-in ama tungah tam bangci hi: “Keima Topa ka hi hi. 3Abraham, Isaac le Jacob-te tungah Vanglien Pasien-in#6:3 Heb’ zah ngaina ah “El Shaddai” ka kilang a, ahi vangin amate kungah ka min Topa#6:3 Heb “YHWH; 3.15 ah en in. ci-in ka kitheisah sih hi.#Pien 17:1; 28:3; 35:11; Pei 3:13-15 4Keima in pemta bangin a tenna uh Canaan leitang pieh dingin amate tawh thuciemna ka kipsah hi. 5Keima in Egypt-te khut sungah saltang Israel-te’ mauna aw zong ka za zo a, ka kamciemna ka phawh zo hi. 6Tua ahi ziehin Israel-te kungah, “Keima Topa ka hi hi. Keima in Egypt-te’ vangih panin note kang hla ding a, amau’ sila hina panin kang suohta sah ding hi. Keima in a thahat a kizah ban le thukhenna nasep lien tawh kang tan ding hi. 7Keima’ mi dingin note kang la ding a, na Pasien uh ka hi ding hi. Egypt mite’ vangih pana a suohta sah, Topa ka hina uh note in na thei ding uhi. 8Keima in Abraham, Isaac, le Jacob-te tungah pieh dinga ka ciemsa leitangah note kang peipi ding a, na luo dingun tua leitang kang pie ding hi. Keima in Topa ka hi hi,’ ci-un,” a ci hi. 9Moses in Israel-te kungah tam thu a gen hi. Ahi vangin a lungsim uh a kitapzanna le a gimsie a saltanna ziehun amate in Moses’ thugen a ngai sih uhi.
10Tua ciengin Topa in Moses kungah, 11“Pei inlen a gam panin Israel-te a peisah nadingin Egypt kumpipa Pharaoh kungah va gen ta’n,” a ci hi. 12Ahi vangin Moses in Topa hopi a, “Israel-te in ka thugen a ngai sih uhi; tua ahi ziehin a dangnal lo kei thugen#6:12 Heb “ Kei? Tep tan lo ka kamte” bangci bangin Pharaoh in ei ngai ding ahei?” a ci hi. 13Tam bangin Egypt kumpipa Pharaoh le Israel-te tungtang thu Topa in Moses le Aaron hopi a, Egypt gam panin Israel-te a hla nadingun amate thu a pie hi.
Moses le Aaron’ Khangsimna
(Pien 46:8-27)
14Tam teng pen amahaw’ be lutangte ahi uhi: Israel’ tapa tapen Reuben’ tapate: Hanoch, Pallu, Hezron, le Carmi ahi hi; tam teng pen Reuben’ innkuonte ahi uhi. 15Simeon tapate: Jemuel, Jamin, Ohad, Jachin, Zohar, le Canaan numei‘ tapa shaul#6:15 Ahi sihle “Saul” ahi hi; tam teng pen Simeon’ innkuonte ahi uhi. 16Tam teng pen a khang utawh kizui-in Levi tapate’ min ahi hi: Gershon,#6:16 “Garshom” ci-in zong kigiel hi. 2.22 ah en in. Kohath, le Merari ahi a, Levi kum za le kum sawmthum le sagi a hing hi. 17Gershon#6:17 “Garshom” ci-in zong kigiel hi, 2.22 ah en in. tapate: amate’ innkuon ciet tawh kizui-in Libni le Shimei ahi hi. 18Kohath’ tapate: Amram, Izhar, Hebron le Uzziel hi a, Kohath pen kum za le kum sawmthum le thum a hing hi. 19Merari tapate: Mahli le Mushi ahi hi. Tam teng pen amau’ khang tawh kizui-in Levi’ innkuonte ahi uhi.#Gam 3:17-20; 26:57-58; 1Khg 6:16-19 20Amram in a pa’ sanggamnu Jochebed zi-in la a, tua nu in ama tawh Aaron le Moses nei hi. Amram kum za le kum sawmthum le sagi a hing hi. 21Izhar tapate: Korah, Nepheg le Zichri ahi hi. 22Uzziel’ tapate: Mishael, Elzaphan le Sithri ahi hi. 23Aaron in Amminadab’ tanu, Nahshon’ sanggam nu Elisheba zi-in a la hi. Tua nu in ama tawh Nadab, Abihu, Eleazar le Ithamar nei hi. 24Korah’ tapate: Assir, Elkanah le Abiasaph hi a, tam teng pen Korah-te’ innkuonte ahi hi. 25Aaron’ tapa Eleazar in Putiel’ tanute khat zi-in a la hi. Tua nu in ama tawh Phinehas nei hi. Tam teng pen a innkuon kuonin Levi-te’ be lutangte ahi hi.
26 Topa in, “Egypt panin Israel-te a honhonin peikhiet pi in,” a cina mite pen tam Aaron le Moses-te ma ahi uhi. 27Egypt panin Israel-te a kipeipi nading thu Egypt kumpipa Pharaoh tawh a kiho mite pen tam Moses le Aaron ma ahi hi.
Moses le Aaron in Pasien’ Thupiehte Mang
28Egypt gam sungah Topa in Moses a hopi ni-in, 29ama in, “Keima in Topa ka hi hi. Nang tunga kang gen zosie Egypt kumpipa Pharaoh kungah gen in,” a ci hi. 30Ahi vangin Moses in Topa kungah, “En in, kei pen thugen siem lo#6:30 Heb “tep tan lo kamte”; 6.12 ah en in. mi ka hi hi. Bang dingin Pharaoh in kei thugen ei ngai ding ahei?” a ci hi.
Iliyochaguliwa sasa
PEIKHIETNA 6: ZBOTF01
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Zo Bible © Bible Society of Myanmar, 2018.