PIENCILNA 16
16
Ishmael Suona
1Tu-in Abram’ zi Sarai in ta nei lo hi. Ama in Hagar min nei Egypt-te sila numei khat a nei hi. 2Sarai in Abram kungah, “Topa in ka ta nei ding ei khahtan lam na thei hi; pei inlen ka sila numei nu va luppi ta’n; ama sung pana ta nei ding ka hi kha ding hi,” a ci hi. Tuale Abram in Sarai’ thugen a mang hi. 3Tuaci’n Canaan gamah Abram kum sawm a ten zaw ciengin Abram’ zi Sarai in Egypt mi a sila numei Hagar la-in a pasal Abram kungah a zi-in a pie hi. 4Ama in Hagar luppi-in tua nu a gai hi; tuale a gai lam a kithei ciengin a pinu simmaw bawl hi. 5Tua ciengin Sarai in Abram kungah, “Kei tunga a manlo-a ei kibawlna pen nang tungah tung taheh! Na kawi dingin ka sila numei kang pie a, ama in a gai lam a kithei bepin kei ei simmaw bawl hi. Topa in nang le kei kikalah thu khen taheh!” a ci hi. 6Ahi vangin Abram in Sarai kungah, “Na thuneina sungah na sila numei a om hi; na dei bangin ama tungah bawl in,” a ci hi. Tua ciengin Sarai in tua nu a huotbawl pai a, ama kung panin a taimang hi.
7 Topa’ vantungmi in senel gam ciatui gei khatah tua nu a mu hi. Tua pen Shur zotna lampi gei-a ciatui ahi hi. 8Tuale ama in, “Sarai’ sila numei Hagar aw, nang hei pana hing pei a, hei lam zuon ding na hiei?” a ci hi. Ama in, “Ka pinu Sarai kung pana a taimang ka hi hi,” a ci hi. 9Topa’ vantungmi in ama kungah, “Na pinu kungah peikia inlen ama tungah ki-ap in,” a ci hi. 10Topa’ vantungmi in ama kungah, “Na suonlehlahte nahpitahin ka pungsah ding a, amate kisim zo lo ding hi,” zong a cibe lai hi. 11Tuale Topa’ vantungmi in ama kungah,
“Tu-in nang in nau na pai zo a,
tapa khat na nei ding hi;
Topa in na gentheina
hing thudon zo ahi ziehin,
ama’ min pen
Ishmael#16:11 “Pasien in za hi” a cina ahi hi. na phuoh ding hi.
12Ama pen mihing lahah
a gelsuoh laa bang ding a,
ama’ khut in mi zosie langpangin,
mi zosie’ khut in zong
ama a langpang ding hi;
a sanggamte zosie galbawlin
a nungta ding hi,” a ci hi.
13Tuaci’n ama a hopi Topa pen, “Nang, El-roi#16:13 “Muna Pasien” ahi sihle “A mu Pasien” hi theikha ding hi. na hi hi,” ci-in a min phuo hi; azieh pen tua nu in, “Keima in Pasien ka mu zo tahtah ta a, tuale ama ka mu zaw-in kei a hing lai ka hi amah?”#16:13 Heb ah a khietna kicien lo hi. a ci hi. 14Tua ahi ziehin tua tuikhuh pen a min Beer-lahai-roi#16:14 “Keima ei mu a Nungta Pa’ Tuikhuh” a cina ahi hi. kici hi; tua khu Kadesh le Bered kikalah a om hi.
15Abram in Hagar tawh tapa khat a nei hi. Abram in Hagar tawh a nei a tapa pen a min Ishmael phuo hi.#Gal 4:22 16Hagar in ama#16:16 Heb “Abram” adingin Ishmael a nei hunin Abram kum sawmgiet le guh a pha hi.
Iliyochaguliwa sasa
PIENCILNA 16: ZBOTF01
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Zo Bible © Bible Society of Myanmar, 2018.