PIENCILNA 28
28
1Tua ciengin Isaac in Jacob hlanin ama thupha pie a, tuale thuhilin, “Canaan numeite tawh na kinung sih ding hi. 2Paddanaram-a na nu’ pa Bethuel’ inn ah thakhatin pei in; khum muna na nu’ sanggampa Laban’ tanute khat zi-in va la ta’n. 3Mi honpi khat na suo thei nadingin Vanglien Pasien#28:3 Heb’ zah ngaina-ah “El Shaddai” in nang thupha hing pie hinlen, hing ciphasahin tampi hing phasah taheh. 4Pasien in Abraham a piehsa, tu-in pemta banga na tenna leitang na nei thei nadingin ama in Abraham’ thupha nangma le na suonlehlahte tungah hing pie taheh,” a ci hi.#Pien 17:4-8 5Tua bangin Isaac in Jacob a peisah hi; tuale Jacob le Esau’ nu Rebekah’ sanggampa Aram mi Bethuel’ tapa Laban opna Paddanaram-ah ama a pei hi.
Esau in Ishmael’ Tanu Kinunpi
6Tu-in Isaac in Jacob thupha pie zo a, khum tah panin Paddanaram-ah zi la dinga a sawl lam le thupha a piehin, “Canaan numeite na tenpi sih ding hi,” ci-in ama thuhil a, 7Jacob in nu le pa thu mangin Paddanaram ah a pei zo lam Esau in a thei hi. 8Tuaci’n Canaan numeite in a pa Isaac a lungkimsah lo lam uh zong Esau in a thei hi. 9Ishmael kungah Esau pei a, a neisa a zite banah Abraham’ tapa Ishmael’ tanu, Nebaioth’ sanggamnu Mahalath a zi-in a la hi.
Bethel Muna Jacob’ Mangmat
10Jacob in Beer-sheba khuo nuasie-in Haran lam zuonin a pei hi. 11Mun khatah ama tung a, ni tumzo ahi ziehin tuanah a zan gie hi. Tua munah suongtum khat la a, tangkhamin nei-in a lum hi. 12Ama in mang man a, tua a mangin leitungah kalei#28:12 Ahi sihle “katona lampi” ahi sihle “a kiciengto” khat kidaw-in a dawn in van holto hi; tua kalei tungah Pasien’ vantung mite kato kumsuhin a om uhi.#Jhn 1:51 13A gei-ah#28:13 Ahi sihle “tua tungah a ding hi” Topa ding a, “Kei pen na pu Abraham’ Pasien le Isaac’ Pasien, Topa ka hi hi; nang le na suonlehlahte tungah a tunga na lupna leitang kang pie ding hi;#Pien 13:14-15 14na suonlehlahte lei-a leivui za-in a tam ding vua, nitumna lam, nisuona lam, leilu lam le leitaw lamah na kizel ding uhi; nang le na suonlehlahte tungtawnin leitung minam zosie in thupha ngalaw#28:14 Ahi sihle “amau le amau thupha kipie ding uhi” ding uhi.#Pien 12:3; 22:18 15Nang hing ompi-in na peina po-ah kang cing ding a, tam gamah kang peipikia ding hi, ci thei in; bangzieh ahei cile na tunga kang ciemsa thute ka bawl sieng masangin nang kang nuasie sih ding hi,” a ci hi. 16Tua ciengin a kimutna panin Jacob a khanglo a, “Tam munah Topa om tahtah a, ken lah ka thei kha vawt sih hi!” a ci hi. 17Tuale ama zau a, “Tami mun bangza taha zau huoi ahiei! Tami khu Pasien’ inn lo adang hi lo a, tami khu vantung lutna kotpi ahi hi,” a ci hi.
18Tuaci’n zingmawngin Jacob thobai a, ama in a tangkham-a a zah suongtum la-in khuomin phut a, a tungah sathau a sungsuh hi. 19Ama in khum mun a min Bethel#28:19 “Pasien’ Inn” a cina ahi hi. a hisah hi; ahi vangin a masa-in khum khuopi’ min Luz ahi hi. 20Tua ciengin Jacob in kiciemna khat bawlin, “Pasien in kei ei ompi a, tami ka peina lampi-ah ei kemin neh ding an le sil ding puonte ei pieh a, 21ka pa’ inn lumah lungmuong taha ka tunkia leh, Topa khu ka Pasien ahi ding a, 22khuoma ka phu tami suongtum zong Pasien’ inn ahi ding hi; kei nei pieh zosie tungah sesawm- suo-sekhat pel loin nangma kang pie ding hi,” a ci hi.
Iliyochaguliwa sasa
PIENCILNA 28: ZBOTF01
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Zo Bible © Bible Society of Myanmar, 2018.