Zabúr 51
51
IKKÁWANWÍṈ ZABÚR.
Dáúd minnat o árzú ke sáth Ḳhudá se mag̣firat aur mihrbání kí duạ́ kartá hai (1—12), aur yih bayán kartá hai, ki main kis tarah apní shukrguzárí zahir karúngá (13—19).
Sardár Mug̣anní ke liye; Dáúd kí Zabúr; jab Nátan Nabí us pás áyá, chúṉki wuh Bintsabạ pás gayá thá.
1Ai Ḳhudá, apní mihrbání ke mutábiq mujh par rahm kar; apní rahmatoṉ kí firáwání ke mutábiq merí taqsíroṉ ko miṭá de. 2Merí badí se mujhe baḳhúbí dho, aur merí ḳhatá se mujhe táhir kar! 3Kyúṉki maiṉ apní taqsíroṉ ko jántá húṉ, aur merí ḳhatá hamesha mere sámhne hai. 4Maiṉ ne tera, sirf terá hí gunah kiyá, aur terí nigah meṉ badí kí hai, táki tú apne kalam meṉ sádiq rahe aur apne insáf karne meṉ barí ṭhahre. 5Dekh, maiṉ badí meṉ paidá húá, aur gunah ke sáth merí má ne mujhe péṭ meṉ liya. 6Dekh, tú ne bátin meṉ sacháí cháhí hai, aur andarún meṉ tú mujhe hikmat kí shináḳht baḳhshegá. 7Tú mujhe zúfá se pák karegá, aur maiṉ táhir húṉgá; mujhe dho ḍálegá, aur maiṉ barf se ziyádatar sufaid ho jáúṉgá. 8Tú mujhe ḳhushi aur ḳhurramí kí khabar sunáegá, tab wuh haḍḍíáṉ jinheṉ tú ne kuchlá hai shád hongí. 9Merí ḳhatáoṉ se chashmposhí kar, aur merí sárí badíáṉ miṭá de. 10Ai Ḳhudá, mere liye pák dil paidá kar, aur mustaqím rúh mere andarún meṉ naí baná. 11Mujhe apne huzúr se na nikal, aur apná Ruh-ul-Quds mujh se na le. 12Apní naját kí ḳhushí mujhe phir ịnáyát kar, aur rúh i razámand se mujhe sambhál.
13 Tab maiṉ taqsírwároṉ ko terí ráheṉ sikhláúṉgá, aur ḳhatákár terí taraf phirenge. 14Ai Ḳhudá, merí naját ke Ḳhudá, ḳhún se merí riháí kar, aur merí zabán terí sadáqat ká tarannum karegí. 15Ai Khudáwand, tú mere laboṉ ko kholegá, aur mera muṉh terí hamd bayán karegá. 16Kyúṉki tú zabíhe se ḳhush nahín hotá, nahíṉ, to maiṉ detá; soḳhtaní qurbání se tú rází nahíṉ hai. 17Ḳhudá ke zabíhe shikasta rúh haiṉ; dil shikasta aur kuchle húe ko, Ai Ḳhudá, tú haqír na jánegá. 18Apní razámandí se Saihún par mihrbání kar; tú Yarúshalam kí díwároṉ ko banáegá. 19Tab tú sadáqat ke zabíhoṉ aur coḳhtaní o kámil qurbání se ḳhush hogá; tab wuh tere mazbah par bail chaṛháenge.
Iliyochaguliwa sasa
Zabúr 51: URDRPS
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Historical text first published in 1863, and maintained by the British and Foreign Bible Society.
Zabúr 51
51
IKKÁWANWÍṈ ZABÚR.
Dáúd minnat o árzú ke sáth Ḳhudá se mag̣firat aur mihrbání kí duạ́ kartá hai (1—12), aur yih bayán kartá hai, ki main kis tarah apní shukrguzárí zahir karúngá (13—19).
Sardár Mug̣anní ke liye; Dáúd kí Zabúr; jab Nátan Nabí us pás áyá, chúṉki wuh Bintsabạ pás gayá thá.
1Ai Ḳhudá, apní mihrbání ke mutábiq mujh par rahm kar; apní rahmatoṉ kí firáwání ke mutábiq merí taqsíroṉ ko miṭá de. 2Merí badí se mujhe baḳhúbí dho, aur merí ḳhatá se mujhe táhir kar! 3Kyúṉki maiṉ apní taqsíroṉ ko jántá húṉ, aur merí ḳhatá hamesha mere sámhne hai. 4Maiṉ ne tera, sirf terá hí gunah kiyá, aur terí nigah meṉ badí kí hai, táki tú apne kalam meṉ sádiq rahe aur apne insáf karne meṉ barí ṭhahre. 5Dekh, maiṉ badí meṉ paidá húá, aur gunah ke sáth merí má ne mujhe péṭ meṉ liya. 6Dekh, tú ne bátin meṉ sacháí cháhí hai, aur andarún meṉ tú mujhe hikmat kí shináḳht baḳhshegá. 7Tú mujhe zúfá se pák karegá, aur maiṉ táhir húṉgá; mujhe dho ḍálegá, aur maiṉ barf se ziyádatar sufaid ho jáúṉgá. 8Tú mujhe ḳhushi aur ḳhurramí kí khabar sunáegá, tab wuh haḍḍíáṉ jinheṉ tú ne kuchlá hai shád hongí. 9Merí ḳhatáoṉ se chashmposhí kar, aur merí sárí badíáṉ miṭá de. 10Ai Ḳhudá, mere liye pák dil paidá kar, aur mustaqím rúh mere andarún meṉ naí baná. 11Mujhe apne huzúr se na nikal, aur apná Ruh-ul-Quds mujh se na le. 12Apní naját kí ḳhushí mujhe phir ịnáyát kar, aur rúh i razámand se mujhe sambhál.
13 Tab maiṉ taqsírwároṉ ko terí ráheṉ sikhláúṉgá, aur ḳhatákár terí taraf phirenge. 14Ai Ḳhudá, merí naját ke Ḳhudá, ḳhún se merí riháí kar, aur merí zabán terí sadáqat ká tarannum karegí. 15Ai Khudáwand, tú mere laboṉ ko kholegá, aur mera muṉh terí hamd bayán karegá. 16Kyúṉki tú zabíhe se ḳhush nahín hotá, nahíṉ, to maiṉ detá; soḳhtaní qurbání se tú rází nahíṉ hai. 17Ḳhudá ke zabíhe shikasta rúh haiṉ; dil shikasta aur kuchle húe ko, Ai Ḳhudá, tú haqír na jánegá. 18Apní razámandí se Saihún par mihrbání kar; tú Yarúshalam kí díwároṉ ko banáegá. 19Tab tú sadáqat ke zabíhoṉ aur coḳhtaní o kámil qurbání se ḳhush hogá; tab wuh tere mazbah par bail chaṛháenge.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Historical text first published in 1863, and maintained by the British and Foreign Bible Society.