Zabúr 57
57
SATTÁWANWÍṈ ZABÚR.
Is zabúr ke pahle hisse meṉ Dáúd apní un musíbatoṉ ká bayán kartá hai jo us ke dushmanoṉ kí badḳhoí aur ạdáwat ke sabab se barpá húíṉ, aur minnat o árzú kartá lai ki Ḳhudá use in saḳht tangíoṉ se bacháe (1—4); aur dúsre meṉ yih yaqín hásil karke ki Ḳhudá us kí duạ́ ko mustajáb farmáke apná fazl baḳhshegá usí ke liye Ḳhudá kí shukrguzárí kartá hai (5—11).
Sardár Mug̣anní ke liye; Halák na kar:#Dáúd ne Sáúl kí nisbat Abishai se farmáyá ki use halák na kar (1 Sam. 26:9)! Aur jab Sáúl ke satáne ke sabab se wuh tangí meṉ rahá kartá thá, tab aksar us ko lázim thá ki usí tarah se duá meṉ kahá kare ki mujhe halák na kar! Zabúr 58, 59, 75. Dáúd ká Ráz, jab wuh Sáúl ke sámhne se g̣ar meṉ bhágá.
1Mujh par rahm kar, Ai Ḳhudá, mujh par rahm kar, kyúṉki merí ján ne tujh meṉ panáh ḍhúnḍhí hai, aur maiṉ tere paroṉ ke sáye tale panáh lúṉgá, jab tak yih áfateṉ 2guzar na jáeṉ. Maiṉ Ḳhudá Taạ́lá ko pukárúṉgá, us Qádir i Mutlaq ko, jo apne wạdon ko mere haqq meṉ púrá kartá hai. 3Wuh ásmánoṉ se bhejegá aur mujhe bacháegá jis par mere nigalnewále ne tana-zaní kí hai. Siláh! Ḳhudá apní mihrbání aur amánatdárí ko bhejegá. 4Merí ján sheroṉ ke bích meṉ hai; maiṉ jalnewáloṉ, yạne, baní Ádam ke darmiyán leṭúṉgá; un ke dánt bhale aur tír haiṉ, aur un kí zabán tez talwár.
5Ai Ḳhudá, ásmánoṉ ke úpar baland ho, sárí zamín ke úpar terá jalál ho! 6Unhoṉ ne mere qadamoṉ ke liye jál taiyár kiyá; us ne merí ján ko dabá ḍálá; unhoṉ ne mere sámhne gaṛhá khodá; wuh us ke bích meṉ gir pare. Siláh. 7Ai Ḳhudá, mera dil mustaqím hai, mera dil mustaqím hai, maiṉ gáúṉgá, aur nag̣ma-saráí karúṉgá. 8Ai merí shaukat, jág! Ai bín aur barbat, jág! 9Maiṉ sahar ko jagáúṉga. Ai Ḳhudáwand, maiṉ ummatoṉ meṉ tera shukr karúṉgá; qaumoṉ meṉ terí hamd meṉ nag̣ma-saráí karúṉgá. 10Kyúṉki terí mihrbání ásmánoṉ tak buzurg hai, aur terí amánatdárí badlíoṉ tak. 11Ai Ḳhudá, ásmánoṉ ke úpar baland ho, sárí zamín ke úpar tera jalál ho!
Iliyochaguliwa sasa
Zabúr 57: URDRPS
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Historical text first published in 1863, and maintained by the British and Foreign Bible Society.
Zabúr 57
57
SATTÁWANWÍṈ ZABÚR.
Is zabúr ke pahle hisse meṉ Dáúd apní un musíbatoṉ ká bayán kartá hai jo us ke dushmanoṉ kí badḳhoí aur ạdáwat ke sabab se barpá húíṉ, aur minnat o árzú kartá lai ki Ḳhudá use in saḳht tangíoṉ se bacháe (1—4); aur dúsre meṉ yih yaqín hásil karke ki Ḳhudá us kí duạ́ ko mustajáb farmáke apná fazl baḳhshegá usí ke liye Ḳhudá kí shukrguzárí kartá hai (5—11).
Sardár Mug̣anní ke liye; Halák na kar:#Dáúd ne Sáúl kí nisbat Abishai se farmáyá ki use halák na kar (1 Sam. 26:9)! Aur jab Sáúl ke satáne ke sabab se wuh tangí meṉ rahá kartá thá, tab aksar us ko lázim thá ki usí tarah se duá meṉ kahá kare ki mujhe halák na kar! Zabúr 58, 59, 75. Dáúd ká Ráz, jab wuh Sáúl ke sámhne se g̣ar meṉ bhágá.
1Mujh par rahm kar, Ai Ḳhudá, mujh par rahm kar, kyúṉki merí ján ne tujh meṉ panáh ḍhúnḍhí hai, aur maiṉ tere paroṉ ke sáye tale panáh lúṉgá, jab tak yih áfateṉ 2guzar na jáeṉ. Maiṉ Ḳhudá Taạ́lá ko pukárúṉgá, us Qádir i Mutlaq ko, jo apne wạdon ko mere haqq meṉ púrá kartá hai. 3Wuh ásmánoṉ se bhejegá aur mujhe bacháegá jis par mere nigalnewále ne tana-zaní kí hai. Siláh! Ḳhudá apní mihrbání aur amánatdárí ko bhejegá. 4Merí ján sheroṉ ke bích meṉ hai; maiṉ jalnewáloṉ, yạne, baní Ádam ke darmiyán leṭúṉgá; un ke dánt bhale aur tír haiṉ, aur un kí zabán tez talwár.
5Ai Ḳhudá, ásmánoṉ ke úpar baland ho, sárí zamín ke úpar terá jalál ho! 6Unhoṉ ne mere qadamoṉ ke liye jál taiyár kiyá; us ne merí ján ko dabá ḍálá; unhoṉ ne mere sámhne gaṛhá khodá; wuh us ke bích meṉ gir pare. Siláh. 7Ai Ḳhudá, mera dil mustaqím hai, mera dil mustaqím hai, maiṉ gáúṉgá, aur nag̣ma-saráí karúṉgá. 8Ai merí shaukat, jág! Ai bín aur barbat, jág! 9Maiṉ sahar ko jagáúṉga. Ai Ḳhudáwand, maiṉ ummatoṉ meṉ tera shukr karúṉgá; qaumoṉ meṉ terí hamd meṉ nag̣ma-saráí karúṉgá. 10Kyúṉki terí mihrbání ásmánoṉ tak buzurg hai, aur terí amánatdárí badlíoṉ tak. 11Ai Ḳhudá, ásmánoṉ ke úpar baland ho, sárí zamín ke úpar tera jalál ho!
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Historical text first published in 1863, and maintained by the British and Foreign Bible Society.