St. Luka 4
4
1Lone Yesus cî tyang e uêy e Dén-did aci mec etong Yordan ko aci kuad etong uêy e yuic; 2ko na akol wtyer-nguan aci têm etong jak. Ko akeyʼ cam akôlké; ko na akôl acî táb yen aci nok cok. 3Lone jak aci lek yen: Na yin man e Dén-did, lek kuré bî a monó. 4Ko Yesus aci lek yen: Aci gor: Acie monó yetok ran a pir, lone e uet e Dén-did eben. 5Ko jak aci yen kuad alel-nom atoyn, ko aci yen nyod bey e piñ eben ghon tok; 6Ko aci lek yen: Ghên abi yek yin ryelé ko didé eben; ké kak acî yek etong ghên, ko a yek kak etong kan ghên a nong puou. 7Ko yekan, na yin a lec ghên, kan eben abi a ke-du. 8Ko Yesus aci bêr ko aci lek yen: Aci gor: Lec beyn-did Dén-did-du ko loák yen etok. 9Ko yen (jak) aci yen kuad Yerusalem, ko aci yen tau ghun e Dén-did dol ko aci lek yen; Na yin man e Dén-did, cuate rot piñ, 10ké aci gor: Yen aci cyeng ajāk-ke etong yin, bi kêk yen tit. 11Ko, kêk abi yin bei e ke-cén, dûn yin biyen bi gut yi cok e kûr. 12Ko Yesus aci bêr ko lek yen: Aci luel: Dûne tēm beyn-did Dén-did-du.
13Ko na aci tâb tēm eben, jak aci jàl etong yen ghêt ghone.
14Ko Yesus aci dûk e ryel e Uêy pan Galilaea, ko uet aci ben bey etong yen e pan eben ic. 15Ko yen aci nyèc e ghut e nyic-ken, ko aci did etong kêk eben. 16Ko aci ben Nazareth pan-de, ko acit têt-de aci lo ghun e nyic akol e Sabbath, ko aci rot jot bi lem. 17Ko aci yen yek gor Isaya ran e ting; ko na aci gor uar, aci yòk tede cì gor ten: 18Uèy e Beyn-did ke ghên; ké yekan yen aci ghèn tōc, ba luel pyat etong koyc ci ngong; yen aci ghên tōc ba dèm koyc ci nyac puón-den; 19ba uet koyn koyc cì màc, ko ting etong koyc cî cōr; ba tau koyc cî rûk e koyn; ba uet ruòn e Dén-did ci lor, ko akol ryop. 20Ko na yen aci gor dol, aci yen yek etong aloák, ko aci nyuc. Ko nyin e koyc eben ghun e nyic-ic aci yen lyèc. 21Lone yen aci gol ko aci luel: Akolé goré aci a yic e ue yid. 22Ko koyc eben aci yek gam etong yen ko aci dyèr etong uèl e ryel ci ben bey e yen wtok, ko aci luel: Acie kan man e Yoseph?
23Ko yen aci lek kêk: Itet uêk abi lek ghên luope: Ran e ual, dem rot; kan acûg ping cî a e Kapharnaum, luoy kak ayá ten pan-du.
24Lone yen aci lek etong kêk: Itet ghên a lek uêk: acin tok ran e ting aci lor pan-de. 25Yic ghên a lek uêk: Aci to tin dyar-bâr cuec e ísrael ghon Elias, na wnyal aci wtôk e run dyak ko pêy wdetem, na aci cok adid e pan eben 26ko Elias akeyʼ tōc etong tok etong kêk, e Sarepta pan e Sidonia etong tik abár. 27Ko aci to tin koyc auanya cuec e Israel ghon Elisaeus, ko acin tok etong kêk akeyc gher, e Naaman e Syries. 28Ko koyc eben e Synagoga aci wtyan e ghok, na kêk aci kan ping; 29ko kêk aci rot jot, ko aci yen cyec akenbay pan, ko aci yen kuad ghêt alel-nom, ci to tin pan-den, bi kêk yen cuat piñ. 30Lone yen aci ret a ke callic ko aci jal.
31Ko aci yid piñ Kapharnaum pan e Galilaea, ko aci kêk nyèc tetúy akol e Sabbath, 32Ko kêk aci dyèr etong nyèc-de; ké uèl-ke a to ryel tin.
33Ko ghun e nyic aci to tin ran a nong jân rac, ko aci cyú e kuoy did, ko aci luel: 34Puol, ye-ngu etong ghên ko yin, Yesus etong Nazareth? Yin aci ben ba ghôg ryâc? Ghên a nyic, yin e-nga, yin ke-wnyalé e Dén-did.
35Ko Yesus aci yen cil ko aci luel: Mim ko jale etong ran. Ko na jak aci yen yuit callic, aci ben bey etong yen, ko akeyc kede rêk yen.
36Ko aci a ryoc etong koyc eben, ko aci jam ke rot ko aci luel: Ye-ngu uet-de? ké yen a ryel ko leu a cyeng uêy rac ko kêk a bo bey.
37Ko aci tyay kuoy-de tede beyke eben.
38Lone Yesus aci rot jot etong ghun e nyic, ko aci lo ghun e Simon, Ko mán-tin e Simon aci nok juan did, ko kêk aci yen lim etong kan. 39Ko yen aci tau rot ye-lôm ko aci cyeng juay, ko juay aci yen puol. Ko yen aci rot dayʼ jot ko aci loák etong kêk.
40Lone na ruel aci cuol, koyc eben a nong beyc keke juay acî-wton, aci kêk kuad etong yen. Ko yen aci tau ran eben ye-cèn ke nim, ko aci kêk dèm. 41Ko jak aci ben bey etong cuec, ko aci cyú ko aci luel: Yin e Man e Dén-did; ko yen aci kák cil, ko akeyc kêk puol bik jam, ké kêk aci nyic yen e Christus. 42Lone na acî akol, yen aci ben bey ko aci lo tede ror, ko koyc aci yen kor ko aci ben ghêt yen, ko aci yen geng dûn yen bi jàl etong kék. 43Lone yen aci lek kêk: Ayá e bey-dé ghén abi uét uel pan e Dén-did ké ghên aci tōc e ye kan. 44Ko yen aci uét ghuot e nyic e Galilaea.
Iliyochaguliwa sasa
St. Luka 4: CIEC1905
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© British and Foreign Bible Society