MATIU 26
26
An‑na Chisɔsi fa koe ɔ bɛn
(Maki 14:1-2; Duku 22:1-2; Chɔn 11:45-53)
1Chisɔsi ban‑da kɛn mɔɛ n kan‑da bai chɛ n gbɛɛ a, mbɛ a‑a a fɔ a fɛ denɛ n ye, a ɔ, 2“Wo‑a a ɔ sɔn fan, mbɛ a to‑a bi tee fea, mbɛ kun bɔ a ɔ bɛnɛ tima chɛ che‑a. A tima chɛ a, n fan, Mɔ Gbu 'a Denɛ, an mbe n be‑a wan mɔɛ chɛ n ma, miin mbe n fa‑a kɔn gbengbandenɛ ma.”
3Mbɛ Chu n tɛ ɔ mɔɛ nu Yataa a, an 'na mansa nu, a basan Chu gbakoo n na, an bɛn‑da kaina dɔndɔ, an 'na tɛ mɔ wa Yataa tena, a 'a chenɛ a. An 'na tɛ mɔ wa chɛ tɔ ni Kayafasi. 4An bɛn‑da kɛn, an‑na dɔbɛnɛ chɛ wan, an ni Chisɔsi bia nun dɔ, mbɛ an‑na a fa. 5Chɛɛ an‑na a fɔ wan an nyɔn ye, an dɔ, “Mmɔ ma a ma bɛn chɛ kun ma, an ma na gbunɛ a bea.”
Musu dɔndɔ‑a sɛndi tu chɛ Chisɔsi ma
(Maki 14:3-9; Chɔn 12:1-8)
6Mbɛ Chisɔsi che‑a Bɛtani duu ɔ. A yia‑a wan kamin dɔndɔ 'a chenɛ a, min tɔ ni Saimɔn. Saimɔn chɛ ni mɔɛ an na, gbandi yama bɔen ni tee min gboo ma. 7An fea Chisɔsi a an ni kɛn si ɔ daun chɛ a, musu dɔndɔ na‑a wan tu kunyɛ a diama wa a an chen chɛ a. Tu chɛ ni baa an dɔ min nyanden ni senɛ ɔ. An sen baa chɛ baa ni gbɛ kaka, a basan tu a, min ni a ɔ. A‑a an tu chɛ gbɛɛ chɛ wan Chisɔsi kunɛ ɔ. 8Chɛɛ Chisɔsi fɛ denɛ n‑na chɛ ɔ yen kɛn, an faa tɛ‑a wan. An dɔ, “Musu chɛ‑a tu bonda chɛ gbɛɛ yayi fen ko a? 9Koe min na mu, a ni a ma tachɛ wan bɛɛ kɔpɔ sɛmbɛnden na, mbɛ a‑a a be yɔn tɔɛ n ma.”
10Chɛɛ Chisɔsi na‑a a ɔ sɔn fan, mbɛ an faa tɛen fan ni. Mbɛ a‑a a fɔ an ye, a ɔ, “Wo wo boo ka musu chɛ a. Fen ko a mu, wo e a ma bɔ tena? A‑a ko ma kawaen ba an ma ka n tena. 11A mu min na, yɔn tɔɛ n mbe ma‑a wan wo tɛ ɔ. Chɛɛ n tana, n mbe ee ma‑a wo tɛ ɔ tima ɔ tima ko a. 12A‑a tu min chɛ ka n kunɛ ɔ, a‑a n ma bɛn fan ka n tɔn koe a, n fa tima ya ɔ. 13A‑a min ma ka, n ni a ma din wo tena, a ee danka‑a nɛ. Chɛɛ kan kɔ kan dunya chɛ ɔ, sakana bai chɛndɛ chɛ ɛ fɔ‑a kaina, musu chɛ 'a ko chɛndɛ chɛ wɛɛ, ɛ fɔ‑a wan nɔ, mɔɛ n gbɛɛ ni a a min.”
Chudasi‑a Chisɔsi ma tachɛ kɔpɔɛ ko a
(Maki 14:10-11; Duku 22:3-6)
14Chɛ gbakɔ, Chudasi Isikayɔti, min ni Chisɔsi fɛ den tan kun ma fea chɛ n dɔndɔ a, a ta‑a Chu n tɛ mɔɛ nu Yataa a, an 'na mansa n tan. 15Mbɛ a ɔ, “Ni n basan‑da wo ma Chisɔsi bia koe a, wo e fen be‑a n ma?” Mbɛ an bɛɛ an‑na kain gbɛnsɛn bi sawa dan, mbɛ an‑na a be a ma. 16A ka gbɛ a tee chɛ ma, Chudasi ni wan gbɛ chia yan‑da, ɛ kun buɛ min dɔ a ni Chisɔsi ma tachɛ mɔɛ chɛ n ma.
Chisɔsi‑a kun bɔ a ɔ bɛnɛ bia, an bɛ a fɛ denɛ n na
(Maki 14:12-21; Duku 22:7-13, 21-23; Chɔn 13:21-30)
17Mbɛ tee saa saa che‑a bɛn chɛ ko a, biidi dɛnfɛ daun bɛn chɛ. Chisɔsi fɛ denɛ n na‑a a tena, an dɔ, “Kan mɔ, nn mbe ta mende, nn ni daun fen chɛ ɔ bɛn mmɔ ko a, kun bɔ a ɔ daun fen chɛ?”
18Mbɛ Chisɔsi‑a a fɔ an ye, a ɔ, “Wo ta kamin chɛ tena duu ɔ. Ni wo ta‑a, wo a fɔ a ye, wo ɔ, n dɔ te, n 'na tima che‑a. Mbɛ a sin, n mbe kun bɔ a ɔ daunɛ chɛ tena nɔ wan a waa chenɛ a, mmɔ bɛ wo a.”
19Chisɔsi fɛ den chɛ n ta‑a wan, mbɛ an‑na a ma, yɔ a‑a min fɔ an ye a ma koe a. Mbɛ an‑na daun fen chɛ gbu ɔ bɛn, kun bɔ a ɔ bɛn chɛ ko a.
20A yɛɛ ma tee chɛ a, Chisɔsi si‑a wan daun chɛ koe a, an bɛ a fɛ den tan kun ma fea chɛ n na. 21An to‑a daun chɛ tena wan, mbɛ a ɔ, “N ni a ma din wo tena, mbɛ wo dɔndɔ ɛ na tena wan n ma tachɛ‑a.”
22A fɛ den chɛ n‑na bai chɛ a min kɛn, an faa yɔn‑da wan kaka. Mbɛ an bun‑da Chisɔsi ɔ tisa‑a dɔndɔ dɔndɔɛ a, an dɔ, “Mansa, n gbee ma chɛ a, ae?”
23Mbɛ Chisɔsi ɔ, “Wo dɔndɔ, ɛ na tena wan n ma tachɛ‑a. Nn fea gbu nn mbe daunɛ chɛ tena koen dɔndɔɛ ɔ min na. 24N fan, Mɔ Gbu 'a Denɛ, n mbe na tena wan fa‑a, yɔ a nyɛnden mu buɛ min dɔ Yataa 'a gboo ɔ, a si n ma. Chɛɛ ɛ yaua‑a gba mɔɛ chɛ ko a, min mbe n ma tachɛ‑a. Ni a nii ma suun ni, a ni nyan‑da wan a ko a.”
25Mbɛ Chudasi, min dɔn‑da Chisɔsi ma tachɛ koe a, a koɔ‑a, a ɔ, “Kan mɔ, n gbee ma chɛ a, ae?”
Chisɔsi ɔ, “I wandi da an‑na a fɔ ka.”
Chisɔsi‑a daun fenɛ dankama daun, an bɛ a fɛ denɛ n na
(Maki 14:22-26; Duku 22:14-20; 1 Kɔyindi 11:23-25)
26An mbe kɛn daun chɛ chɛ‑a, Chisɔsi‑a biidi dɔndɔ ya. Mbɛ a‑a Yataa ɔ tisa, a ni biidi chɛ dua. Mbɛ a‑a a ɔ kai kai, mbɛ a‑a a du du an ma, ɛ ta‑a a fɔ‑a, a ɔ, “N fandi gbu, n gboo an nɛ. Wo a bia, wo ni a daun.”
27Mbɛ a‑a kɔpu ya, gbɛ ni min dɔ. Mbɛ a‑a Yataa wai bɔ, a‑a a be an ma, ɛ ta‑a a fɔ‑a, a ɔ, “Wo gbɛɛ, wo chɛ sima kai a a dɔndɔ dɔndɔɛ a. 28A mu min na, n wii an nɛ, n mbe na tena min na bɔn‑da mɔ gbu gbɛɛ ko a, min mbe a ma, Yataa ni a boo bɔ wo 'a ko yama n dɔ. N wii chɛ, Yataa ɛ an ya tena, mbɛ a‑a dɔbɛn nama chɛ a 'a mɔɛ n na. 29Ka wɛ, n ni a ma din wo tena. N mbe ee gbɛ chɛ min‑da to, mɔɔ dechee tima chɛ a, tima min na Fa Yataa ɛ a 'a mansaya ɔ yian‑da. A tima an na mu, n mbe gbɛ nama min‑da, mmɔ bɛ.”
30Mbɛ Chisɔsi n‑na Yataa si sa, an bɛ a fɛ denɛ n na. Mbɛ an ta‑a kɔnkɔɛ chɛ ɔ, min tɔ ni Wodifi kɔnkɔɛ.
Chisɔsi ɔ te, Pita ɛ a wakoe kɔɔsa bia chɛ‑a wan
(Maki 14:27-31; Duku 22:31-34; Chɔn 13:36-38)
31An che‑a kɛn Wodifi kɔnkɔɛ ɔ, mbɛ Chisɔsi ɔ, “Wo gbɛɛ, wo e na tena wan ka‑a n fɛ su chɛ ɔ. Koe min na mu, a nyɛnden fan mu Yataa 'a gboo ɔ, mbɛ ni Yataa‑a sa kun ma fɛn mɔɛ ya, mbɛ sa n dɔ ɛ fasan fan. 32Chɛɛ tima min na Yataa ɛ n kɔɔ sɔ‑a, a ka saya ɔ, n mbe ta‑a wan wo ya ɔ Kadidi chɛnyɛ ɔ.”
33Chɛɛ Pita‑a a fɔ wan Chisɔsi ye, a ɔ, “N bɔɛ chɛ n gbɛɛ ni ka wɛɛ i fɛ, n tana, n mbe ee ka‑a i fɛ.”
34Mbɛ Chisɔsi ɔ, “Pita, n ni a ma din i tena, mbɛ tɛ kɔnɛ e na konchee sayi chɛ ma, e kɔɔsa bia chɛ‑a wan gba sawa, a si n sɔn koe ma i boo ɔ.”
35Chɛɛ Pita ɔ, “I fa tena, n fa tena. N mbe ee kɔɔsa bia chɛ‑a i wakoe ma.”
Mbɛ Chisɔsi fɛ denɛ tɔɛ n gbɛɛ, an‑na a fɔ ka wan.
Chisɔsi‑a samunɛ chɛ, Kɛsemani kaina
(Maki 14:32-42; Duku 22:39-46)
36Mbɛ Chisɔsi ta‑a kaina dɔndɔ, min tɔ ni, Kɛsemani,#26:36 Kɛsemani ni kɔn nangbanɛ an na, wodifi kɔnɛ, an Wodifi kɔnkɔɛ chɛ kaa ma. An ni tu an bɔ an kɔn chɛ gbɔɛ ɔ. an bɛ a fɛ denɛ n na. An‑na a fo nɔ, mbɛ a ɔ, “Wo si nɛ, n mbe ta pan, n ni samunɛ chɛ.” 37Mbɛ a‑a Pita ya, a basan kai Sɛbɛdi 'a den kaien fea an na, mbɛ an‑na an ma ta ɛnden na. Mbɛ mɔnɛ koa‑a a ma a ya a, a faa yɔn‑da kaka. 38Mbɛ a ɔ, “Faayɔnɛ min mbe n ma, a da a koo. A toen mu, a ni ta n na faa. Wo ma chinɔ nɛ, mmɔ ma kɔnɛ chɛ, mmɔ bɛ.”
39Mbɛ a ka‑a wan an baima ɛnden na, mbɛ a‑a a wandi ɔ fuin duu ma susu gbuu, a bun‑da samunɛ chɛ‑a. A ɔ, “Fa, ni ɛ bɛn fan, a ma ko yawaen chɛ ni ka n teen na. Chɛɛ chɛ gbɛɛ ɔ, n ta faa ma koe, an ma ma. Chɛɛ i ta faa ma koe, an ni ma.”
40Mbɛ a yɛ‑a a fɛ den chɛ n tena. A‑a an tan sa ɔ chinɔɛ ɔ. Mbɛ a ɔ Pita ma, “Mmɔ bɛ ee che ma‑a mmɔ ya a, awa dɔndɔ wɛɛ ko a? 41Wo wo kɔɔ sɔ, wo ma chinɔ. Wo samunɛ ma ti bia, Sitana ma na a ma, wo ni wo kan kɔ sɔ Yataa a. Wo toen mu wo ni Yataa faa ma koe n ma, chɛɛ a gbasaya ee wo boo ɔ an ma koe a.”
42Mbɛ Chisɔsi yɛ‑a to, a fean bɔɛ ɔ, mbɛ a‑a samunɛ chɛ. A ɔ, “Fa, ni ko yawaen chɛ ee che ben‑da n ma, mɔɔ ni n‑na a ɔ bia, mbɛ i faa ma, an ni ma.” 43Mbɛ a na‑a to, a‑a an tan sa ɔ to chinɔɛ ɔ. Chinɔɛ fankaen ba ni an ya a, an nii kun an ni an ya a ka.
44Mbɛ a yɛ‑a to, a gba sawan bɔɛ ɔ, samun chɛ tena. A‑a samunɛ chɛ da a kuiɛ dɔndɔ gbe chɛ an dɔ. 45A ban‑da kɛn samun‑da, a‑a a kɔɔ sɔ wan, mbɛ a ta‑a a fɛ den chɛ n tan to. Mbɛ a ɔ, “Wo e ka sa ɔ chinɔɛ an dɔ tun? Wo e wo suin‑da? A yen ko, tima che‑a n ko a. N fan, Mɔ Gbu 'a Denɛ, n ma tachɛ koe a, ko yama ma mɔɛ n ma. 46Wo wo a sɔ, mmɔ ni bun ta‑a. Wo wo ya a ta pan. Mɔɛ min mbe n ma tachɛ tena, a yen ko na‑a.”
An na‑a Chisɔsi bia‑a
(Maki 14:43-50; Duku 22:47-53; Chɔn 18:3-12)
47Chisɔsi to‑a koɔ an na, mbɛ Chudasi, min ni a fɛ den tan kun ma fea chɛ n dɔndɔ a, a na‑a, an bɛ mɔ fanka a. Kɔn kundu ma tɛenɛ, a basan chɛɛ chɛ mɛ a, ɛ an boo ɔ. Chu n tɛ mɔɛ nu Yataa a, an 'na mansa nu, an bɛ Chu gbakoo n na, an fan na‑a mɔɛ chɛ n na na. 48An mbe e na to na‑a, Chudasi na‑a a fɔ wan mɔɛ chɛ n ye, a ɔ, ɛ mɔɛ min kɔndɔn‑da,#26:48 Chu mɔɛ nu, miin ni ma dia nyɔncha ɔ, an ni kɔndɔnɛ chɛ ka wan. An ni an da an tu mɔɛ gbɔngbɔɛ a. a ɔ, an nɛ. A ɔ, an ni dɛ a ma, an ni a bia.
49Chɛ an‑na a ma, Chudasi‑a a fo kɛn, mbɛ a ta‑a Chisɔsi tan a ya kɔɔɛ a. Mbɛ a‑a a fɔ, a ɔ, “Kan mɔ, en wua,” mbɛ a‑a a kɔndɔn.
50Mbɛ Chisɔsi ɔ, “N dia nyɔɛ, i na‑a wai min chɛ koe a, a chɛ dechee.”
Mbɛ an na‑a, an dɛ‑a Chisɔsi ma, an‑na a bia gban. 51Chɛɛ Chu n 'na tɛ mɔ wa Yataa tena, a 'a bɔi denɛ, a ni wan an mɔɛ chɛ n tɛ ɔ. An‑na Chisɔsi bia kɛn, mbɛ a yen ko, a fɛ mɔɛ dɔndɔɛ, a‑a chɛɛ chɛ mɛ bɔ a a, mbɛ a‑a bɔi denɛ chɛ too tɛ a a gbeda. 52Mbɛ Chisɔsi ɔ, “I 'a mɛ a yɛ a sa ɔ. Mɔɛ min mbe mɛ ya butuin chɛ koe a, an mbe a wɛɛ fa‑a mɛ an na. 53A ni ma wo yii ma, mbɛ n mbe kun fan n ni Fa Yataa ɔ tisa, basan koe a n ma. A sin, a ɛ maeka wu sɛsɛ a na‑a wan, an ni butuinɛ chɛ n ko a. 54Chɛɛ ni Yataa‑a chɛ ma, mbɛ a 'a gboo‑a min fɔ, mbɛ koe chɛ n mbe n tan‑da wan, a ee na‑a bɔ a a.”
55Mbɛ Chisɔsi ɔ mɔ fanka chɛ ma, miin na‑a ka a bia‑a, a ɔ, “Wo nii wo wandi tɔɔ na koe a, chɛɛ chɛ mɛ n na wo boo ɔ, a basan kɔn ma tɛenɛ a, n bia koe a. Kanka ma chianden ma n na. Mmɔ‑a tee sɛsɛ wa chɛ gbɛɛ ban, Yataa 'a kata chɛ ɔ, n mbe kan chɛ‑a, wo ma n bia ni. 56Chɛɛ chɛ gbɛɛ ɛ ma tena, min mbe a ma, Yataa 'a gbonka chɛ mɔɛ n na‑a miin nyɛn Yataa 'a gboo ɔ, an ni bɔ a a.”
Mbɛ Chisɔsi fɛ denɛ n gbɛɛ, an‑na a dɔndɔ gbe to, mbɛ an ben‑da bui‑a.
An na‑a Chisɔsi a, Chu kuti wa chen kɔɔ
(Maki 14:53-65; Duku 22:54-55, 63-71; Chɔn 18:13-14, 19-24)
57Mɔɛ miin na‑a Chisɔsi bia, an ta‑a wan a a Kayafasi 'a chenɛ a, min ni Chu n tɛ mɔɛ nu Yataa a, an 'na tɛ mɔ wa a. A tima chɛ a, Chu n 'na sawa kan mɔɛ n na kanden fan ni nɔ, an bɛ Chu gbakoo n na. 58Pita‑a a sɔ Chisɔsi fɛ, chɛɛ a ma dɔn ni a ni gbɛn an ma gbɛdɛn. An ta‑a wan aan, a che an kata chɛ ɔ. Mbɛ an don‑da nɔ. Pita wɛɛ don‑da wan, mbɛ a si‑a, an bɛ kata chɛ kun ma fɛn mɔɛ chɛ n na. A toen ni a ni a ɔ sɔn ni an mbe fen ma‑a Chisɔsi a. 59Mbɛ Chu n tɛ mɔɛ nu Yataa a, an 'na mansa nu, an bɛ Chu kuti wa ɔ mɔɛ n gbɛɛ a, an bun‑da fania siiya yan‑da, a si Chisɔsi ma. An toen ni chia an na, a fa koe a. 60Mɔ sɛsɛ n na‑a wan, an‑na fania fɔ Chisɔsi ma. Chɛɛ an‑na chɛ ma wɛɛ, fania nii nɔ, min mbe a ma, an ni a fa. Mbɛ a danka a, mɔ fea n‑na an kɔɔ sɔ, siiya ma munda bɔ koe a. 61Mbɛ an dɔ, “Kamin chɛ na‑a a fɔ wan, a ɔ, ɛ kun fan a ni Yataa 'a chen chɛ te, mbɛ a‑a a sɔ tee sawa tɛ ɔ.”
62Mbɛ Chu n 'na tɛ mɔ wa Yataa tena, a‑a a kɔɔ sɔ, mbɛ a sɔ‑a. Mbɛ a‑a Chisɔsi ɔ tisa, a ɔ, “A yen ko gbɛ siiya n‑na bai chɛ gbɛɛ fɔ, a si i ma. Bai ɔ bai ee i da a, e min fɔ, min mbe i kun bɔ koe chɛ ɔ?” 63Chɛɛ Chisɔsi ma bai ɔ bai fɔ ni, a‑a a ma maun fan. Mbɛ tɛ mɔ wa chɛ ɔ, “Tea fɔ nn ye, Yataa ko a, ni i wan mu Chasi a, kunka mansa chɛ a, Yataa 'a denɛ chɛ.”
64Mbɛ Chisɔsi ɔ, “I‑a an fɔ ka. Chɛɛ n ni a ma din wo tena, mbɛ a ka sanche ma aan a ta, n fan, Mɔ Gbu 'a Denɛ, wo e n yen‑da wan si ɔ kaina ma bɛndenɛ Yataa boo nyima ɔ, gbasaya ɔ. A sin, wo e n yen‑da wan na‑a, banda a dugbu ɔ.”
65Tɛ mɔ wa chɛ‑a bai chɛ a min kɛn Chisɔsi da a, a‑a a ma doma a panda wan. A ɔ, “A‑a Yataa main. Mmɔ ɛ to‑a to siiya dɔ mende minan na? Mmɔ ban‑da a a min‑da a wandi da a, ɛ Yataa main‑da. 66Fen bai ɛ wo da a, a fɔ koe a?”
Mbɛ Chu kun ti chɛ n dɔ, “A nyin a ni fa. Koe min na mu, a yɛi mu.”
67Mbɛ an‑na an da yii fu Chisɔsi ya a, dɔ n‑na a tu botani a, dɔ n sin‑na a gban fɛ gbasi. 68An mbe ta‑a a fɔ‑a, an dɔ, “Kunka mansa, a ɔ yian bɛ nn na. Nyɔn mbe ka i gbasi‑a?”
Pita‑a kɔɔsa bia chɛ, Chisɔsi wakoe ma
(Maki 14:66-72; Duku 22:56-62; Chɔn 18:15-18, 25-27)
69Pita‑a a tun fan si koe a kata chɛ ɔ, mbɛ bɔi den musuma tɔngbɔ dɔndɔ, min ni tɛ mɔ wa chɛ 'a chenɛ a, a na‑a Pita tena. Mbɛ a ɔ, “I wɛɛ, i ni wan Chisɔsi fɛ, Kadidi mɔɛ chɛ.”
70Chɛɛ Pita‑a kɔɔsa bia chɛ wan a ma, mɔɛ chɛ n gbɛɛ ya kɔɔɛ. A ɔ, “N ma a ɔ sɔn, e ka bai min sa tena.” 71A ta‑a to kata chɛ da wɛɛ a, mbɛ bɔi den musuma dɔndɔ‑a a yen to nɔ sɔ ɔ. Mbɛ a wɛɛ ɔ, “Kamin chɛ wɛɛ ni wan Chisɔsi chɛ fɛ, min ka‑a Nasaɛti duu ɔ.”
72Pita‑a chɛ wɛɛ kɔɔsa bia wan, kai wandi ɔ. A ɔ, “N mbe a fɔ tena Yataa chen kɔɔ nɛ, mbɛ n ma kamin chɛ sɔn, min tɔ mu Chisɔsi.”
73A ɔ ma yansan ni to, mbɛ mɔɛ miin ni ka nɔ sɔ ɔ, an bɛɛ gbɛn‑da a ma. Mbɛ an dɔ, “Mɔ dɔndɔ mu i a, min ni Chisɔsi fɛ. Nn‑na chɛ ɔ sɔn i koɔ buɛ an ma.”
74Chɛɛ Pita ɔ, “Yataa ni n tɔɔya, ni n mbe ka fania an fɔ tena. N ma kamin chɛ sɔn.”
Ɛ bai chɛ fɔ‑a dechee, mbɛ tɛ kɔnɛ konchee‑a. 75Mbɛ a puin‑da Pita yii ma, mbɛ Chisɔsi na‑a a fɔ wan a ye, a ɔ, “Pita, tɛ kɔnɛ e na konchee, e a fɔ‑a wan yɔ i ma n sɔn, gba sawa ko a.” Chɛ‑a a ma wan, Pita bɔ‑a baa ma, mbɛ a puyɛ‑a di a.
Iliyochaguliwa sasa
MATIU 26: KONONT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
New Testament in Kono © The Bible Society of Sierra Leone, 2006.
MATIU 26
26
An‑na Chisɔsi fa koe ɔ bɛn
(Maki 14:1-2; Duku 22:1-2; Chɔn 11:45-53)
1Chisɔsi ban‑da kɛn mɔɛ n kan‑da bai chɛ n gbɛɛ a, mbɛ a‑a a fɔ a fɛ denɛ n ye, a ɔ, 2“Wo‑a a ɔ sɔn fan, mbɛ a to‑a bi tee fea, mbɛ kun bɔ a ɔ bɛnɛ tima chɛ che‑a. A tima chɛ a, n fan, Mɔ Gbu 'a Denɛ, an mbe n be‑a wan mɔɛ chɛ n ma, miin mbe n fa‑a kɔn gbengbandenɛ ma.”
3Mbɛ Chu n tɛ ɔ mɔɛ nu Yataa a, an 'na mansa nu, a basan Chu gbakoo n na, an bɛn‑da kaina dɔndɔ, an 'na tɛ mɔ wa Yataa tena, a 'a chenɛ a. An 'na tɛ mɔ wa chɛ tɔ ni Kayafasi. 4An bɛn‑da kɛn, an‑na dɔbɛnɛ chɛ wan, an ni Chisɔsi bia nun dɔ, mbɛ an‑na a fa. 5Chɛɛ an‑na a fɔ wan an nyɔn ye, an dɔ, “Mmɔ ma a ma bɛn chɛ kun ma, an ma na gbunɛ a bea.”
Musu dɔndɔ‑a sɛndi tu chɛ Chisɔsi ma
(Maki 14:3-9; Chɔn 12:1-8)
6Mbɛ Chisɔsi che‑a Bɛtani duu ɔ. A yia‑a wan kamin dɔndɔ 'a chenɛ a, min tɔ ni Saimɔn. Saimɔn chɛ ni mɔɛ an na, gbandi yama bɔen ni tee min gboo ma. 7An fea Chisɔsi a an ni kɛn si ɔ daun chɛ a, musu dɔndɔ na‑a wan tu kunyɛ a diama wa a an chen chɛ a. Tu chɛ ni baa an dɔ min nyanden ni senɛ ɔ. An sen baa chɛ baa ni gbɛ kaka, a basan tu a, min ni a ɔ. A‑a an tu chɛ gbɛɛ chɛ wan Chisɔsi kunɛ ɔ. 8Chɛɛ Chisɔsi fɛ denɛ n‑na chɛ ɔ yen kɛn, an faa tɛ‑a wan. An dɔ, “Musu chɛ‑a tu bonda chɛ gbɛɛ yayi fen ko a? 9Koe min na mu, a ni a ma tachɛ wan bɛɛ kɔpɔ sɛmbɛnden na, mbɛ a‑a a be yɔn tɔɛ n ma.”
10Chɛɛ Chisɔsi na‑a a ɔ sɔn fan, mbɛ an faa tɛen fan ni. Mbɛ a‑a a fɔ an ye, a ɔ, “Wo wo boo ka musu chɛ a. Fen ko a mu, wo e a ma bɔ tena? A‑a ko ma kawaen ba an ma ka n tena. 11A mu min na, yɔn tɔɛ n mbe ma‑a wan wo tɛ ɔ. Chɛɛ n tana, n mbe ee ma‑a wo tɛ ɔ tima ɔ tima ko a. 12A‑a tu min chɛ ka n kunɛ ɔ, a‑a n ma bɛn fan ka n tɔn koe a, n fa tima ya ɔ. 13A‑a min ma ka, n ni a ma din wo tena, a ee danka‑a nɛ. Chɛɛ kan kɔ kan dunya chɛ ɔ, sakana bai chɛndɛ chɛ ɛ fɔ‑a kaina, musu chɛ 'a ko chɛndɛ chɛ wɛɛ, ɛ fɔ‑a wan nɔ, mɔɛ n gbɛɛ ni a a min.”
Chudasi‑a Chisɔsi ma tachɛ kɔpɔɛ ko a
(Maki 14:10-11; Duku 22:3-6)
14Chɛ gbakɔ, Chudasi Isikayɔti, min ni Chisɔsi fɛ den tan kun ma fea chɛ n dɔndɔ a, a ta‑a Chu n tɛ mɔɛ nu Yataa a, an 'na mansa n tan. 15Mbɛ a ɔ, “Ni n basan‑da wo ma Chisɔsi bia koe a, wo e fen be‑a n ma?” Mbɛ an bɛɛ an‑na kain gbɛnsɛn bi sawa dan, mbɛ an‑na a be a ma. 16A ka gbɛ a tee chɛ ma, Chudasi ni wan gbɛ chia yan‑da, ɛ kun buɛ min dɔ a ni Chisɔsi ma tachɛ mɔɛ chɛ n ma.
Chisɔsi‑a kun bɔ a ɔ bɛnɛ bia, an bɛ a fɛ denɛ n na
(Maki 14:12-21; Duku 22:7-13, 21-23; Chɔn 13:21-30)
17Mbɛ tee saa saa che‑a bɛn chɛ ko a, biidi dɛnfɛ daun bɛn chɛ. Chisɔsi fɛ denɛ n na‑a a tena, an dɔ, “Kan mɔ, nn mbe ta mende, nn ni daun fen chɛ ɔ bɛn mmɔ ko a, kun bɔ a ɔ daun fen chɛ?”
18Mbɛ Chisɔsi‑a a fɔ an ye, a ɔ, “Wo ta kamin chɛ tena duu ɔ. Ni wo ta‑a, wo a fɔ a ye, wo ɔ, n dɔ te, n 'na tima che‑a. Mbɛ a sin, n mbe kun bɔ a ɔ daunɛ chɛ tena nɔ wan a waa chenɛ a, mmɔ bɛ wo a.”
19Chisɔsi fɛ den chɛ n ta‑a wan, mbɛ an‑na a ma, yɔ a‑a min fɔ an ye a ma koe a. Mbɛ an‑na daun fen chɛ gbu ɔ bɛn, kun bɔ a ɔ bɛn chɛ ko a.
20A yɛɛ ma tee chɛ a, Chisɔsi si‑a wan daun chɛ koe a, an bɛ a fɛ den tan kun ma fea chɛ n na. 21An to‑a daun chɛ tena wan, mbɛ a ɔ, “N ni a ma din wo tena, mbɛ wo dɔndɔ ɛ na tena wan n ma tachɛ‑a.”
22A fɛ den chɛ n‑na bai chɛ a min kɛn, an faa yɔn‑da wan kaka. Mbɛ an bun‑da Chisɔsi ɔ tisa‑a dɔndɔ dɔndɔɛ a, an dɔ, “Mansa, n gbee ma chɛ a, ae?”
23Mbɛ Chisɔsi ɔ, “Wo dɔndɔ, ɛ na tena wan n ma tachɛ‑a. Nn fea gbu nn mbe daunɛ chɛ tena koen dɔndɔɛ ɔ min na. 24N fan, Mɔ Gbu 'a Denɛ, n mbe na tena wan fa‑a, yɔ a nyɛnden mu buɛ min dɔ Yataa 'a gboo ɔ, a si n ma. Chɛɛ ɛ yaua‑a gba mɔɛ chɛ ko a, min mbe n ma tachɛ‑a. Ni a nii ma suun ni, a ni nyan‑da wan a ko a.”
25Mbɛ Chudasi, min dɔn‑da Chisɔsi ma tachɛ koe a, a koɔ‑a, a ɔ, “Kan mɔ, n gbee ma chɛ a, ae?”
Chisɔsi ɔ, “I wandi da an‑na a fɔ ka.”
Chisɔsi‑a daun fenɛ dankama daun, an bɛ a fɛ denɛ n na
(Maki 14:22-26; Duku 22:14-20; 1 Kɔyindi 11:23-25)
26An mbe kɛn daun chɛ chɛ‑a, Chisɔsi‑a biidi dɔndɔ ya. Mbɛ a‑a Yataa ɔ tisa, a ni biidi chɛ dua. Mbɛ a‑a a ɔ kai kai, mbɛ a‑a a du du an ma, ɛ ta‑a a fɔ‑a, a ɔ, “N fandi gbu, n gboo an nɛ. Wo a bia, wo ni a daun.”
27Mbɛ a‑a kɔpu ya, gbɛ ni min dɔ. Mbɛ a‑a Yataa wai bɔ, a‑a a be an ma, ɛ ta‑a a fɔ‑a, a ɔ, “Wo gbɛɛ, wo chɛ sima kai a a dɔndɔ dɔndɔɛ a. 28A mu min na, n wii an nɛ, n mbe na tena min na bɔn‑da mɔ gbu gbɛɛ ko a, min mbe a ma, Yataa ni a boo bɔ wo 'a ko yama n dɔ. N wii chɛ, Yataa ɛ an ya tena, mbɛ a‑a dɔbɛn nama chɛ a 'a mɔɛ n na. 29Ka wɛ, n ni a ma din wo tena. N mbe ee gbɛ chɛ min‑da to, mɔɔ dechee tima chɛ a, tima min na Fa Yataa ɛ a 'a mansaya ɔ yian‑da. A tima an na mu, n mbe gbɛ nama min‑da, mmɔ bɛ.”
30Mbɛ Chisɔsi n‑na Yataa si sa, an bɛ a fɛ denɛ n na. Mbɛ an ta‑a kɔnkɔɛ chɛ ɔ, min tɔ ni Wodifi kɔnkɔɛ.
Chisɔsi ɔ te, Pita ɛ a wakoe kɔɔsa bia chɛ‑a wan
(Maki 14:27-31; Duku 22:31-34; Chɔn 13:36-38)
31An che‑a kɛn Wodifi kɔnkɔɛ ɔ, mbɛ Chisɔsi ɔ, “Wo gbɛɛ, wo e na tena wan ka‑a n fɛ su chɛ ɔ. Koe min na mu, a nyɛnden fan mu Yataa 'a gboo ɔ, mbɛ ni Yataa‑a sa kun ma fɛn mɔɛ ya, mbɛ sa n dɔ ɛ fasan fan. 32Chɛɛ tima min na Yataa ɛ n kɔɔ sɔ‑a, a ka saya ɔ, n mbe ta‑a wan wo ya ɔ Kadidi chɛnyɛ ɔ.”
33Chɛɛ Pita‑a a fɔ wan Chisɔsi ye, a ɔ, “N bɔɛ chɛ n gbɛɛ ni ka wɛɛ i fɛ, n tana, n mbe ee ka‑a i fɛ.”
34Mbɛ Chisɔsi ɔ, “Pita, n ni a ma din i tena, mbɛ tɛ kɔnɛ e na konchee sayi chɛ ma, e kɔɔsa bia chɛ‑a wan gba sawa, a si n sɔn koe ma i boo ɔ.”
35Chɛɛ Pita ɔ, “I fa tena, n fa tena. N mbe ee kɔɔsa bia chɛ‑a i wakoe ma.”
Mbɛ Chisɔsi fɛ denɛ tɔɛ n gbɛɛ, an‑na a fɔ ka wan.
Chisɔsi‑a samunɛ chɛ, Kɛsemani kaina
(Maki 14:32-42; Duku 22:39-46)
36Mbɛ Chisɔsi ta‑a kaina dɔndɔ, min tɔ ni, Kɛsemani,#26:36 Kɛsemani ni kɔn nangbanɛ an na, wodifi kɔnɛ, an Wodifi kɔnkɔɛ chɛ kaa ma. An ni tu an bɔ an kɔn chɛ gbɔɛ ɔ. an bɛ a fɛ denɛ n na. An‑na a fo nɔ, mbɛ a ɔ, “Wo si nɛ, n mbe ta pan, n ni samunɛ chɛ.” 37Mbɛ a‑a Pita ya, a basan kai Sɛbɛdi 'a den kaien fea an na, mbɛ an‑na an ma ta ɛnden na. Mbɛ mɔnɛ koa‑a a ma a ya a, a faa yɔn‑da kaka. 38Mbɛ a ɔ, “Faayɔnɛ min mbe n ma, a da a koo. A toen mu, a ni ta n na faa. Wo ma chinɔ nɛ, mmɔ ma kɔnɛ chɛ, mmɔ bɛ.”
39Mbɛ a ka‑a wan an baima ɛnden na, mbɛ a‑a a wandi ɔ fuin duu ma susu gbuu, a bun‑da samunɛ chɛ‑a. A ɔ, “Fa, ni ɛ bɛn fan, a ma ko yawaen chɛ ni ka n teen na. Chɛɛ chɛ gbɛɛ ɔ, n ta faa ma koe, an ma ma. Chɛɛ i ta faa ma koe, an ni ma.”
40Mbɛ a yɛ‑a a fɛ den chɛ n tena. A‑a an tan sa ɔ chinɔɛ ɔ. Mbɛ a ɔ Pita ma, “Mmɔ bɛ ee che ma‑a mmɔ ya a, awa dɔndɔ wɛɛ ko a? 41Wo wo kɔɔ sɔ, wo ma chinɔ. Wo samunɛ ma ti bia, Sitana ma na a ma, wo ni wo kan kɔ sɔ Yataa a. Wo toen mu wo ni Yataa faa ma koe n ma, chɛɛ a gbasaya ee wo boo ɔ an ma koe a.”
42Mbɛ Chisɔsi yɛ‑a to, a fean bɔɛ ɔ, mbɛ a‑a samunɛ chɛ. A ɔ, “Fa, ni ko yawaen chɛ ee che ben‑da n ma, mɔɔ ni n‑na a ɔ bia, mbɛ i faa ma, an ni ma.” 43Mbɛ a na‑a to, a‑a an tan sa ɔ to chinɔɛ ɔ. Chinɔɛ fankaen ba ni an ya a, an nii kun an ni an ya a ka.
44Mbɛ a yɛ‑a to, a gba sawan bɔɛ ɔ, samun chɛ tena. A‑a samunɛ chɛ da a kuiɛ dɔndɔ gbe chɛ an dɔ. 45A ban‑da kɛn samun‑da, a‑a a kɔɔ sɔ wan, mbɛ a ta‑a a fɛ den chɛ n tan to. Mbɛ a ɔ, “Wo e ka sa ɔ chinɔɛ an dɔ tun? Wo e wo suin‑da? A yen ko, tima che‑a n ko a. N fan, Mɔ Gbu 'a Denɛ, n ma tachɛ koe a, ko yama ma mɔɛ n ma. 46Wo wo a sɔ, mmɔ ni bun ta‑a. Wo wo ya a ta pan. Mɔɛ min mbe n ma tachɛ tena, a yen ko na‑a.”
An na‑a Chisɔsi bia‑a
(Maki 14:43-50; Duku 22:47-53; Chɔn 18:3-12)
47Chisɔsi to‑a koɔ an na, mbɛ Chudasi, min ni a fɛ den tan kun ma fea chɛ n dɔndɔ a, a na‑a, an bɛ mɔ fanka a. Kɔn kundu ma tɛenɛ, a basan chɛɛ chɛ mɛ a, ɛ an boo ɔ. Chu n tɛ mɔɛ nu Yataa a, an 'na mansa nu, an bɛ Chu gbakoo n na, an fan na‑a mɔɛ chɛ n na na. 48An mbe e na to na‑a, Chudasi na‑a a fɔ wan mɔɛ chɛ n ye, a ɔ, ɛ mɔɛ min kɔndɔn‑da,#26:48 Chu mɔɛ nu, miin ni ma dia nyɔncha ɔ, an ni kɔndɔnɛ chɛ ka wan. An ni an da an tu mɔɛ gbɔngbɔɛ a. a ɔ, an nɛ. A ɔ, an ni dɛ a ma, an ni a bia.
49Chɛ an‑na a ma, Chudasi‑a a fo kɛn, mbɛ a ta‑a Chisɔsi tan a ya kɔɔɛ a. Mbɛ a‑a a fɔ, a ɔ, “Kan mɔ, en wua,” mbɛ a‑a a kɔndɔn.
50Mbɛ Chisɔsi ɔ, “N dia nyɔɛ, i na‑a wai min chɛ koe a, a chɛ dechee.”
Mbɛ an na‑a, an dɛ‑a Chisɔsi ma, an‑na a bia gban. 51Chɛɛ Chu n 'na tɛ mɔ wa Yataa tena, a 'a bɔi denɛ, a ni wan an mɔɛ chɛ n tɛ ɔ. An‑na Chisɔsi bia kɛn, mbɛ a yen ko, a fɛ mɔɛ dɔndɔɛ, a‑a chɛɛ chɛ mɛ bɔ a a, mbɛ a‑a bɔi denɛ chɛ too tɛ a a gbeda. 52Mbɛ Chisɔsi ɔ, “I 'a mɛ a yɛ a sa ɔ. Mɔɛ min mbe mɛ ya butuin chɛ koe a, an mbe a wɛɛ fa‑a mɛ an na. 53A ni ma wo yii ma, mbɛ n mbe kun fan n ni Fa Yataa ɔ tisa, basan koe a n ma. A sin, a ɛ maeka wu sɛsɛ a na‑a wan, an ni butuinɛ chɛ n ko a. 54Chɛɛ ni Yataa‑a chɛ ma, mbɛ a 'a gboo‑a min fɔ, mbɛ koe chɛ n mbe n tan‑da wan, a ee na‑a bɔ a a.”
55Mbɛ Chisɔsi ɔ mɔ fanka chɛ ma, miin na‑a ka a bia‑a, a ɔ, “Wo nii wo wandi tɔɔ na koe a, chɛɛ chɛ mɛ n na wo boo ɔ, a basan kɔn ma tɛenɛ a, n bia koe a. Kanka ma chianden ma n na. Mmɔ‑a tee sɛsɛ wa chɛ gbɛɛ ban, Yataa 'a kata chɛ ɔ, n mbe kan chɛ‑a, wo ma n bia ni. 56Chɛɛ chɛ gbɛɛ ɛ ma tena, min mbe a ma, Yataa 'a gbonka chɛ mɔɛ n na‑a miin nyɛn Yataa 'a gboo ɔ, an ni bɔ a a.”
Mbɛ Chisɔsi fɛ denɛ n gbɛɛ, an‑na a dɔndɔ gbe to, mbɛ an ben‑da bui‑a.
An na‑a Chisɔsi a, Chu kuti wa chen kɔɔ
(Maki 14:53-65; Duku 22:54-55, 63-71; Chɔn 18:13-14, 19-24)
57Mɔɛ miin na‑a Chisɔsi bia, an ta‑a wan a a Kayafasi 'a chenɛ a, min ni Chu n tɛ mɔɛ nu Yataa a, an 'na tɛ mɔ wa a. A tima chɛ a, Chu n 'na sawa kan mɔɛ n na kanden fan ni nɔ, an bɛ Chu gbakoo n na. 58Pita‑a a sɔ Chisɔsi fɛ, chɛɛ a ma dɔn ni a ni gbɛn an ma gbɛdɛn. An ta‑a wan aan, a che an kata chɛ ɔ. Mbɛ an don‑da nɔ. Pita wɛɛ don‑da wan, mbɛ a si‑a, an bɛ kata chɛ kun ma fɛn mɔɛ chɛ n na. A toen ni a ni a ɔ sɔn ni an mbe fen ma‑a Chisɔsi a. 59Mbɛ Chu n tɛ mɔɛ nu Yataa a, an 'na mansa nu, an bɛ Chu kuti wa ɔ mɔɛ n gbɛɛ a, an bun‑da fania siiya yan‑da, a si Chisɔsi ma. An toen ni chia an na, a fa koe a. 60Mɔ sɛsɛ n na‑a wan, an‑na fania fɔ Chisɔsi ma. Chɛɛ an‑na chɛ ma wɛɛ, fania nii nɔ, min mbe a ma, an ni a fa. Mbɛ a danka a, mɔ fea n‑na an kɔɔ sɔ, siiya ma munda bɔ koe a. 61Mbɛ an dɔ, “Kamin chɛ na‑a a fɔ wan, a ɔ, ɛ kun fan a ni Yataa 'a chen chɛ te, mbɛ a‑a a sɔ tee sawa tɛ ɔ.”
62Mbɛ Chu n 'na tɛ mɔ wa Yataa tena, a‑a a kɔɔ sɔ, mbɛ a sɔ‑a. Mbɛ a‑a Chisɔsi ɔ tisa, a ɔ, “A yen ko gbɛ siiya n‑na bai chɛ gbɛɛ fɔ, a si i ma. Bai ɔ bai ee i da a, e min fɔ, min mbe i kun bɔ koe chɛ ɔ?” 63Chɛɛ Chisɔsi ma bai ɔ bai fɔ ni, a‑a a ma maun fan. Mbɛ tɛ mɔ wa chɛ ɔ, “Tea fɔ nn ye, Yataa ko a, ni i wan mu Chasi a, kunka mansa chɛ a, Yataa 'a denɛ chɛ.”
64Mbɛ Chisɔsi ɔ, “I‑a an fɔ ka. Chɛɛ n ni a ma din wo tena, mbɛ a ka sanche ma aan a ta, n fan, Mɔ Gbu 'a Denɛ, wo e n yen‑da wan si ɔ kaina ma bɛndenɛ Yataa boo nyima ɔ, gbasaya ɔ. A sin, wo e n yen‑da wan na‑a, banda a dugbu ɔ.”
65Tɛ mɔ wa chɛ‑a bai chɛ a min kɛn Chisɔsi da a, a‑a a ma doma a panda wan. A ɔ, “A‑a Yataa main. Mmɔ ɛ to‑a to siiya dɔ mende minan na? Mmɔ ban‑da a a min‑da a wandi da a, ɛ Yataa main‑da. 66Fen bai ɛ wo da a, a fɔ koe a?”
Mbɛ Chu kun ti chɛ n dɔ, “A nyin a ni fa. Koe min na mu, a yɛi mu.”
67Mbɛ an‑na an da yii fu Chisɔsi ya a, dɔ n‑na a tu botani a, dɔ n sin‑na a gban fɛ gbasi. 68An mbe ta‑a a fɔ‑a, an dɔ, “Kunka mansa, a ɔ yian bɛ nn na. Nyɔn mbe ka i gbasi‑a?”
Pita‑a kɔɔsa bia chɛ, Chisɔsi wakoe ma
(Maki 14:66-72; Duku 22:56-62; Chɔn 18:15-18, 25-27)
69Pita‑a a tun fan si koe a kata chɛ ɔ, mbɛ bɔi den musuma tɔngbɔ dɔndɔ, min ni tɛ mɔ wa chɛ 'a chenɛ a, a na‑a Pita tena. Mbɛ a ɔ, “I wɛɛ, i ni wan Chisɔsi fɛ, Kadidi mɔɛ chɛ.”
70Chɛɛ Pita‑a kɔɔsa bia chɛ wan a ma, mɔɛ chɛ n gbɛɛ ya kɔɔɛ. A ɔ, “N ma a ɔ sɔn, e ka bai min sa tena.” 71A ta‑a to kata chɛ da wɛɛ a, mbɛ bɔi den musuma dɔndɔ‑a a yen to nɔ sɔ ɔ. Mbɛ a wɛɛ ɔ, “Kamin chɛ wɛɛ ni wan Chisɔsi chɛ fɛ, min ka‑a Nasaɛti duu ɔ.”
72Pita‑a chɛ wɛɛ kɔɔsa bia wan, kai wandi ɔ. A ɔ, “N mbe a fɔ tena Yataa chen kɔɔ nɛ, mbɛ n ma kamin chɛ sɔn, min tɔ mu Chisɔsi.”
73A ɔ ma yansan ni to, mbɛ mɔɛ miin ni ka nɔ sɔ ɔ, an bɛɛ gbɛn‑da a ma. Mbɛ an dɔ, “Mɔ dɔndɔ mu i a, min ni Chisɔsi fɛ. Nn‑na chɛ ɔ sɔn i koɔ buɛ an ma.”
74Chɛɛ Pita ɔ, “Yataa ni n tɔɔya, ni n mbe ka fania an fɔ tena. N ma kamin chɛ sɔn.”
Ɛ bai chɛ fɔ‑a dechee, mbɛ tɛ kɔnɛ konchee‑a. 75Mbɛ a puin‑da Pita yii ma, mbɛ Chisɔsi na‑a a fɔ wan a ye, a ɔ, “Pita, tɛ kɔnɛ e na konchee, e a fɔ‑a wan yɔ i ma n sɔn, gba sawa ko a.” Chɛ‑a a ma wan, Pita bɔ‑a baa ma, mbɛ a puyɛ‑a di a.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
New Testament in Kono © The Bible Society of Sierra Leone, 2006.