Bɔ-Koe-Iyipiti 17
17
Yi Bɔ-Koe Farɛ Rɔ
(Yilan-Yilan Koe 20.1-13)
1Nba, Isirɛla mɔgɛ bɛɛ bɔra Sin wulɛ rɔ ka tagama iko Mari ya a fɔ anu ye nya min nun. Anu ya anu daga makɛ kan tinɛ do rɔ min tɔgɛ Sulen Tinɛ#17.1 Sulen Tinɛ: Ni i ya a lamɔɛn “Rɛfidim,” wo kɔrɛ le Hiburu-kan rɔ ko, “Sulen Tinɛ.” kɔnɔ anu ma yi taran nyɔ. 2Woletɔ mɔgɛnu nyɛɛra Musa ma ko, “Yi di ma ma.”
Musa ya a fɔ anu ye ko, “Wo ye tɛgɛla Mari rɔ ka a kɔrɔbɔ nfenna ko la? Wo ye nyɛɛla nde ma kama worɔ?”
3Kan-nagbalɛ ya a ma, anu ya gbunya-kuma-fɔɛ dabira Musa ma. Anu ko, “Nfenna i ya ma labɔ Iyipiti ka na male la yan, ba? A di i ye mabɛ mala denbayɛnu anubɛ mala kolo-fannu ni faga kan-nagbalɛ bolo yan, wa?”
4Musa ya a kan nabɔ Mari ma ko, “N si nfen ma ita mɔgɛ kɛnu ye? A ara to doni, anu ni n mabon kuri la.”
5Mari ya a fɔ Musa ye ko, “Isirɛla mɔgɔ-ba donu kofu i ma. Wobɛ wonu ni sɔ anu yarɔ tagama tinɛ. I ya Nayɛli bɛ gbesi sewuri min na nun, i ni ta wo la i bolo. 6N si sɔ i yarɔ farɛ kuma Sinayi kɔnkɛ kɔrɔ. I wa farɛ wo gbesi tumɛ min, yi si tugu a rɔ alako mɔgɛnu ni anu min.” Musa ya a ma wo nya Isirɛla mɔgɔ-banu yala. (Mɔgɛ bɛɛsi nara wo kɔma ka anu min.) 7Isirɛla mɔgɛnu ya gbunya-kumɛ dabira Mari ma a kɔrɔbɔ-koe la min kɛ alako ka a lɔn ni Mari ye anu tɛma, ka, ni a sa anu tɛma. Woletɔ a ya kan tinɛ wo tɔgɔ sa Kɔrɔbɔ Tinɛ#17.7 Kɔrɔbɔ Tinɛ: Ni i ya a lamɔɛn “Masa,” wo kɔrɛ le Hiburu-kan rɔ ko, “Kɔrɔbɔ tinɛ.” anubɛ Sɔnkɔ-Sɔnkɔya.#17.7 Sɔnkɔ-Sɔnkɔya: Ni i ya a lamɔɛn “Mɛriba,” wo kɔrɛ le Hiburu-kan rɔ ko, “Sɔnkɔ-sɔnkɔ Tenke.”
Amalɛkinu Kɛlɛ-Koe
8Amalɛkinu wulita Isirɛla mɔgɛnu kan ma kan tinɛ wo rɔ min tɔgɛ Sulen Tinɛ.#17.8 Sulen Tinɛ: Ni i ya a lamɔɛn “Rɛfadim,” wo kɔrɛ le Hiburu-kan rɔ ko, “Sulen Tinɛ.” 9Woletɔ Musa ya a fɔ Yasowa ye ko, “Mɔgɛ donu yabɔ ma ye minnu si ta Amalɛkinu kɛlɛ tinɛ. Alla ya a fɔ sewuri min ma ko n ni a bi, sina n si ta wo la n bolo kɔnkɛ kun tɛma ka n sɔ nyɔ.”
10Yasowa ya a ma iko Musa ya a fɔ a ye nya min. A tara Amalɛkinu kɛlɛ tinɛ. Musa wo, Aruna wo, anubɛ Huri yɛlɛta kɔnkɛ wo kun tɛma. 11Fananta Musa kɔɛn layɛlɛnɛ san ma, Isirɛla kɛlɛ-dannu bi nɔ-ko sɔrɔnna. A wa a kɔɛn layigi tumɛ min, Amalɛkinu bi anu denu fanan nɔla. 12Kɔnɔ Musa kɔɛn rakunta tumɛ min, anu ya kuri madon a la. A ya a mayigi wo kuma. A kɔɛn tora birani san ma Aruna anubɛ Huri bolo ha tele buira. 13Wo le ya a ma, Yasowa ya Amalɛkinu nɔ.
14 #
Tɔn-Fɔɛ-Fila-Nyɔgɛ 25.17-19; 1 Samuwɛli 15.2-9 Mari ya a fɔ Musa ye ko, “I ni kɛ sɛbɛ buku do rɔ alako a ni to mɔgɛnu burɔ. A fɔ Yasowa ye ko nde, Mari si Amalɛki mɔgɛnu ban fegba!”
15Musa ya saraka-mintan-tinɛ sɔ ka a tɔgɔ sa “Nna kisi-koe falafalɛ le Mari la.” 16A ko, “Bawo Amalɛkinu bara wuli Mari kan ma, a si to anu tɔrɔla tolon!”
Iliyochaguliwa sasa
Bɔ-Koe-Iyipiti 17: KCLB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Kuranko Common Language Bible © The Bible Society in Sierra Leone, 2006.