Bɔ-Koe-Iyipiti 36
36
1“Mari ya boloma-wɔlɛ-kɛ-hɛnkili di min bɛɛ ma, Bɛsalɛli anubɛ Oholiyabu anubɛ mɔgɛ donu fanan, wonu ni Marita Fani-Bon-sɛnimɛ ladan iko Mari ya a fɔ Musa ye nya min.”
Mɔgɛnuna Kɔ-Fannu Di-Koe Mari Ma.
2Musa ya boloma-wɔli-kɛlɛ wonu kele minnu sewanɛ Marita wɔlɛ wo kɛ koe la ka a fɔ anu ye ko anu ni wɔlɛ wo dabira. 3Isirɛla mɔgɛnu nara Fani-Bon-miran minnu na, Musa ya wonu don boloma-wɔli-kɛlɛ wonu bolo. Hali wo, Isirɛla mɔgɛnu tora tala anuna kɔ-fannu na Musa wara sɔgɔma-wo-sɔgɔma. 4Mɔgɔ-hɛnkilimɛ minnu bi Fani-Bɔn wo wɔli kɛla, wonu bɔra anuna wɔli-kɛ-tinɛ ka ta Musa wara. 5Anu ya a fɔ Musa ye ko, “Mari ya minnuna ko fɔ ala wɔlɛla ko la, anu bara na a siyaman na ka tenbi wo la.”
6-7Musa ya a fɔ mɔgɛnu ye ko anu kana na kɔ-fan fenfen na tun Fani-Bɔn-wɔlɛla ko la. Anu ya kɔ-fan fɔlɔtɛ min sɔrɔn, wo ara a bɔ. Wo le ya a ma, mɔgɛnu ma na fenfen na tun.
Fani-Bɔn Sɔɛ Dabira-Koe
(Bɔ-Koe-Iyipiti 26.1-37)
8Kura-hakikɛ min tɔgɛ linɛn, anu ya wo ma Marita Fani-Bɔn la. Anu ya kurɛ wo walan tan bi ka anu ma Marita Fani-Bon-miran do la. Mɔgɛ minnu kusan boloma-wɔlɛ kɛla, wonu ya melikala muninyɛ#36.8 Melikala muninyɛ: Anu bi fan min sɔgɔla kurɛ wonu ma, fan dola muninyɛ le wo la min kanban fila ye a la. Anu tɔgɛ Hiburu-kan rɔ ko Kɛribinu. sɔgɔ kura-walan tan wo kelen-kelennamɛ ma yesekari subolo sawɛ kɛnu na, yesekara-yalafinyɛ wo, yesekara-bilolamɛ wo, anubɛ yesekara-wulan. 9Anu ya kurɛ wo bɛɛsi yanyɛ ma nunkan-nya mogan-ni-segin na. Anu ya anu kɔnɛ ma nunkan-nya nani na. Anu ya kurɛ wonu kɔnɛ anubɛ anuna yanyɛ rakɛnya bɛrɛtɛ! 10Anu ya kura-walan lolɛ tugun anu nyɔgɔn na. Wo kɔma, anu ya kura lolɛ doi fanan tugun anu nyɔgɔn na. 11Kura-walan lolɛ minnu tugunnɛ anu nyɔgɔn na, anu ya kura-bilolamɛ bi ka a ma kurɛ wonu yili la ka anu tonte to. Kura lolɛ doi minnu fanan tugunnɛ anu nyɔgɔn na, anu ya wo fanan tonte ladan kura-bilolamɛ la. 12Anu ya kura loli kɛ tonte ma bi-loli la. Anu ya lolɛ doi fanan ma tonto bi-loli la. Anu ya tonte wonu nabɛn anu nyɔgɔn ma. 13Anu ya sɛnɛ-lundan bi-loli ladan ka kurɛ wonu tugun anu nyɔgɔn na lundan wonu na. Anu ya wo ma fani-belebele-wa kelen na wo rɔ min si Marita bɔn yamatogon.
Kasa-Kurɛ Ladan-Nya
14Anu ya baa-siyi ma kasa-kurɛ la ka wo ma Marita Fani-Bon-tuwa-miran do la. Anu ya wo ma kura-walan tan-ni-kelen na. 15Anu ya kura-walan tan-ni-kelen wonu takɛnya. Anu ya anuna yanyɛ ma nunkan-nya bi-sawa la, anu ya anu kɔnɛ ma nunkan-nya nani na. 16Anu ya kura-walan loli tugun anu nyɔgɔn na ka kura-walan wɔrɛ doi fanan tugun anu nyɔgɔn na. 17Kura-walan lolɛ minnu tugunnɛ anu nyɔgɔn na, anu ya wonu tonte bi-loli ladan a tɔnkɔn kelen tɔ. Anu ya kura-walan wɔrɛ doi fanan ma wo nya. 18Anu ya sila-lundan bi-loli ladan ka anu bila a tonte wonu tɔ alako a si ma kasa-kura biribara wa kelen na nya min worɔ.
Saga-Yigi-Gbole anubɛ Gbolo-Koloni-Hakikɛ Do Ladan-Nya
19Anu ya saga-yigi gbolo-koloni-wulenmɛ donu bi ka Marita Fani-Bɔn yamatogon wo la. Anu ya gbolo-koloni-hakikɛ donu ma a tuwa-fan la fanan ka saga-yigi gbolo-koloni-wulenmɛ wo yamatogon wo la Marita bɔn kuma.
Fɛrannu Ma-Koe Bon-Gbungbɔn La
20Anu ya akasiya kɔlɔmanu nadan fɛrannu na bon-gbungbɔnla ko la. 21Anu ya fɛran wonuna yanyɛ ma nunkan-nya tan na. Anu ya anu kɔnɛ ma nunkan-nya kelen ani a tala. 22-26Anu ya fɛrɛn mogan to bolo-nyimɛ rɔ ka fɛrɛn mogan to bolo-maran rɔ. Anu ya wodi-gbɛ bi-nani sa fɛrɛn mogan kɔrɔ bolo-nyimɛ wara la ka wodi-gbɛ bi-nani sa fɛrɛn mogan kɔrɔ bolo-maran wara la. Anu ya fɛrɛn kelen-kelen bɛɛsi sɔ wodi-gbɛ fila-fila kuma. Anu ya fɛran wonuna tugun tinɛ ladan anu si sɔ wodi-gbɛ wonu kuma kan min. Anu ya Fani-Bon-fɛran bɛɛ rabɛn wo nya. 27Anu ya fɛrɛn wɔrɔ sɔ Fani-Bɔn wo tele-yigi wara la, 28ka fila sɔ a tonko filɛ rɔ. 29Fɛrɛn filɛ min bi a tonke rɔ, anu ya wonu nabɛn a kilɛ fɛ. Bolo-kalama-dɛɛn minnu bi a maran wara la, anubɛ minnu bi bolo-nyimɛ wara la, anu ya wonu woenu bɛn anu nyɔgɔn ma gben! 30Fɛran minnu bi tele-yigi waralɛ rɔ, wonu yatɛ bɛnta fɛrɛn segin ma. Anu ya wonu sɔ wodi-gbɛ tan-ni-wɔrɔ kuma. Anu ya fɛrɛn kelen-kelan wo bɛɛsi sɔ wodi-gbɛ fila-fila kuma.
31-34Anu ya sɛnɛ bolo-kalama-dɛɛn donu sɔ fɛran wonu ma bolo-maran wara la ka anu woe telen anu nyɔgɔn na min si ma kɔlɔma-yannu don tinɛ la. Anu ya a ma bolo-nyimɛ anubɛ tele-yigi wara la bɔn kɔma kilɛ la wo nya na le fanan. Anu ya sɛnɛ sa fɛran wo bɛɛ ma ka akasiya kɔlɔma yan tan-ni-loli ladan alako Marita Fani-Bɔn fɛrannu ta si kiri nya min sɔdɔ, ka sɛnɛ sa wonu ma. Anu ya kɔlɔma lolɛ kɛnu nadon bolo-kalama-dɛɛn kɛnu tɔ bolo-maran wara la ka kɔlɔma yan lolɛ doi ladon bolo-kalama-dɛɛn doinu tɔ bolo-nyimɛ wara la wo nya le. Anu ya a toe kɔlɔma lolɛ ladon bolo-kalama-dɛɛn wonu tɔ a kɔma kilɛ la tele-yigi wara la. Anu ya kɔlɔma yan min rakankan fɛrannu tɛma, wonu bɔra a dan doi ma ha ka ke a dan doi ma.
Yorolan Wara-Koe
(Bɔ-Koe-Iyipiti 26.31-33)
35Anu bi kura-hakikɛ min kelela linɛn, anu ya wo ma yorolan la Bato-Bɔn burɔ. Mɔgɛ minnu kusan boloma-wɔlɛ kɛla, wonu ya melikala muninyɛ#36.35 Melikala muninyɛ: Anu bi fan minnu sɔgɔla kurɛ wonu ma, fan donuna muninyɛ le wonu na minnu kanban fila ye anu na. Anu tɔgɛ Hiburu-kan rɔ ko Kɛribinu. sɔgɔ kurɛ wo ma yesekari subolo sawɛ kɛnu na, yesekara-yalafinyɛ wo, yesekara-bilolamɛ wo, anubɛ yesekara-wulan. 36Anu ya akasiya bon-kɔn nanɛ ladan ka sɛnɛ sa wonu ma ka wonu sɔ wodi-gbɛ nani kuma.
Don-Da-Kurɛ Wara-Koe
37Kura-hakikɛ min tɔgɛ linɛn, anu ya wo ma bɔn don-da-kurɛ la. Mɔgɛ minnu kusan, wonu ya mɔlɔnɛ donu sɔgɔ kurɛ wo ma yesekari subolo sawɛ kɛnu na, yesekara-yalafinyɛ wo, yesekara-bilolamɛ wo, anubɛ yesekara-wulan. 38Anu ya akasiya bon-kɔn loli ladan ka sɛnɛ sa wonu ma. Anu ya silɛɛ lalee ka bon-kɔn wonu sɔ wonu kuma.
Iliyochaguliwa sasa
Bɔ-Koe-Iyipiti 36: KCLB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Kuranko Common Language Bible © The Bible Society in Sierra Leone, 2006.
Bɔ-Koe-Iyipiti 36
36
1“Mari ya boloma-wɔlɛ-kɛ-hɛnkili di min bɛɛ ma, Bɛsalɛli anubɛ Oholiyabu anubɛ mɔgɛ donu fanan, wonu ni Marita Fani-Bon-sɛnimɛ ladan iko Mari ya a fɔ Musa ye nya min.”
Mɔgɛnuna Kɔ-Fannu Di-Koe Mari Ma.
2Musa ya boloma-wɔli-kɛlɛ wonu kele minnu sewanɛ Marita wɔlɛ wo kɛ koe la ka a fɔ anu ye ko anu ni wɔlɛ wo dabira. 3Isirɛla mɔgɛnu nara Fani-Bon-miran minnu na, Musa ya wonu don boloma-wɔli-kɛlɛ wonu bolo. Hali wo, Isirɛla mɔgɛnu tora tala anuna kɔ-fannu na Musa wara sɔgɔma-wo-sɔgɔma. 4Mɔgɔ-hɛnkilimɛ minnu bi Fani-Bɔn wo wɔli kɛla, wonu bɔra anuna wɔli-kɛ-tinɛ ka ta Musa wara. 5Anu ya a fɔ Musa ye ko, “Mari ya minnuna ko fɔ ala wɔlɛla ko la, anu bara na a siyaman na ka tenbi wo la.”
6-7Musa ya a fɔ mɔgɛnu ye ko anu kana na kɔ-fan fenfen na tun Fani-Bɔn-wɔlɛla ko la. Anu ya kɔ-fan fɔlɔtɛ min sɔrɔn, wo ara a bɔ. Wo le ya a ma, mɔgɛnu ma na fenfen na tun.
Fani-Bɔn Sɔɛ Dabira-Koe
(Bɔ-Koe-Iyipiti 26.1-37)
8Kura-hakikɛ min tɔgɛ linɛn, anu ya wo ma Marita Fani-Bɔn la. Anu ya kurɛ wo walan tan bi ka anu ma Marita Fani-Bon-miran do la. Mɔgɛ minnu kusan boloma-wɔlɛ kɛla, wonu ya melikala muninyɛ#36.8 Melikala muninyɛ: Anu bi fan min sɔgɔla kurɛ wonu ma, fan dola muninyɛ le wo la min kanban fila ye a la. Anu tɔgɛ Hiburu-kan rɔ ko Kɛribinu. sɔgɔ kura-walan tan wo kelen-kelennamɛ ma yesekari subolo sawɛ kɛnu na, yesekara-yalafinyɛ wo, yesekara-bilolamɛ wo, anubɛ yesekara-wulan. 9Anu ya kurɛ wo bɛɛsi yanyɛ ma nunkan-nya mogan-ni-segin na. Anu ya anu kɔnɛ ma nunkan-nya nani na. Anu ya kurɛ wonu kɔnɛ anubɛ anuna yanyɛ rakɛnya bɛrɛtɛ! 10Anu ya kura-walan lolɛ tugun anu nyɔgɔn na. Wo kɔma, anu ya kura lolɛ doi fanan tugun anu nyɔgɔn na. 11Kura-walan lolɛ minnu tugunnɛ anu nyɔgɔn na, anu ya kura-bilolamɛ bi ka a ma kurɛ wonu yili la ka anu tonte to. Kura lolɛ doi minnu fanan tugunnɛ anu nyɔgɔn na, anu ya wo fanan tonte ladan kura-bilolamɛ la. 12Anu ya kura loli kɛ tonte ma bi-loli la. Anu ya lolɛ doi fanan ma tonto bi-loli la. Anu ya tonte wonu nabɛn anu nyɔgɔn ma. 13Anu ya sɛnɛ-lundan bi-loli ladan ka kurɛ wonu tugun anu nyɔgɔn na lundan wonu na. Anu ya wo ma fani-belebele-wa kelen na wo rɔ min si Marita bɔn yamatogon.
Kasa-Kurɛ Ladan-Nya
14Anu ya baa-siyi ma kasa-kurɛ la ka wo ma Marita Fani-Bon-tuwa-miran do la. Anu ya wo ma kura-walan tan-ni-kelen na. 15Anu ya kura-walan tan-ni-kelen wonu takɛnya. Anu ya anuna yanyɛ ma nunkan-nya bi-sawa la, anu ya anu kɔnɛ ma nunkan-nya nani na. 16Anu ya kura-walan loli tugun anu nyɔgɔn na ka kura-walan wɔrɛ doi fanan tugun anu nyɔgɔn na. 17Kura-walan lolɛ minnu tugunnɛ anu nyɔgɔn na, anu ya wonu tonte bi-loli ladan a tɔnkɔn kelen tɔ. Anu ya kura-walan wɔrɛ doi fanan ma wo nya. 18Anu ya sila-lundan bi-loli ladan ka anu bila a tonte wonu tɔ alako a si ma kasa-kura biribara wa kelen na nya min worɔ.
Saga-Yigi-Gbole anubɛ Gbolo-Koloni-Hakikɛ Do Ladan-Nya
19Anu ya saga-yigi gbolo-koloni-wulenmɛ donu bi ka Marita Fani-Bɔn yamatogon wo la. Anu ya gbolo-koloni-hakikɛ donu ma a tuwa-fan la fanan ka saga-yigi gbolo-koloni-wulenmɛ wo yamatogon wo la Marita bɔn kuma.
Fɛrannu Ma-Koe Bon-Gbungbɔn La
20Anu ya akasiya kɔlɔmanu nadan fɛrannu na bon-gbungbɔnla ko la. 21Anu ya fɛran wonuna yanyɛ ma nunkan-nya tan na. Anu ya anu kɔnɛ ma nunkan-nya kelen ani a tala. 22-26Anu ya fɛrɛn mogan to bolo-nyimɛ rɔ ka fɛrɛn mogan to bolo-maran rɔ. Anu ya wodi-gbɛ bi-nani sa fɛrɛn mogan kɔrɔ bolo-nyimɛ wara la ka wodi-gbɛ bi-nani sa fɛrɛn mogan kɔrɔ bolo-maran wara la. Anu ya fɛrɛn kelen-kelen bɛɛsi sɔ wodi-gbɛ fila-fila kuma. Anu ya fɛran wonuna tugun tinɛ ladan anu si sɔ wodi-gbɛ wonu kuma kan min. Anu ya Fani-Bon-fɛran bɛɛ rabɛn wo nya. 27Anu ya fɛrɛn wɔrɔ sɔ Fani-Bɔn wo tele-yigi wara la, 28ka fila sɔ a tonko filɛ rɔ. 29Fɛrɛn filɛ min bi a tonke rɔ, anu ya wonu nabɛn a kilɛ fɛ. Bolo-kalama-dɛɛn minnu bi a maran wara la, anubɛ minnu bi bolo-nyimɛ wara la, anu ya wonu woenu bɛn anu nyɔgɔn ma gben! 30Fɛran minnu bi tele-yigi waralɛ rɔ, wonu yatɛ bɛnta fɛrɛn segin ma. Anu ya wonu sɔ wodi-gbɛ tan-ni-wɔrɔ kuma. Anu ya fɛrɛn kelen-kelan wo bɛɛsi sɔ wodi-gbɛ fila-fila kuma.
31-34Anu ya sɛnɛ bolo-kalama-dɛɛn donu sɔ fɛran wonu ma bolo-maran wara la ka anu woe telen anu nyɔgɔn na min si ma kɔlɔma-yannu don tinɛ la. Anu ya a ma bolo-nyimɛ anubɛ tele-yigi wara la bɔn kɔma kilɛ la wo nya na le fanan. Anu ya sɛnɛ sa fɛran wo bɛɛ ma ka akasiya kɔlɔma yan tan-ni-loli ladan alako Marita Fani-Bɔn fɛrannu ta si kiri nya min sɔdɔ, ka sɛnɛ sa wonu ma. Anu ya kɔlɔma lolɛ kɛnu nadon bolo-kalama-dɛɛn kɛnu tɔ bolo-maran wara la ka kɔlɔma yan lolɛ doi ladon bolo-kalama-dɛɛn doinu tɔ bolo-nyimɛ wara la wo nya le. Anu ya a toe kɔlɔma lolɛ ladon bolo-kalama-dɛɛn wonu tɔ a kɔma kilɛ la tele-yigi wara la. Anu ya kɔlɔma yan min rakankan fɛrannu tɛma, wonu bɔra a dan doi ma ha ka ke a dan doi ma.
Yorolan Wara-Koe
(Bɔ-Koe-Iyipiti 26.31-33)
35Anu bi kura-hakikɛ min kelela linɛn, anu ya wo ma yorolan la Bato-Bɔn burɔ. Mɔgɛ minnu kusan boloma-wɔlɛ kɛla, wonu ya melikala muninyɛ#36.35 Melikala muninyɛ: Anu bi fan minnu sɔgɔla kurɛ wonu ma, fan donuna muninyɛ le wonu na minnu kanban fila ye anu na. Anu tɔgɛ Hiburu-kan rɔ ko Kɛribinu. sɔgɔ kurɛ wo ma yesekari subolo sawɛ kɛnu na, yesekara-yalafinyɛ wo, yesekara-bilolamɛ wo, anubɛ yesekara-wulan. 36Anu ya akasiya bon-kɔn nanɛ ladan ka sɛnɛ sa wonu ma ka wonu sɔ wodi-gbɛ nani kuma.
Don-Da-Kurɛ Wara-Koe
37Kura-hakikɛ min tɔgɛ linɛn, anu ya wo ma bɔn don-da-kurɛ la. Mɔgɛ minnu kusan, wonu ya mɔlɔnɛ donu sɔgɔ kurɛ wo ma yesekari subolo sawɛ kɛnu na, yesekara-yalafinyɛ wo, yesekara-bilolamɛ wo, anubɛ yesekara-wulan. 38Anu ya akasiya bon-kɔn loli ladan ka sɛnɛ sa wonu ma. Anu ya silɛɛ lalee ka bon-kɔn wonu sɔ wonu kuma.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Kuranko Common Language Bible © The Bible Society in Sierra Leone, 2006.