Bɔ-Koe-Iyipiti 37
37
Allata Tɔn-Kenkirɛ Ladan-Koe
(Bɔ-Koe-Iyipiti 25.10-22)
1Bɛsalɛli ya kɔlɔma do bi min tɔgɛ akasiya ka kenkirɛ ladan wo la. A ya ala yanyɛ ma nunkan-nya fila ani a tala. A ya a kɔnɛ ma nunkan-nya kelen ani a tala. A ya a sɔɛ ma nunkan-nya kelen ani a tala. 2A ya sɛnɛ sa a burɛ anubɛ a kɔmɛ ma. A ya a da-gbolo-kɔrɛ ladan sɛnɛ la. 3A ya sɛnɛ bolo-kalama-dɛɛn nanɛ sɔ a kin nanɛ la. A ya fila to a tɔnkɔn kelan rɔ. A ya filɛ to a tɔnkɔn doi rɔ. 4A ya akasiya kɔlɔma fila ladan ka sɛnɛ sa wonu ma ka wonu ma a bi-kɔlɔma la. 5A ya a bi-kɔlɔma wonu don bolo-kalama-dɛɛn wonu tɔ kenkirɛ tɔnkɔn filɛ bɛɛ rɔ alako kenkirɛ wo si bi nya min.
6A ya kenkirɛ wo da-latogɔn ma sɛnɛ la. A ya a da-latogɔn wola yanyɛ ma nunkan-nya fila ani a tala. A ya a kɔnɛ ma nunkan-nya kelen ani a tala. 7-9A ya sɛnɛ gbesi ka melika filala muninyɛnu nadan. Wonu kanbannu ya kenkirɛ kuma tuwa. Wonu tora a da-latogɔn kuma a kun da filɛ la. A ya anu ya-lamunun anu nyɔgɔn na ka anu yakɔrɛ bɛn kenkirɛ wo da-latogɔn wo kumɛ ma gben! A ya melika filala muninyɛ anubɛ kenkirɛ da-latogɔn wonu nadan nya-kun-kelen.
Biredi-Sa-Tebulu Ladan-Koe
(Bɔ-Koe-Iyipiti 25.23-30)
10A ya akasiya kɔlɔma bi ka tebulu ladan. A ya ala yanyɛ ma nunkan-nya fila la. A ya a kɔnɛ ma nunkan-nya kelen. A ya a sɔɛ ma nunkan-nya kelen ani a tala. 11A ya sɛnɛ sa tebulu wo bɛɛ ma ka sɛnɛ-mɔlɔnɛ do ladan ka a sa tebulu wo da-gbengbe ma. 12A ya sɛnɛ-mɔlɔnɛ do ladan ka wo sɔɛ ma bolo-nɔlɔnɛ-nya kelen na ka ta wo sɔla a da-gbole kuma tala. 13A ya sɛnɛ bolo-kalama-dɛɛnnu sɔ a kin nanɛ la. A ya fila to a tɔnkɔn kelan rɔ ka filɛ doi to a tɔnkɔn doi rɔ 14tebulu kian wonu na san ma a da-gbengbe wo kɔrɔ ka wonu ma a bi-kɔlɔmanu don tinɛ la. 15A ya akasiya kɔlɔma fila ladan ka sɛnɛ sa wonu ma ka wonu ma tebulu wo bi-kɔlɔma la. 16A ya sɛnɛ do bi ka a ladan piletinu na anubɛ bɔnkɛnu anubɛ yi-kɛ-fannu anubɛ yi-lafɛnu anubɛ panɛnu anu bi minni-sarakɛ kɛla minnu tɔ.
Lɛnpu Ladan-Koe
(Bɔ-Koe-Iyipiti 25.31-40)
17A ya sɛnɛ gbesi a kin na ka a ma lɛnpu la. A kuri anubɛ a gbaga-kuru-makɛ tinɛ anubɛ a gbuyi minnu bi mala a bolɔnnu na anubɛ a tuli-kɛ-tinɛ minnu bi sɔla a bolɔn wonu kuma anubɛ mɔlɔnɛ do minnu manɛ iko kɔn-ferela muninyɛ, a ya wonu nadan ka anu kankan anu nyɔgɔn ma nya-kun-kelen. 18A ya a bolon sawa sɔ a gbagɛ tɔnkɔn kelen tɔ ka a bolon sawɛ doi fanan sɔ a tɔnkɔn doi rɔ. Wo bɛɛsi lakofunɛ bolon wɔrɔ. 19-21A ya sɛnɛ-gbu nani nadan min manɛ iko kɔn-fere do ka wonu tugun yɛlɛla anu nyɔgɔn na lɛnpu gbaga-kuru-makɛ tinɛ wo kan tɔ. A ya a bolon wɔrɛ wonu sɔ a kɔn-ferela muninyɛ wonu ma ala tugun tinɛ wonu tɔ. A ya kɔn-fere wola muninyɛ ladan sawa sawa a bolon wɔrɛ wo dama ma. 22A ya a fere anubɛ a gbuyi anubɛ a bolɔnnu anubɛ a kuri ma sɛnɛ-gbesinɛ la ka wonu kankan anu nyɔgɔn ma nya-kun-kelen. 23A ya bolon wɔrɛ wonu yi-lafɛ ladan sɛnɛ la anubɛ a gbagɛ wotɛ. A ya sɛnɛ ladan ta-ladufen-fannu anubɛ bugura-makɔ-mirannu na. 24Sɛnɛ minna gbiliyɛ si ma iko yi kalɔn wɔrɔ, a ya wo gbesi ka a ma lɛnpu anubɛ a fɛ-mirannu nadan-fan la.
Isɛnti Mintan Tinɛ Ladan-Koe
(Bɔ-Koe-Iyipiti 30.1-5)
25A ya isɛnti mintan tinɛ ladan kɔlɔma do la min tɔgɛ akasiya. A ya isɛnti mintan tinɛ sɔɛ ma nunkan-nya fila. A ya ala yanyɛ ma nunkan-nya kelen. A ya a kɔnɛ ma nunkan-nya kelen. A ya a tɔnkɔn nanɛ rakɛnya bɛrɛtɛ. A ya isɛnti mintan tinɛ anubɛ a bolɔnnu nadan nya-kun-kelen. 26A ya sɛnɛ sa a kumɛ anubɛ a bolon nanɛ anubɛ a tɔnkɔn nanɛ bɛɛ ma. A ya sɛnɛ-mɔlɔnɛ do ladan ka a sa a da-gbengbe ma. 27A ya sɛnɛ bolo-kalama-dɛɛn nani ladan ka anu sɔ a da-gbengbe kɔrɔ. A ya fila to a tɔnkɔn kelan rɔ ka filɛ doi to a tɔnkɔn doi rɔ. Wonu mara a bi-kɔlɔmanu don tinɛnu na. 28A ya akasiya kɔlɔmanu nadan ka wonu ma a bi-kɔlɔmanu na ka sɛnɛ sa wonu ma.
Dantɛgɛ-Tuli anubɛ Isɛnti Ladan-Koe
(Bɔ-Koe-Iyipiti 30.22-38)
29A ya dantɛgɛ-tulu-sɛnimɛ anubɛ isɛnti ladan a kila-bɛrɛbɛrɛ fɛ.
Iliyochaguliwa sasa
Bɔ-Koe-Iyipiti 37: KCLB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Kuranko Common Language Bible © The Bible Society in Sierra Leone, 2006.
Bɔ-Koe-Iyipiti 37
37
Allata Tɔn-Kenkirɛ Ladan-Koe
(Bɔ-Koe-Iyipiti 25.10-22)
1Bɛsalɛli ya kɔlɔma do bi min tɔgɛ akasiya ka kenkirɛ ladan wo la. A ya ala yanyɛ ma nunkan-nya fila ani a tala. A ya a kɔnɛ ma nunkan-nya kelen ani a tala. A ya a sɔɛ ma nunkan-nya kelen ani a tala. 2A ya sɛnɛ sa a burɛ anubɛ a kɔmɛ ma. A ya a da-gbolo-kɔrɛ ladan sɛnɛ la. 3A ya sɛnɛ bolo-kalama-dɛɛn nanɛ sɔ a kin nanɛ la. A ya fila to a tɔnkɔn kelan rɔ. A ya filɛ to a tɔnkɔn doi rɔ. 4A ya akasiya kɔlɔma fila ladan ka sɛnɛ sa wonu ma ka wonu ma a bi-kɔlɔma la. 5A ya a bi-kɔlɔma wonu don bolo-kalama-dɛɛn wonu tɔ kenkirɛ tɔnkɔn filɛ bɛɛ rɔ alako kenkirɛ wo si bi nya min.
6A ya kenkirɛ wo da-latogɔn ma sɛnɛ la. A ya a da-latogɔn wola yanyɛ ma nunkan-nya fila ani a tala. A ya a kɔnɛ ma nunkan-nya kelen ani a tala. 7-9A ya sɛnɛ gbesi ka melika filala muninyɛnu nadan. Wonu kanbannu ya kenkirɛ kuma tuwa. Wonu tora a da-latogɔn kuma a kun da filɛ la. A ya anu ya-lamunun anu nyɔgɔn na ka anu yakɔrɛ bɛn kenkirɛ wo da-latogɔn wo kumɛ ma gben! A ya melika filala muninyɛ anubɛ kenkirɛ da-latogɔn wonu nadan nya-kun-kelen.
Biredi-Sa-Tebulu Ladan-Koe
(Bɔ-Koe-Iyipiti 25.23-30)
10A ya akasiya kɔlɔma bi ka tebulu ladan. A ya ala yanyɛ ma nunkan-nya fila la. A ya a kɔnɛ ma nunkan-nya kelen. A ya a sɔɛ ma nunkan-nya kelen ani a tala. 11A ya sɛnɛ sa tebulu wo bɛɛ ma ka sɛnɛ-mɔlɔnɛ do ladan ka a sa tebulu wo da-gbengbe ma. 12A ya sɛnɛ-mɔlɔnɛ do ladan ka wo sɔɛ ma bolo-nɔlɔnɛ-nya kelen na ka ta wo sɔla a da-gbole kuma tala. 13A ya sɛnɛ bolo-kalama-dɛɛnnu sɔ a kin nanɛ la. A ya fila to a tɔnkɔn kelan rɔ ka filɛ doi to a tɔnkɔn doi rɔ 14tebulu kian wonu na san ma a da-gbengbe wo kɔrɔ ka wonu ma a bi-kɔlɔmanu don tinɛ la. 15A ya akasiya kɔlɔma fila ladan ka sɛnɛ sa wonu ma ka wonu ma tebulu wo bi-kɔlɔma la. 16A ya sɛnɛ do bi ka a ladan piletinu na anubɛ bɔnkɛnu anubɛ yi-kɛ-fannu anubɛ yi-lafɛnu anubɛ panɛnu anu bi minni-sarakɛ kɛla minnu tɔ.
Lɛnpu Ladan-Koe
(Bɔ-Koe-Iyipiti 25.31-40)
17A ya sɛnɛ gbesi a kin na ka a ma lɛnpu la. A kuri anubɛ a gbaga-kuru-makɛ tinɛ anubɛ a gbuyi minnu bi mala a bolɔnnu na anubɛ a tuli-kɛ-tinɛ minnu bi sɔla a bolɔn wonu kuma anubɛ mɔlɔnɛ do minnu manɛ iko kɔn-ferela muninyɛ, a ya wonu nadan ka anu kankan anu nyɔgɔn ma nya-kun-kelen. 18A ya a bolon sawa sɔ a gbagɛ tɔnkɔn kelen tɔ ka a bolon sawɛ doi fanan sɔ a tɔnkɔn doi rɔ. Wo bɛɛsi lakofunɛ bolon wɔrɔ. 19-21A ya sɛnɛ-gbu nani nadan min manɛ iko kɔn-fere do ka wonu tugun yɛlɛla anu nyɔgɔn na lɛnpu gbaga-kuru-makɛ tinɛ wo kan tɔ. A ya a bolon wɔrɛ wonu sɔ a kɔn-ferela muninyɛ wonu ma ala tugun tinɛ wonu tɔ. A ya kɔn-fere wola muninyɛ ladan sawa sawa a bolon wɔrɛ wo dama ma. 22A ya a fere anubɛ a gbuyi anubɛ a bolɔnnu anubɛ a kuri ma sɛnɛ-gbesinɛ la ka wonu kankan anu nyɔgɔn ma nya-kun-kelen. 23A ya bolon wɔrɛ wonu yi-lafɛ ladan sɛnɛ la anubɛ a gbagɛ wotɛ. A ya sɛnɛ ladan ta-ladufen-fannu anubɛ bugura-makɔ-mirannu na. 24Sɛnɛ minna gbiliyɛ si ma iko yi kalɔn wɔrɔ, a ya wo gbesi ka a ma lɛnpu anubɛ a fɛ-mirannu nadan-fan la.
Isɛnti Mintan Tinɛ Ladan-Koe
(Bɔ-Koe-Iyipiti 30.1-5)
25A ya isɛnti mintan tinɛ ladan kɔlɔma do la min tɔgɛ akasiya. A ya isɛnti mintan tinɛ sɔɛ ma nunkan-nya fila. A ya ala yanyɛ ma nunkan-nya kelen. A ya a kɔnɛ ma nunkan-nya kelen. A ya a tɔnkɔn nanɛ rakɛnya bɛrɛtɛ. A ya isɛnti mintan tinɛ anubɛ a bolɔnnu nadan nya-kun-kelen. 26A ya sɛnɛ sa a kumɛ anubɛ a bolon nanɛ anubɛ a tɔnkɔn nanɛ bɛɛ ma. A ya sɛnɛ-mɔlɔnɛ do ladan ka a sa a da-gbengbe ma. 27A ya sɛnɛ bolo-kalama-dɛɛn nani ladan ka anu sɔ a da-gbengbe kɔrɔ. A ya fila to a tɔnkɔn kelan rɔ ka filɛ doi to a tɔnkɔn doi rɔ. Wonu mara a bi-kɔlɔmanu don tinɛnu na. 28A ya akasiya kɔlɔmanu nadan ka wonu ma a bi-kɔlɔmanu na ka sɛnɛ sa wonu ma.
Dantɛgɛ-Tuli anubɛ Isɛnti Ladan-Koe
(Bɔ-Koe-Iyipiti 30.22-38)
29A ya dantɛgɛ-tulu-sɛnimɛ anubɛ isɛnti ladan a kila-bɛrɛbɛrɛ fɛ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Kuranko Common Language Bible © The Bible Society in Sierra Leone, 2006.