Ko-Dabirɛnu 42
42
Dɔn-Fen San-Koe Yusufu-Kɔrɔnu Bolo
1Yusufu fa Yakoba ya a lɔn tumɛ min ko dɔn-fan ye Iyipiti nyamanɛ rɔ, a ya a fɔ ala dannu ye ko, “Nfenna wo yɛ sɔnɛ wo nyɔgɔn na? Wo sa dɔn-fan nyinina! 2#Kɛwɔlɛnu 7.12 N bara a lamɔɛn ko dɔn-fan ye Iyipiti nyamanɛ rɔ. Wo ta dɔn-fen san tinɛ nyɔ alako ma kana na faga kɔnkɛ bolo.”
3Yusufu-kɔrɔ-keminɛ mɔgɔ tan tara Iyipiti nyamanɛ rɔ dɔn-fen san tinɛ. 4Kɔnɔ Yakoba ma Yusufu na-kelen-dɔgɛ Bɛnyamɛ bila a kɔrɔnu fɛ kamasɔrɔn a kilannɛ a kuma alako ko-yogomɛ kana na ma a la. 5Mɔgɔ-siyaman bɔra nyamani-gbɛrɛnu tɔ ka ta dɔn-fen san tinɛ, ado Yakobala dannu taranta anu tɛma kamasɔrɔn kɔnkɔ-fitinɛ ye anu barɛ Kenan nyamanɛ rɔ.
6Wo wati rɔ, Yusufu le kandayɛ la Iyipiti nyamanɛ rɔ. Ale le ye dɔn-fan mayirala mɔgɛnu ma. Yusufu-kɔrɔnu tara ka anu naburun a ma dugi ma a kɔrɔ. 7Yusufu ya a kɔrɔnu yen tumɛ min, a ya a lɔn tiriya ko a kɔrɔnu denu. A ya a nyɛrɛ ma iko a ma anu lɔn defan! A ya anu tagbɛrɛn ka a fɔ anu ye ko, “Wo bɔra mi?”
Anu ko, “Male bɔra Kenan nyamanɛ le tɔ ka na dɔn-fen san tinɛ yan tɔ.”
8Yusufu ya a kɔrɔnu lɔn kɔnɔ anu ma ale lɔn. 9#Ko-Dabirɛnu 37.5-10 Yusufu ya kiyo minnu sa anuna ko la, a ya a hɛnkili lamiri wonu ma. A ya a fɔ a kɔrɔnu ye ko, “Wole ma na dɔn-fen san tina. Wole nara ko-lakɔrɔsi tinɛ le. Wole nara alako wo ni mala nyamanɛ da masa tinɛ lɔn.”
10Anu ya a fɔ a ye ko, “Ade, ma tigi, ila yɔɔn le male la. Ma nara dɔn-fen san tinɛ le dɔrɔn! 11Kei-kelen-dan le male la. Mɔgɔ-latelennɛ le male la. Nyamani-lakɔrɔsila ma ma la feu!”
12Yusufu ya a fɔ anu ye ko, “Wo ye foninyɛ le la. Wole nara le ka mala nyamanɛ kɛ da masa tinɛ lɔn, yɔ!”
13Anu ko, “Ma siginɛ Kenan nyamanɛ le tɔ. Ma den mɔgɔ tan-ni-filɛ le nun. Mɔgɔ kelen bara faga ma rɔ. Ma ara ma dɔgɛ to ma fa fɛ nyɔ.”
14Yusufu ya a fɔ anu ye ko, “Iko n bara a fɔ nya min, wo nara ko-lakɔrɔsi-tinɛ le, yɔ! 15-16N bi wo kɔrɔbɔla ka le. Wo ni la a la serr, wole ti bɔ yan tɔ muk, fɔ wo kelen ba ta wo dɔgɛ wo bi ka na a la. Wo le si to biralɛ rɔ yan tɔ ha n ni ban wo wara-koe fɛsɛfɛsɛla. Ni wo ma na wo dɔgɛ la, tamayi mumɛ sa a rɔ, n bara a lɔn wo rɔ ko wole nara ko lakɔrɔsi tinɛ le.” 17A ya anu dama sa yele la. Tele fila anu bi nyɔ.
18A tele sawa nyɔgɛ ma, Yusufu ya a fɔ anu ye ko, “Nde kilannɛ Alla la min kɛ, wo ni ko kelen ma min si a ma, wo ni kisi. 19Ni mɔgɔ-telennɛ le wole la, wo ni mɔgɔ kelen to yele la yan. A toenu ni ta dɔn-fannu na anuna denbayɛnu ye kɔnkɛ ara minnu mɔlɔkɔn. 20Wo ni na wo dɔgɛ la n ma. Ni wo ya wo ma, wo si a yira n na ko tonya-fɔlɛ le wole la. N ti wo faga wo rɔ.” Anu sɔnta wo ma.
21Anu ya a fɔ anu nyɔgɔn ye ko, “Ni i ya a yen ma ye tɔrɔla ka, ma ya ko-yogomɛ min ma ma dɔgɛ Yusufu la, wo le dankɛ bilanɛ ma fɛ kɛ la. Ma ya a yakɔrɔ-mamɔnɛ yen tumɛ min wo tumɛ a ye ma madiyala ko ma kana a faga. Kɔnɔ ma ma ma tole masɔ a la woletɔ ma ye tɔrɔyɛ kɛnu sɔrɔnna.”
22 #
Ko-Dabirɛnu 37.21-22
Anu kɔrɔ sarɛ Rubɛn ko, “N ma a fɔ wo ye nun ko ma kana ko-yogoma ma a la? Kɔnɔ wo ma wo tole masɔ n na. Kaka, male fanan bi nala matɛ sɔrɔnna ka a tɛgɛ ma dɔgɔ-kei wo faga-koe ma.” 23Hali kan-natenbilɛ ye anu tɛma nun kɔnɔ anu ma a lɔn ko anu bi min fɔla, Yusufu ara wonu namɔɛn.
24Yusufu ya a bɔ anu dafɛ. A tara di a dan na. A ban a radela di-kɛ ma, a nara anu bara tun. A ya a kɔrɔ Simiyɔn bɔ anu yala. A ya a fɔ ala kɛlɛ-dan donu ye ko, “Wo ni a kiri anu yala.”
Yusufu Kɔrɔnu Sɛgi-Koe Kenan
25Yusufu ya a fɔ ala wɔli-kɛlɛnu ye ko anu ni a kɔrɔnuna bɔrɛnu nafa dɔn-fannu na. Anu ni anuna wodinu sa anuna dɔn-fannu kuma anuna bɔrɛnu tɔ ka dɔn-fan do di anu ma fanan anu si min ma anu kila-fandɛ la. Wonu ya a ma iko Yusufu ya a fɔ anu ye nya min. 26A kɔrɔ wonu ya anuna dɔn-fen-dunɛ wonu kiri anuna sofɛlɛnu kɔ tɛma. Anu ya kilɛ bira ka ta.
27Anu kira kan min, mɔgɔ kelen ya ala bɔrɛ lafulen. A sɔgɛ ye a la ka ala sofɛlɛ de-nyini. Wo ya ala bɔrɛ lafulen tumɛ min, a ya ata wodi yen dɔn-fan kuma ala bɔrɛ wo rɔ. 28A ya a fɔ a na-kelen-nyɔgɛnu ye ko, “Anu ya nta wodi lasɛgi nna bɔrɛ rɔ. Wo na a mafɛlɛn ba.”
Anu yisi gbalata ka kilan. Anu ko, “Alla ara nfen ma ma la kɛ la?”
29Anu nara anu fa Yakoba wara Kenan nyamanɛ rɔ tumɛ min, koe min bɛɛsi mara anu na anuna tagama wo rɔ, anu ya anu dantɛgɛ anu fa Yakoba ye. 30Anu ya a fɔ a ye ko, “Ma ya mansɛla kandɛ min taran Iyipiti, wo kumara ma ma dɔgɔma-ma-de! A ko ma tara nyamanɛ wo lakɔrɔsi tinɛ le. 31Ma ya a fɔ a ye ko, ‘Mɔgɔ-latelennɛ le male la. Ma ma ta nyamanɛ wo lakɔrɔsi tina.’ 32Ma ya a fɔ a ye ko, ‘Ma den mɔgɔ tan-ni-filɛ le nun.’ Ma ya a fɔ ko, ‘Kei-kelen-dan le male la.’ Ma ya a fɔ a ye tun ko, ‘Mɔgɔ kelen bara faga ma rɔ. Ma dɔgɛ tora ma fa fɛ Kenan nyamanɛ rɔ.’ ”
33Anu ya a fɔ anu fa ye ko, “Mansɛla kandɛ wo ya a fɔ ma ye ko a si a lɔn kɛ rɔ, ni mɔgɔ-latelennɛ le male la. A ko ma ni ma na-kelen-nyɔgɛ to a bolo nyɔ. A ko male ni na mala dɔn-fannu na mala denbayɛnu ye. 34A ko ma ya ma dɔgɛ min to i dafɛ yan, ma ni ta wo la. A ko ni ma tara ma dɔgɛ la ma bolo, a si a lɔn wo rɔ ko ko-lakɔrɔsila ma male la, mɔgɔ-latelennɛ le male la. Wo kɔma, a ko ni ma ya wo ma, a si ma na-kelen-nyɔgɛ Simiyɔn boloka. A ko ma si feri-kɛ nyamanɛ wo rɔ.”
35Anu ya anuna bɔrɛnu nafulen anu fa yakɔrɔ tumɛ min, anu dama ya anuta wodi taran anuna bɔrɛnu tɔ. Anu ya wodi wo yen min kɛ, anu dama kilanta. 36Anu fa ya a fɔ anu ye ko, “A sɔgɛ ye wole la, n ni foo nna dan dama la, wa? Yusufu sa tun, Simiyɔn sa tun. A sɔgɛ ye wole la, wo ni ta Bɛnyamɛ fanan na? Tɔrɔyɛ kɛ damasi ara sigi nde le la.”
37Rubɛn ya a fɔ a fa ye ko, “Ni n ma sɛgi a la i wara yan tɔ tun, i ni nna den filɛ faga. A don nde bolo. Nde si na a la, yɔ!”
38Kɔnɔ Yakoba ko, “Ndeta dan kɛ, wo ti ta wo fɛ mumɛ! A na ya anu mɔgɔ fila pe le sɔrɔn. A kɔrɔ ara sa. A kelen pe le tonɛ gbɛ! Ni ko mara a la wola tagama rɔ, wo si a ma, n kɔrɔyanɛ ni faga yisi-tinya bolo.”
Iliyochaguliwa sasa
Ko-Dabirɛnu 42: KCLB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Kuranko Common Language Bible © The Bible Society in Sierra Leone, 2006.
Ko-Dabirɛnu 42
42
Dɔn-Fen San-Koe Yusufu-Kɔrɔnu Bolo
1Yusufu fa Yakoba ya a lɔn tumɛ min ko dɔn-fan ye Iyipiti nyamanɛ rɔ, a ya a fɔ ala dannu ye ko, “Nfenna wo yɛ sɔnɛ wo nyɔgɔn na? Wo sa dɔn-fan nyinina! 2#Kɛwɔlɛnu 7.12 N bara a lamɔɛn ko dɔn-fan ye Iyipiti nyamanɛ rɔ. Wo ta dɔn-fen san tinɛ nyɔ alako ma kana na faga kɔnkɛ bolo.”
3Yusufu-kɔrɔ-keminɛ mɔgɔ tan tara Iyipiti nyamanɛ rɔ dɔn-fen san tinɛ. 4Kɔnɔ Yakoba ma Yusufu na-kelen-dɔgɛ Bɛnyamɛ bila a kɔrɔnu fɛ kamasɔrɔn a kilannɛ a kuma alako ko-yogomɛ kana na ma a la. 5Mɔgɔ-siyaman bɔra nyamani-gbɛrɛnu tɔ ka ta dɔn-fen san tinɛ, ado Yakobala dannu taranta anu tɛma kamasɔrɔn kɔnkɔ-fitinɛ ye anu barɛ Kenan nyamanɛ rɔ.
6Wo wati rɔ, Yusufu le kandayɛ la Iyipiti nyamanɛ rɔ. Ale le ye dɔn-fan mayirala mɔgɛnu ma. Yusufu-kɔrɔnu tara ka anu naburun a ma dugi ma a kɔrɔ. 7Yusufu ya a kɔrɔnu yen tumɛ min, a ya a lɔn tiriya ko a kɔrɔnu denu. A ya a nyɛrɛ ma iko a ma anu lɔn defan! A ya anu tagbɛrɛn ka a fɔ anu ye ko, “Wo bɔra mi?”
Anu ko, “Male bɔra Kenan nyamanɛ le tɔ ka na dɔn-fen san tinɛ yan tɔ.”
8Yusufu ya a kɔrɔnu lɔn kɔnɔ anu ma ale lɔn. 9#Ko-Dabirɛnu 37.5-10 Yusufu ya kiyo minnu sa anuna ko la, a ya a hɛnkili lamiri wonu ma. A ya a fɔ a kɔrɔnu ye ko, “Wole ma na dɔn-fen san tina. Wole nara ko-lakɔrɔsi tinɛ le. Wole nara alako wo ni mala nyamanɛ da masa tinɛ lɔn.”
10Anu ya a fɔ a ye ko, “Ade, ma tigi, ila yɔɔn le male la. Ma nara dɔn-fen san tinɛ le dɔrɔn! 11Kei-kelen-dan le male la. Mɔgɔ-latelennɛ le male la. Nyamani-lakɔrɔsila ma ma la feu!”
12Yusufu ya a fɔ anu ye ko, “Wo ye foninyɛ le la. Wole nara le ka mala nyamanɛ kɛ da masa tinɛ lɔn, yɔ!”
13Anu ko, “Ma siginɛ Kenan nyamanɛ le tɔ. Ma den mɔgɔ tan-ni-filɛ le nun. Mɔgɔ kelen bara faga ma rɔ. Ma ara ma dɔgɛ to ma fa fɛ nyɔ.”
14Yusufu ya a fɔ anu ye ko, “Iko n bara a fɔ nya min, wo nara ko-lakɔrɔsi-tinɛ le, yɔ! 15-16N bi wo kɔrɔbɔla ka le. Wo ni la a la serr, wole ti bɔ yan tɔ muk, fɔ wo kelen ba ta wo dɔgɛ wo bi ka na a la. Wo le si to biralɛ rɔ yan tɔ ha n ni ban wo wara-koe fɛsɛfɛsɛla. Ni wo ma na wo dɔgɛ la, tamayi mumɛ sa a rɔ, n bara a lɔn wo rɔ ko wole nara ko lakɔrɔsi tinɛ le.” 17A ya anu dama sa yele la. Tele fila anu bi nyɔ.
18A tele sawa nyɔgɛ ma, Yusufu ya a fɔ anu ye ko, “Nde kilannɛ Alla la min kɛ, wo ni ko kelen ma min si a ma, wo ni kisi. 19Ni mɔgɔ-telennɛ le wole la, wo ni mɔgɔ kelen to yele la yan. A toenu ni ta dɔn-fannu na anuna denbayɛnu ye kɔnkɛ ara minnu mɔlɔkɔn. 20Wo ni na wo dɔgɛ la n ma. Ni wo ya wo ma, wo si a yira n na ko tonya-fɔlɛ le wole la. N ti wo faga wo rɔ.” Anu sɔnta wo ma.
21Anu ya a fɔ anu nyɔgɔn ye ko, “Ni i ya a yen ma ye tɔrɔla ka, ma ya ko-yogomɛ min ma ma dɔgɛ Yusufu la, wo le dankɛ bilanɛ ma fɛ kɛ la. Ma ya a yakɔrɔ-mamɔnɛ yen tumɛ min wo tumɛ a ye ma madiyala ko ma kana a faga. Kɔnɔ ma ma ma tole masɔ a la woletɔ ma ye tɔrɔyɛ kɛnu sɔrɔnna.”
22 #
Ko-Dabirɛnu 37.21-22
Anu kɔrɔ sarɛ Rubɛn ko, “N ma a fɔ wo ye nun ko ma kana ko-yogoma ma a la? Kɔnɔ wo ma wo tole masɔ n na. Kaka, male fanan bi nala matɛ sɔrɔnna ka a tɛgɛ ma dɔgɔ-kei wo faga-koe ma.” 23Hali kan-natenbilɛ ye anu tɛma nun kɔnɔ anu ma a lɔn ko anu bi min fɔla, Yusufu ara wonu namɔɛn.
24Yusufu ya a bɔ anu dafɛ. A tara di a dan na. A ban a radela di-kɛ ma, a nara anu bara tun. A ya a kɔrɔ Simiyɔn bɔ anu yala. A ya a fɔ ala kɛlɛ-dan donu ye ko, “Wo ni a kiri anu yala.”
Yusufu Kɔrɔnu Sɛgi-Koe Kenan
25Yusufu ya a fɔ ala wɔli-kɛlɛnu ye ko anu ni a kɔrɔnuna bɔrɛnu nafa dɔn-fannu na. Anu ni anuna wodinu sa anuna dɔn-fannu kuma anuna bɔrɛnu tɔ ka dɔn-fan do di anu ma fanan anu si min ma anu kila-fandɛ la. Wonu ya a ma iko Yusufu ya a fɔ anu ye nya min. 26A kɔrɔ wonu ya anuna dɔn-fen-dunɛ wonu kiri anuna sofɛlɛnu kɔ tɛma. Anu ya kilɛ bira ka ta.
27Anu kira kan min, mɔgɔ kelen ya ala bɔrɛ lafulen. A sɔgɛ ye a la ka ala sofɛlɛ de-nyini. Wo ya ala bɔrɛ lafulen tumɛ min, a ya ata wodi yen dɔn-fan kuma ala bɔrɛ wo rɔ. 28A ya a fɔ a na-kelen-nyɔgɛnu ye ko, “Anu ya nta wodi lasɛgi nna bɔrɛ rɔ. Wo na a mafɛlɛn ba.”
Anu yisi gbalata ka kilan. Anu ko, “Alla ara nfen ma ma la kɛ la?”
29Anu nara anu fa Yakoba wara Kenan nyamanɛ rɔ tumɛ min, koe min bɛɛsi mara anu na anuna tagama wo rɔ, anu ya anu dantɛgɛ anu fa Yakoba ye. 30Anu ya a fɔ a ye ko, “Ma ya mansɛla kandɛ min taran Iyipiti, wo kumara ma ma dɔgɔma-ma-de! A ko ma tara nyamanɛ wo lakɔrɔsi tinɛ le. 31Ma ya a fɔ a ye ko, ‘Mɔgɔ-latelennɛ le male la. Ma ma ta nyamanɛ wo lakɔrɔsi tina.’ 32Ma ya a fɔ a ye ko, ‘Ma den mɔgɔ tan-ni-filɛ le nun.’ Ma ya a fɔ ko, ‘Kei-kelen-dan le male la.’ Ma ya a fɔ a ye tun ko, ‘Mɔgɔ kelen bara faga ma rɔ. Ma dɔgɛ tora ma fa fɛ Kenan nyamanɛ rɔ.’ ”
33Anu ya a fɔ anu fa ye ko, “Mansɛla kandɛ wo ya a fɔ ma ye ko a si a lɔn kɛ rɔ, ni mɔgɔ-latelennɛ le male la. A ko ma ni ma na-kelen-nyɔgɛ to a bolo nyɔ. A ko male ni na mala dɔn-fannu na mala denbayɛnu ye. 34A ko ma ya ma dɔgɛ min to i dafɛ yan, ma ni ta wo la. A ko ni ma tara ma dɔgɛ la ma bolo, a si a lɔn wo rɔ ko ko-lakɔrɔsila ma male la, mɔgɔ-latelennɛ le male la. Wo kɔma, a ko ni ma ya wo ma, a si ma na-kelen-nyɔgɛ Simiyɔn boloka. A ko ma si feri-kɛ nyamanɛ wo rɔ.”
35Anu ya anuna bɔrɛnu nafulen anu fa yakɔrɔ tumɛ min, anu dama ya anuta wodi taran anuna bɔrɛnu tɔ. Anu ya wodi wo yen min kɛ, anu dama kilanta. 36Anu fa ya a fɔ anu ye ko, “A sɔgɛ ye wole la, n ni foo nna dan dama la, wa? Yusufu sa tun, Simiyɔn sa tun. A sɔgɛ ye wole la, wo ni ta Bɛnyamɛ fanan na? Tɔrɔyɛ kɛ damasi ara sigi nde le la.”
37Rubɛn ya a fɔ a fa ye ko, “Ni n ma sɛgi a la i wara yan tɔ tun, i ni nna den filɛ faga. A don nde bolo. Nde si na a la, yɔ!”
38Kɔnɔ Yakoba ko, “Ndeta dan kɛ, wo ti ta wo fɛ mumɛ! A na ya anu mɔgɔ fila pe le sɔrɔn. A kɔrɔ ara sa. A kelen pe le tonɛ gbɛ! Ni ko mara a la wola tagama rɔ, wo si a ma, n kɔrɔyanɛ ni faga yisi-tinya bolo.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Kuranko Common Language Bible © The Bible Society in Sierra Leone, 2006.