Ko-Dabirɛnu 43
43
Yusufu Kɔrɔnu Ta-Koe Iyipiti Tun
1Kɔnkɔ-fitinɛ tora anu tɔrɔla Kenan nyamanɛ rɔ. 2Yakobala den-keinu nara dɔn-fan minnu na ka bɔ Iyipiti, wo banta tumɛ min, anu fa ya a fɔ anu ye ko, “Wo ta dɔn-fan do san tinɛ tun Iyipiti nyamanɛ rɔ.”
3Kɔnɔ Yuda ya a fɔ a fa ye ko, “Mansɛla kandɛ wo ya a fɔ ma ye ka a gbɛlɛya gben, ko ni ma ma ta ma dɔgɛ la ma bolo, a ti sɔn ma ni kuma a la. 4Ni i ya ma dɔgɛ kɛ bila ma fɛ, ma si ta wo rɔ ka dɔn-fan san i ye. 5Kɔnɔ ni i ma sɔn a bilala ma fɛ, ma ti ta mumɛ, bawo kei wo ya a fɔ ma ye ka a gbɛlɛya gben!”
6Yakoba ya a fɔ anu ye ko, “Nfenna wo ara nanparan su kɛ di n ma ka a fɔ kei wo ye ko wo dɔgɛ ye yan?”
7Ala dan wonu ya a fɔ a ye ko, “Kei wo ya ma manyinika ma fa anubɛ mala denbayɛla ko ma. A ya ma manyinika ko, ‘Wo fa ye a kɛndɛ la? Wo dɔgɛ do ye nyɔ?’ Ma si a to ma ma nyinikalɛ wonu yabi? Ma ma a lɔn nun ni a si a fɔ ko ma ni ta ma dɔgɛ kɛ la.”
8Yuda fanan ya a fɔ a fa ye ko, “I ni n dɔgɛ don nde bolo. Ma ni ta alako mabɛ mala denbayɛnu kana na faga kɔnkɛ bolo. 9Ni ko-wo-ko mara Bɛnyamɛ la, wo dunɛ ni to nde kuma. Ni n ma na a kɛndɛ la i wara, wo nanparan si to nde kuma n siyi-tele-bɛɛ kɔrɔ. 10Ni i ma ma matanbani nun, ma ara ta kinyama fila nyɔ nun.”
11Anu fa Yakoba ya a fɔ anu ye ko, “Ni wo ko wo nya le, wo ni mala nyamanɛ kɛ fen-hakikɛ donu bi ka a ma kandɛ wo sanbɛ la iko se-tuli wo, liyi wo, kɛnɛ wo, isɛnti wo anubɛ kɔn-gbɔ-kole donu. 12Wo tara wodi min nyɔgɔn na fɔlɔ, wo ni ta wo nyɔgɔn fila la wo bolo kɛ rɔ. Wodi-gbɛ min nasɛgira wo ma wola bɔrɛnu tɔ, tumado anu nyinara le kɔrɛ. 13Wo ta wo dɔgɛ la wo bolo alako wo ni na tiriya! 14Alamɛ Alla Sɛnbɛ-Bɛɛ-Tigi ya a ma, wola kinikinɛ ni don mansɛla kandɛ wo rɔ alako a ni wo na-kelen-nyɔgɛ doi wo boloka ka anubɛ Bɛnyamɛ lasɛgi n ma. Ni Alla ko n bi foola le nna dan kɛnu na, a fɛrɛ sa fɔ n ba foo anu na!”
15Ala dan wonu ya Bɛnyamɛ bi anubɛ sanbɛ wonu anubɛ wodi. Anu tara Iyipiti nyamanɛ rɔ ka anu dantɛgɛ Yusufu ye. 16Yusufu ya Bɛnyamɛ yen anu fɛ tumɛ min, a ya a fɔ ala wɔli-kɛla-kun-tigi ye ko, “Ta kei kɛnu na n barɛ bɔn la. I ni kolo-fen kelen faga kamasɔrɔn mabɛ kɛnu denu bi tele-kɔndɔn dɔnna kan-tina-kelen de bi.”
17Wɔli-kɛlɛ wo ya a ma iko Yusufu ya a fɔ a ye nya min.
18Yusufu kɔrɔ wonu kilanta bawo anu bara anu nadon Yusufula bɔn la. Anu ko, “Ni i ya a yen anu bara ma ladon bɔn la yan, ma ya wodi minnu yen mala bɔrɛnu tɔ nun, anu bara ma ladon yan ka a tɛgɛ wodi wo lela ko la. Tumado a ye fɛrɛ nyinina ka bui ma ma ka mala sofɛlɛnu bi ma bolo alako ka ma ma yɔɔnnu na.”
19Anu bɔra ka anu sɔ bonda-dɛ la ka kuma Yusufula wɔli-kɛlɛ-kun-tigi ye. 20Anu ko, “Wati do, ma nara yan dɔn-fen san tinɛ. 21-22Ma ban mala dɔn-fen sanna, ma ya mala dunɛnu bi ka ta. Ma kira kan min, ma ya mala bɔrɛnu nafulen nyɔ. Ma bɛɛsi tɛrɛnara wodinu na mala bɔrɛnu tɔ. Fenfen ma bɔ mala dɔn-fen-sɔnkɛ wonu na. Ma ma a lɔn ni min ya wodi wonu sa mala bɔrɛnu tɔ. Woletɔ ma ya wodi min yen mala bɔrɛnu tɔ, ma ara na wo la ma bolo tun. Ma ara na wodi-gbɛrɛkɛ la ma bolo fanan alako ma ni dɔn-fan do sɔrɔn tun.”
23Wɔli-kɛlɛ wo ya a fɔ anu ye ko, “Wo ni wo yisi-kimɛ. Wo kana kilan. Wobɛ wo fata Alla, wo le ya nɔnfuli di wo ma wola bɔrɛnu tɔ. Wo ya wola dɔn-fen-sɔnkɛ minnu nabɔ, wo donta nde le bolo nun.” Wo kɔma, wɔli-kɛlɛ wo ya Simiyɔn nabɔ yele la.
24Wɔli-kɛlɛ wo ya anu nadon Yusufula bɔn la. A ya kin-maku-yi di anu ma. A ya anuna sofɛlɛnu de-nyini fanan. 25Anu tara Yusufu sanbɛ minnu na, anu ya wonu nabɔ bawo anu bara a lɔn ko Yusufu ye fen-dɔn-kɛla anu fɛ bɔn la nyɔ.
26Yusufu nara anu bara bɔn la tumɛ min, anu ya anu madu a kɔrɔ dugi ma ka a sanbɛ wonu don a bolo. 27Wo kɔma, ale fanan ya anu kɔndɔn ka anu manyinika anu fa-kɛmɔgɔla ko ma, a ko, “Wo fa kɛndɛ?”
28Anu ko, “Ila wɔli-kɛlɛ, ma fa, a kɛndɛ ken!” Anu ya anu madu a kɔrɔ tun ka anu nyɛnkin.
29Yusufu ya a yɛ lata tumɛ min, a ya a tagbara-sɛ Bɛnyamɛ yen. A ko, “Wo dɔgɔ-laban le kɛ la wo ya min bara-koe fɔ n yala?” A ya a fɔ Bɛnyamɛ wo ye ko, “Nna den, alamɛ Allata duwɛ tora i fɛ, yo!” 30Yusufu ban wo fɔla, kinikinɛ donta a rɔ. Di-kɛ-sɔgɛ ya a bira. A tara ala bɔn konko la di-kɛ-tinɛ.
31A ya a bira-a-rɔ ka a yɛ lafiran. A bɔra ka a fɔ ala wɔli-kɛlɛ ye ko, “Na dɔn-fan la ma ye.”
32-33Anu ya Yusufuta dɔn-fan sigi a dan na ka a yɛ lamunun a na-kelen-nyɔgɛnu na. Yusufu ya a kɔrɔnu sigi tala anu dan na iko anu kina tala anu nyɔgɔn ko nya min. A kɔrɔnu ya wo yen min kɛ, anu kawara. Iyipiti kɛnu fanan sigira anu dan na. Ni i ya a yen anu sigira anu dan na bawo Iyipiti kɛnu ti sɔn anubɛ Hiburunu ni anu bolo layigi miran kelen tɔ fen dɔn tinɛ. 34Wɔli-kɛlɛnu ya dɔn-fan min tafara anu tɛma Yusufula tebulu kuma ka a don anu bolo, anu ya Bɛnyamɛtɛ lakoloya kinyama loli ka tenbi a kɔrɔ wonutɛ la iko Yusufu ya a fɔ ala wɔli-kɛlɛ wonu ye nya min. Anu ya fen-dɔn-kɛ ka anu min kolikoli, ha anu fara pen!
Iliyochaguliwa sasa
Ko-Dabirɛnu 43: KCLB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Kuranko Common Language Bible © The Bible Society in Sierra Leone, 2006.
Ko-Dabirɛnu 43
43
Yusufu Kɔrɔnu Ta-Koe Iyipiti Tun
1Kɔnkɔ-fitinɛ tora anu tɔrɔla Kenan nyamanɛ rɔ. 2Yakobala den-keinu nara dɔn-fan minnu na ka bɔ Iyipiti, wo banta tumɛ min, anu fa ya a fɔ anu ye ko, “Wo ta dɔn-fan do san tinɛ tun Iyipiti nyamanɛ rɔ.”
3Kɔnɔ Yuda ya a fɔ a fa ye ko, “Mansɛla kandɛ wo ya a fɔ ma ye ka a gbɛlɛya gben, ko ni ma ma ta ma dɔgɛ la ma bolo, a ti sɔn ma ni kuma a la. 4Ni i ya ma dɔgɛ kɛ bila ma fɛ, ma si ta wo rɔ ka dɔn-fan san i ye. 5Kɔnɔ ni i ma sɔn a bilala ma fɛ, ma ti ta mumɛ, bawo kei wo ya a fɔ ma ye ka a gbɛlɛya gben!”
6Yakoba ya a fɔ anu ye ko, “Nfenna wo ara nanparan su kɛ di n ma ka a fɔ kei wo ye ko wo dɔgɛ ye yan?”
7Ala dan wonu ya a fɔ a ye ko, “Kei wo ya ma manyinika ma fa anubɛ mala denbayɛla ko ma. A ya ma manyinika ko, ‘Wo fa ye a kɛndɛ la? Wo dɔgɛ do ye nyɔ?’ Ma si a to ma ma nyinikalɛ wonu yabi? Ma ma a lɔn nun ni a si a fɔ ko ma ni ta ma dɔgɛ kɛ la.”
8Yuda fanan ya a fɔ a fa ye ko, “I ni n dɔgɛ don nde bolo. Ma ni ta alako mabɛ mala denbayɛnu kana na faga kɔnkɛ bolo. 9Ni ko-wo-ko mara Bɛnyamɛ la, wo dunɛ ni to nde kuma. Ni n ma na a kɛndɛ la i wara, wo nanparan si to nde kuma n siyi-tele-bɛɛ kɔrɔ. 10Ni i ma ma matanbani nun, ma ara ta kinyama fila nyɔ nun.”
11Anu fa Yakoba ya a fɔ anu ye ko, “Ni wo ko wo nya le, wo ni mala nyamanɛ kɛ fen-hakikɛ donu bi ka a ma kandɛ wo sanbɛ la iko se-tuli wo, liyi wo, kɛnɛ wo, isɛnti wo anubɛ kɔn-gbɔ-kole donu. 12Wo tara wodi min nyɔgɔn na fɔlɔ, wo ni ta wo nyɔgɔn fila la wo bolo kɛ rɔ. Wodi-gbɛ min nasɛgira wo ma wola bɔrɛnu tɔ, tumado anu nyinara le kɔrɛ. 13Wo ta wo dɔgɛ la wo bolo alako wo ni na tiriya! 14Alamɛ Alla Sɛnbɛ-Bɛɛ-Tigi ya a ma, wola kinikinɛ ni don mansɛla kandɛ wo rɔ alako a ni wo na-kelen-nyɔgɛ doi wo boloka ka anubɛ Bɛnyamɛ lasɛgi n ma. Ni Alla ko n bi foola le nna dan kɛnu na, a fɛrɛ sa fɔ n ba foo anu na!”
15Ala dan wonu ya Bɛnyamɛ bi anubɛ sanbɛ wonu anubɛ wodi. Anu tara Iyipiti nyamanɛ rɔ ka anu dantɛgɛ Yusufu ye. 16Yusufu ya Bɛnyamɛ yen anu fɛ tumɛ min, a ya a fɔ ala wɔli-kɛla-kun-tigi ye ko, “Ta kei kɛnu na n barɛ bɔn la. I ni kolo-fen kelen faga kamasɔrɔn mabɛ kɛnu denu bi tele-kɔndɔn dɔnna kan-tina-kelen de bi.”
17Wɔli-kɛlɛ wo ya a ma iko Yusufu ya a fɔ a ye nya min.
18Yusufu kɔrɔ wonu kilanta bawo anu bara anu nadon Yusufula bɔn la. Anu ko, “Ni i ya a yen anu bara ma ladon bɔn la yan, ma ya wodi minnu yen mala bɔrɛnu tɔ nun, anu bara ma ladon yan ka a tɛgɛ wodi wo lela ko la. Tumado a ye fɛrɛ nyinina ka bui ma ma ka mala sofɛlɛnu bi ma bolo alako ka ma ma yɔɔnnu na.”
19Anu bɔra ka anu sɔ bonda-dɛ la ka kuma Yusufula wɔli-kɛlɛ-kun-tigi ye. 20Anu ko, “Wati do, ma nara yan dɔn-fen san tinɛ. 21-22Ma ban mala dɔn-fen sanna, ma ya mala dunɛnu bi ka ta. Ma kira kan min, ma ya mala bɔrɛnu nafulen nyɔ. Ma bɛɛsi tɛrɛnara wodinu na mala bɔrɛnu tɔ. Fenfen ma bɔ mala dɔn-fen-sɔnkɛ wonu na. Ma ma a lɔn ni min ya wodi wonu sa mala bɔrɛnu tɔ. Woletɔ ma ya wodi min yen mala bɔrɛnu tɔ, ma ara na wo la ma bolo tun. Ma ara na wodi-gbɛrɛkɛ la ma bolo fanan alako ma ni dɔn-fan do sɔrɔn tun.”
23Wɔli-kɛlɛ wo ya a fɔ anu ye ko, “Wo ni wo yisi-kimɛ. Wo kana kilan. Wobɛ wo fata Alla, wo le ya nɔnfuli di wo ma wola bɔrɛnu tɔ. Wo ya wola dɔn-fen-sɔnkɛ minnu nabɔ, wo donta nde le bolo nun.” Wo kɔma, wɔli-kɛlɛ wo ya Simiyɔn nabɔ yele la.
24Wɔli-kɛlɛ wo ya anu nadon Yusufula bɔn la. A ya kin-maku-yi di anu ma. A ya anuna sofɛlɛnu de-nyini fanan. 25Anu tara Yusufu sanbɛ minnu na, anu ya wonu nabɔ bawo anu bara a lɔn ko Yusufu ye fen-dɔn-kɛla anu fɛ bɔn la nyɔ.
26Yusufu nara anu bara bɔn la tumɛ min, anu ya anu madu a kɔrɔ dugi ma ka a sanbɛ wonu don a bolo. 27Wo kɔma, ale fanan ya anu kɔndɔn ka anu manyinika anu fa-kɛmɔgɔla ko ma, a ko, “Wo fa kɛndɛ?”
28Anu ko, “Ila wɔli-kɛlɛ, ma fa, a kɛndɛ ken!” Anu ya anu madu a kɔrɔ tun ka anu nyɛnkin.
29Yusufu ya a yɛ lata tumɛ min, a ya a tagbara-sɛ Bɛnyamɛ yen. A ko, “Wo dɔgɔ-laban le kɛ la wo ya min bara-koe fɔ n yala?” A ya a fɔ Bɛnyamɛ wo ye ko, “Nna den, alamɛ Allata duwɛ tora i fɛ, yo!” 30Yusufu ban wo fɔla, kinikinɛ donta a rɔ. Di-kɛ-sɔgɛ ya a bira. A tara ala bɔn konko la di-kɛ-tinɛ.
31A ya a bira-a-rɔ ka a yɛ lafiran. A bɔra ka a fɔ ala wɔli-kɛlɛ ye ko, “Na dɔn-fan la ma ye.”
32-33Anu ya Yusufuta dɔn-fan sigi a dan na ka a yɛ lamunun a na-kelen-nyɔgɛnu na. Yusufu ya a kɔrɔnu sigi tala anu dan na iko anu kina tala anu nyɔgɔn ko nya min. A kɔrɔnu ya wo yen min kɛ, anu kawara. Iyipiti kɛnu fanan sigira anu dan na. Ni i ya a yen anu sigira anu dan na bawo Iyipiti kɛnu ti sɔn anubɛ Hiburunu ni anu bolo layigi miran kelen tɔ fen dɔn tinɛ. 34Wɔli-kɛlɛnu ya dɔn-fan min tafara anu tɛma Yusufula tebulu kuma ka a don anu bolo, anu ya Bɛnyamɛtɛ lakoloya kinyama loli ka tenbi a kɔrɔ wonutɛ la iko Yusufu ya a fɔ ala wɔli-kɛlɛ wonu ye nya min. Anu ya fen-dɔn-kɛ ka anu min kolikoli, ha anu fara pen!
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Kuranko Common Language Bible © The Bible Society in Sierra Leone, 2006.