ƐSLA 10
10
Hugbatɛi heinyɔuya yawupungɔi ngɛlɛ va
1Kia Ɛsla i Ngewɔ vɛlini, tawao i ngaye a wɔlɔ, tawao i tayekpe gula Ngewɔ wɛlei gulɔ, hingaa, nyahangaa kɛ ndopo gbotongaa ti lɛlɔma ngi gama ta gbua Isleɛl; nungeisia bɛ ti wɔlɔnilɔ hulewengɔ gboŋ. 2Sɛkanaya Jɛhiɛli hindoloi, Iilami hingalengaa yee ngila, ndeilɔ Ɛsla ma yɛ, “Mu jumbu wienga a mu Yewɔi, tawao mu hota nyahangaa jɔɔnga ndɔɔlɔhubleisia lia, kɛɛ kiahuna bɛ lilooma lɔ Isleɛl va kia bɛ hindei ji wienga. 3Fale naa, mu hinda yayilingɔ hugbatɛ a mu Yewɔi kɔɔ mu nyahangei jisia gbi kɛ ti lengeisia gbɛ, kia nya lemɔi lahin na, kɛ nasia ti ma a gbɛli mu Yewɔi jawei va; tawao i wie kia sawɛi ndeni. 4Hinda wie, ajifa i yɛni a bi yengeilɔ, tawao mua bi wooma; bi yɛ kpaukpau, tawao bi pie.” 5Na wooma Ɛsla i hiyenilɔ kɛ i pienga saagbuablaa ti gulɔloobleisia, Livaitisia, kɛ Isleɛl gbi ti lahedi wumbu kɛ ta pielɔ kia ti yɛ ndeni la. Fale ti lahedi wumbuilɔ.
6Na wooma Ɛsla i gbuanilɔ Ngewɔ wɛlei gulɔ, kɛ i yaa Jɛhohenani Eliasibi hindoloi wɛlei bu mia i yilini na. Ii mɛhɛɛ mɛni, tawao ii nja gbɔleni, ajifa i yɛ a wɔɔ kɔhouisia ti lanayavɛlii va. 7Ti ndanilɔ a hei Juda kɛ Jelusalɛmi gbi hu kɔhoui nasia gbi gama ti yamani tɛ, ti gomɛ Jelusalɛmi, 8tawao numui na gbi lekee ii wani folo sawa gohu, kia tokulɔisia kɛ kpakoisia ti ndeni la, ta baalɔ a ti yeyahakeisia gbi, tawao tia bɛ vulii ta ti gbɛlɔ kɔhouisia ti gomei hu.
9Na wooma Juda kɛ Bɛnjamin nungeisia gbi ti gomɛnilɔ Jelusalɛmi folo sawa gohu; i yɛni a ngalui yee taalui hu lɔ, folo numu gbɔyɔngɔi ma ngalui hu. Nungeisia gbi ti heilɔ ngiti wai yaa Ngewɔ wɛlei gulɔ, ta gbɛli kɔloongɔ yee hindei ji ma, kɛ nja wai na va yɛ a wa. 10Na wooma, Ɛsla saagbuamɔi loonilɔ kɛ i ndenga ti ma yɛ, “Wu hinda nyamu wienga, tawao wu hota nyahangaa majɔɔnga, fale wu Isleɛl jumbui matonga. 11Kiahuna a gaye Ndemɔi wu kɛkɛni ti Yewɔi gama tawao wu na wie a nɛɛ ngi wɛ; a wuayekpe luahu gɔlɛ ndɔɔlɔ hubleisia ma kɛ hota nyahangeisia.” 12Na wooma komei gbi ti kpɛmboilɔ a ngo waa tɛ, “Hi mia na; mua pielɔ kia bi ndenga la. 13Kɛɛ nungeisia ti gbotongɔ, tawao i yɛni a hami lɔ; muɛɛ gu maa loo fofo hu. Tawao ngengei ji ii yɛni a folo yila ɔɔ folo fele yenge, ajifa mu gbotoma mu yee hinda nyamui ji wienga. 14Mu lookulɔisia ti komei gbi yamagbua, tawao nasia gbi mu leisia hu ti hota nyahangaa jɔɔni ti wa a watii nasia kɛngɔ, tawao tia kɛ ta gbi gbakoisia kɛ kitilewebleisia, haaŋ mu Yewɔi liilewei i wove mu ma hindei ji va.” 15Jonɛtan Asahɛli hindoloi kɛ Jaseya Tikiva hindoloi mia lekee ti mawalini yee hindei ji ma, kɛ Mɛsulami kɛ Sabɛtai Livaitisia ti lumailɔ ti wɛ.
16Na wooma kɔhoui nasia ti yamani ti pielɔ hi. Ɛsla saagbuamɔi i hingeisia huwɔyɔilɔ kɛ bondawui kia ti bondeisia ti yɛ na, ti gbi a ti leisia. Foloi yee halayei ma ngalui yee puuyei hu ti heilɔ yee hindei ji hugbɛkpɛ va. 17Foloi yee haalayei ma ngalui yee haalayei hu yee kɛlɛmei ti hingei nasia gɔɔnilɔ ti yɛ hota nyahangeisia wumbuni nyahajɔɔya hu.
Hingei naisa Hota Nyahangeisia ti yɛ ti Yeya
18Ti saagbuablaa ti hingalengaa lɔilɔ ti yɛ hota nyahangeisia majɔɔni, Jɛsua hingalengaa lia Josedaki hindoloi kɛ ngi ndewehingeisia. Maseya, kɛ Ɛliesa kɛ Jalibi kɛ Gɛdalaya. 19Ti lahedi wumbunilɔ gbele va ti nyahangaa ma, tawao ti hinda nyamu jaahani yɛni a mbala hina lɔ mbala gului hu ti hinda nyamui va. 20Imɛ hingalengaa lia: Hananai kɛ Sɛbadaya. 21Halimi hingalengaa lia: Maseya, kɛ Ɛlaija, kɛ Sɛmaya, kɛ Jɛhiɛli kɛ Usaya. 22Pasɔɔ hinga lengeisia lia: Ɛlioenai, Maseya, Ismeɛli, Nɛtanɛli, Josabadi, kɛ Ɛlasa.
23Livaitisia lia: Josabadi, kɛ Simei, kɛ Kɛlaya, (ta lɔ a Kɛlita), kɛ Pɛtahaya, kɛ Juda, kɛ Ɛliesa. 24Nguleyablaa lia: Ɛliasibi, kɛ gɔlɔlamamahugbeeblaa lia, Salumi, kɛ Telɛmi, kɛ Ulai.
25Kɛ Isleɛl lia: Palɔsi hingalengaa lia: Lamaya, kɛ Isaya, kɛ Malikaija, kɛ Mijamini, kɛ Ɛleasa, kɛ Malikaija, kɛ Bɛnaya. 26Iilami hingalengaa lia: Matanaya, Sɛkalaya, kɛ Jɛhiɛli, kɛ Abidai, kɛ Jɛlɛmɔti, kɛ Ɛlaija. 27Satu hingalengaa lia: Ɛlioenai, Ɛliasibi, Matanaya, kɛ Jɛlɛmɔti, kɛ Sabadi, kɛ Asisa. 28Bɛbai hingalengaa lia: Jɛhohenani, Hananaya, Sabai, Atilai. 29Banai hingalengaa lia: Mɛsulami, Maluki, kɛ Adaya, Jasubi, kɛ Seali, Jɛlɛmɔti. 30Pahati Moabi hingalengaa lia: Adina, kɛ Kela, Bɛnaya, Maseya, Matanaya, kɛ Bɛsalɛli, kɛ Binui, kɛ Manasɛɛ. 31Halimi hingalengaa lia: Ɛliesa, Isaya, Malikaija, Sɛmaya, Simeɔn; 32Bɛnjamin, Maluki, Sɛmalaya. 33Hasumi hingalengaa lia: Matɛnai, Matata, Sabadi, Ɛlifɛlɛti, Jɛlimai, Manasɛɛ, Simei. 34Banai hingalengaa lia: Madai, Amilami, kɛ Uɛli; 35Bɛnaya, Bɛdaya, Kɛluhai; 36Vanaya, Mɛlɛmɔti, Ɛliasibi; 37Matanaya, Matɛnai, kɛ Jasu. 38Binui hingalengaa lia: Simei, 39kɛ Sɛlɛmaya, kɛ Netani, kɛ Adaya; 40Makinadɛbai, kɛ Sasai, kɛ Salai; 41Asalɛli, kɛ Sɛlɛmaya, Sɛmalaya; 42Salumi, Amalaya, kɛ Josɛfi. 43Nɛbɔ hingalengaa lia: Jeieli, Matitaya, Sabadi, Sɛbaina, Jadai, Jɔɛli, kɛ Bɛnaya. 44Jisia gbi ti hota nyahangeisia wumbunilɔ nyahajɔɔya hu; tawao ti ti gbɛnilɔ taa ti lengeisia.
Iliyochaguliwa sasa
ƐSLA 10: RMB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Mende Bible Portions © Bible Society in Sierra Leone and Lutheran Bible Translators, 2020.