NƐHIMAYA 1
1
1Nɛhimaya Hakalaya hindoloi layeisia.
Nɛhimaya Gbeelei Jelusalɛmi va
Kisilɛvi yalui hu, fooi yee numu gbɔyɔngɔi hu, ji ngi yɛ Susa la wai hu, 2Hanani, nya ndewehingeisia yee ngila kɛ nungaa lɛnga ti hiyeni Juda lɔɔlei hu, ti wanilɔ kɛ ngi ti mɔlinga kɔlooni Juublei nasia ma ti mabawoni nasia tii yɛ ti wumbuni kɔhou hu, kɛ gbɔma kɔlooni Jelusalɛmi ma. 3Ti poteilɔ tɛɛ, “Nasia ti mabawoni tatei hu, nasia ti wilani kɔhoui yeya, tia mɔnɛ waa hu kɛ ngufe hu; Jelusalɛmi bundi wolonga, tawao yee gɔlɔ lameisia kpɛlɛɛ ti mɔnga.”
4Ji ngi njiei jisia humɛnini, ngi heilɔ kɛ ngi wɔlɔnga, tawao ngi wɔlɔilɔ folo gboto va, a suhou la kɛ hɛɛ weila ngelegohu Yewɔi gulɔ. 5Ngi ndeilɔ ngɛɛ, “O Ndemɔi, ngelegohu Yewɔi, bia Ngewɔ wai a bie, tawao bi ma luwangɔ, na a hindayayilingɔ hou kɛ ndoma kpaukpau a nasia ti longɔ a ngie tawao ta ngi jaweisia hou; 6bi woli i wolo, bi yameisia ti lawo, kɔ bi wolo bi bɔilopoi hɛɛ woi ma kia ngi hɛɛma bi gama a folo kɛ kpindii gbi, Isleɛl nungeisia, bi bɔilopoisia va, a gayeila a Isleɛl nungeisia ti jumbuisia, nasia mu ti wienga a bie. Nya kɛ nya mbondawui mu jumbu hinda wienga. 7Mu bi gbalɛma hinda waa wienga, a gbahala bi jaweisia hou va, bi lahinsia, kɛ bi gaasia, nasia bi ndeni bi bɔilopoi Mojisi ma. 8Gili a layei na bi ndeni bi bɔilopoi Mojisi ma, bɛ, ‘Ina wuii loni lanayahu nga wu vayafayalɔ kɛnyɛwuisia lia; 9Kɛɛ ina wu woteilɔ nya gama, wu nya jaweisia hou, tawao wu ti wie, kia bɛ nasia wu ti wilinga polooŋ ngelengɛlɛmeisia, nga ti lɛlɔ ma ti gbua na, kɛ ngi waanga a tie miando hindei na ngi loko loonga na ma nya biyei hei va na.’ 10Ti yɛni a bi bɔilopoisia kɛ bi nungeisia lɔ, nasia bi ti wumawoni a bi gbaya wai kɛ bi loko gbayangɔi. 11O Ndemɔi, bi woli i wolo bi bɔilopoi hɛɛ woi ma, kɛ bi bɔilopoisia ti heisia ma, nasia ti gohunɛngɔ baagɔma ve va bi biyei wɛ. Bi bɔilopoi hindei lɛ gulɔ ma a foloi ji, tawao bi pie i manuma jɔɔ kenei ji yama!”
A watii na ma, ngi yɛni a mahei bola houmɔ.
Iliyochaguliwa sasa
NƐHIMAYA 1: RMB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Mende Bible Portions © Bible Society in Sierra Leone and Lutheran Bible Translators, 2020.
NƐHIMAYA 1
1
1Nɛhimaya Hakalaya hindoloi layeisia.
Nɛhimaya Gbeelei Jelusalɛmi va
Kisilɛvi yalui hu, fooi yee numu gbɔyɔngɔi hu, ji ngi yɛ Susa la wai hu, 2Hanani, nya ndewehingeisia yee ngila kɛ nungaa lɛnga ti hiyeni Juda lɔɔlei hu, ti wanilɔ kɛ ngi ti mɔlinga kɔlooni Juublei nasia ma ti mabawoni nasia tii yɛ ti wumbuni kɔhou hu, kɛ gbɔma kɔlooni Jelusalɛmi ma. 3Ti poteilɔ tɛɛ, “Nasia ti mabawoni tatei hu, nasia ti wilani kɔhoui yeya, tia mɔnɛ waa hu kɛ ngufe hu; Jelusalɛmi bundi wolonga, tawao yee gɔlɔ lameisia kpɛlɛɛ ti mɔnga.”
4Ji ngi njiei jisia humɛnini, ngi heilɔ kɛ ngi wɔlɔnga, tawao ngi wɔlɔilɔ folo gboto va, a suhou la kɛ hɛɛ weila ngelegohu Yewɔi gulɔ. 5Ngi ndeilɔ ngɛɛ, “O Ndemɔi, ngelegohu Yewɔi, bia Ngewɔ wai a bie, tawao bi ma luwangɔ, na a hindayayilingɔ hou kɛ ndoma kpaukpau a nasia ti longɔ a ngie tawao ta ngi jaweisia hou; 6bi woli i wolo, bi yameisia ti lawo, kɔ bi wolo bi bɔilopoi hɛɛ woi ma kia ngi hɛɛma bi gama a folo kɛ kpindii gbi, Isleɛl nungeisia, bi bɔilopoisia va, a gayeila a Isleɛl nungeisia ti jumbuisia, nasia mu ti wienga a bie. Nya kɛ nya mbondawui mu jumbu hinda wienga. 7Mu bi gbalɛma hinda waa wienga, a gbahala bi jaweisia hou va, bi lahinsia, kɛ bi gaasia, nasia bi ndeni bi bɔilopoi Mojisi ma. 8Gili a layei na bi ndeni bi bɔilopoi Mojisi ma, bɛ, ‘Ina wuii loni lanayahu nga wu vayafayalɔ kɛnyɛwuisia lia; 9Kɛɛ ina wu woteilɔ nya gama, wu nya jaweisia hou, tawao wu ti wie, kia bɛ nasia wu ti wilinga polooŋ ngelengɛlɛmeisia, nga ti lɛlɔ ma ti gbua na, kɛ ngi waanga a tie miando hindei na ngi loko loonga na ma nya biyei hei va na.’ 10Ti yɛni a bi bɔilopoisia kɛ bi nungeisia lɔ, nasia bi ti wumawoni a bi gbaya wai kɛ bi loko gbayangɔi. 11O Ndemɔi, bi woli i wolo bi bɔilopoi hɛɛ woi ma, kɛ bi bɔilopoisia ti heisia ma, nasia ti gohunɛngɔ baagɔma ve va bi biyei wɛ. Bi bɔilopoi hindei lɛ gulɔ ma a foloi ji, tawao bi pie i manuma jɔɔ kenei ji yama!”
A watii na ma, ngi yɛni a mahei bola houmɔ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Mende Bible Portions © Bible Society in Sierra Leone and Lutheran Bible Translators, 2020.