NƐHIMAYA 2
2
Nɛhimaya ya Jelusalɛmi
1Nisan yalui hu, Mahei Aatasasi vooi yee numu gbɔyɔngɔi hu, ji ti yɛ a ngi ngɔ a ndɔ, ngi lilɔ a ndɔi kɛ ngi fenga mahei wɛ. Kiahuna, ngi yaa wɔɔgba yɛ ndisonia hu ngi gulɔ. 2Fale Mahei ndeilɔ nya ma yɛɛ, “Gbeei bi yama gbenyɔungɔ, kia bɛɛ bii hegbɛ hu? Ji a wei lekee a ndinyani lɔ.”
Na wooma ngi yɛlɔ nduwa waa hu. 3Ngi ndeilɔ mahei ma ngɛɛ, “Ndɛvu hugua i yɛ mahei wɛ kunafɔ va! Gbɛ va mia nya yamei ɛɛ gbenyɔu, ji ta wai na hu, mia nya kɛkɛni ti gambeisia ti lani na, na nyaningɔ tawao yee ngɔlɔ lameisia kpɛlɛɛ ti mɔngɔ?” 4Na wooma Mahei ndeilɔ nya ma yɛɛ, “Gbɔɔ bi longɔ la?” Fale ngi heilɔ ngelegohu Yewɔi gama. 5Na wooma ngi ndeilɔ mahei ma ngɛɛ, “Ina i nɛɛnga mahei wɛ, tawao ina bi bɔilopoi i kpekpeya majɔɔnga bi gama, nya bi mɔli ma kɔɔ bi nya yoyo Juda lɔɔlei hu, ta wai na hu nya kɛkɛni ti gambeisia ti na, kɔɔ nahi ngi yama ngi too gbɔma.”
6Mahei ndeilɔ nya ma yɛ, (mahei nyahei bɛɛ yɛ heini ngi yakama), “Hu a yee guha ji ba li tawao mi gbe mia ba yama?” Fale i nɛilɔ mahei wɛ nya loo va, kɛ ngi watii ngɛnga a ngie. 7Na wooma ngi ndeilɔ mahei ma ngɛɛ, “Ina i nɛilɔ mahei wɛ i kɔlɔ nyɛingɔngaa ve nya wɛ gɔminei nasia va ti kpalatei hu Yufletisi yei wooma, kɔɔ ti luma ngi lewe haaŋ ngi foo Juda lɔɔlei hu; 8kɛ kɔlɔ nyɛingɔ Asafi va, mahei wola mahugbeemɔi, nde va ngi ma kɔɔ i gbemgbelei ve ndɔkɔisia gbatɛ va Ngewɔ wɛlei lameisia magata va, kɛ ta wai bundi va, kɛ pɛlei na bu va nga yɛ na.” Kɛ mahei fenga nya wɛ na ngi mamɔlini, gbamaile nya Yewɔ loko lubangɔi yɛlɔ nya wooma.
9Na wooma ngi wailɔ gɔminei nasia gama ti yɛ kpalatei hu Yufletisi yei wooma, kɛ ngi mahei gɔlɔ nyɛingɔisia venga ti wɛ. Mahei mua kugbanga kɛ somahublaa yoyoilɔ naa. 10Ji Sanibalati Holɔnaitimɔi kɛ Tobaya Amɔnaiti lokulɔmɔi ji humɛnini, i ti lii nyanilɔ hulewengɔ waa kɛ numu wanga kɔɔ i pele gbekpe gɔkɔli Isleɛl nungeisia ti ma hindei va.
11Fale ngi wailɔ Jelusalɛmi tawao ngi yɛlɔ na ji sawa va. 12Na wooma ngi hiyeilɔ a kpindii, nya kɛ hinga lɛnga, ngii ndeni numu gbi ma na nya Yewɔi i yɛ puni nya li hu pie va Jelusalɛmi va. Njia huin na lekee ngi mbumbuni yɛni a yee na lɔ ngi heini mahu. 13Ngi gbuailɔ a kpindii a Gondongondoi Lama wee, ngi lewe Ndamba gaali Ya gbuamei ma, ngi foo Kaa wilimei Lamei kɛ ngi Jelusalɛmi bundisia maajɔbɛnga, nasia ti yɛ wologolonga kɛ yee gɔlɔ lamei nasia ti yɛ mɔni. 14Na wooma ngi liilɔ Nja gbuamei Lamei kɛ Mahei Wopei gama; kɛ hinda gbi ii yɛ na nahi njia huin na va ngi yɛ heini mahu li va gulɔ. 15Fale ngi liilɔ a gondongondoi hu wee a kpindii kɛ ngi bundi maajɔbɛnga. Na wooma ngi yamanilɔ gbɔma, kɛ ngi jɔkɔnga a Gondongondoi Lamei wee, kɛ ngi yamanga. 16Tokulɔisia tii kɔlɔni mia ngi yɛ liini na, ɔɔ gbɔ ngi yɛ a pie; ngii yaa yɛla a ndeni Juubleisia ma, saagbuableisia, kulɔbleisia, tokulɔisia kɛ nasia kpɛlɛɛ kɛngɔ gengei wie va.
17Na wooma ngi ndeilɔ ti ma ngɛɛ, “Wu kpundei ji lɔnga mu hu, kia Jelusalɛmi nyaningɔ tawao ngi lameisia ti mɔngɔ. A wa, mu Jelusalɛmi bundisia loo gbɔma, kɔɔ ngufema a yaa gbɔma lɛ mu ma.” 18Ngi ndeilɔ ti ma ngɛɛ, nya Yewɔi loko lubangɔi lɔ nya ma, kɛ gbɔma mahei layei nasia i yɛ ndeni nya ma. Na wooma ti ndeilɔ tɛɛ, “A mu tɔtoo a too la!” Fale ti tiayekpe gbuanilɔ naa a saa numui kpɛlɛɛ va. 19Kɛɛ ji Sanibalati Holɔnaitimɔi, kɛ Tobaya Amɔnaiti gugbei kɛ Gɛsɛmi Alabimɔi ti ji humɛnini, ti yɛlɛlɔ kɛ ti hɛlɛnga mu ma tɛɛ, “Gbɔɔ a ji wu pie ma? Wu nganga ma a mahei?” 20Na wooma ngi ti gbɛmboilɔ ngɛɛ, “Ngelegohu Yewɔi mia a mu ngɔ a digulɔma, tawao mua ngi bɔilopoisia mu tɔtoo maa a bundi loo la; kɛɛ gbeogbɛ ii na wu va ɔɔ wua loko loo ma a wu woo la ɔɔ njia wova hu bɛɛ Jelusalɛmi.”
Iliyochaguliwa sasa
NƐHIMAYA 2: RMB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Mende Bible Portions © Bible Society in Sierra Leone and Lutheran Bible Translators, 2020.
NƐHIMAYA 2
2
Nɛhimaya ya Jelusalɛmi
1Nisan yalui hu, Mahei Aatasasi vooi yee numu gbɔyɔngɔi hu, ji ti yɛ a ngi ngɔ a ndɔ, ngi lilɔ a ndɔi kɛ ngi fenga mahei wɛ. Kiahuna, ngi yaa wɔɔgba yɛ ndisonia hu ngi gulɔ. 2Fale Mahei ndeilɔ nya ma yɛɛ, “Gbeei bi yama gbenyɔungɔ, kia bɛɛ bii hegbɛ hu? Ji a wei lekee a ndinyani lɔ.”
Na wooma ngi yɛlɔ nduwa waa hu. 3Ngi ndeilɔ mahei ma ngɛɛ, “Ndɛvu hugua i yɛ mahei wɛ kunafɔ va! Gbɛ va mia nya yamei ɛɛ gbenyɔu, ji ta wai na hu, mia nya kɛkɛni ti gambeisia ti lani na, na nyaningɔ tawao yee ngɔlɔ lameisia kpɛlɛɛ ti mɔngɔ?” 4Na wooma Mahei ndeilɔ nya ma yɛɛ, “Gbɔɔ bi longɔ la?” Fale ngi heilɔ ngelegohu Yewɔi gama. 5Na wooma ngi ndeilɔ mahei ma ngɛɛ, “Ina i nɛɛnga mahei wɛ, tawao ina bi bɔilopoi i kpekpeya majɔɔnga bi gama, nya bi mɔli ma kɔɔ bi nya yoyo Juda lɔɔlei hu, ta wai na hu nya kɛkɛni ti gambeisia ti na, kɔɔ nahi ngi yama ngi too gbɔma.”
6Mahei ndeilɔ nya ma yɛ, (mahei nyahei bɛɛ yɛ heini ngi yakama), “Hu a yee guha ji ba li tawao mi gbe mia ba yama?” Fale i nɛilɔ mahei wɛ nya loo va, kɛ ngi watii ngɛnga a ngie. 7Na wooma ngi ndeilɔ mahei ma ngɛɛ, “Ina i nɛilɔ mahei wɛ i kɔlɔ nyɛingɔngaa ve nya wɛ gɔminei nasia va ti kpalatei hu Yufletisi yei wooma, kɔɔ ti luma ngi lewe haaŋ ngi foo Juda lɔɔlei hu; 8kɛ kɔlɔ nyɛingɔ Asafi va, mahei wola mahugbeemɔi, nde va ngi ma kɔɔ i gbemgbelei ve ndɔkɔisia gbatɛ va Ngewɔ wɛlei lameisia magata va, kɛ ta wai bundi va, kɛ pɛlei na bu va nga yɛ na.” Kɛ mahei fenga nya wɛ na ngi mamɔlini, gbamaile nya Yewɔ loko lubangɔi yɛlɔ nya wooma.
9Na wooma ngi wailɔ gɔminei nasia gama ti yɛ kpalatei hu Yufletisi yei wooma, kɛ ngi mahei gɔlɔ nyɛingɔisia venga ti wɛ. Mahei mua kugbanga kɛ somahublaa yoyoilɔ naa. 10Ji Sanibalati Holɔnaitimɔi kɛ Tobaya Amɔnaiti lokulɔmɔi ji humɛnini, i ti lii nyanilɔ hulewengɔ waa kɛ numu wanga kɔɔ i pele gbekpe gɔkɔli Isleɛl nungeisia ti ma hindei va.
11Fale ngi wailɔ Jelusalɛmi tawao ngi yɛlɔ na ji sawa va. 12Na wooma ngi hiyeilɔ a kpindii, nya kɛ hinga lɛnga, ngii ndeni numu gbi ma na nya Yewɔi i yɛ puni nya li hu pie va Jelusalɛmi va. Njia huin na lekee ngi mbumbuni yɛni a yee na lɔ ngi heini mahu. 13Ngi gbuailɔ a kpindii a Gondongondoi Lama wee, ngi lewe Ndamba gaali Ya gbuamei ma, ngi foo Kaa wilimei Lamei kɛ ngi Jelusalɛmi bundisia maajɔbɛnga, nasia ti yɛ wologolonga kɛ yee gɔlɔ lamei nasia ti yɛ mɔni. 14Na wooma ngi liilɔ Nja gbuamei Lamei kɛ Mahei Wopei gama; kɛ hinda gbi ii yɛ na nahi njia huin na va ngi yɛ heini mahu li va gulɔ. 15Fale ngi liilɔ a gondongondoi hu wee a kpindii kɛ ngi bundi maajɔbɛnga. Na wooma ngi yamanilɔ gbɔma, kɛ ngi jɔkɔnga a Gondongondoi Lamei wee, kɛ ngi yamanga. 16Tokulɔisia tii kɔlɔni mia ngi yɛ liini na, ɔɔ gbɔ ngi yɛ a pie; ngii yaa yɛla a ndeni Juubleisia ma, saagbuableisia, kulɔbleisia, tokulɔisia kɛ nasia kpɛlɛɛ kɛngɔ gengei wie va.
17Na wooma ngi ndeilɔ ti ma ngɛɛ, “Wu kpundei ji lɔnga mu hu, kia Jelusalɛmi nyaningɔ tawao ngi lameisia ti mɔngɔ. A wa, mu Jelusalɛmi bundisia loo gbɔma, kɔɔ ngufema a yaa gbɔma lɛ mu ma.” 18Ngi ndeilɔ ti ma ngɛɛ, nya Yewɔi loko lubangɔi lɔ nya ma, kɛ gbɔma mahei layei nasia i yɛ ndeni nya ma. Na wooma ti ndeilɔ tɛɛ, “A mu tɔtoo a too la!” Fale ti tiayekpe gbuanilɔ naa a saa numui kpɛlɛɛ va. 19Kɛɛ ji Sanibalati Holɔnaitimɔi, kɛ Tobaya Amɔnaiti gugbei kɛ Gɛsɛmi Alabimɔi ti ji humɛnini, ti yɛlɛlɔ kɛ ti hɛlɛnga mu ma tɛɛ, “Gbɔɔ a ji wu pie ma? Wu nganga ma a mahei?” 20Na wooma ngi ti gbɛmboilɔ ngɛɛ, “Ngelegohu Yewɔi mia a mu ngɔ a digulɔma, tawao mua ngi bɔilopoisia mu tɔtoo maa a bundi loo la; kɛɛ gbeogbɛ ii na wu va ɔɔ wua loko loo ma a wu woo la ɔɔ njia wova hu bɛɛ Jelusalɛmi.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Mende Bible Portions © Bible Society in Sierra Leone and Lutheran Bible Translators, 2020.