Luk 3
3
1Ka karen ȧke bekȧ tɔfɔt tamath ka kagbəka ka Tibɛrias Sisar, ma Paylet ɔ gbəka ro Yudia, Hɛrɔdȧŋ ɔ gbəka ro Kalili, ɔwa ɔwɔnt kɔŋ Filip-e ɔ gbəka ro Ituriya yi ka ȧŋgbȧp ŋa ro Trakɔnitɔs, ɔwa Lisaniyasȧŋ ɔ gbəkȧ ro Abilini, 2ɔwa Anas yi Kayafas aŋ yi afode abana-e, ȧrim ra Kuru rə der ka Yɔn ɔwan ka Sakarayas ro wula. 3kɔ der ka ȧŋthɔf aŋa gbətɔ ka Yɔrdan, ɔ kawandi ȧŋbaftisəm ŋa kəthupi ta katerɔ ka ɛhakɛ; 4mɔ mə a gbal ka ȧkȧfȧ ka Isaya ɔnȧbi kəpa,
Ȧrim rəgbaŋklo ra wuni ro wula ara pa,
Bɛmpa nu aroŋ da ɔMarki,
Lompəs nu asoŋ tɔŋ.
5A tə lasər tagboŋkəl bɛ, a tə thora tȧteŋ bɛ, təbana-o, təlɔl-o,
Asoŋ təkənə a tə lompəs ti, ɔwa a tə thənəpəs asoŋ təgbopɛ gbopɛ.
6Ɔwa afəm sɛŋk aŋ tə nənk kakisi ka Kuru.
7Ɔwa Yɔn ɔ pa ka ȧsuniya ȧte wur kȧmȧ ɔ baftays ŋa, Naŋ rəkomra ra ɛgbɔrɔ, kanɛ maŋ nu kȧmȧ nə gbukɛ rabaŋ ara mə der-e? 8Wurɔ nu məkomi ama bek ta kəthupi, ɔwa te nu təp kəpa ka ɛmerȧ ɛ nu, Sə ba Ebraham ta ɔkas kȧsu, kotȧy-e i kanɛ nu kəpa, Kuru ɔ gbəli yɔ awuth aŋ wur ka masar ame ta Ebraham. 9Ɔwa ka-ake a po bot kabap ka ɛthəŋk ya ɛyint. Tiyȧŋ ŋənt o ŋənt aŋa mə te wurɔ məkomi məfinɔ a tə tap ŋi, ɔwa a tə fitha ŋi ro nȧnt. 10Ka aŋfəm aŋ yif kɔ, aŋ pa, To mə sə yɔ-e? 11kɔ wosȧnɛ ŋa ɔ pa, Kɔnɔ ɔwe ba suma tərəŋ, ta ɔ sɔŋ ɔwe te ba-e, ɔwa kɔnɔ ɔwe ba ra rədi ta ɔ tansanɛ yi. 12Ka aŋthoŋkla ɛfȧk aŋ der kȧmȧ ɔ baftays ŋa sɔ, aŋ pa ro ŋɔŋ, Pa, saŋ, to mə sə yɔ-e? 13kɔ pa ro ŋaŋ, Te nu yɔ a fak pəthas amɔlɔ ama a bonta nu. 14Ka aŋtim sɔ aŋ yif kɔ, aŋ pa, Ɔwa saŋ-e, to mə sə yɔ-e? kɔ pa ro ŋaŋ, Te nu sɔmpa wuni o wuni, te nu yɔ wuni o wuni yaŋfa, ɔwa ta ȧŋrȧm a nu aŋ bek nu.
15Ma aŋfəm aŋ kar yi ɛmerȧ ɛgbasa-e, ɔwa maŋ yi bɛ aŋ tȧmtȧmnɛ ka ɛmerȧ yaŋ ta Yɔnȧŋ bepi ɔ yi ɔKraist-e, Yɔn ɔ lasi ɔ pa ro ŋaŋ, 16Minɛ i baftays nu yi mȧnt, kɛrɛ kɔnɔ ɔwe mə der ɔ thasi mi afɔsɔ, i yi hɛ ubeki tə kəsəli nabeŋa na ɛkɔftha yɔŋ. Kɔnɔ tə baftays nu yi ɔYina məsəm yi nȧnt. 17Kathɛmɛ kɔŋ kə yi ka kȧta kɔŋ, ɔwa ɔ tə fuŋa aŋgbethe ŋɔŋ gbəraŋ, ɔ tə thoŋkla ȧpəla ro fuŋk kɔŋ, kɛrɛ ɔ tə thɔi ɛgbəftha rə nȧnt ana mə te dimsɛ.
18Ɔwa Yɔnȧŋ ɔ kawandi ȧkɛra kəfinɔ ka aŋfəm, yi ɛmaŋ ɛlɔm ɛgbathi. 19Kɛrɛ ma Yɔnȧŋ ɔ ŋal Hɛrɔdȧŋ ɔbȧy salata Herodias ɔrani ka ɔwɔnt kɔŋ-e, yi ta mȧtȧy mələs bɛ ama ɔ po yɔ, 20ɔ kȧl bȧr ȧte sɔ ka maləs mɔŋ, ma ɔ bot Yɔn ka ȧŋseth ŋa tərəŋka.
21Ɔwa ma ɔ baftays aŋfəm bɛ-e, ka pə re yi a baftays Yisɔs sɔ. Ɔwa ma ɔ yi ras ka kəramnɛ-e, ȧkȧriyana kə kanthɛ, 22ka ɔYina məsəm ɔ thor ɔ ba adɛr mɔ kəpərəm, kɔ rensa kɔ, ɔwa rim rə wur ka ȧkuru ara pa, Munɔ yi ɔWan kȧmi ubɔthər; mə thesis ȧŋmerȧ a mi finɔ.
23Ma Yisɔs kɔn kɔnɔnɛ ɔ təp mapanth mɔŋ ɔ ba təren kəgba tɔfɔt; aŋfəm aŋ nanɛ ɔ yi ɔwan ka Yosɛf ɔwe yi ɔwan ka Heli, 24ɔwan ka Mathat, ɔwan ka Lifay, ɔwan ka Meliki, ɔwan ka Yanay, ɔwan ka Yosɛf, 25ɔwan ka Mathathayas, ɔwan ka Emɔs, ɔwan ka Nahum, ɔwan ka Esli, ɔwan ka Nȧkay, 26ɔwan ka Mȧyath, ɔwan ka Mathathayas, ɔwan ka Semein, ɔwan ka Yosɛf, ɔwan ka Yoda, 27ɔwan ka Yoanan, ɔwan ka Resa, ɔwan ka Serobabɛl, ɔwan ka Sialthiɛl, ɔwan ka Neri. 28ɔwan ka Mɛlki, ɔwan ka Adi, ɔwan ka Kosam, ɔwan ka Elmadam, ɔwan ka Er, 29ɔwan ka Yisa, ɔwan ka Eliyesa, ɔwan ka Yorim, ɔwan ka Mathat, ɔwan ka Libay, 30ɔwan ka Simiyɔn, ɔwan ka Yuda, ɔwan ka Yosɛf, ɔwan ka Yonan, ɔwan ka Eliakim, 31ɔwan ka Milia, ɔwan ka Menan, ɔwan ka Mȧthatha, ɔwan ka Nethan, ɔwan ka Debid, 32ɔwan ka Yɛsi, ɔwan ka Obed, ɔwan ka Bowas, ɔwan ka Salmon, ɔwan ka Neson, 33ɔwan ka Aminadab, ɔwan ka Aram, ɔwan ka Hɛsrɔn, ɔwan ka Fares, ɔwan ka Yuda, 34ɔwan ka Yekɔb, ɔwan ka Aysak, ɔwan ka Ebraham, ɔwan ka Tera, ɔwan ka Nahor, 35ɔwan ka Seruk, ɔwan ka Reu, ɔwan ka Pilɛk, ɔwan ka Heba, ɔwan ka Sela, 36ɔwan ka Kenan, ɔwan ka Arfaksad, ɔwan ka Sɛm, ɔwan ka Noa, ɔwan ka Lemek, 37ɔwan ka Mɛthusala, ɔwan ka Inɔk, ɔwan ka Yerɛd, ɔwan ka Malɛl, ɔwan ka Kenan, 38ɔwan ka Enos, ɔwan ka Seth, ɔwan ka Adȧm, ɔwan ka Kuru Məsaba.
Iliyochaguliwa sasa
Luk 3: TMNNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Themne New Testament © The Bible Society of Sierra Leone, 2009.