Jan 13
13
Jesu fala, o kuuma leni o fiima bi tinkpiba siiga Jerusalemi po
13—21
Jesu nigidi o ŋoadikaaba taana
1Hali ke mi Pendima jaanma daa pundi, Jesu den bani ke wan baa ña ŋanduna nni, ki gedi Baa po yaa yogunu pundi. O den bua o yaaba, yaaba n ye ŋanduna nni; O den bua ba hali mi juodima.
2Jesu leni o ŋoadikaaba den dini mi yenjuajiema. Li sua ke Sutaani den kua Simon Isikarioti bijua Judasi pali nni no, ke wan janbi Jesu. 3Jesu wani o ba den bani ke Baa U Tienu dini o li bali ke o die li bonla kuli, ki go bani ke o den ñani U Tienu kani ki baa guani ki gedi U Tienu kani. 4O den fii u saajekaanu kani, ki landi o tiadi, ki taa li cabili ki ñagini o ciaga. 5Lani, o den kuodi mi ñima ku tadigu nni, ki cili ki nigidi o ŋoadikaaba taana, ki duuni a leni o cabiñaginkaali. 6O den pundi Simon Pieli kani, ke o buali o: «N Daano, fine n nigidi n taana?» 7Jesu den guani ki yedi o: «A daa bani min tiendi yaala moala, ama li yaa yeni waamu, a baa bandi.» 8Pieli den yedi o: «N kan tuo ŋan nigidi n taana abada.» Jesu den guani ki yedi o: «N yàá nigidi a taana, ŋaa taa leni nni.» 9Simon Pieli den yedi o: «N Daano, da nigidi n taana bebe ka, n nii leni n yuli kuli.» 10Jesu den yedi o: «Yua n wali, waa go bua ki wali, kali wan nigidi o taana ki yaa ŋani cain. Yi ŋani, ama yikuli ka.» 11Jesu den bani yua n baa janbi o, lani yaa po ke o yedi: «Yikuli ka ŋani.»
12Wan den nigidi bi taana ki gbeni, ki go lani o tiadi ki guani ki kali u saajekaanu kani, o den yedi ba: «Naani yi faami min tieni yi po yaala ne? #Luk 22.27. 13Yi yini nni yi Canbaa leni yi Daano. Yi maadi moamoani, kelima n tie yeni lige. 14To, mini yua n tie yi Daano leni yi Canbaa n nigidi yi taana yeni, li pundi ke yimo n yaa nigidi yiyaba taana. 15N ŋaa yi po bontogidikaale, ke yimo n yaa tiendi nani min tieni yi po maama yeni. 16N yedi yi i moamoani, o naacemo kan cie o canbaa, o tondo mo kan cie yua n soani o. #Mat 10.24; Luk 6.40; Jan 15.20. 17Yi yaa bani lani ki tiendi la, yi pia li pamanli.
18Mii maadi yeni ki bagi yikuli ka. N bani min gandi yaaba. Ama tiladi, li baa tieni nani lan diani i Diani nni maama na: ‹Yua n taa ki di leni nni, lugidi nni u danbu.› #Ps 41.10. 19N tuodi ki wangi yi yaala n baa tieni hali ke li daa tieni, ke li yaa ti tieni yaa yogunu, yin daani ke N Ye.
20N yedi yi i moamoani, yua n gaa n tondo cangu kuli, o gaa mini n ba yaa cangu yo. Yua n gaa n cangu mo, gaa yua n soani nni yaagu yo.» #Mat 10.40; Mrk 9.37; Luk 9.48; 10.16.
Jesu waani ba ke Judasis baa janbi o
(Mat 26.20-25; Mrk 14.17-21; Luk 22.21-23)
21Jesu n den maadi yeni, o yama den yagi. O den kadi ki yedi: «N yedi yi i moamoani, yi siiga yendo baa janbi nni.» 22O ŋoadikaaba den diidi biyaba kaa bandi wan bagi yua. 23O ŋoadikaaba siiga, Jesu n den bua yua, den kpaagi ki kuu leni o. 24Lani, Simon Pieli den waani o o nuu ke wan buali Jesu wan maadi yua yaa maama. 25O den tabini Jesu ki buali o: «N Daano, ŋme yo?» 26Jesu den guani ki yedi o: «Min baa tali li saaboali ki teni yua, li tie wani.» O den tali li saaboali ki teni Simon Isikarioti bijua Judasi. 27Jesu n den teni o li yaa yogunu liga, Sutaani den kua o pali nni. Jesu den yedi o: «Ŋan baa tieni yaala, tieni la tontoni.» 28Yaaba n den taani ki ye u saajekaanu kani siiga, oba kuli ki den faami yaala yaa po ke Jesu yedi o yeni. 29Nani Judasi n den kubi bi ligiboagili yeni, bi tianba den tama ke Jesu yedi o: «Ŋan daa tin baa bua yaala kuli mi jaanma po,» yaa ka: «Ŋan ñani i ligi ki pa a luoda.» 30Judasi n den gaa li saaboali, lanyogunu liga, o den ñani. Ku ñiagu den bii.
Mi mabilikapanma
31Judasi n den ñani, Jesu den yedi: «Moala o Joa Bijua baa ti kpiagidi#13.31 Jesu nua U Tienu n puogi o yaa tuonli, lani n tie o kuuma li dapoanpoanli po, nani mi tieni ki dudi yeni.. U Tienu mo baa ti kpiagidi kelima o po. 32U Tienu yaa baa ti kpiagidi kelima o Bijua po, omo baa teni wan baa ti kpiagidi o yaa kani. O baa kpiagi o ke li kan waagi.
33N bibuadimu, n go baa yaa ye leni yi yogunu waamu bebe po. Yi baa lingi nni, ama n wangi yinba moko moala, nani min den waani Jufinba maama, ke yi kan fidi ki gedi min caa naankani. #Jan 7.34. 34N bili yi po yaa mabilikapanma n tie ne:
Yin yaa bua mani yiyaba.
Nani min bua yi maama,
Yimoko n bua yiyaba yeni. #Jan 15.12,17; Jan 3.23; 2Jan 1.5.
35Yi yaa bua yiyaba, lani n baa teni bi niba kuli n bandi ke yi tie n ŋoadikaaba.»
Pieli baa ti nia ke waa bani Jesu
(Mat 26.31-35; Mrk 14.27-31; Luk 22.31-34)
36Simon Pieli den buali o: «N Daano, a caa le?» Jesu den guani ki yedi o: «A kan fidi ki ŋoadi nni min caa naani moala, ama a baa ti yuandi ki ŋoadi nni.» 37Pieli den buali o: «N Daano, be yaa po ke n kan fidi ki ŋoadi a moala? Ba li yaa tie n miali ñama, n ye.» 38Jesu den guani ki yedi o: «Ba li yaa tie a miali ñama, a ye moamoani? N yedi a i moamoani, hali ke ku kootongu daa mua, a baa nia taalimitaa ke ŋaa bani nni.
Iliyochaguliwa sasa
Jan 13: BGP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Gulmancema Protestant Bible © Bible Society of Burkina Faso, 2013.