Kisah Boko Rasul 10
10
Allah moyakit'an Petrus pakai' monorima' urakng inyo bukai Yahudi
(10:1-48)
Molekat Tuhatn monyiuh Kornelius pakai' moningkau Petrus
(10:1-8)
1Di kota Kaisarea, ado siku' urakng powira tontara. Damonyo Kornelius. Kornelius ongko somuo koluarganyo bukainyo urakng Yahudi. Io momimpitn sokitar soratus projurit inyo dalapm sotilah tontara Roma disobut pasukan Italia. 2Kornelius ongko somuo koluarganyo hala hidup taat agatn Allah. Kornelius opat moonji'i duit ko boko urakng jaro. Io pan hala bodoa ko Allah.#10:2: Kornelius udah pocayo ko Allah (Nian Allah inyo bondar, Allah inyo disombah urakng agama Yahudi) apo Kornelius bolupm sampat mondinga' mongona'i Yesus.
3Pado suatu ari sokitar japm tigo babahari,#10:3: Japm tigo babahari ni'in watu bodoa babahari urakng Yahudi. Kornelius mungkitn tongahan bodoa jam. Allah moutus molekat ko Kornelius. Kornelius moniant molekat nantai agatn jolas. Molekat nantai moningkau damonyo, “Kornelius!” 4Io kotakan gola', moniant molekat nantai. Io botakutn, “Ado la'apo Habakng?”
Molekat nantai monimbas, “Kolai monyonangan Allah obai kolai sotia bodoa ko Sio. Kolai opat moonji'i duit ko boko urakng jaro. Boko hal nantai monjadi sama'an posombahan kolai ko Allah. Obai nantai, Allah moingant kolai. 5Jadi, ni'inan siuhcam boboropo urakng ko kota Yope. Siuh sia' pakai' momocaki siku' urakng inyo bodamo Simon, inyo disobut Petrus jam. 6Io tongahan mongoluntukng di rumah siku' urakng pongusaha kulit bonatakng, inyo bodamo Simon jam. Rumahnyo di pinggir lout.”
7Ongko molekat nantai botula'. Lopas nantai, Kornelius moningkau duo hulutnnyo huatan siku' urakng projurit. Projurit nantai pan molayati Kornelius siku'. Projurit nantai hala moncubo monyonangan Allah jam. 8Kornelius monjolasan ko sia' somuo pomandiran molekat nantai. Jadi, io monyiuh sia' momocaki Simon Petrus ko Yope.
Petrus ado poniant'an doi' Allah
(10:9-16)
9Kohobu'annyo boko urakng inyo disiuh Kornelius nantai ija' dalapm pojalatan. Sokitar japm duo bolas siakng, sia' mohampiki kota Yope. Pas nantai, Petrus noi' ko pucu' hatap rumah inyo rato pakai' bodoa.#10:9: Boko rumah dipulah agatn hatap inyo rato. Bagian di pucu' rumah dipakai sama'an polantaran. 10Watu io bodoa, io mooso kolaparan, honda' makatn. Pontongahan pomakatn disiapan, Petrus mondapat poniant'an doi' Allah. 11Io moniant langit tobuka', ongko ado sosuatu sama'an solamba'i koitn inyo kotakan luar. Koitn nantai togantukng di koompat buncunyo, turutn doi' langit. 12Di dalapm koitn nantai ado banya' bondar jonis bonatakng purih inyo kinyo ulih dipua'i urakng Yahudi, tomansu' bonatakng bokaki ompat, bonatakng inyo moloncar di tanah, huatan boko burukng. 13Ongko Allah bopandir ko io, “Petrus, bodiritn! Sombolih boko bonatakng ni'in ongko pua'icam.”
14Petrus bopandir, “Cado, Tuhatn! Aku co kalo mua'i dagikng doi' bonatakng sama'an nian. Obai dalapm poraturan agama Yahudi boko bonatakng nantai purih.”
15Apo Allah bopandir pakai' koduo kalinyo, “Aman Aku bopandir sosuatu boi' mo, jangan kolai bopandir purih.”
16Ni'in tojadi sobanya' tigo kali,#10:16: Mungkitn poringant'an Allah diulaki tigo kali, DAMO pomandiran antaro Petrus agatn Allah diulaki tigo kali, DAMO somuo poniant'an tojadi tigo kali. hoyu' koitn nantai toangkat bobali' ko langit.
Petrus botomu boko urakng inyo disiuh Kornelius
(10:17-23a)
17Watu Petrus momikiran roti doi' poniant'an nantai, boko urakng inyo disiuh Kornelius udah monomuan rumah Simon. Sia' bodiritn di muka' lawakng pagar tongahlamanan rumah nantai. 18Sia' botakutn aman ado urakng inyo bodamo Simon inyo jam disobut Petrus inyo mongoluntukng di santai.
19Watu Petrus ija' momikiran mongona'i poniant'an nantai, Roh Allah bopandir ko io, “Petrus! Ado tigo urakng monggoyapi kolai. Sia' hoyu' datakng. 20Bodiritncam ongko turutn ko babah. Biar pan sia' bukainyo urakng Yahudi, jangan gangga'-gua'an botula' bosamo agatn sia' obai Aku udah monyiuh sia' ko kolai.”
21Jadi, Petrus turutn. Ongko io bopandir ko kotigo urakng nantai, “Aku ninam urakng inyo kaitn goyapi. Hibo kaitn datakng monggoyapi aku?”
22Sia' bopandir, “Koi disiuh ko si'itn ulih siku' urakng powira tontara Romawi. Damonyo Kornelius. Io nantai urakng onsi'. Io udah monjadi urakng inyo monyombah Allah. Somuo urakng Yahudi mohormatinyo. Sokomai, ado molekat Allah datakng ko io. Molekat nantai monyiuh Kornelius pakai' mohundakng duatn datakng ko rumahnyo, oca' io ulih mondinga' ajaran doi' duatn.” 23aLopas nian, Petrus mominto sia' bomalapm di rumah nantai.
Petrus botomu Kornelius
(10:23b-33)
23bKohobu'annyo, Petrus bososiap ongko botula' bosamo agatn boko urakng siuhan Kornelius nantai. Ado boboropo urakng pocayo doi' kota Yope inyo tuyut jam. 24Kolusoannyo, hoyu' sia' tuntukng di kota Kaisarea. Di kota nantai, Kornelius udah monanti sia'. Di rumahnyo io udah mongumpulan boko koluarganyo huatan boko pokawalan. 25Pas Petrus tuntukng di rumahnyo, Kornelius lansukng tundu' monyungkapan di hadapan kaki Petrus. 26Apo Petrus moncanggapm Kornelius, monari' io bodiritn. Petrus bopandir, “Bodiritn cam. Jangan monyombah aku. Aku pan bayo monsio, samo sama'an duatn.”
27Kapikng bopandir agatn Kornelius, sia' somuo mansu' ko dalapm rumah. Di santai, Petrus moniant banya' urakng udah bokumpul. 28Petrus bopandir ko sia', “Poraturan agama koi urakng Yahudi morarakng urakng Yahudi bokawal agatn urakng inyo bukai Yahudi sama'an kaitn. Koi pan culih usi'an ko tompat urakng inyo bukainyo urakng Yahudi. Kaitn somuo udah tohu nantai. Apo sokomai aku ado poniant'an. Allah monunju'an ko aku oca' jangan moanggap sopo pan purih sampai bopikir urakng nantai kinyo cucu' ditorima' Allah. 29Obai nantai, watu aku dipocaki aku co koboratan. Jadi ni'inan, aku honda' botakutn: Ma'apo kaitn mombaba' aku ko si'itn?”
30Kornelius monimbas, “Sokomai,#10:30: Ni'in ari koompat, damo sokomai. Ari potamo - molekat datakng ko Kornelius di kota Kaisarea. Io siuh urakng botula' ko kota Yope. Ari koduo - Di Yope, Petrus ado poniant'an ongko botomu agatn urakng inyo disiuh Kornelius. Ari kotigo - Petrus botula' bosamo agatn sia' doi' kota Yope. Ari koompat - Petrus sampai di kota Kaisarea ongko bopandir agatn Kornelius. aku ado di rumah. Timpu inyo samo sama'an ni'in jam, japm tigo babahari, aku tongahan bodoa. Sopongirap ado molekat bodiritn di pohadapanku. Pakai'annyo bocohayo. 31Kato molekat nantai, ‘Kornelius, Allah mondinga' doa kolai. Allah pan sonang obai kolai opat moonji'i duit ko boko urakng jaro. 32Jadi, siuhcam boboropo urakng ko kota Yope pakai' momocaki urakng inyo bodamo Simon, inyo jam disobut Petrus. Io tongahan mongoluntukng di rumah siku' urakng pongusaha kulit bonatakng, inyo bodamo Simon jam. Rumahnyo di pinggir pantai.’ 33Jadi aku hagar monyiuh urakng botula' mocaki duatn ko si'itn. Aku botorima' kasih obai duatn udah datakng. Jadi, ni'inan koi udah bokumpul di si'itn. Allah pan ado bosamo kito. Tuhatn udah monyampaian boko porintah ko kolai. Tulukng pandiran somuonyo nantai ko koi jam. Koi siap mondinga'annyo.”
Petrus monyampaian Kabar Boi' ko koluarga Kornelius huatan boko pokawalannyo
(10:34-43)
34Jadi, Petrus bopandir, “Ni'inan aku bondar-bondar mongoroti obai Allah kinyo bayo mongasihi sobuti' banso molobihi doi' banso bukai. 35Apo Allah monorima' boko urakng doi' banso mono ja'. Allah paca'an monorima' boko urakng aman sia' mohormati Sio huatan molabuhan inyo bondar.
36Kaitn tohu obai Allah udah monyampaian Kabar Boi' ko koi banso Yahudi. Joman komai, Allah bojanji Sio paca'an moutus siku' urakng Rajo. Rajo nantai paca'an mombuka' jalatn oca' urakng ulih bodamai agatn Allah. Yesus nantai Rajo Inyo Dijanjian Allah. Yesus nantai Tuhatn inyo puku' somuo urakng di dunia.
37Kaitn pan udah tohu mongona'i somuo kojadian inyo tojadi di soluruh doerah urakng Yahudi. Lopas kojadian Yohanes pombaptis nantai, 38Yesus mula'i polayatan-Nyo. Yesus boasal doi' kota Nazaret. Sio mula'i polayatan-Nyo di doerah Galilea. Allah moonji'i Roh-Nyo ko Yesus. Allah jam moonji'i kuaso ko Sio. Jadi, Yesus botula' ko mono-mono, molabuhan boko hal inyo boi', Sio monundukng boko roh jahat doi' urakng banya'. Sio ulih molabuhan somuo macapm mujisat obai Allah ado bosamo agatn Sio.
39Yesus molabuhan polayatan-Nyo di soluruh doerah urakng Yahudi, tomansu' kota Yerusalem. Koi boko rasul-Nyo moniant agatn mato koi siku' somuo polayatan-Nyo nantai. Di kota Yerusalem nantai, boko urakng mombunuh Sio di kayu salib. 40Apo pado ari kotigo,#10:40: Yesus mati pado ari Jumat ongko hidup agi' pado ari Minggu. Allah bulah Sio hidup agi' doi' komatian. Lopas nantai Allah mombiaran boko urakng ulih moniant Sio, oca' ado buti Sio hidup agi' doi' komatian. 41Allah kinyo mombiaran somuo urakng moniant Yesus, apo bayo boko urakng inyo udah dipilih-Nyo, tomansu' koi boko rasul Yesus. Lopas jadi Yesus hidup agi', koi ulih makatn huatan minum bosamo Sio. 42Jadi, Yesus monyiuh koi pakai' momboritoan ko boko urakng. Koi disiuh monyampaian obai Allah udah momilih Yesus monjadi hakipm pakai' somuo urakng inyo hidup agatn urakng inyo mati. 43Pado joman komai, boko nabi jam momadahan mongona'i Sio obai sia' monulis mongona'i Sio, ia'an Rajo Inyo Dijanjian Allah. Sia' monulis obai Sio ado kuaso pakai' moamputi boko dosa somuo urakng inyo pocayo agatn Sio.”#10:43: Teks asli momakai kato ‘pongamputan dosa molalu'i damo-Nyo’. Ado duo komungkitan. 1) Yesus ado kuaso pakai' moamputi dosa DAMO, 2) Ado caro dosa ulih diamputi obai Yesus jadi kurbatn.
Roh Allah momonuhi boko urakng inyo bukai Yahudi
(10:44-48)
44Watu Petrus ija' bopandir, Roh Allah turutn momonuhi somuo urakng inyo mondinga' borito nantai. 45Ado boko urakng Yahudi inyo tuyut Petrus doi' kota Yope. Sia' moniant kojadian nantai. Kotakan hiratn sia' obai Roh Allah jam datakng ko boko urakng inyo bukai Yahudi. 46Sia' tohu Roh Allah ado di boko urakng nantai obai sia' tongahan bopandir momakai boko baso bukai. Sia' pan momuji Allah.
Jadi, Petrus bopandir ko boko urakng Yahudi inyo tuyut io tontai. Katonyo, 47“Sia' ni'in udah monorima' Roh Allah, samo sama'an kito jam.#10:47: Pado ari Pentakosta, Roh Allah turutn ko sia', tiat Kisah 2:1-4 Jadi, pasti co nyiant alasan agi' urakng inyo morarakng sia' dibaptis agatn ara'i jam!”
48Ongko, Petrus monyiuh oca' boko urakng inyo bukainyo urakng Yahudi nantai dibaptis pakai' monunju'an obai sia' pocayo agatn Yesus. Lopas nantai, Kornelius huatan sia' inyo bukainyo mominto Petrus pakai' tinggal bosamo sia' somanah boboropo ari.#10:48: Petrus huatan boko urakng Yahudi inyo pocayo inyo tuyut io, sia' tinggal bosamo Kornelius huatan koluarganyo somanah boboropo ari. Sia' monorima' urakng inyo bukainyo urakng Yahudi soponuhnyo sobagai sosamo urakng inyo pocayo agatn Yesus. Boko urakng Yahudi huatan boko urakng inyo bukainyo urakng Yahudi ulih sombayakng bososamo. Petrus mungkitn momakai watu nantai pakai' mongajar sia' lobih jouh mongona'i Yesus.
Iliyochaguliwa sasa
Kisah Boko Rasul 10: TBDS
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Kisah Boko Rasul 10
10
Allah moyakit'an Petrus pakai' monorima' urakng inyo bukai Yahudi
(10:1-48)
Molekat Tuhatn monyiuh Kornelius pakai' moningkau Petrus
(10:1-8)
1Di kota Kaisarea, ado siku' urakng powira tontara. Damonyo Kornelius. Kornelius ongko somuo koluarganyo bukainyo urakng Yahudi. Io momimpitn sokitar soratus projurit inyo dalapm sotilah tontara Roma disobut pasukan Italia. 2Kornelius ongko somuo koluarganyo hala hidup taat agatn Allah. Kornelius opat moonji'i duit ko boko urakng jaro. Io pan hala bodoa ko Allah.#10:2: Kornelius udah pocayo ko Allah (Nian Allah inyo bondar, Allah inyo disombah urakng agama Yahudi) apo Kornelius bolupm sampat mondinga' mongona'i Yesus.
3Pado suatu ari sokitar japm tigo babahari,#10:3: Japm tigo babahari ni'in watu bodoa babahari urakng Yahudi. Kornelius mungkitn tongahan bodoa jam. Allah moutus molekat ko Kornelius. Kornelius moniant molekat nantai agatn jolas. Molekat nantai moningkau damonyo, “Kornelius!” 4Io kotakan gola', moniant molekat nantai. Io botakutn, “Ado la'apo Habakng?”
Molekat nantai monimbas, “Kolai monyonangan Allah obai kolai sotia bodoa ko Sio. Kolai opat moonji'i duit ko boko urakng jaro. Boko hal nantai monjadi sama'an posombahan kolai ko Allah. Obai nantai, Allah moingant kolai. 5Jadi, ni'inan siuhcam boboropo urakng ko kota Yope. Siuh sia' pakai' momocaki siku' urakng inyo bodamo Simon, inyo disobut Petrus jam. 6Io tongahan mongoluntukng di rumah siku' urakng pongusaha kulit bonatakng, inyo bodamo Simon jam. Rumahnyo di pinggir lout.”
7Ongko molekat nantai botula'. Lopas nantai, Kornelius moningkau duo hulutnnyo huatan siku' urakng projurit. Projurit nantai pan molayati Kornelius siku'. Projurit nantai hala moncubo monyonangan Allah jam. 8Kornelius monjolasan ko sia' somuo pomandiran molekat nantai. Jadi, io monyiuh sia' momocaki Simon Petrus ko Yope.
Petrus ado poniant'an doi' Allah
(10:9-16)
9Kohobu'annyo boko urakng inyo disiuh Kornelius nantai ija' dalapm pojalatan. Sokitar japm duo bolas siakng, sia' mohampiki kota Yope. Pas nantai, Petrus noi' ko pucu' hatap rumah inyo rato pakai' bodoa.#10:9: Boko rumah dipulah agatn hatap inyo rato. Bagian di pucu' rumah dipakai sama'an polantaran. 10Watu io bodoa, io mooso kolaparan, honda' makatn. Pontongahan pomakatn disiapan, Petrus mondapat poniant'an doi' Allah. 11Io moniant langit tobuka', ongko ado sosuatu sama'an solamba'i koitn inyo kotakan luar. Koitn nantai togantukng di koompat buncunyo, turutn doi' langit. 12Di dalapm koitn nantai ado banya' bondar jonis bonatakng purih inyo kinyo ulih dipua'i urakng Yahudi, tomansu' bonatakng bokaki ompat, bonatakng inyo moloncar di tanah, huatan boko burukng. 13Ongko Allah bopandir ko io, “Petrus, bodiritn! Sombolih boko bonatakng ni'in ongko pua'icam.”
14Petrus bopandir, “Cado, Tuhatn! Aku co kalo mua'i dagikng doi' bonatakng sama'an nian. Obai dalapm poraturan agama Yahudi boko bonatakng nantai purih.”
15Apo Allah bopandir pakai' koduo kalinyo, “Aman Aku bopandir sosuatu boi' mo, jangan kolai bopandir purih.”
16Ni'in tojadi sobanya' tigo kali,#10:16: Mungkitn poringant'an Allah diulaki tigo kali, DAMO pomandiran antaro Petrus agatn Allah diulaki tigo kali, DAMO somuo poniant'an tojadi tigo kali. hoyu' koitn nantai toangkat bobali' ko langit.
Petrus botomu boko urakng inyo disiuh Kornelius
(10:17-23a)
17Watu Petrus momikiran roti doi' poniant'an nantai, boko urakng inyo disiuh Kornelius udah monomuan rumah Simon. Sia' bodiritn di muka' lawakng pagar tongahlamanan rumah nantai. 18Sia' botakutn aman ado urakng inyo bodamo Simon inyo jam disobut Petrus inyo mongoluntukng di santai.
19Watu Petrus ija' momikiran mongona'i poniant'an nantai, Roh Allah bopandir ko io, “Petrus! Ado tigo urakng monggoyapi kolai. Sia' hoyu' datakng. 20Bodiritncam ongko turutn ko babah. Biar pan sia' bukainyo urakng Yahudi, jangan gangga'-gua'an botula' bosamo agatn sia' obai Aku udah monyiuh sia' ko kolai.”
21Jadi, Petrus turutn. Ongko io bopandir ko kotigo urakng nantai, “Aku ninam urakng inyo kaitn goyapi. Hibo kaitn datakng monggoyapi aku?”
22Sia' bopandir, “Koi disiuh ko si'itn ulih siku' urakng powira tontara Romawi. Damonyo Kornelius. Io nantai urakng onsi'. Io udah monjadi urakng inyo monyombah Allah. Somuo urakng Yahudi mohormatinyo. Sokomai, ado molekat Allah datakng ko io. Molekat nantai monyiuh Kornelius pakai' mohundakng duatn datakng ko rumahnyo, oca' io ulih mondinga' ajaran doi' duatn.” 23aLopas nian, Petrus mominto sia' bomalapm di rumah nantai.
Petrus botomu Kornelius
(10:23b-33)
23bKohobu'annyo, Petrus bososiap ongko botula' bosamo agatn boko urakng siuhan Kornelius nantai. Ado boboropo urakng pocayo doi' kota Yope inyo tuyut jam. 24Kolusoannyo, hoyu' sia' tuntukng di kota Kaisarea. Di kota nantai, Kornelius udah monanti sia'. Di rumahnyo io udah mongumpulan boko koluarganyo huatan boko pokawalan. 25Pas Petrus tuntukng di rumahnyo, Kornelius lansukng tundu' monyungkapan di hadapan kaki Petrus. 26Apo Petrus moncanggapm Kornelius, monari' io bodiritn. Petrus bopandir, “Bodiritn cam. Jangan monyombah aku. Aku pan bayo monsio, samo sama'an duatn.”
27Kapikng bopandir agatn Kornelius, sia' somuo mansu' ko dalapm rumah. Di santai, Petrus moniant banya' urakng udah bokumpul. 28Petrus bopandir ko sia', “Poraturan agama koi urakng Yahudi morarakng urakng Yahudi bokawal agatn urakng inyo bukai Yahudi sama'an kaitn. Koi pan culih usi'an ko tompat urakng inyo bukainyo urakng Yahudi. Kaitn somuo udah tohu nantai. Apo sokomai aku ado poniant'an. Allah monunju'an ko aku oca' jangan moanggap sopo pan purih sampai bopikir urakng nantai kinyo cucu' ditorima' Allah. 29Obai nantai, watu aku dipocaki aku co koboratan. Jadi ni'inan, aku honda' botakutn: Ma'apo kaitn mombaba' aku ko si'itn?”
30Kornelius monimbas, “Sokomai,#10:30: Ni'in ari koompat, damo sokomai. Ari potamo - molekat datakng ko Kornelius di kota Kaisarea. Io siuh urakng botula' ko kota Yope. Ari koduo - Di Yope, Petrus ado poniant'an ongko botomu agatn urakng inyo disiuh Kornelius. Ari kotigo - Petrus botula' bosamo agatn sia' doi' kota Yope. Ari koompat - Petrus sampai di kota Kaisarea ongko bopandir agatn Kornelius. aku ado di rumah. Timpu inyo samo sama'an ni'in jam, japm tigo babahari, aku tongahan bodoa. Sopongirap ado molekat bodiritn di pohadapanku. Pakai'annyo bocohayo. 31Kato molekat nantai, ‘Kornelius, Allah mondinga' doa kolai. Allah pan sonang obai kolai opat moonji'i duit ko boko urakng jaro. 32Jadi, siuhcam boboropo urakng ko kota Yope pakai' momocaki urakng inyo bodamo Simon, inyo jam disobut Petrus. Io tongahan mongoluntukng di rumah siku' urakng pongusaha kulit bonatakng, inyo bodamo Simon jam. Rumahnyo di pinggir pantai.’ 33Jadi aku hagar monyiuh urakng botula' mocaki duatn ko si'itn. Aku botorima' kasih obai duatn udah datakng. Jadi, ni'inan koi udah bokumpul di si'itn. Allah pan ado bosamo kito. Tuhatn udah monyampaian boko porintah ko kolai. Tulukng pandiran somuonyo nantai ko koi jam. Koi siap mondinga'annyo.”
Petrus monyampaian Kabar Boi' ko koluarga Kornelius huatan boko pokawalannyo
(10:34-43)
34Jadi, Petrus bopandir, “Ni'inan aku bondar-bondar mongoroti obai Allah kinyo bayo mongasihi sobuti' banso molobihi doi' banso bukai. 35Apo Allah monorima' boko urakng doi' banso mono ja'. Allah paca'an monorima' boko urakng aman sia' mohormati Sio huatan molabuhan inyo bondar.
36Kaitn tohu obai Allah udah monyampaian Kabar Boi' ko koi banso Yahudi. Joman komai, Allah bojanji Sio paca'an moutus siku' urakng Rajo. Rajo nantai paca'an mombuka' jalatn oca' urakng ulih bodamai agatn Allah. Yesus nantai Rajo Inyo Dijanjian Allah. Yesus nantai Tuhatn inyo puku' somuo urakng di dunia.
37Kaitn pan udah tohu mongona'i somuo kojadian inyo tojadi di soluruh doerah urakng Yahudi. Lopas kojadian Yohanes pombaptis nantai, 38Yesus mula'i polayatan-Nyo. Yesus boasal doi' kota Nazaret. Sio mula'i polayatan-Nyo di doerah Galilea. Allah moonji'i Roh-Nyo ko Yesus. Allah jam moonji'i kuaso ko Sio. Jadi, Yesus botula' ko mono-mono, molabuhan boko hal inyo boi', Sio monundukng boko roh jahat doi' urakng banya'. Sio ulih molabuhan somuo macapm mujisat obai Allah ado bosamo agatn Sio.
39Yesus molabuhan polayatan-Nyo di soluruh doerah urakng Yahudi, tomansu' kota Yerusalem. Koi boko rasul-Nyo moniant agatn mato koi siku' somuo polayatan-Nyo nantai. Di kota Yerusalem nantai, boko urakng mombunuh Sio di kayu salib. 40Apo pado ari kotigo,#10:40: Yesus mati pado ari Jumat ongko hidup agi' pado ari Minggu. Allah bulah Sio hidup agi' doi' komatian. Lopas nantai Allah mombiaran boko urakng ulih moniant Sio, oca' ado buti Sio hidup agi' doi' komatian. 41Allah kinyo mombiaran somuo urakng moniant Yesus, apo bayo boko urakng inyo udah dipilih-Nyo, tomansu' koi boko rasul Yesus. Lopas jadi Yesus hidup agi', koi ulih makatn huatan minum bosamo Sio. 42Jadi, Yesus monyiuh koi pakai' momboritoan ko boko urakng. Koi disiuh monyampaian obai Allah udah momilih Yesus monjadi hakipm pakai' somuo urakng inyo hidup agatn urakng inyo mati. 43Pado joman komai, boko nabi jam momadahan mongona'i Sio obai sia' monulis mongona'i Sio, ia'an Rajo Inyo Dijanjian Allah. Sia' monulis obai Sio ado kuaso pakai' moamputi boko dosa somuo urakng inyo pocayo agatn Sio.”#10:43: Teks asli momakai kato ‘pongamputan dosa molalu'i damo-Nyo’. Ado duo komungkitan. 1) Yesus ado kuaso pakai' moamputi dosa DAMO, 2) Ado caro dosa ulih diamputi obai Yesus jadi kurbatn.
Roh Allah momonuhi boko urakng inyo bukai Yahudi
(10:44-48)
44Watu Petrus ija' bopandir, Roh Allah turutn momonuhi somuo urakng inyo mondinga' borito nantai. 45Ado boko urakng Yahudi inyo tuyut Petrus doi' kota Yope. Sia' moniant kojadian nantai. Kotakan hiratn sia' obai Roh Allah jam datakng ko boko urakng inyo bukai Yahudi. 46Sia' tohu Roh Allah ado di boko urakng nantai obai sia' tongahan bopandir momakai boko baso bukai. Sia' pan momuji Allah.
Jadi, Petrus bopandir ko boko urakng Yahudi inyo tuyut io tontai. Katonyo, 47“Sia' ni'in udah monorima' Roh Allah, samo sama'an kito jam.#10:47: Pado ari Pentakosta, Roh Allah turutn ko sia', tiat Kisah 2:1-4 Jadi, pasti co nyiant alasan agi' urakng inyo morarakng sia' dibaptis agatn ara'i jam!”
48Ongko, Petrus monyiuh oca' boko urakng inyo bukainyo urakng Yahudi nantai dibaptis pakai' monunju'an obai sia' pocayo agatn Yesus. Lopas nantai, Kornelius huatan sia' inyo bukainyo mominto Petrus pakai' tinggal bosamo sia' somanah boboropo ari.#10:48: Petrus huatan boko urakng Yahudi inyo pocayo inyo tuyut io, sia' tinggal bosamo Kornelius huatan koluarganyo somanah boboropo ari. Sia' monorima' urakng inyo bukainyo urakng Yahudi soponuhnyo sobagai sosamo urakng inyo pocayo agatn Yesus. Boko urakng Yahudi huatan boko urakng inyo bukainyo urakng Yahudi ulih sombayakng bososamo. Petrus mungkitn momakai watu nantai pakai' mongajar sia' lobih jouh mongona'i Yesus.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia