Kisah Boko Rasul 9
9
Saulus monjadi pocayo agatn Yesus
(9:1-19a)
1 Somontaro boko rasul momboritoan Kabar Boi', Saulus kotakan godi bondar. Io moancapm boko murid Tuhatn Yesus. Katonyo io paca'an mombunuh sia'. Jadi, io botula' ko Imam Agukng. 2Saulus mominto surat kuaso doi' io. Saulus paca'an moonju' surat nantai ko sotiap pomimpitn boko rumah sombayakng urakng agama Yahudi di kota Damsyik. Dalapm surat nantai totulis oca' timpu io monomuan boko pongikut ajaran Tuhatn Yesus,#9:2: ‘Boko pongikut Yesus’ socaro harapiah, ‘boko pongikut jalatn Tuhatn’. Sia' mongikuti jalatn kosolamant'an inyo diajaran ulih Tuhatn Yesus. Apo monurut urakng inyo kinyo pocayo agatn Yesus, sia' mongikuti jalatn sosat. boi' lolaki damo botina', Saulus bohak monangkap sia'. Ongko io bohak mombaba' sia' bobali' ko Yerusalem. Di Yerusalem sia' ulih diadili.
3Jadi Saulus botula' ko kota Damsyik nantai. Pas io udah dampikng kota nantai, sopongirap ado cohayo doi' sorugo. Cohayo nantai momanjah sokolilikngnyo. 4Lansukng io jatu' ko tanah. Ado saro inyo bopandir, “Saulus, Saulus, tongga' cam mondorako'i Aku!”
5Saulus botakutn, “Sopo Duatn, Tuhatn?”
Saro nantai monimbas, “Aku ni'innam Yesus, inyo kolai dorako'i! 6Ni'inan bodiritncam. Mansu' ko kota nantai. Di su'utn paca'an ado urakng inyo momadahan la'apo inyo gola' kolai labuhan.”
7Ado boboropo urakng inyo tuyut bosamo Saulus dalapm pojalatan nantai. Sia' mondinga' saro nantai,#9:7: Doi' Kisah 22:9, sia' mondinga' saronyo apo kinyo mongoroti pomandirannyo. Saro nantai sama'an bunyi mo. apo co moniant Urakng inyo bopandir nantai. Sia' topocongo ja'am.
8 Lopas mondinga' pomandiran Yesus nantai, Saulus pan angkat, bodiritn, ongko moncolakan matonyo. Apo io co ulihnyo moniant la'apo pan. Jadi boko urakng inyo bosamo agatn io moncanggapm longannyo. Sia' moirikan io momansu'i kota Damsyik nantai. 9Di su'utn somanah tigo ari, Saulus totap co ulihnyo moniant. Io pan co makatn-minum la'apo pan.
10Di Damsyik ado urakng inyo pocayo ko Yesus. Damonyo Ananias. Io ado poniant'an. Tuhatn moningkau io, “Ananias!”
Ananias monimbas, “Au, Tuhatn.”
11Tuhatn bopandir ko io, “Bososiapcam! Botula' ko rumah Yudas#9:11: Banya' urakng Yahudi bodamo Yudas. Mungkitn Ananias udah konal io. di Jalatn Lurus. Pandiran ko urakng di rumah nantai obai kolai monggoyapi Saulus doi' kota Tarsus. Saulus ni'inan tongahan bodoa. 12Io udah ado poniant'an doi' Aku jam. Dalapm poniant'an nantai, io moniant siku' urakng inyo bodamo Ananias, ia'an kolai. Io moniant kolai datakng ko io. Io moniant kolai molota'an jari ko io, oca' io ulih moniant agi'.”
13Apo Ananias bopandir, “Tuhatn, aku udah mondinga' banya' kisah mongona'i Saulus nantai. Di Yerusalem, io banya' mondorako'i urakng inyo pocayo ko Duatn. 14Ni'inan io datakng ko si'itn. Io ado surat kuaso doi' boko imam kopala' pakai' monangkap somuo urakng inyo moningkau damo Duatn.”
15Apo Tuhatn bopandir ko io, “Botula'cam, obai Aku udah momilih io. Io paca'an monjadi hulutn-Ku. Io paca'an momboritoan mongona'i Aku ko boko urakng inyo kinyo Yahudi. Io pan paca'an momboritoan ko boko rajo sia'. Io paca'an momboritoan ko boko urakng Yahudi jam. 16Obai io momboritoan mongona'i Aku, io paca'an moalapi banya' ajab sonsaro. Aku siku' paca'an monunju'an ko io mongona'i ajab sonsaro nantai.”#9:16: Dalapm 2 Korintus 11:23-29 Paulus monulisan daptar ajab sonsaro inyo dialapinyo obai molayati Yesus.
17Jadi, Ananias botula' ko rumah Yudas nantai. Sopondatakngnyo di rumah Yudas, io mansu' ongko monomu'i Saulus. Io molota'an jarinyo ko Saulus kapikng bopandir, “Saulus, Somadikanku, Tuhatn Yesus moutus aku ko kolai. Sio niannam inyo kolai tiat dalapm pojalatan kolai ko si'itn. Sio moutus aku oca' kolai ulih moniant agi' huatan oca' kolai diponuhi Roh Allah.”
18Timpu nian jam, ado sosuatu inyo jatu' doi' mato Saulus, ruponyo sama'an sisi' ikatn. Lansukng io ulih moniant agi'. Lopas nantai, io bodiritn, ongko dibaptis. 19aLopas nian, Saulus makatn ongko monjadi kuat agi'.
Saulus momboritoan Kabar Boi' di Damsyik
(9:19b-25)
19bDi kota Damsyik nantai, Saulus bodiapm boboropo ari bosamo boko urakng inyo pocayo agatn Yesus. 20Lopas jadi io ulih moniant agi' huatan monjadi kuat agi', io lansukng botula' ko boko rumah sombayakng urakng agama Yahudi. Io momboritoan obai Yesus nantai Ana' Allah.
21Somuo urakng inyo mondinga' io monjadi kotakan hiratn. Kato sia', “Tontainyo io nianam inyo hala mondorako'i boko urakng inyo pocayo agatn Yesus di Yerusalem! Ubonyo io datakng ko si'itn honda' monangkap boko urakng inyo pocayo agatn Yesus jam huatan honda' mombaba' sia' ko Yerusalem oca' ulih diadili boko imam kopala'.”
22Apo mongkitn manah Saulus mongkitn moyakit'an urakng banya'. Io mombutian agatn kotakan jolas obai Yesus nantai Rajo Inyo Dijanjian Allah. Allah bulah pomandiran Saulus kotakan bopongaruh. Ado boko urakng Yahudi di Damsyik inyo kinyo pocayo borito Saulus mongona'i Yesus. Apo sia' co ulih mongalahan Saulus.
23Lopas watunyo udah cukup manah,#9:23: Mungkitn kiro-kiro tigo tohutn sobolupm io botula' ko Yerusalem. Tiat Galatia 1:17-18. boko urakng Yahudi inyo kinyo pocayo borito Saulus nantai bohajat pakai' mombunuh Saulus. 24Apo hajat sia' nantai dikotohu'i Saulus. Siakng malapm sia' monjago boko pintu gerbakng kota nantai. Hajat sia', aman Saulus ado di santai, paca'an dibunuh. 25Jadi boko urakng inyo pocayo agatn Yesus di kota nantai honda' monulukng Saulus oca' io ulih koluar doi' kota nantai. Obai nantai am timpu malapm, sia' mombaba' io huatan monurutan io doi' pucu' tembok nantai inyo mongoliliki kota nantai. Io diturutan di dalapm sobuti' koranjakng bosar doi' pucu' tembok kota nantai. #9:25: Kota nantai di koliliki tembok. Apo di suatu tompat di tembok nantai ado lubakng di bagian pucu'nyo. Jadi boko urakng pocayo nantai monurutan Saulus doi' santai
Saulus bokumpul agatn boko urakng inyo pocayo di Yerusalem
(9:26-31)
26Jadi, Saulus bobali' ko Yerusalem. Watu io datakng di Yerusalem, io moncubo ngopal agatn boko urakng inyo pocayo Yesus di su'utn. Apo sia' somuo ija' gola' agatn io. Sia' kinyo pocayo obai io udah bondar-bondar monjadi pocayo Yesus. 27Apo Barnabas#9:27: Ni'in ia'an Barnabas inyo samo agatn inyo disobut pado Kisah 4:36-37. monulukng Saulus. Barnabas mongonalan io ko boko rasul. Barnabas mongisahan sama'an apo Saulus udah moniant Tuhatn Yesus dalapm pojalatan ko Damsyik. Barnabas pan momadahan ko sia' obai Tuhatn Yesus udah bopandir ko Saulus. Io pan monjolasan obai Saulus udah momboritoan mongona'i Yesus agatn borani di Damsyik. 28Jadi, Saulus pan ngopal agatn sia' di Yerusalem. Di su'utn pan, Saulus hala momboritoan mongona'i Tuhatn Yesus agatn borani.
29Saulus opat jam botikakng agatn boko urakng agama Yahudi inyo bobaso Yunani. Apo sia' kinyo pocayo ko Yesus. Sia' bogoyap caro pakai' mombunuhnyo. 30Apo hajat sia' nantai dikotohu'i boko urakng inyo pocayo Yesus. Jadi, sia' moonju'an Saulus ko polabuhan di kota Kaisarea. Doi' santai sia' monula'an io ko kota Tarsus, tompat asalnyo.
31Lopas nantai somanah boboropo watu, boko urakng inyo pocayo Yesus di soluruh doerah Yudea, doerah Galilea, huatan doerah Samaria ulih hidup agatn sonang-asau. Co nyiant inyo mondorako'i sia'. Roh Allah monulukng huatan monguat'an sia'. Obai nantai, mongkitn manah mongkitn banya' urakng inyo pocayo agatn Yesus. Sia' somuo hidup agatn ponuh oso hormat ko Tuhatn inyo bokuaso.
Di kota Lida, Petrus monyamani Eneas
(9:32-35)
32Timpu nantai, Petrus bojalatn kolilikng doerah nantai. Suatu watu, io botula' usi'an ko boko urakng inyo pocayo Yesus di kota Lida. 33Di su'utn, io botomu siku' urakng inyo lumpuh. Damonyo Eneas. Eneas nantai udah lumpuh somanah dolapatn tohutn.
34Petrus bopandir ko io, “Eneas, Yesus Kristus monyamani kolai. Bodiritncam! Gilikngcam kotidu'an kolai.” Timpu nantai jam Eneas bodiritn.
35Somuo pondudu' di kota Lida huatan somuo pondudu' doerah Saron moniant obai Eneas udah nyamanam. Lopas nantai, sia' botongga' bulah dosa huatan pocayo ko Tuhatn Yesus.
Di kota Yope, Petrus bulah Dorkas hidup doi' komatian
(9:36-43)
36 Kinyo jouh doi' santai di kota Yope ado siku' urakng botina'. Damonyo Tabita. (Dalapm baso Yunani damo nantai disobut Dorkas.) Dorkas nantai urakng inyo pocayo agatn Yesus. Io hala bulah koboi'an agatn urakng bukai. Io pan opat monulukng urakng jaro. 37Timpu Petrus ado di kota Lida, Dorkas sakit kuat lilinkng-lalu matiam. Bangkainyo dimandi'i ongko diulit'an di sobuah ruakan pucu'.#9:37: Boko botina' biasonyo momandi'i boko bangkai sobolupm dipasar. Boko bangkai biasonyo dipasar pado ari inyo samo watu komatiannyo. Apo, mungkitn sia' udah boharap Petrus ulih bulah Dorkas bobali' hidup doi' komatian.
38Di kota Yope nantai, ado jam boko urakng inyo pocayo agatn Yesus. Sia' mondinga' obai Petrus ado di kota Lida. Jadi, obai kota Lida kinyo jouh doi' kota Yope, sia' moutus duo urakng ko su'utn. Sia' duo momuhun ko Petrus minto potulukan. Kato sia', “Tulukng copat botula' bosamo agatn koi ko Yope.”
39Jadi, Petrus lansukng tuyut sia'. Sampai di su'utn, Petrus dionju'an ko ruakan pucu' nantai. Somuo botina' balu bodiritn mongoliliki Petrus di santai. Kapikng monangis sia' moniant'an ko io boko baju huatan pakai'an bukai inyo dipulah Dorkas. Timpu Dorkas ija' hidup, io bulah somuo pakai'an nantai pakai' monulukng sia'.
40Lopas nian, Petrus monyiuh somuo urakng koluar doi' ruakan nantai. Io molota'an kopututnyo ko lantai di sopia' bangkai nantai ongko bodoa. Ongko, io mongilikng bangkai nantai. Katonyo, “Tabita, huascam.” Lansukng Tabita moncolakan matonyo. Io moniant Petrus, ongko huas huatan dudu' tontakng. 41Petrus mouluran longannyo, monulukng Tabita bodiritn. Lopas nian, Petrus moningkau somuo botina' balu huatan boko urakng bukai inyo pocayo Yesus. Io moniant'an ko sia' obai Tabita udah bobali' hidup doi' komatian.
42Borito mongona'i mujisat nantai toborito ko soluruh kota Yope. Jadi, banya' urakng monjadi pocayo ko Tuhatn Yesus. 43Lopas nantai, Petrus monotap cukup manah di Yope. Io mongoluntukng bosamo siku' urakng pongusaha kulit bonatakng.#9:43: Kulit doi' bonatakng inyo mati dianggap ‘campah’ ulih boko urakng Yahudi (Imamat 11:39-40). Jadi pongusaha kulit bonatakng dirondahan. Apo Rasul Petrus tinggal bosamo pongusaha kulit bonatakng nantai. Jadi, biar pan Petrus nantai urakng Yahudi, io siap molawatn kobudayaan urakng Yahudi. Io pan bokorojo di antaro boko urakng inyo kinyo Yahudi. Damonyo Simon.
Iliyochaguliwa sasa
Kisah Boko Rasul 9: TBDS
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Kisah Boko Rasul 9
9
Saulus monjadi pocayo agatn Yesus
(9:1-19a)
1 Somontaro boko rasul momboritoan Kabar Boi', Saulus kotakan godi bondar. Io moancapm boko murid Tuhatn Yesus. Katonyo io paca'an mombunuh sia'. Jadi, io botula' ko Imam Agukng. 2Saulus mominto surat kuaso doi' io. Saulus paca'an moonju' surat nantai ko sotiap pomimpitn boko rumah sombayakng urakng agama Yahudi di kota Damsyik. Dalapm surat nantai totulis oca' timpu io monomuan boko pongikut ajaran Tuhatn Yesus,#9:2: ‘Boko pongikut Yesus’ socaro harapiah, ‘boko pongikut jalatn Tuhatn’. Sia' mongikuti jalatn kosolamant'an inyo diajaran ulih Tuhatn Yesus. Apo monurut urakng inyo kinyo pocayo agatn Yesus, sia' mongikuti jalatn sosat. boi' lolaki damo botina', Saulus bohak monangkap sia'. Ongko io bohak mombaba' sia' bobali' ko Yerusalem. Di Yerusalem sia' ulih diadili.
3Jadi Saulus botula' ko kota Damsyik nantai. Pas io udah dampikng kota nantai, sopongirap ado cohayo doi' sorugo. Cohayo nantai momanjah sokolilikngnyo. 4Lansukng io jatu' ko tanah. Ado saro inyo bopandir, “Saulus, Saulus, tongga' cam mondorako'i Aku!”
5Saulus botakutn, “Sopo Duatn, Tuhatn?”
Saro nantai monimbas, “Aku ni'innam Yesus, inyo kolai dorako'i! 6Ni'inan bodiritncam. Mansu' ko kota nantai. Di su'utn paca'an ado urakng inyo momadahan la'apo inyo gola' kolai labuhan.”
7Ado boboropo urakng inyo tuyut bosamo Saulus dalapm pojalatan nantai. Sia' mondinga' saro nantai,#9:7: Doi' Kisah 22:9, sia' mondinga' saronyo apo kinyo mongoroti pomandirannyo. Saro nantai sama'an bunyi mo. apo co moniant Urakng inyo bopandir nantai. Sia' topocongo ja'am.
8 Lopas mondinga' pomandiran Yesus nantai, Saulus pan angkat, bodiritn, ongko moncolakan matonyo. Apo io co ulihnyo moniant la'apo pan. Jadi boko urakng inyo bosamo agatn io moncanggapm longannyo. Sia' moirikan io momansu'i kota Damsyik nantai. 9Di su'utn somanah tigo ari, Saulus totap co ulihnyo moniant. Io pan co makatn-minum la'apo pan.
10Di Damsyik ado urakng inyo pocayo ko Yesus. Damonyo Ananias. Io ado poniant'an. Tuhatn moningkau io, “Ananias!”
Ananias monimbas, “Au, Tuhatn.”
11Tuhatn bopandir ko io, “Bososiapcam! Botula' ko rumah Yudas#9:11: Banya' urakng Yahudi bodamo Yudas. Mungkitn Ananias udah konal io. di Jalatn Lurus. Pandiran ko urakng di rumah nantai obai kolai monggoyapi Saulus doi' kota Tarsus. Saulus ni'inan tongahan bodoa. 12Io udah ado poniant'an doi' Aku jam. Dalapm poniant'an nantai, io moniant siku' urakng inyo bodamo Ananias, ia'an kolai. Io moniant kolai datakng ko io. Io moniant kolai molota'an jari ko io, oca' io ulih moniant agi'.”
13Apo Ananias bopandir, “Tuhatn, aku udah mondinga' banya' kisah mongona'i Saulus nantai. Di Yerusalem, io banya' mondorako'i urakng inyo pocayo ko Duatn. 14Ni'inan io datakng ko si'itn. Io ado surat kuaso doi' boko imam kopala' pakai' monangkap somuo urakng inyo moningkau damo Duatn.”
15Apo Tuhatn bopandir ko io, “Botula'cam, obai Aku udah momilih io. Io paca'an monjadi hulutn-Ku. Io paca'an momboritoan mongona'i Aku ko boko urakng inyo kinyo Yahudi. Io pan paca'an momboritoan ko boko rajo sia'. Io paca'an momboritoan ko boko urakng Yahudi jam. 16Obai io momboritoan mongona'i Aku, io paca'an moalapi banya' ajab sonsaro. Aku siku' paca'an monunju'an ko io mongona'i ajab sonsaro nantai.”#9:16: Dalapm 2 Korintus 11:23-29 Paulus monulisan daptar ajab sonsaro inyo dialapinyo obai molayati Yesus.
17Jadi, Ananias botula' ko rumah Yudas nantai. Sopondatakngnyo di rumah Yudas, io mansu' ongko monomu'i Saulus. Io molota'an jarinyo ko Saulus kapikng bopandir, “Saulus, Somadikanku, Tuhatn Yesus moutus aku ko kolai. Sio niannam inyo kolai tiat dalapm pojalatan kolai ko si'itn. Sio moutus aku oca' kolai ulih moniant agi' huatan oca' kolai diponuhi Roh Allah.”
18Timpu nian jam, ado sosuatu inyo jatu' doi' mato Saulus, ruponyo sama'an sisi' ikatn. Lansukng io ulih moniant agi'. Lopas nantai, io bodiritn, ongko dibaptis. 19aLopas nian, Saulus makatn ongko monjadi kuat agi'.
Saulus momboritoan Kabar Boi' di Damsyik
(9:19b-25)
19bDi kota Damsyik nantai, Saulus bodiapm boboropo ari bosamo boko urakng inyo pocayo agatn Yesus. 20Lopas jadi io ulih moniant agi' huatan monjadi kuat agi', io lansukng botula' ko boko rumah sombayakng urakng agama Yahudi. Io momboritoan obai Yesus nantai Ana' Allah.
21Somuo urakng inyo mondinga' io monjadi kotakan hiratn. Kato sia', “Tontainyo io nianam inyo hala mondorako'i boko urakng inyo pocayo agatn Yesus di Yerusalem! Ubonyo io datakng ko si'itn honda' monangkap boko urakng inyo pocayo agatn Yesus jam huatan honda' mombaba' sia' ko Yerusalem oca' ulih diadili boko imam kopala'.”
22Apo mongkitn manah Saulus mongkitn moyakit'an urakng banya'. Io mombutian agatn kotakan jolas obai Yesus nantai Rajo Inyo Dijanjian Allah. Allah bulah pomandiran Saulus kotakan bopongaruh. Ado boko urakng Yahudi di Damsyik inyo kinyo pocayo borito Saulus mongona'i Yesus. Apo sia' co ulih mongalahan Saulus.
23Lopas watunyo udah cukup manah,#9:23: Mungkitn kiro-kiro tigo tohutn sobolupm io botula' ko Yerusalem. Tiat Galatia 1:17-18. boko urakng Yahudi inyo kinyo pocayo borito Saulus nantai bohajat pakai' mombunuh Saulus. 24Apo hajat sia' nantai dikotohu'i Saulus. Siakng malapm sia' monjago boko pintu gerbakng kota nantai. Hajat sia', aman Saulus ado di santai, paca'an dibunuh. 25Jadi boko urakng inyo pocayo agatn Yesus di kota nantai honda' monulukng Saulus oca' io ulih koluar doi' kota nantai. Obai nantai am timpu malapm, sia' mombaba' io huatan monurutan io doi' pucu' tembok nantai inyo mongoliliki kota nantai. Io diturutan di dalapm sobuti' koranjakng bosar doi' pucu' tembok kota nantai. #9:25: Kota nantai di koliliki tembok. Apo di suatu tompat di tembok nantai ado lubakng di bagian pucu'nyo. Jadi boko urakng pocayo nantai monurutan Saulus doi' santai
Saulus bokumpul agatn boko urakng inyo pocayo di Yerusalem
(9:26-31)
26Jadi, Saulus bobali' ko Yerusalem. Watu io datakng di Yerusalem, io moncubo ngopal agatn boko urakng inyo pocayo Yesus di su'utn. Apo sia' somuo ija' gola' agatn io. Sia' kinyo pocayo obai io udah bondar-bondar monjadi pocayo Yesus. 27Apo Barnabas#9:27: Ni'in ia'an Barnabas inyo samo agatn inyo disobut pado Kisah 4:36-37. monulukng Saulus. Barnabas mongonalan io ko boko rasul. Barnabas mongisahan sama'an apo Saulus udah moniant Tuhatn Yesus dalapm pojalatan ko Damsyik. Barnabas pan momadahan ko sia' obai Tuhatn Yesus udah bopandir ko Saulus. Io pan monjolasan obai Saulus udah momboritoan mongona'i Yesus agatn borani di Damsyik. 28Jadi, Saulus pan ngopal agatn sia' di Yerusalem. Di su'utn pan, Saulus hala momboritoan mongona'i Tuhatn Yesus agatn borani.
29Saulus opat jam botikakng agatn boko urakng agama Yahudi inyo bobaso Yunani. Apo sia' kinyo pocayo ko Yesus. Sia' bogoyap caro pakai' mombunuhnyo. 30Apo hajat sia' nantai dikotohu'i boko urakng inyo pocayo Yesus. Jadi, sia' moonju'an Saulus ko polabuhan di kota Kaisarea. Doi' santai sia' monula'an io ko kota Tarsus, tompat asalnyo.
31Lopas nantai somanah boboropo watu, boko urakng inyo pocayo Yesus di soluruh doerah Yudea, doerah Galilea, huatan doerah Samaria ulih hidup agatn sonang-asau. Co nyiant inyo mondorako'i sia'. Roh Allah monulukng huatan monguat'an sia'. Obai nantai, mongkitn manah mongkitn banya' urakng inyo pocayo agatn Yesus. Sia' somuo hidup agatn ponuh oso hormat ko Tuhatn inyo bokuaso.
Di kota Lida, Petrus monyamani Eneas
(9:32-35)
32Timpu nantai, Petrus bojalatn kolilikng doerah nantai. Suatu watu, io botula' usi'an ko boko urakng inyo pocayo Yesus di kota Lida. 33Di su'utn, io botomu siku' urakng inyo lumpuh. Damonyo Eneas. Eneas nantai udah lumpuh somanah dolapatn tohutn.
34Petrus bopandir ko io, “Eneas, Yesus Kristus monyamani kolai. Bodiritncam! Gilikngcam kotidu'an kolai.” Timpu nantai jam Eneas bodiritn.
35Somuo pondudu' di kota Lida huatan somuo pondudu' doerah Saron moniant obai Eneas udah nyamanam. Lopas nantai, sia' botongga' bulah dosa huatan pocayo ko Tuhatn Yesus.
Di kota Yope, Petrus bulah Dorkas hidup doi' komatian
(9:36-43)
36 Kinyo jouh doi' santai di kota Yope ado siku' urakng botina'. Damonyo Tabita. (Dalapm baso Yunani damo nantai disobut Dorkas.) Dorkas nantai urakng inyo pocayo agatn Yesus. Io hala bulah koboi'an agatn urakng bukai. Io pan opat monulukng urakng jaro. 37Timpu Petrus ado di kota Lida, Dorkas sakit kuat lilinkng-lalu matiam. Bangkainyo dimandi'i ongko diulit'an di sobuah ruakan pucu'.#9:37: Boko botina' biasonyo momandi'i boko bangkai sobolupm dipasar. Boko bangkai biasonyo dipasar pado ari inyo samo watu komatiannyo. Apo, mungkitn sia' udah boharap Petrus ulih bulah Dorkas bobali' hidup doi' komatian.
38Di kota Yope nantai, ado jam boko urakng inyo pocayo agatn Yesus. Sia' mondinga' obai Petrus ado di kota Lida. Jadi, obai kota Lida kinyo jouh doi' kota Yope, sia' moutus duo urakng ko su'utn. Sia' duo momuhun ko Petrus minto potulukan. Kato sia', “Tulukng copat botula' bosamo agatn koi ko Yope.”
39Jadi, Petrus lansukng tuyut sia'. Sampai di su'utn, Petrus dionju'an ko ruakan pucu' nantai. Somuo botina' balu bodiritn mongoliliki Petrus di santai. Kapikng monangis sia' moniant'an ko io boko baju huatan pakai'an bukai inyo dipulah Dorkas. Timpu Dorkas ija' hidup, io bulah somuo pakai'an nantai pakai' monulukng sia'.
40Lopas nian, Petrus monyiuh somuo urakng koluar doi' ruakan nantai. Io molota'an kopututnyo ko lantai di sopia' bangkai nantai ongko bodoa. Ongko, io mongilikng bangkai nantai. Katonyo, “Tabita, huascam.” Lansukng Tabita moncolakan matonyo. Io moniant Petrus, ongko huas huatan dudu' tontakng. 41Petrus mouluran longannyo, monulukng Tabita bodiritn. Lopas nian, Petrus moningkau somuo botina' balu huatan boko urakng bukai inyo pocayo Yesus. Io moniant'an ko sia' obai Tabita udah bobali' hidup doi' komatian.
42Borito mongona'i mujisat nantai toborito ko soluruh kota Yope. Jadi, banya' urakng monjadi pocayo ko Tuhatn Yesus. 43Lopas nantai, Petrus monotap cukup manah di Yope. Io mongoluntukng bosamo siku' urakng pongusaha kulit bonatakng.#9:43: Kulit doi' bonatakng inyo mati dianggap ‘campah’ ulih boko urakng Yahudi (Imamat 11:39-40). Jadi pongusaha kulit bonatakng dirondahan. Apo Rasul Petrus tinggal bosamo pongusaha kulit bonatakng nantai. Jadi, biar pan Petrus nantai urakng Yahudi, io siap molawatn kobudayaan urakng Yahudi. Io pan bokorojo di antaro boko urakng inyo kinyo Yahudi. Damonyo Simon.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia