Luka 18
18
OLUGANI LW’OMULAMUZI N’OLWA KIFWERWA IBA N’OLW’OMUFARIZAYO N’OMUSOROZA. — YEZU NABARIKA BANAMUTO.
1Nabaganira olugani, bamanye okwo bali no kulembereza bucha bucha obutalekera, 2nagira ati: Omulamuzi ogwo yaliga ali mu charo kimo, wenene tiyatinaga Mungu, kai tiyabaraga muntu. 3Mu charo omwo haliga halimo kifwerwa iba omo, naiza hali wenene nagira ati: Nondamure n’omutonganisya wange. 4Nayanga naku ningi. Kumara nafumora mu nda ye ati: Naho ntakutina Mungu, kai ntakubara muntu, 5hona obwo kifwerwa iba onu akunaza, nkumulamula, atalitamwa akankoz’ensoni. 6Omukama nagira ati: Muhulire eby’omulamuzi w’obuyaga akugamba. 7Mbe Mungu si talilamula abasozirwe be abakumulirira musana na mu kiro, kai alirirwa kubazuna? 8Nkubagambira okw’alibalamula bwangu. Nawe nkuchwa nti: Si Omwana w’omuntu kwiza alisanga kwikiriza mu nsi?
9Kandi nagambira n’abandi abaliga nibesima okwo bali bazima nibagaya abandi, olugani lunu ati: 10Abantu babili bakanegera mw’eklezia kulembereza; omo ali Mufarizayo, ondi ali musoroza. 11Omufarizayo nayemerera nalembereza mu mutima gwe ati: Mungu wange, nkukusima obwo ntali nk’abantu bandi abasakuzi, abasuma n’abasihani; hona nk’omusoroza ogu. 12Nkusiba kabili buli bwoyo, nkugaba ekihinzu ch’ekumi cha byona ebyo ngira#18, 12 Lora Matayo 23, 23.. 13Nawe omusoroza nayemerera hara atakwenda no kwerez’ameso ge oluguru; nawe nayetera ha kifuba nagira ati: Mukama wange, nonitirw’ekisa ine muheni. 14Nkubagambira nti: Omuntu onu akataha owe akizibwe, nawe oliya pai; kuba buli muntu akwekuza alivungavungwa, nawe akwekehya alikuzibwa.
15Nibamuletera na banamuto abakwateho; abahemba ka babwene batyo, nibabazibira. 16Nawe Yezu nabasumbya nagira ati: Muleke banamuto beze hal’ine, mutabazibira; kuba obukama bwa Mungu ni bw’abali batyo. 17Koto nkubagambira nti: Buli atakwanankura obukama bwa Mungu nka namuto, talibutahamo.
OBUHANGO BUTAMIZE. — YEZU NALAGA OBUSASI BWE. — OMUHUME WA YERIKO.
18Kandi omukuru ogwo namubuza nagira ati: Mwolewerezi muzima, ngire nta mbone obulame obutahwaho? 19Yezu namugira ati: Wanetera ki oti: muzima? Tihaliho omuzima, atali Mungu wenka. 20Okumanya ebilagiro: Otaitaga, otasihanaga, otaibaga, otabeherezaga; otinega iso na noko. 21Wenene ati: Ebyo byona nkabihicha kuruga buto bwange. 22Yezu ka yahulire ebyo, namugambira ati: Ochasigalireho kimo: byona ebyo oli nabyo obiguze, obigabire abahabi, kai olibona itunga mw’igulu; kandi oize, ondube. 23Onu ka yahulire ebyo, nazuba, kuba yaliga ali muhango muno. 24Nawe Yezu ka yamubwene azubire, nagira ati: Waza! kigumire abali n’empilya kutaha mu bukama bwa Mungu! 25Changuhire muno entungabulende kuraba mu kahuru k’empindu kukira omuhango kutaha mu bukama bwa Mungu. 26Abahulire nibagira bati: Kai alihicha kuchunguka n’oha? 27Nabagira ati: Ebitakuhikibwa abantu, bikuhikibwa Mungu#18, 27 Lora Matayo 19, 26.. 28Mbe Petro nagira ati: Lora, itwe tukasiga byona nitukuruba. 29Wenene nabagira ati: Koto nkubagambira nti: Tihaliho ayasigire enzu, hamo abazere, hamo batabani babo, hamo omukazi, hamo abana, kuber’obukama bwa Mungu, 30akabura kuhabwa bingi muno mu nsi munu, kai mu bulame bw’obusyo, obulame obutalihwaho#18, 30 Lora Matayo 19, 28..
31Mbe Yezu naihaho ikumi na babili nabagambira ati: Lora, twanegera Yeruzalemu, byona ebyayandikirwe abalagi ha Mwana w’omuntu bihike. 32Balimuha abasenzi, bamusekerere, bamuteze amasanzu, bamuchwere amachwanta; 33ka balimara kumutez’amasanzu, balimwita; kai ha lunaku lwa kasatu alizoka. 34Bonene tibasombokerwe amagambo ago na kake, ekigambo echo kikabalema, ebyo bagambirwe nibibatamya.
35Mbe hatyo ka yahikire hehi na Yeriko, omuhume yaliga aikere ha muhanda, nasabiriza. 36Ka yahulire ekipipi ch’abantu nibarabaho, nabuza ati: Echo ni kiha? 37Nibamugambira bati: Yezu wa Nazareti niwe akurabaho. 38Aho nayeta nagira ati: Yezu, mwana wa Daudi, nonsasire. 39Abebembezi nibamuzibira bati: Nobuze; nawe wenene naguma ayesire ati: Mwana wa Daudi, nsasira. 40Mbe Yezu nayemerera, nalagira kumumuletera. Ka yahikire hehi, namubuza, 41nagira ati: Okwenda nkugire nta? Wenene ati: Mukama wange, mbone. 42Yezu namugambira ati: Nobone; kwikiriza kwawe kwakukiza. 43Aho n’aho nabona, namuruba nasima Mungu. Abantu bona ka babwene, nibasima Mungu.
Iliyochaguliwa sasa
Luka 18: KED1946
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
First published in 1946 by the White Fathers. Published online with the permission of the White Fathers.
Luka 18
18
OLUGANI LW’OMULAMUZI N’OLWA KIFWERWA IBA N’OLW’OMUFARIZAYO N’OMUSOROZA. — YEZU NABARIKA BANAMUTO.
1Nabaganira olugani, bamanye okwo bali no kulembereza bucha bucha obutalekera, 2nagira ati: Omulamuzi ogwo yaliga ali mu charo kimo, wenene tiyatinaga Mungu, kai tiyabaraga muntu. 3Mu charo omwo haliga halimo kifwerwa iba omo, naiza hali wenene nagira ati: Nondamure n’omutonganisya wange. 4Nayanga naku ningi. Kumara nafumora mu nda ye ati: Naho ntakutina Mungu, kai ntakubara muntu, 5hona obwo kifwerwa iba onu akunaza, nkumulamula, atalitamwa akankoz’ensoni. 6Omukama nagira ati: Muhulire eby’omulamuzi w’obuyaga akugamba. 7Mbe Mungu si talilamula abasozirwe be abakumulirira musana na mu kiro, kai alirirwa kubazuna? 8Nkubagambira okw’alibalamula bwangu. Nawe nkuchwa nti: Si Omwana w’omuntu kwiza alisanga kwikiriza mu nsi?
9Kandi nagambira n’abandi abaliga nibesima okwo bali bazima nibagaya abandi, olugani lunu ati: 10Abantu babili bakanegera mw’eklezia kulembereza; omo ali Mufarizayo, ondi ali musoroza. 11Omufarizayo nayemerera nalembereza mu mutima gwe ati: Mungu wange, nkukusima obwo ntali nk’abantu bandi abasakuzi, abasuma n’abasihani; hona nk’omusoroza ogu. 12Nkusiba kabili buli bwoyo, nkugaba ekihinzu ch’ekumi cha byona ebyo ngira#18, 12 Lora Matayo 23, 23.. 13Nawe omusoroza nayemerera hara atakwenda no kwerez’ameso ge oluguru; nawe nayetera ha kifuba nagira ati: Mukama wange, nonitirw’ekisa ine muheni. 14Nkubagambira nti: Omuntu onu akataha owe akizibwe, nawe oliya pai; kuba buli muntu akwekuza alivungavungwa, nawe akwekehya alikuzibwa.
15Nibamuletera na banamuto abakwateho; abahemba ka babwene batyo, nibabazibira. 16Nawe Yezu nabasumbya nagira ati: Muleke banamuto beze hal’ine, mutabazibira; kuba obukama bwa Mungu ni bw’abali batyo. 17Koto nkubagambira nti: Buli atakwanankura obukama bwa Mungu nka namuto, talibutahamo.
OBUHANGO BUTAMIZE. — YEZU NALAGA OBUSASI BWE. — OMUHUME WA YERIKO.
18Kandi omukuru ogwo namubuza nagira ati: Mwolewerezi muzima, ngire nta mbone obulame obutahwaho? 19Yezu namugira ati: Wanetera ki oti: muzima? Tihaliho omuzima, atali Mungu wenka. 20Okumanya ebilagiro: Otaitaga, otasihanaga, otaibaga, otabeherezaga; otinega iso na noko. 21Wenene ati: Ebyo byona nkabihicha kuruga buto bwange. 22Yezu ka yahulire ebyo, namugambira ati: Ochasigalireho kimo: byona ebyo oli nabyo obiguze, obigabire abahabi, kai olibona itunga mw’igulu; kandi oize, ondube. 23Onu ka yahulire ebyo, nazuba, kuba yaliga ali muhango muno. 24Nawe Yezu ka yamubwene azubire, nagira ati: Waza! kigumire abali n’empilya kutaha mu bukama bwa Mungu! 25Changuhire muno entungabulende kuraba mu kahuru k’empindu kukira omuhango kutaha mu bukama bwa Mungu. 26Abahulire nibagira bati: Kai alihicha kuchunguka n’oha? 27Nabagira ati: Ebitakuhikibwa abantu, bikuhikibwa Mungu#18, 27 Lora Matayo 19, 26.. 28Mbe Petro nagira ati: Lora, itwe tukasiga byona nitukuruba. 29Wenene nabagira ati: Koto nkubagambira nti: Tihaliho ayasigire enzu, hamo abazere, hamo batabani babo, hamo omukazi, hamo abana, kuber’obukama bwa Mungu, 30akabura kuhabwa bingi muno mu nsi munu, kai mu bulame bw’obusyo, obulame obutalihwaho#18, 30 Lora Matayo 19, 28..
31Mbe Yezu naihaho ikumi na babili nabagambira ati: Lora, twanegera Yeruzalemu, byona ebyayandikirwe abalagi ha Mwana w’omuntu bihike. 32Balimuha abasenzi, bamusekerere, bamuteze amasanzu, bamuchwere amachwanta; 33ka balimara kumutez’amasanzu, balimwita; kai ha lunaku lwa kasatu alizoka. 34Bonene tibasombokerwe amagambo ago na kake, ekigambo echo kikabalema, ebyo bagambirwe nibibatamya.
35Mbe hatyo ka yahikire hehi na Yeriko, omuhume yaliga aikere ha muhanda, nasabiriza. 36Ka yahulire ekipipi ch’abantu nibarabaho, nabuza ati: Echo ni kiha? 37Nibamugambira bati: Yezu wa Nazareti niwe akurabaho. 38Aho nayeta nagira ati: Yezu, mwana wa Daudi, nonsasire. 39Abebembezi nibamuzibira bati: Nobuze; nawe wenene naguma ayesire ati: Mwana wa Daudi, nsasira. 40Mbe Yezu nayemerera, nalagira kumumuletera. Ka yahikire hehi, namubuza, 41nagira ati: Okwenda nkugire nta? Wenene ati: Mukama wange, mbone. 42Yezu namugambira ati: Nobone; kwikiriza kwawe kwakukiza. 43Aho n’aho nabona, namuruba nasima Mungu. Abantu bona ka babwene, nibasima Mungu.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
First published in 1946 by the White Fathers. Published online with the permission of the White Fathers.