Matayo 6
6
KUGABIRA ABAHABI NO KULEMBEREZA.
1Mutagira ebikorwa byanu bizima mu meso g’abantu, bahiche kubabona; mutyo timulibona mpera hal’Iso wanu wo mw’igulu. 2Mbe okagabira omuhabi, otater’ekikuli obusyo yawe, nk’okwo abazigi bagira mu masomero na mu mihanda, niho abantu babasime. Koto nkubagambira nti: baherwe empera yabo. 3Nawe okagaba ekintu, omukono gwawe mumoso gutamanya ech’omulyo gukukola, 4niho ogabe bwesereke; kai Iso, akubona ebiserekire, alikurongora.
5Mwabaga nimusoma, mwaleka kugira nk’abazigi, abakwenda kusoma bemerere mu masomero na ha ntaganiro z’emihanda, bahiche kubonwa abantu. Koto nkubagambira nti: babwene empera yabo. 6Nawe iwe walembereza, wagenda mu nzu yawe, wakingaho omulyango#6, 6 Iwe si hatyo Yezu akazibira abantu kusumbyanya no kusomera hamo? N’akake nangu. Echo akwanga ni kusoma ha bweru ha nsonga zo kwegira batakatifu ha meso g’abandi, babasime., walembereza Iso bwesereke; mbe Iso, akubona ebiserekire, alikuhera. 7Mwasomaga, mwaleka kukanisya amagambo nk’abasenzi, abakuchwa bati: tukakanisy’amagambo, niho tukuhulirwa. 8Mbe mutaba nka bonene, kuba Iso wanu akumanya ebibasasire, mutakamusabire. 9Mbe nimulemberezega muti: Tata wetu ali mw’igulu, izina lyawe likuzibwe; 10obukama bwawe bwize; kwenda kwawe kugirwe mu nsi nko mw’igulu. 11Otuhe lero ebilyo byetu bya lero; 12otukize ebiheno byetu okw’itwe tukiza abatuhenera; 13otatuleka kubasibwa mu mitego, nawe otuchungule mu mabi. Amina. 14Kuba mukasasira abantu mu ntambala zabo nikwo na So wo mw’igulu alibakiza ebiheno byanu. 15Nawe ka mulibura kukiza abantu, nikwo na So wanu talibakiza ebiheno byanu.
EBY’EKISIBO N’EBY’ENSABO YO MW’IGULU.
16Mwasibaga, mwaleka kubihirirwa nk’abazigi, abakuhiriga obusyo bwabo, abantu bamanye okwo basiba. Koto nkubagambira nti: babwene empera yabo. 17Nawe iwe okasiba, wasiga omutwe gwawe, kai wanaba mu busyo, 18abantu batamanya okwo wasiba, nawe obonwe Iso ayeserekire; mbe Iso wanu, akubona mu bwesereke, alikuhera#6, 18 Omukama wetu akutwizukiza nk’okwo Abafarizayo basibaga. Bayenda kweyanura no kuleka koto kunaba, bekare bakukumire, basimwe. Yezu akwenda tukolega ebikorwa byetu, tubone kusemereza Mungu wenka..
19Muleke kwenibira ebintu mu nsi, omwo bikumalirwa amahuka n’obutale, n’omwo abasuma bakwizira kubiba. 20Nawe nimwenibe ensabo mw’igulu, eyo etakumarwa amahuka n’obutale, n’eyo abasuma batakwiza kugiba#6, 20 Ebintu by’ensi bikuhicha kwibwa hamo kulibwa amasekeni hamo kubumbwa obutale, naho tukabisereka. Nawe ebikorwa byetu bizima bikutubonera obutunga n’amasemererwa mw’igulu: niyo ensabo nantayibwa.. 21Kuba aho ensabo yawe ekuba eli, niho n’omutima gwawe guli. 22Olumuli lw’engingo zawe ni liso lyawe. Mbe eliso lyawe lili izima, engingo zawe zona zikumulikirwa; 23nawe eliso lyawe likabiha, engingo zawe zona niziba mu mwirima; mbe olumuli oluli mul’iwe lukaba mwirima, kai omwirima gwonene gukukana guta!#6, 23 Omutima gwetu ni kuti liso elikumulika omwoyo gwetu. Mbe omutima gukaba guyezire, byona ebyo tukola bikusemerera Mungu; nawe omutima gwetu gukabiha, gukakondekera amabi, titukuhicha kukenkemukira Mungu.
24Tihaliho omuntu akuhicha kukolera abakama babili; kuba hamo akuhataho omo, kai ondi yamwenda, hamo yahuliraho omo, ondi yamugaya. Timukuhicha kukolera Mungu n’obutunga. 25Nicho nkubagambirira nti: Mutahahira muno obuzima bwanu ha byo mulalya, kandi n’engingo zanu ha byo mulazwara. Si omwoyo tigukukira ebilyo, n’engingo tizikukira ebizwaro? 26Nimwetegereze enoni zo mu lutumba: tizibiba, tizigesa, tizihunika mu bitara; nawe Iso wanu wo mw’igulu azilisya. Mbe imwe timuzikizire? 27Mul’imwe ni ga akuhicha mu bwenge kwongera ha bulehi bwe mukono gumo? 28Kandi mukuhahisibwa ki ebizwaro? Nimulore obwasyo bwo mw’iswa okwo bumera: tibukola milimo, tiburuka myenda. 29Nawe hona nkubagambira okwo na Salomoni wena mw’ikuzo lye lyona tiyazwere kwinganisyaho lumo muli bwonene. 30Mbe raba Mungu nazweka atyo inansi lyo mw’iswa, eliliho lero, kai nencha likanagwa mu lyokezo, mbe kai kuta imwe bantu bo kwikiriza kuke! 31Mbe nimuleke kuhaha nimugira muti: Tulalya ki? tulanwa ki? tulazwara ki? 32Abasenzi nibo bakuhahibwa ebyo byona; nawe Iso wanu akumanya okwo mukenire ebyo byona. 33Mbe nimutandike kuhiga obukama bwa Mungu n’obutakatifu bwabwo, kai ebyo byona mulyongezibwaho. 34Mbe muleke kuhahibwa eby’olunaku lwa nencha, kuba olunaku lwa nencha lulemanyira lwonene. Buli lunaku luhikirwe amabi galwo#6, 34 Yezu tiyazibire kutunga eby’ensi, akazibira kubitamo omutima muno, bikatulekesya kuruba edini yetu kuzima..
Iliyochaguliwa sasa
Matayo 6: KED1946
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
First published in 1946 by the White Fathers. Published online with the permission of the White Fathers.