Ratokenti 8atio 16
16
Iaiakhaton iaȣenre teioteriȣasonterakȣen.
1Ethone ne Pharisian oni ne Sadusean, eh ȣaon-noȣe; nok ȣathonȣanikonraseren ȣahonȣariȣanekon asakonatonhase othenon ioriȣanerakȣat Karonhia-keka.
2Ȣahenron tsi tontasakoȣonnaȣeron: seȣatonʼsʼ enʼs, no tontakaronhiarite tsi iatenȣastsotho: ȣenniseriioa-tnno nenhiorhenne.
3Nok norhonkene nonkȣati, seȣatonʼsʼ enʼsʼ neneh; iokennoresere, aseken ȣatioharonnatose tsiteioronbia-riton. Akonȣara! Seȣaȣeiente neneh ne taeseȣaia-torete tsini ȣatieronniststa ne karonhiakeson nok iah toseȣakȣenies taeseȣaiatorete tsiniiaȣenserons tsi io-kȣenraron.
4Kaȣatsiraksenskȣa oni kanakȣaiesen, kariȣanon-tons ne kariȣanoron. Iah ki tanon noiah takonȣana-tonhaseneok no tsinihoiataȣenhon ne Rotokensehakȣe Jonas, nok sasakotkenrate ehren oni ȣarehte.
5Nok nonen siiahonneȣe ne raotiokȣa isi nakai-honhati tahotinikonrhen nahontahotinataraninonke.
6Nok ȣasakaȣenhase ne Iesos: neh ȣahi enskat seȣatatenikonrarak ne sadusean raonathenkȣatha.
7Ȣahonnere ne rononha nok ȣahonniron: neh ȣahi-tsi iah teteȣanatarenhaȣi.
8Nok ne Iesos, sakohnikonraienteritsion, nok ȣahenron: oriȣiio ki onte oni tsi kenh niseȣanonton-niontseraha, nahoten, niiot oni tsi seȣanontonnion tsi iah teseȣanatarenhaȣi?
9Arekoken teseȣanikonraientas, iah oni ken tetsise-ȣeiaras ne ȣisk nikanatarake ȣisk ok oni niȣenniaȣe-hetserasen niionkȣetake, toh oni niȣatsenontserake iotatenron?
10Ne oni ne tsiatak nikanatarake nok kaieri ni-honniaȣeheserasen, toh are neneh nikon tsi seȣaroron?
11Oh kati nekonh niiot tsi iah teseȣanikonraien-tas, tsi iahse Kanatarok tekiton tsi katon; seȣatateni-konrarak ne Pharisian oni sadusean raonattenkȣatha.
12Ethone onen ȣahonikonraientane tsi iah kana-tarok, teionthenkȣatha tehenton tsi sakoti: ȣenrati, nese tanon tsinihotirihoten ne Pharisian oni Sadusean.
13Nok tsini iohahes no Cesare Philippe, ȣasakori-ȣanontonso ne raotiokȣa, ȣahenron: nahoten ionton-nions nonkȣeokon nii akeriȣake, ii ne Onkȣo Roienha.
14Nok tontahonniron: otiake ki ionton, ise ne Saȣatis; otiake, Elie; otiake Jeremie, okneʼsʼ enʼsʼ onkakiok Rotokense.
15Tontahenron; nok kati nise onka onte iseȣero?
16Simon tahatati; ȣahenron: ise ne Keristos Niio Ronnheonȣe Iaienha.
17Tontahenron ne Iesos: Sataskat Simon Jonas iaionha, iahse oȣaron, iah oni nonekȣensa tesariho-tasienni, neh tanon ne Rakoniha Karonhiake thenteron.
18Nok ȣakonrori oni: ise ne Tier, nok etho oststenrake enkenonsonni nakononsatokenti; iah oni noriȣunton tiiakonȣasenni nonatkonseraksen.
19Entkonhion oni ne Karonhiake tionnhotonkȣa: nok tsinikon ensnerenke nonȣentsiake entkaneren ne Karonhiake, tsi oni nikon ensnerensi nonȣentsiake entkanerension ne Karonhiake.
20Etho oni onen ȣasakotiaȣenratse ne raotiokȣa nahontrori tsi rahonha ne Iesos Keristos.
21Ethone oni onen tahatasaȣen ne Iesos ȣasakori-hotasien ne raotiokȣa tsi iatekakonte Jerusalem niienhenre, nok etho nonȣe eso enthonȣaronhiakonte ne Ratitsihenstakȣeniios oni ne Ratiiatons; eh oni nonȣe enthonȣario, nok asenhaton nenȣata enshaton-nhete.
22Tier otasetonkeha ȣahoriste, ȣahenron: Saia-ner! Satatitenr tosa eh niiaȣenn.
23Nok tanon ne raonha tontahatkarhateni ȣaha-ȣenhase ne Tier: Satkonseraksen ehren iset ne kiatakta! takeriȣanera aktenni: aseken iah ki tesani-konraientas ne Niio raoriȣasonha, neok nonkȣe akori-ȣasonha.
24Ethone ne Iesos ȣasakaȣenhase ne raotio-kȣa: Onka kiok enrerheke ahakateranentakten, akȣakiratateȣentet, nok ratketat ne raoiasa nok rakser.
25Aseken nenhaskennha ne raotonnhestst enho-tonse, nok nii akeriȣake enhateȣenteto enshatsenri nehneh.
26Nahoten naha oni ahatsennonniatakȣe no ronkȣe, nonȣentsiakȣekon tahatentsa nok ahasente ne raotonnhestst? Ok ne ens nahoten ahontaonhion ne ronkȣe tsi tahataton ne raotonnhestst?
27Aseken nʼOnkȣe Roienha tentre Roniha raoia-tanerakȣatsera enthoiatanerakȣatakȣonhatie, oni no raoronhiakeronon okon, ethone Skastson tsi ensako-ieritse tsini iakoiotenseroten.
28Oriȣiio tsi kȣarori, tsi otiake kentho ratiiatare ne iah taonniheie, tsiniiore ienhontkatho nʼOnkȣe Roienha enhataȣeiate raonakeraserakon.
Iliyochaguliwa sasa
Ratokenti 8atio 16: MOH1880
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Published by the British and Foreign Bible Society in 1880.