markus 10
10
asa 10
ŋuɽun ŋeḏi dio gwa
mṯ. 19:1-12, lk. 16:18
1na yecu walane kalo kono nuwele gi diɽil deḏi yauḏia numuri urdun, na liji aɽuwaḏe ldu lugwun mɩna, nulalɩmi gwiro gi gwune aṯulalɩmi bubruṯ. 2nalɽoṯəḏɩjo nalarno, ŋuɽun ŋiŋir kwiji gwədi gwa gwuŋun a? nalar gwaliḏeije. 3nulwɩrlijo ŋuɽuna nuleicɩno, musa gwuməḏɩjaje aŋe? 4naleicɩno, musa gwaṯouwɩrico liji naluli gɩḏam geḏi dio la lagin. 5nalmɩni yecu wɩrlijo ŋuɽuna nuleicɩno, musa gwulijaje ŋuɽuna ŋono gi gwune dugwor dalo ḏɩbɩɽe. 6namɩni uro gwerre gwune gelo elo gɩḏilio, nulgele gwəmɩnyəŋe na gwa. 7na ŋuɽun ŋeno gwəmɩnyo gwawalane ḏi baba ŋwuŋun na nana gwuŋun almaṯiḏe gwa gwe gwuŋun. 8na leno lɩttən ləwei alro aŋɩnu yetɩdo, na ŋiro dino ate aṯɩlro lɩttən no almɩni ro aŋɩnu yetɩdo. 9lun lɩmaṯiḏɩlo elo ganu, ate al gwiji kenyə ganu no. 10na kwu dunu na calɩmis juŋun ɽoṯəḏɩjo mɩna ŋuɽun ŋe ŋeno. 11nuluməḏɩjo nuleicɩno, gwun gwəḏi gwa gwuŋun nuago gwa gwiro kaja gwuru; 12na ḏa gwa gwumawalane kwəmɩnyo gwuŋun mele kwəmɩnyo gwiro kaja gwa kwono gwurulo.
yecu gwugelo di gi nyaɽe elo nyun nyitinyiti
mṯ. 19:13-15, lk. 13:15-17
13na liji apijo nyaɽe nyun nyitinyiti nalarno nyulḏɩmumi; na calɩmis juŋun nalillo. 14gwune na yecu aŋu nuɽe ganu nuleicɩno, ouwɩricil nyaɽe alwila lugwi. na nyo nyanyalakajo, gi gwune lun liro gi luŋa, ŋele ŋeḏi kanyin ŋagin ŋiro. 15gwerkwe ganu nyi gweiceijɩno, gwiji gwun gwate gwaṯəmɩnyi ŋelɩnya ŋeḏi elo gwiro gi gwune ŋaɽe no, gwate gwəḏi ŋele ŋeḏi elo no. 16nulape di de duŋun nungeie di elo nulmora.
gamal gun gutu ḏɩbona gubunyu ḏɩmiḏa gi gɩḏilio
mṯ. 19:16-22, lk. 18:18-23
17gwune təḏu gi ṯaṯ elo na gwete eneḏe; nuculɩjo galo nuuməḏɩjo nueicɩno, mualɩm gwun gwiŋir, nyi gwarre galakwe nyiməṯo ḏɩmiḏa gi gɩḏilio? 18na yecu eicɩno, gwudaro gəko nieico nyi gwiŋir? gwatɩn gwun gwiŋir no namɩni elo gwiro gwetɩdo. 19ŋa gwliŋiḏi ŋuɽuna ŋun ŋigelijɩlo elo musaŋ. aṯaɽinyɩḏa no, naṯaura no, naṯapa ŋuɽama no, naṯougɩḏio no, naṯirdeijo no na aṯanəji babaŋ gwuŋa na nanaŋ gwuŋa. 20nuwɩrlijo ŋuɽuna nueicɩno, mualɩm gwi, ŋeno wei ŋidɩmiḏɩlo mimmi nyi gwoga. 21nan yecu ŋalaḏe nuəmɩnyi nueicɩno, ŋɩbɩɽəṯijaŋa ŋetɩdo. wiḏi ŋeḏila ŋɩdio wei ŋun ŋəṯəlo ŋalḏəḏə liji lun late ləṯi ŋɩdio no, na ŋa gwəṯi ḏɩbona kanyin; ki ŋəḏila ŋigwujane. 22nukuɽəwəḏe gi jei nuwele nurone gi gwune gwəṯi ŋɩdio ŋutu gworki.
ḏobɩlkəḏɩnə ḏeḏi ḏɩbona
mṯ. 19:23-30, lk. 18:24-30
23nan yecu ŋalaḏe lun luɽeico ga nueico calɩmis juŋun no, ŋɩbɩɽe gi liji lun ləṯi ŋɩdio ŋutu gi ḏəḏio ŋele ŋeḏi elo. 24na calɩmis juŋun obaga ṯuṯ ŋuɽun ŋuŋun. nalmɩni yeci uməḏɩjo mɩna nuleicɩno, nyaɽe, ḏəḏio ŋele ŋeḏi elo ḏɩbɩɽe. 25ŋouwɩrəne ganu kamɩla gəḏi gi lubɩɽo leḏi ibra aŋan gwiji əḏɩ ŋele ŋeḏi elo gwun gwəṯi ŋɩdio ŋutu. 26nalobaga ṯuṯ naluməḏəṯe laginŋu, nalarno, na dino əḏi gwiro gwəṯi ŋɩma gwəkədəḏɩni ga? 27nan yecu ŋalaḏe nuleicɩno, ŋate ŋandro gi liji no, namɩni ŋɩdi wei ŋandro elo gwe. 28na buṯrus uməḏɩjo nueicɩno, eʼe, anamawalane ŋɩdi wei naŋalgwujane. 29na yecu eicɩno, gwerkwe ganu nyi gweiceijɩno, gwiji gwate gwun manwalanie kwu dunu no, na lɩmegin lun liro ləmɩnyo na lun liro la, na nanaŋa baba gwe, na nyaɽe na dɩri gwan nyi na ŋuɽun ŋeḏi elo ŋun ŋiŋir no, 30namɩni gwaje gwabuje kaja keno lɩduno na lɩmegin lun liro ləmɩnyo na lun liro la, na nanaŋa na nyaɽe na dɩri ḏiḏagɩɽina ḏe ŋwamon ganu ḏuɽi di, na kɩḏilio gun gaji gila gwəmɩḏe gi gɩḏilio. 31namɩni lutu lun leḏi gwerre laje gɩdo, namɩni lun leḏi gɩdo laje ladare.
yecu gwuwəɽeico ŋuɽuna ga mɩna ŋan ḏaiya ḏuŋun
mṯ. 20:17-19, lk. 18:31-34
32gwune wiḏɩlo gi ṯaṯ ḏun ḏaṯabo urucəlim na yecu gwijo kɩɽelo. nalobaga ṯuṯ gwune gwujanɩlo naldonye. nuaɽuwa nulməṯo gɩdo di na gwuttən, nuluməḏɩjo ŋuɽuna ŋun ŋar ŋila lugwun 33nuleicɩno, eʼe, ilo labuḏi urucəlim, na ŋaɽe ŋeḏi liji ŋalḏəḏə jɩsis jun jɩbuḏo na jalgaṯɩm. naŋalakɩmi ḏiɽinyɩḏa ḏe ŋəḏəḏini liji lun liro ga dino. 34ŋalaki jumo naŋalgwoginya nanu, naŋalpi naŋalɽinye naŋaje ŋwamon ṯəɽɩl naŋəḏiɽi.
ḏiɽoṯeḏa ḏeḏi yagub na yuwana
mṯ. 20:20-23
35na yagubŋa yuwana gwe, nyaɽe nyeḏi jebəḏi, nalwila lugwun, naleicɩno, mualɩm gwəri, anbunyu lugwuŋa ŋa gwijərrɩjo ŋuɽuna ŋun ŋɩbunyanalo. 36nuleicɩno, nyalarno nyi gwajərrɩjo au? 37naleicɩno, ouwɩrico gwete ŋwujiga gi ḏi ḏuŋa ḏun ḏiro ḏiŋir, na gwete gi ḏi ḏuŋa ḏun ḏiro ḏouwɩr gi ḏoɽeḏa ḏuŋa. 38nalmɩni yecu eicɩno, nya late lilɩŋiḏi ŋɩḏio ŋun ŋɩɽoṯəḏɩjiŋilŋe no. nya ləṯi ŋɩma nyaleyu kɩɽudo gun ginyu ganu, i nyalababṯaijɩni ḏibabṯaijɩno ḏe ḏun ḏibabṯaijɩni a? 39naleicɩno, i anəṯi ŋɩma. nal yecu eicɩno, kɩɽudo gun ginyu ganu ganyaniyu dino, na ḏibabṯaijɩno ḏun ḏibabṯaijɩni ḏe ḏanyaḏibabṯaijɩni, 40namɩni ḏijaga gi ḏiŋir na gi ḏouwɩr lugwi ḏinyi ḏədu ḏanyaliḏəḏə no, namɩni ləḏəḏini luŋa lun lɩŋelijɩlo.
ḏɩbuḏia ḏun ḏiro gwerkwe
mṯ. 20:24-28, lk. 22:24-27
41gwune na calɩmis diŋɩni jun jiro di nalɽe ganu yagubŋa yuwana gwe. 42nal yecu əmɩḏa nuleicɩno, nyalilɩŋiḏi lele leḏi liji leḏi jɩmɩrɩgen wei naləṯi ŋelɩnya lagin, na luŋa lun lɩbuḏo ləṯi ŋelɩnya lagin. 43namɩni ŋate ŋiro dino lagalo no, namɩni gwun gwar gwabuṯane lagalo gwaro gaḏam galo, 44na gwun gwar gwaro lɽa lagalo gwaro wainy gweḏi wei. 45ŋiro gi gwune ŋaɽe ŋeḏi liji ŋɩwiḏi ŋaṯe ŋa liji əpijo ŋɩru no, namɩni ŋu ŋəpijo liji ŋɩru, nulmɩni ḏəḏə gwula gwuŋun gi jili jun jeḏi kəḏəḏɩnə ga gwan liji luṯu.
barṯlimawus gwuɽe jei ganu
mṯ. 20:29-34, lk. 18:35-43
46nalobene ariya. na gwune na yecuŋa calɩmis je juŋun na liji liro kaja lutu nalwalane ariya, barṯɩmawus gwun gwɩrimə gi jei gwun gwiro ŋaɽe ŋeḏi ṯɩmawus, gwijiga ṯaṯ kɩḏɩriḏ, naṯugegilejo liji di. 47na gwune nudiŋɩni yecu gweḏi nasɩra gwiro, nuərəjo gwula nuarno, yecu gwun gwiro ŋaɽe ŋeḏi ḏauuḏ, inəḏi. 48na liji lutu nallo nalarno gwaji nyɩkwom, numɩni ariene gwula nuarno, ŋaɽe ŋeḏi ḏauuḏ, inədi. 49na yecu ḏuḏɩni nuarno, əmɩḏɩl. naləmɩḏa gwiji gwun gwɩrimə gi jei, naleicɩno, bɩɽiḏi nanu, ŋəḏiɽi; gwo gwəmɩḏaŋa. 50nuwalane kiria guŋun, nudiɽi nuwele ḏi yecu. 51na yecu uməḏɩjo nueicɩno, ga gwarno nyi gwaŋərrljə au? na gwiji gwun gwɩrimə gi jei eicɩno, gwele gwi, nyi gwar gwauɽe jei ganu. 52na yecu uməḏɩjo nueicɩno, wiḏi, ḏɩməṯo ḏuŋa ḏimaŋaŋele muma. nuuɽe jei ganu nugwuje yecuŋ gi ṯaṯ.
Iliyochaguliwa sasa
markus 10: OTR1966
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Nuba, Otoro New Testament
© British and Foreign Bible Society, 1966.
markus 10
10
asa 10
ŋuɽun ŋeḏi dio gwa
mṯ. 19:1-12, lk. 16:18
1na yecu walane kalo kono nuwele gi diɽil deḏi yauḏia numuri urdun, na liji aɽuwaḏe ldu lugwun mɩna, nulalɩmi gwiro gi gwune aṯulalɩmi bubruṯ. 2nalɽoṯəḏɩjo nalarno, ŋuɽun ŋiŋir kwiji gwədi gwa gwuŋun a? nalar gwaliḏeije. 3nulwɩrlijo ŋuɽuna nuleicɩno, musa gwuməḏɩjaje aŋe? 4naleicɩno, musa gwaṯouwɩrico liji naluli gɩḏam geḏi dio la lagin. 5nalmɩni yecu wɩrlijo ŋuɽuna nuleicɩno, musa gwulijaje ŋuɽuna ŋono gi gwune dugwor dalo ḏɩbɩɽe. 6namɩni uro gwerre gwune gelo elo gɩḏilio, nulgele gwəmɩnyəŋe na gwa. 7na ŋuɽun ŋeno gwəmɩnyo gwawalane ḏi baba ŋwuŋun na nana gwuŋun almaṯiḏe gwa gwe gwuŋun. 8na leno lɩttən ləwei alro aŋɩnu yetɩdo, na ŋiro dino ate aṯɩlro lɩttən no almɩni ro aŋɩnu yetɩdo. 9lun lɩmaṯiḏɩlo elo ganu, ate al gwiji kenyə ganu no. 10na kwu dunu na calɩmis juŋun ɽoṯəḏɩjo mɩna ŋuɽun ŋe ŋeno. 11nuluməḏɩjo nuleicɩno, gwun gwəḏi gwa gwuŋun nuago gwa gwiro kaja gwuru; 12na ḏa gwa gwumawalane kwəmɩnyo gwuŋun mele kwəmɩnyo gwiro kaja gwa kwono gwurulo.
yecu gwugelo di gi nyaɽe elo nyun nyitinyiti
mṯ. 19:13-15, lk. 13:15-17
13na liji apijo nyaɽe nyun nyitinyiti nalarno nyulḏɩmumi; na calɩmis juŋun nalillo. 14gwune na yecu aŋu nuɽe ganu nuleicɩno, ouwɩricil nyaɽe alwila lugwi. na nyo nyanyalakajo, gi gwune lun liro gi luŋa, ŋele ŋeḏi kanyin ŋagin ŋiro. 15gwerkwe ganu nyi gweiceijɩno, gwiji gwun gwate gwaṯəmɩnyi ŋelɩnya ŋeḏi elo gwiro gi gwune ŋaɽe no, gwate gwəḏi ŋele ŋeḏi elo no. 16nulape di de duŋun nungeie di elo nulmora.
gamal gun gutu ḏɩbona gubunyu ḏɩmiḏa gi gɩḏilio
mṯ. 19:16-22, lk. 18:18-23
17gwune təḏu gi ṯaṯ elo na gwete eneḏe; nuculɩjo galo nuuməḏɩjo nueicɩno, mualɩm gwun gwiŋir, nyi gwarre galakwe nyiməṯo ḏɩmiḏa gi gɩḏilio? 18na yecu eicɩno, gwudaro gəko nieico nyi gwiŋir? gwatɩn gwun gwiŋir no namɩni elo gwiro gwetɩdo. 19ŋa gwliŋiḏi ŋuɽuna ŋun ŋigelijɩlo elo musaŋ. aṯaɽinyɩḏa no, naṯaura no, naṯapa ŋuɽama no, naṯougɩḏio no, naṯirdeijo no na aṯanəji babaŋ gwuŋa na nanaŋ gwuŋa. 20nuwɩrlijo ŋuɽuna nueicɩno, mualɩm gwi, ŋeno wei ŋidɩmiḏɩlo mimmi nyi gwoga. 21nan yecu ŋalaḏe nuəmɩnyi nueicɩno, ŋɩbɩɽəṯijaŋa ŋetɩdo. wiḏi ŋeḏila ŋɩdio wei ŋun ŋəṯəlo ŋalḏəḏə liji lun late ləṯi ŋɩdio no, na ŋa gwəṯi ḏɩbona kanyin; ki ŋəḏila ŋigwujane. 22nukuɽəwəḏe gi jei nuwele nurone gi gwune gwəṯi ŋɩdio ŋutu gworki.
ḏobɩlkəḏɩnə ḏeḏi ḏɩbona
mṯ. 19:23-30, lk. 18:24-30
23nan yecu ŋalaḏe lun luɽeico ga nueico calɩmis juŋun no, ŋɩbɩɽe gi liji lun ləṯi ŋɩdio ŋutu gi ḏəḏio ŋele ŋeḏi elo. 24na calɩmis juŋun obaga ṯuṯ ŋuɽun ŋuŋun. nalmɩni yeci uməḏɩjo mɩna nuleicɩno, nyaɽe, ḏəḏio ŋele ŋeḏi elo ḏɩbɩɽe. 25ŋouwɩrəne ganu kamɩla gəḏi gi lubɩɽo leḏi ibra aŋan gwiji əḏɩ ŋele ŋeḏi elo gwun gwəṯi ŋɩdio ŋutu. 26nalobaga ṯuṯ naluməḏəṯe laginŋu, nalarno, na dino əḏi gwiro gwəṯi ŋɩma gwəkədəḏɩni ga? 27nan yecu ŋalaḏe nuleicɩno, ŋate ŋandro gi liji no, namɩni ŋɩdi wei ŋandro elo gwe. 28na buṯrus uməḏɩjo nueicɩno, eʼe, anamawalane ŋɩdi wei naŋalgwujane. 29na yecu eicɩno, gwerkwe ganu nyi gweiceijɩno, gwiji gwate gwun manwalanie kwu dunu no, na lɩmegin lun liro ləmɩnyo na lun liro la, na nanaŋa baba gwe, na nyaɽe na dɩri gwan nyi na ŋuɽun ŋeḏi elo ŋun ŋiŋir no, 30namɩni gwaje gwabuje kaja keno lɩduno na lɩmegin lun liro ləmɩnyo na lun liro la, na nanaŋa na nyaɽe na dɩri ḏiḏagɩɽina ḏe ŋwamon ganu ḏuɽi di, na kɩḏilio gun gaji gila gwəmɩḏe gi gɩḏilio. 31namɩni lutu lun leḏi gwerre laje gɩdo, namɩni lun leḏi gɩdo laje ladare.
yecu gwuwəɽeico ŋuɽuna ga mɩna ŋan ḏaiya ḏuŋun
mṯ. 20:17-19, lk. 18:31-34
32gwune wiḏɩlo gi ṯaṯ ḏun ḏaṯabo urucəlim na yecu gwijo kɩɽelo. nalobaga ṯuṯ gwune gwujanɩlo naldonye. nuaɽuwa nulməṯo gɩdo di na gwuttən, nuluməḏɩjo ŋuɽuna ŋun ŋar ŋila lugwun 33nuleicɩno, eʼe, ilo labuḏi urucəlim, na ŋaɽe ŋeḏi liji ŋalḏəḏə jɩsis jun jɩbuḏo na jalgaṯɩm. naŋalakɩmi ḏiɽinyɩḏa ḏe ŋəḏəḏini liji lun liro ga dino. 34ŋalaki jumo naŋalgwoginya nanu, naŋalpi naŋalɽinye naŋaje ŋwamon ṯəɽɩl naŋəḏiɽi.
ḏiɽoṯeḏa ḏeḏi yagub na yuwana
mṯ. 20:20-23
35na yagubŋa yuwana gwe, nyaɽe nyeḏi jebəḏi, nalwila lugwun, naleicɩno, mualɩm gwəri, anbunyu lugwuŋa ŋa gwijərrɩjo ŋuɽuna ŋun ŋɩbunyanalo. 36nuleicɩno, nyalarno nyi gwajərrɩjo au? 37naleicɩno, ouwɩrico gwete ŋwujiga gi ḏi ḏuŋa ḏun ḏiro ḏiŋir, na gwete gi ḏi ḏuŋa ḏun ḏiro ḏouwɩr gi ḏoɽeḏa ḏuŋa. 38nalmɩni yecu eicɩno, nya late lilɩŋiḏi ŋɩḏio ŋun ŋɩɽoṯəḏɩjiŋilŋe no. nya ləṯi ŋɩma nyaleyu kɩɽudo gun ginyu ganu, i nyalababṯaijɩni ḏibabṯaijɩno ḏe ḏun ḏibabṯaijɩni a? 39naleicɩno, i anəṯi ŋɩma. nal yecu eicɩno, kɩɽudo gun ginyu ganu ganyaniyu dino, na ḏibabṯaijɩno ḏun ḏibabṯaijɩni ḏe ḏanyaḏibabṯaijɩni, 40namɩni ḏijaga gi ḏiŋir na gi ḏouwɩr lugwi ḏinyi ḏədu ḏanyaliḏəḏə no, namɩni ləḏəḏini luŋa lun lɩŋelijɩlo.
ḏɩbuḏia ḏun ḏiro gwerkwe
mṯ. 20:24-28, lk. 22:24-27
41gwune na calɩmis diŋɩni jun jiro di nalɽe ganu yagubŋa yuwana gwe. 42nal yecu əmɩḏa nuleicɩno, nyalilɩŋiḏi lele leḏi liji leḏi jɩmɩrɩgen wei naləṯi ŋelɩnya lagin, na luŋa lun lɩbuḏo ləṯi ŋelɩnya lagin. 43namɩni ŋate ŋiro dino lagalo no, namɩni gwun gwar gwabuṯane lagalo gwaro gaḏam galo, 44na gwun gwar gwaro lɽa lagalo gwaro wainy gweḏi wei. 45ŋiro gi gwune ŋaɽe ŋeḏi liji ŋɩwiḏi ŋaṯe ŋa liji əpijo ŋɩru no, namɩni ŋu ŋəpijo liji ŋɩru, nulmɩni ḏəḏə gwula gwuŋun gi jili jun jeḏi kəḏəḏɩnə ga gwan liji luṯu.
barṯlimawus gwuɽe jei ganu
mṯ. 20:29-34, lk. 18:35-43
46nalobene ariya. na gwune na yecuŋa calɩmis je juŋun na liji liro kaja lutu nalwalane ariya, barṯɩmawus gwun gwɩrimə gi jei gwun gwiro ŋaɽe ŋeḏi ṯɩmawus, gwijiga ṯaṯ kɩḏɩriḏ, naṯugegilejo liji di. 47na gwune nudiŋɩni yecu gweḏi nasɩra gwiro, nuərəjo gwula nuarno, yecu gwun gwiro ŋaɽe ŋeḏi ḏauuḏ, inəḏi. 48na liji lutu nallo nalarno gwaji nyɩkwom, numɩni ariene gwula nuarno, ŋaɽe ŋeḏi ḏauuḏ, inədi. 49na yecu ḏuḏɩni nuarno, əmɩḏɩl. naləmɩḏa gwiji gwun gwɩrimə gi jei, naleicɩno, bɩɽiḏi nanu, ŋəḏiɽi; gwo gwəmɩḏaŋa. 50nuwalane kiria guŋun, nudiɽi nuwele ḏi yecu. 51na yecu uməḏɩjo nueicɩno, ga gwarno nyi gwaŋərrljə au? na gwiji gwun gwɩrimə gi jei eicɩno, gwele gwi, nyi gwar gwauɽe jei ganu. 52na yecu uməḏɩjo nueicɩno, wiḏi, ḏɩməṯo ḏuŋa ḏimaŋaŋele muma. nuuɽe jei ganu nugwuje yecuŋ gi ṯaṯ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Nuba, Otoro New Testament
© British and Foreign Bible Society, 1966.