markus 11
11
asa 11
ḏobena ḏeḏi yecu urucəlim ḏiḏamɩḏa ḏe
mṯ. 21:1-11, lk. 19:28-40, ywn. 12:12-19
1gwune nalar lobene urucəlim nalje gɩṯo ŋwurgwom ŋwun ŋwan beṯbaji na beṯiniya gɩṯo seitun, nuwəje calɩmis juŋun jɩttən, 2nuleicɩno, wiḏɩl gi lɩrgwom lono gi jei ganu lagalo. ḏa nyalmobene nyalabuje ŋəɽigə ŋun ŋoga ŋɩkanano ga ŋun ŋore ŋate ŋabuḏɩne gwiji elo no. kəduḏɩl nyilgwuluḏɩjo. 3namɩni ḏa gwiji gwədi majinɽoṯəḏɩjo majeicɩno, ŋarra na nyabunyi dino? nyamɩni eicɩno, ŋibunyu gwele, namɩni ŋaje ŋajilwəɽɩjo. 4nalwele nalbuje ŋəɽigə ŋun ŋoga ŋɩkanano kɩluḏo kouwɩr yeḏi dunu gwete kalo gun gaṯɩn daṯ apaḏe galo, nalkəduḏo. 5na liji kworo lun lɩḏuḏɩnu ŋɩno naluməḏɩjo naleicɩno, nya larra nanyakədu ŋəɽigə? 6naluməḏɩjo ŋuɽuna ŋun ŋuməḏijɩlo yecu, nalouwɩrico nalwele. 7nalgwuluḏɩjo yecuŋ ŋəɽigə nanɩgikuwa jiria elo jagin nan yecu abo elo. 8na liji lutu kɩlije jiria jagin gi ṯaṯ elo, na liro kaja nalkɩlaḏa dɩrna deḏi jaɽe nalɩŋegile ga gi ṯaṯ elo. 9na liji lun lɩdaro na lun lugwujano naləri gwula, nalarno,
ḏɩkədəḏɩnə ga.
ḏɩbuḏia ḏaɽe lugwun gwun gwila jiri je jeḏi gwele gwun
gwiro elo.
10ŋele ŋiŋir ŋun ŋaje ŋɩla ŋeḏi gwuməri gwun gwan ḏauuḏ.
ḏɩkədəḏɩnə ga kalo gun gwolenelo.
11na yecu obene urucəlim, nuəḏi kwu dunu gweḏi elo gwun gwubuḏo. nudadɩŋa ŋɩdio wei, na gwune na galo ro garage naldu beṯiniya calɩmis je juŋun jun jiro di na gwuttən.
gwuwɩḏa gwun gwate gwəṯi nyaɽe no
mṯ. 21:18-19
12na giləganu naldu beṯɩniya nə jaŋu e; 13nuaŋu gwuwɩḏa uro ŋɩnəwei gwəṯi nəni, nuwele nuarno gwunbuje nyaɽe. gwune nuwele gwate manbuje nyaɽe no, numɩni buje nəni neice, kaja ge ḏɩɽa gijɩre. 14na yecu eicɩno, gwiji gwate gwun gwanʼe nyaɽe nyuŋa gi gɩḏilio minu no, na calɩmis juŋun diŋɩni.
ŋu gwudi ŋuɽuna ŋun ŋɩki kwu dunu gweḏi elo gwun gwubuḏo
mṯ. 21:12-17, lk. 19:45-48, ywn. 2:13-22
15nalobene urucəlim. na yecu əḏi kwu dunu gweḏi elo gwun gwubuḏo nulditio lun laṯeḏɩla na lun ŋaṯɩleḏɩla gidəno, nuwɩrli darabesa ganu deḏi liji lun laṯɩbi əlŋɩrucə ganu, na jɩḏoɽ jeḏi lun laṯɩlɩneḏɩla jɩɽiḏira. 16nate nanouwɩrico gwetɩdo gwanapane ŋɩdio kɩlɩgi. ganu kwu dunu gweḏi elo gwun gwubuḏo ŋun ŋiḏɩlilo no. 17nulalɩmi nuleicɩno, ŋate ŋulinu dino, dunu gwi gwaṯɩleico dunu gwe ḏuməḏɩjo eloŋu gwan liji wei na? namɩni nanyaḏuɽi gɩmu geḏi lujam. 18na ɽɩsis jun ɽɩbuḏə na jalgaṯɩm naldiŋɩni, nalbunyi ŋuɽuna ŋalŋiɽinye, gi gwune gwuḏonyilo na liji wei nalobaga ṯuṯ gi ḏalɩmia ḏuŋun. 19na gwune na galo ro garage nudu kamɩrɩgen.
ŋɩma ŋeḏi ḏɩməṯo
mṯ. 21:20-22
20na giləganu gwune naldare nalaŋu gwuwɩḏa nuuḏe dro. 21na buṯrus aḏɩŋane nueicɩno, mualɩm gwəri, eʼe gwuwɩḏa gwun gwuluḏo muḏe. 22nal yecu uməḏɩjo nuleicɩno, əṯɩl ḏɩməṯo ḏi elo. 23gwerkwe ganu nyi gweiceijɩno, gwun gweico lɩrgwoma le no, wɩrlo galo ŋubɩliḏaṯe gi ḏɩrawe, naṯumɩni uməḏɩno gi ḏugwor ganu ḏuŋun no, numɩni əmɩnyi ŋuɽuna ŋun ŋaŋare ŋaje ŋila lugwun, gwabuje ŋuɽuna ŋun ŋɩbunyulo. 24ŋiro dino nyi ŋweiceijɩno, ŋɩdi wei ŋun ŋanyalbunyi ḏa nyalmuməḏɩjo eloŋu əmɩnyil ŋɩmanyalape, na ŋaro ŋalo. 25na ḏa nyalmaḏuḏɩni gi ḏuməḏɩjo eloŋu na dugwor dalo ḏɩmaɽe ganu kwiji gwete, ḏuḏɩjɩl ganu, na dino baba gwalo gwun gwaṯɩje kanyin gwajiḏuḏɩjo ŋuɽun ganu ŋalo ŋun ŋɩki. 26ḏa ŋate ŋɩmanyanɩḏuḏɩjo ganu no, namɩni baba gwalo gwun gwaṯɩje kanyin gwate gwajiḏuḏɩjo ŋuɽun ganu ŋalo ŋun ŋɩki no.
ḏiɽoṯeḏa ga ḏeḏi ŋele ŋeḏi yecu
mṯ. 21:23-27, lk. 20:1-8
27nalaɽuwa urucəlim; na gwune na jɩsis jun jɩbuḏo, na jalgaṯɩm na lele nalwila lugwun gi gwune gwuwiḏi ga kwu dunu gweḏi elo gwun gwubuḏo. 28naleicɩno, ŋele ŋɩrṯa ŋiro ŋun ŋaṯaŋarre dino? na aḏi gwiro gwiḏəḏɩŋa ŋelɩnya ŋeno ŋun ŋaṯaŋarre dino? 29nal yecu wɩrlijo ŋuɽuna nuleicɩno, nyi dino nyi gwar gwajiɽoṯəḏɩjo ŋuɽun ŋe ŋete. uməḏɩjil nyaŋa, na nyi gwajuməḏɩɽo ŋele ŋirṯa ŋiro ŋun ŋaṯiŋarre ŋɩdɩo ŋeno. 30ḏibabṯaijɩno ḏeḏi yuwana ḏeḏi kanyin ḏiro i ḏeḏi liji ḏiro a? uməḏɩjinyil. 31naluməḏəṯe laginŋu nalarno, ilare galakwe? ḏa ilmarno ḏeḏi kanyin ḏiro naimɩni gwarno gwudaro gəko nate nanyəmɩnyi no? 32ḏa ilmarno ḏeḏi liji ḏiro—naldonye liji gi gwune liji wei ləmɩnyu nalarno yuwana gwiro nebi gwerkwe. 33nalwɩrlijo yecuŋ ŋuɽuna naleicɩno, ŋate ŋilɩŋiḏanalo no. nal yecu uməḏɩjo nuleicɩno, nyi dino, nyi gwate gwajuməḏɩjo ŋele ŋe ŋun ŋaṯiŋarre dino no.
Iliyochaguliwa sasa
markus 11: OTR1966
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Nuba, Otoro New Testament
© British and Foreign Bible Society, 1966.
markus 11
11
asa 11
ḏobena ḏeḏi yecu urucəlim ḏiḏamɩḏa ḏe
mṯ. 21:1-11, lk. 19:28-40, ywn. 12:12-19
1gwune nalar lobene urucəlim nalje gɩṯo ŋwurgwom ŋwun ŋwan beṯbaji na beṯiniya gɩṯo seitun, nuwəje calɩmis juŋun jɩttən, 2nuleicɩno, wiḏɩl gi lɩrgwom lono gi jei ganu lagalo. ḏa nyalmobene nyalabuje ŋəɽigə ŋun ŋoga ŋɩkanano ga ŋun ŋore ŋate ŋabuḏɩne gwiji elo no. kəduḏɩl nyilgwuluḏɩjo. 3namɩni ḏa gwiji gwədi majinɽoṯəḏɩjo majeicɩno, ŋarra na nyabunyi dino? nyamɩni eicɩno, ŋibunyu gwele, namɩni ŋaje ŋajilwəɽɩjo. 4nalwele nalbuje ŋəɽigə ŋun ŋoga ŋɩkanano kɩluḏo kouwɩr yeḏi dunu gwete kalo gun gaṯɩn daṯ apaḏe galo, nalkəduḏo. 5na liji kworo lun lɩḏuḏɩnu ŋɩno naluməḏɩjo naleicɩno, nya larra nanyakədu ŋəɽigə? 6naluməḏɩjo ŋuɽuna ŋun ŋuməḏijɩlo yecu, nalouwɩrico nalwele. 7nalgwuluḏɩjo yecuŋ ŋəɽigə nanɩgikuwa jiria elo jagin nan yecu abo elo. 8na liji lutu kɩlije jiria jagin gi ṯaṯ elo, na liro kaja nalkɩlaḏa dɩrna deḏi jaɽe nalɩŋegile ga gi ṯaṯ elo. 9na liji lun lɩdaro na lun lugwujano naləri gwula, nalarno,
ḏɩkədəḏɩnə ga.
ḏɩbuḏia ḏaɽe lugwun gwun gwila jiri je jeḏi gwele gwun
gwiro elo.
10ŋele ŋiŋir ŋun ŋaje ŋɩla ŋeḏi gwuməri gwun gwan ḏauuḏ.
ḏɩkədəḏɩnə ga kalo gun gwolenelo.
11na yecu obene urucəlim, nuəḏi kwu dunu gweḏi elo gwun gwubuḏo. nudadɩŋa ŋɩdio wei, na gwune na galo ro garage naldu beṯiniya calɩmis je juŋun jun jiro di na gwuttən.
gwuwɩḏa gwun gwate gwəṯi nyaɽe no
mṯ. 21:18-19
12na giləganu naldu beṯɩniya nə jaŋu e; 13nuaŋu gwuwɩḏa uro ŋɩnəwei gwəṯi nəni, nuwele nuarno gwunbuje nyaɽe. gwune nuwele gwate manbuje nyaɽe no, numɩni buje nəni neice, kaja ge ḏɩɽa gijɩre. 14na yecu eicɩno, gwiji gwate gwun gwanʼe nyaɽe nyuŋa gi gɩḏilio minu no, na calɩmis juŋun diŋɩni.
ŋu gwudi ŋuɽuna ŋun ŋɩki kwu dunu gweḏi elo gwun gwubuḏo
mṯ. 21:12-17, lk. 19:45-48, ywn. 2:13-22
15nalobene urucəlim. na yecu əḏi kwu dunu gweḏi elo gwun gwubuḏo nulditio lun laṯeḏɩla na lun ŋaṯɩleḏɩla gidəno, nuwɩrli darabesa ganu deḏi liji lun laṯɩbi əlŋɩrucə ganu, na jɩḏoɽ jeḏi lun laṯɩlɩneḏɩla jɩɽiḏira. 16nate nanouwɩrico gwetɩdo gwanapane ŋɩdio kɩlɩgi. ganu kwu dunu gweḏi elo gwun gwubuḏo ŋun ŋiḏɩlilo no. 17nulalɩmi nuleicɩno, ŋate ŋulinu dino, dunu gwi gwaṯɩleico dunu gwe ḏuməḏɩjo eloŋu gwan liji wei na? namɩni nanyaḏuɽi gɩmu geḏi lujam. 18na ɽɩsis jun ɽɩbuḏə na jalgaṯɩm naldiŋɩni, nalbunyi ŋuɽuna ŋalŋiɽinye, gi gwune gwuḏonyilo na liji wei nalobaga ṯuṯ gi ḏalɩmia ḏuŋun. 19na gwune na galo ro garage nudu kamɩrɩgen.
ŋɩma ŋeḏi ḏɩməṯo
mṯ. 21:20-22
20na giləganu gwune naldare nalaŋu gwuwɩḏa nuuḏe dro. 21na buṯrus aḏɩŋane nueicɩno, mualɩm gwəri, eʼe gwuwɩḏa gwun gwuluḏo muḏe. 22nal yecu uməḏɩjo nuleicɩno, əṯɩl ḏɩməṯo ḏi elo. 23gwerkwe ganu nyi gweiceijɩno, gwun gweico lɩrgwoma le no, wɩrlo galo ŋubɩliḏaṯe gi ḏɩrawe, naṯumɩni uməḏɩno gi ḏugwor ganu ḏuŋun no, numɩni əmɩnyi ŋuɽuna ŋun ŋaŋare ŋaje ŋila lugwun, gwabuje ŋuɽuna ŋun ŋɩbunyulo. 24ŋiro dino nyi ŋweiceijɩno, ŋɩdi wei ŋun ŋanyalbunyi ḏa nyalmuməḏɩjo eloŋu əmɩnyil ŋɩmanyalape, na ŋaro ŋalo. 25na ḏa nyalmaḏuḏɩni gi ḏuməḏɩjo eloŋu na dugwor dalo ḏɩmaɽe ganu kwiji gwete, ḏuḏɩjɩl ganu, na dino baba gwalo gwun gwaṯɩje kanyin gwajiḏuḏɩjo ŋuɽun ganu ŋalo ŋun ŋɩki. 26ḏa ŋate ŋɩmanyanɩḏuḏɩjo ganu no, namɩni baba gwalo gwun gwaṯɩje kanyin gwate gwajiḏuḏɩjo ŋuɽun ganu ŋalo ŋun ŋɩki no.
ḏiɽoṯeḏa ga ḏeḏi ŋele ŋeḏi yecu
mṯ. 21:23-27, lk. 20:1-8
27nalaɽuwa urucəlim; na gwune na jɩsis jun jɩbuḏo, na jalgaṯɩm na lele nalwila lugwun gi gwune gwuwiḏi ga kwu dunu gweḏi elo gwun gwubuḏo. 28naleicɩno, ŋele ŋɩrṯa ŋiro ŋun ŋaṯaŋarre dino? na aḏi gwiro gwiḏəḏɩŋa ŋelɩnya ŋeno ŋun ŋaṯaŋarre dino? 29nal yecu wɩrlijo ŋuɽuna nuleicɩno, nyi dino nyi gwar gwajiɽoṯəḏɩjo ŋuɽun ŋe ŋete. uməḏɩjil nyaŋa, na nyi gwajuməḏɩɽo ŋele ŋirṯa ŋiro ŋun ŋaṯiŋarre ŋɩdɩo ŋeno. 30ḏibabṯaijɩno ḏeḏi yuwana ḏeḏi kanyin ḏiro i ḏeḏi liji ḏiro a? uməḏɩjinyil. 31naluməḏəṯe laginŋu nalarno, ilare galakwe? ḏa ilmarno ḏeḏi kanyin ḏiro naimɩni gwarno gwudaro gəko nate nanyəmɩnyi no? 32ḏa ilmarno ḏeḏi liji ḏiro—naldonye liji gi gwune liji wei ləmɩnyu nalarno yuwana gwiro nebi gwerkwe. 33nalwɩrlijo yecuŋ ŋuɽuna naleicɩno, ŋate ŋilɩŋiḏanalo no. nal yecu uməḏɩjo nuleicɩno, nyi dino, nyi gwate gwajuməḏɩjo ŋele ŋe ŋun ŋaṯiŋarre dino no.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Nuba, Otoro New Testament
© British and Foreign Bible Society, 1966.