Matius 15
15
Adat mantad Dioduaki do Tulun Joudi
(Mar. 7:1-13)
1Om kivaro piipiro kotua do bansa Joudi do nokorikot siri di Yisus do mantad soi Bandar Yorusalim. Iolo nopo diri nga kumpulan do Porisi om iri monunuduk do Undang-undang Ugama do Joudi. 2Om kadiolo, “Nokuro do au maja i tongotulunNu diri adat diodu-aki tokou pogulu? Aupo kopongugas iolo do longon do maja di adat diodu-aki tokou om mangakanno iolo,” ka.
3Nga kadi Yisus, “Nokuro do maja kou diri adat muju kondiri om au maja diri nisuu do Kinoringan? 4Do nisuu nopo di Kinoringan do, ‘Urumato mujuno marong iamonu#15:4 amo: apa om iinonu,’ ka, om ponuu kavagu Isido, ‘Isaai nopo mangararaat diamojo#15:4 diamo: diapa om iinojo nga misti patajon,’ kadi Kinoringan.#Antangai Kinolobusan 20:12; 21:17; Imam 20:9; Gulion 5:16. 5Nga ikovu nopo monuduk om kamuju, ‘Nong kivaro tulun kivaro onuu nopo do obuli itulung di moloingjo, nga obuli isido popoilo diamojo ko iinojo do, “Ausono dii kountungannu dogo do auso pataakonku dika sabap nga pataakonku do Kinoringan,” kadisido,’ kamuju do monuduk. 6‘Irad nopo dino nga obuli isido au mongurumat di moloingjo#15:6 moloingjo: kivaro piipiro solinan di poguluupo do: “diamojo ko iinojo”. do monulung diolo,’ kamuju. Nong irad dino ikovu kondiri au maja diri tangar di Kinoringan do potuduk kou noopo diri adat muju kondiri. 7Oinomodno i tinangar di Kinoringan dikovu, tulun do puupura, irad di nipoilo laaid di nabi Yasaya, i popolombus di tinangaran do Kinoringan pogulu do,
8‘ “Mongurumat daa iti kabang do tongotulun Dogo,
nga ginavo nopo diolo nga osodu mantad Dogo.
9Om osia-sia naama iolo sumamba Dogo,
do monuduk iolo di ponudukan do tulun
om tangaron diolo do irino tinangarKu,”
kadi Kinoringan,’ i tinulis di Yasaya,”
kadi Yisus.#Antangai Yasaya 29:13.
I Taraat Lumabus mantad siri Ginavo do Tulun
(Mar. 7:14-23)
10Om loovono dii di Yisus i kinoguuan do tulun om pitangar Isido diolo do, “Pongkinongou kouno Dogo om rotio mujuno marong. 11Onuu nopo tinangar do araat lumabus mantad si kabang do tulun nga irino monginsasaim disido, okoniko iri taakanon i masu si kabang do monginsasaim disido,” ka.
12Nga rikotno dii ikoi i tongotulun di Yisus do mongoduat Disido, kadagai, “OpurimananNui ino tangaronNu do inono koruol do ginavo diolo i kumpulan Porisi Dikau?” kanja.
13Minoganu i Yisus do poiradanJo di kumpulan Porisi irad do sakot do kaDisido, “Ombo nopo iri sinumobul kondiri, okonko tinanom di TamaKu silo suruga, om vutuson gosob do asakat kasangkat i tongogamutjo. 14Poboyooni iolo. Iolo nopo nga irad di bolou mangaakpo do tulun bolou. Nong boloupo mangaak di songkoruanganjo bolou tantu do kopivaja aratu si torobong,” kadi Yisus.
15Nga kadi Pitrus, “Porotio ikoipo dino poiradanNu dino taakanon,” ka.
16Kadi Yisus, “Nokuro do ikovupo kanogi nga aui kaarati diri tinangarKu? 17Oilaan mujui do onuu nopo do taakanon nga masu noopo si kabang om lumombus silo tijan om atai. 18Nga onuu nopo lumabus mantad si kabang do mantad siri ginavo do tulun nga irino monginsasaim disido. 19Do iri nopo lumabus mantad si ginavo, iri sinoromo do taraat, mamamatai do tulun, lumapau, mamaal kalalasu i tongondu om i kusai, manakau, sumaksi do ovuvudut om mangararaat do vokon. 20Irino lumabus mantad si ginavo om monginsasaim do tulun. Nga mangakan nopo do au kougas maja di pinakaadat do tulun, okoniko iri monginsasaim do tulun,” kadi Yisus.
Kaparsayaan di Tongondu Kanaan
(Mar. 7:24-30)
21Om pampanauno dii i Yisus om ikoi i tongotulunJo mantad siri, om ongoino ikoi silo pantok do Bandar Tirus om Sidun. 22Nga kivaro tongondu sinumamung dagai, isido nopo nga bansa Kanaan mantad si pantok diri do linumuvap mokitulung di Yisus. Om roito dii disido i Yisus do koturunan di Daud, kadisido, “Uu Tuan, kosianaino dogo do norosukan marong do rogon i tanakku tondu,” ka.
23Nga aui dii jinawapan Disido i tongondu. Nga ongoino dii ikoi i tongotulun di Yisus si Disido om kadagai, “Suuo ilo pouli. Alava maja-vaja daton#15:23 daton: ditokou do muvap-luvap,” kanja.
24Nga jawap kadii di Yisus, “Ioku nopo om sinuu mongoi soi tulun do Israil iri nokoombo irad diri kambing biri-biri,” ka.
25Nga ongoino dii i tongondu si di Yisus om singkotudno dii si gotuvang Disido om kadii kavagu disido, “Tuan, tulungo okupo marong,” ka.
26Nga jawapno dii i Yisus di tongondu do poiradon Disido i bansa Israil irad do tangaanak om i tulun do okonko bansa Israil irad do tasu, do kaDisido, “Aui apatut do isumad do tasu iri taakanon do tangaanak,” kadi Yisus.#15:26 Komoion nopo di Yisus do tulungonJopo mogulu ino bansaJo, ampa nogi do monulung do bansa vokon.
27Kadi tongondu, “Oinomodno ino Tuan, nga insan tasupo nga monginsomumuti diri mumu i naratu siri saau do mija di tuanjo,” ka.
28Nga jawapaino kavagu di Yisus do, “Minan, aparsayakoi bala marong! Nga nokoiduno i rogon si kojuvan di tanaknu irad diri kouvangannu,” ka. Om ontoki diri pinitangaranJo do nokoiduno dii i rogon mantad si kojuvan diri tanak di tongondu.
Oguupo i Toruol Vokon Liningos di Yisus
29Koguli nopo dii i Yisus om ikoi i tongotulunJo mantad do pantok Bandar Tirus om Sidun, om poruukaija dii mampanau siri disan Botung Tagajo do Golilia, om patakadaija nogi dii siri kulud#15:29 kulud: kotud om mogom-ogom ikoi. 30Om poisusuutno dii i tongotulun toguu do rumikot siri di Yisus do mongovit di tulun mimpo-kimpo mampanau, pukung, bolou, bobou om oguupo toruol vokon, om poiliono dii diolo siri somok takod di Yisus, om pinlingasaino dii Disido kasangkat. 31Nga osumboijan dii marong i tongotulun do i tulun bobou nga kavantang mitangar, i tulun kakung nga olingasan, i mimpo-kimpo nga alais mampanau om i tulun bolou nga koontong. Om mangarajouno#15:31 mangarajou: mongompod dii iolo di Kinoringan do bansa Israil.
Pinapaakan i Yisus di Apat Noribu Kusai
(Mar. 8:1-10)
32Om loovono dii di Yisus ikoi i tongotulunJo do poromut Disido om pitangarno dii Isido dagai do ka, “Osianan Okuno marong diolo diti, do toluno tadau iolo maja-vaja Dogo, om noovianno dii iolo do kokorui. Au Okui dii kopusu monuu diolo muli do irad dilo, okodi Oku do oluluk silo tanga ralan do olikapan,” kadi Yisus.
33Nga kanja mitangar di Yisus, “Inombo pogonuan tokou do taakanon do okonko kivaro kampung osomok-somok siti om okonko naalang-alang koguu tulun diti paakanon?” kanja.
34Kadi Yisus, “Piropo noinan i kuui muju bato?” ka.
Nga kanja, “Turupo noinan iti kuui om okuyakno iti sada ongopopoyok,” kanja.
35Om suuono dii di Yisus i tongotulun do mogom siri tana, 36om onuo nogi dii Disido i turu noinan kuui om piipiro i sada, om ponorimakasino dii Isido di Kinoringan, om poikokib-kokibo om popintaako nogi dii Disido dagai di tongotulunJo, do manaak potikid di tongotulun toguu. 37Om pangakanno dii iolo kasangkat gosob nabajakan. Om koopod nopo dii i tongotulun toguu mangakan, om pumpungono dii dagai di tongotulun di Yisus iri noolu-olu diolo mangakan, nga kivaropo dii turu balatak#15:37 balatak: bakul noponu. 38Om ginuu nopo diolo minangakan om kivaro kama iri apat noribu tulun, nga kira tongotosukod kusai noopo, au nopo kokira iri tongotongondu om tongotangaanak.
39Om suuo nogi dii di Yisus i tongotulun pouli. Om sako nogi dii ikoi doi Yisus di talud do sumondipau mongoi soi pantok do Bandar Magadan.
Iliyochaguliwa sasa
Matius 15: LabukPKV
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 1995, Wycliffe Bible Translators, Inc. All rights reserved.
Matius 15
15
Adat mantad Dioduaki do Tulun Joudi
(Mar. 7:1-13)
1Om kivaro piipiro kotua do bansa Joudi do nokorikot siri di Yisus do mantad soi Bandar Yorusalim. Iolo nopo diri nga kumpulan do Porisi om iri monunuduk do Undang-undang Ugama do Joudi. 2Om kadiolo, “Nokuro do au maja i tongotulunNu diri adat diodu-aki tokou pogulu? Aupo kopongugas iolo do longon do maja di adat diodu-aki tokou om mangakanno iolo,” ka.
3Nga kadi Yisus, “Nokuro do maja kou diri adat muju kondiri om au maja diri nisuu do Kinoringan? 4Do nisuu nopo di Kinoringan do, ‘Urumato mujuno marong iamonu#15:4 amo: apa om iinonu,’ ka, om ponuu kavagu Isido, ‘Isaai nopo mangararaat diamojo#15:4 diamo: diapa om iinojo nga misti patajon,’ kadi Kinoringan.#Antangai Kinolobusan 20:12; 21:17; Imam 20:9; Gulion 5:16. 5Nga ikovu nopo monuduk om kamuju, ‘Nong kivaro tulun kivaro onuu nopo do obuli itulung di moloingjo, nga obuli isido popoilo diamojo ko iinojo do, “Ausono dii kountungannu dogo do auso pataakonku dika sabap nga pataakonku do Kinoringan,” kadisido,’ kamuju do monuduk. 6‘Irad nopo dino nga obuli isido au mongurumat di moloingjo#15:6 moloingjo: kivaro piipiro solinan di poguluupo do: “diamojo ko iinojo”. do monulung diolo,’ kamuju. Nong irad dino ikovu kondiri au maja diri tangar di Kinoringan do potuduk kou noopo diri adat muju kondiri. 7Oinomodno i tinangar di Kinoringan dikovu, tulun do puupura, irad di nipoilo laaid di nabi Yasaya, i popolombus di tinangaran do Kinoringan pogulu do,
8‘ “Mongurumat daa iti kabang do tongotulun Dogo,
nga ginavo nopo diolo nga osodu mantad Dogo.
9Om osia-sia naama iolo sumamba Dogo,
do monuduk iolo di ponudukan do tulun
om tangaron diolo do irino tinangarKu,”
kadi Kinoringan,’ i tinulis di Yasaya,”
kadi Yisus.#Antangai Yasaya 29:13.
I Taraat Lumabus mantad siri Ginavo do Tulun
(Mar. 7:14-23)
10Om loovono dii di Yisus i kinoguuan do tulun om pitangar Isido diolo do, “Pongkinongou kouno Dogo om rotio mujuno marong. 11Onuu nopo tinangar do araat lumabus mantad si kabang do tulun nga irino monginsasaim disido, okoniko iri taakanon i masu si kabang do monginsasaim disido,” ka.
12Nga rikotno dii ikoi i tongotulun di Yisus do mongoduat Disido, kadagai, “OpurimananNui ino tangaronNu do inono koruol do ginavo diolo i kumpulan Porisi Dikau?” kanja.
13Minoganu i Yisus do poiradanJo di kumpulan Porisi irad do sakot do kaDisido, “Ombo nopo iri sinumobul kondiri, okonko tinanom di TamaKu silo suruga, om vutuson gosob do asakat kasangkat i tongogamutjo. 14Poboyooni iolo. Iolo nopo nga irad di bolou mangaakpo do tulun bolou. Nong boloupo mangaak di songkoruanganjo bolou tantu do kopivaja aratu si torobong,” kadi Yisus.
15Nga kadi Pitrus, “Porotio ikoipo dino poiradanNu dino taakanon,” ka.
16Kadi Yisus, “Nokuro do ikovupo kanogi nga aui kaarati diri tinangarKu? 17Oilaan mujui do onuu nopo do taakanon nga masu noopo si kabang om lumombus silo tijan om atai. 18Nga onuu nopo lumabus mantad si kabang do mantad siri ginavo do tulun nga irino monginsasaim disido. 19Do iri nopo lumabus mantad si ginavo, iri sinoromo do taraat, mamamatai do tulun, lumapau, mamaal kalalasu i tongondu om i kusai, manakau, sumaksi do ovuvudut om mangararaat do vokon. 20Irino lumabus mantad si ginavo om monginsasaim do tulun. Nga mangakan nopo do au kougas maja di pinakaadat do tulun, okoniko iri monginsasaim do tulun,” kadi Yisus.
Kaparsayaan di Tongondu Kanaan
(Mar. 7:24-30)
21Om pampanauno dii i Yisus om ikoi i tongotulunJo mantad siri, om ongoino ikoi silo pantok do Bandar Tirus om Sidun. 22Nga kivaro tongondu sinumamung dagai, isido nopo nga bansa Kanaan mantad si pantok diri do linumuvap mokitulung di Yisus. Om roito dii disido i Yisus do koturunan di Daud, kadisido, “Uu Tuan, kosianaino dogo do norosukan marong do rogon i tanakku tondu,” ka.
23Nga aui dii jinawapan Disido i tongondu. Nga ongoino dii ikoi i tongotulun di Yisus si Disido om kadagai, “Suuo ilo pouli. Alava maja-vaja daton#15:23 daton: ditokou do muvap-luvap,” kanja.
24Nga jawap kadii di Yisus, “Ioku nopo om sinuu mongoi soi tulun do Israil iri nokoombo irad diri kambing biri-biri,” ka.
25Nga ongoino dii i tongondu si di Yisus om singkotudno dii si gotuvang Disido om kadii kavagu disido, “Tuan, tulungo okupo marong,” ka.
26Nga jawapno dii i Yisus di tongondu do poiradon Disido i bansa Israil irad do tangaanak om i tulun do okonko bansa Israil irad do tasu, do kaDisido, “Aui apatut do isumad do tasu iri taakanon do tangaanak,” kadi Yisus.#15:26 Komoion nopo di Yisus do tulungonJopo mogulu ino bansaJo, ampa nogi do monulung do bansa vokon.
27Kadi tongondu, “Oinomodno ino Tuan, nga insan tasupo nga monginsomumuti diri mumu i naratu siri saau do mija di tuanjo,” ka.
28Nga jawapaino kavagu di Yisus do, “Minan, aparsayakoi bala marong! Nga nokoiduno i rogon si kojuvan di tanaknu irad diri kouvangannu,” ka. Om ontoki diri pinitangaranJo do nokoiduno dii i rogon mantad si kojuvan diri tanak di tongondu.
Oguupo i Toruol Vokon Liningos di Yisus
29Koguli nopo dii i Yisus om ikoi i tongotulunJo mantad do pantok Bandar Tirus om Sidun, om poruukaija dii mampanau siri disan Botung Tagajo do Golilia, om patakadaija nogi dii siri kulud#15:29 kulud: kotud om mogom-ogom ikoi. 30Om poisusuutno dii i tongotulun toguu do rumikot siri di Yisus do mongovit di tulun mimpo-kimpo mampanau, pukung, bolou, bobou om oguupo toruol vokon, om poiliono dii diolo siri somok takod di Yisus, om pinlingasaino dii Disido kasangkat. 31Nga osumboijan dii marong i tongotulun do i tulun bobou nga kavantang mitangar, i tulun kakung nga olingasan, i mimpo-kimpo nga alais mampanau om i tulun bolou nga koontong. Om mangarajouno#15:31 mangarajou: mongompod dii iolo di Kinoringan do bansa Israil.
Pinapaakan i Yisus di Apat Noribu Kusai
(Mar. 8:1-10)
32Om loovono dii di Yisus ikoi i tongotulunJo do poromut Disido om pitangarno dii Isido dagai do ka, “Osianan Okuno marong diolo diti, do toluno tadau iolo maja-vaja Dogo, om noovianno dii iolo do kokorui. Au Okui dii kopusu monuu diolo muli do irad dilo, okodi Oku do oluluk silo tanga ralan do olikapan,” kadi Yisus.
33Nga kanja mitangar di Yisus, “Inombo pogonuan tokou do taakanon do okonko kivaro kampung osomok-somok siti om okonko naalang-alang koguu tulun diti paakanon?” kanja.
34Kadi Yisus, “Piropo noinan i kuui muju bato?” ka.
Nga kanja, “Turupo noinan iti kuui om okuyakno iti sada ongopopoyok,” kanja.
35Om suuono dii di Yisus i tongotulun do mogom siri tana, 36om onuo nogi dii Disido i turu noinan kuui om piipiro i sada, om ponorimakasino dii Isido di Kinoringan, om poikokib-kokibo om popintaako nogi dii Disido dagai di tongotulunJo, do manaak potikid di tongotulun toguu. 37Om pangakanno dii iolo kasangkat gosob nabajakan. Om koopod nopo dii i tongotulun toguu mangakan, om pumpungono dii dagai di tongotulun di Yisus iri noolu-olu diolo mangakan, nga kivaropo dii turu balatak#15:37 balatak: bakul noponu. 38Om ginuu nopo diolo minangakan om kivaro kama iri apat noribu tulun, nga kira tongotosukod kusai noopo, au nopo kokira iri tongotongondu om tongotangaanak.
39Om suuo nogi dii di Yisus i tongotulun pouli. Om sako nogi dii ikoi doi Yisus di talud do sumondipau mongoi soi pantok do Bandar Magadan.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 1995, Wycliffe Bible Translators, Inc. All rights reserved.