Matius 16
16
Mokiintalang i Kumpulan Porisi om Soduki do Kosunduvan di Yisus
(Mat. 12:38-40; Mar. 8:11-13; Luk. 12:54-56)
1Korikot dii i Yisus om ikoi i tongotulunJo siri pantok do Bandar Magadan, om kivaro dii piipiro tulun kumpulan Porisi om kumpulan Soduki do rinumikot monsuba daa di Yisus do mokiintalang daa iolo di kuasa do pongintutunan do mantad Isido si di Kinoringan. 2Nga jawapno dii i Yisus diolo do, “Sombia nopo do sumodopno ilo tadau om kibunsilouno silo tavan,#16:2 tavan: langit oilaan mujuno do magadau irad suvab do, ‘Aandai ilo tavan,’ kamuju. 3Nga nong kibunsilou om oluub nopo ilo tavan di minsarap, oilaan mujuno do gumompus. Kotutun kou nong potingkuro ilo tavan do magadau ko gumompus, nga au kovi kotutun nong onu iti pongintutunan di vaalonKu diti maso maino.#16:2-3 Kivaro piipiro solinan di poguluupo do au nokotulis di tangar di Yisus siri ayat 2-3. 4Ikovuno tulun do maino do araat om au rumalan maja di Kinoringan, do mokiintalang kou noopo daa do pongintutunan. Nga auso nunu pongintutunan ipoontongKu dikovu, nga irino pongintutunan irad di nabi Yunus, i popolombus di tinangaran do Kinoringan pogulu,” kadi Yisus, om iduaiJo nopo dii iolo sumondipau kavagu.
Jaajagawo i Tulun di Mamamalid
(Mar. 8:14-21)
5Kosondipau nopo dii ikoi doi Yisus om kaandamaija nogi dii di tongotulun di Yisus do noolinganja mongovit i kuui. 6Nga kadii di Yisus dagai, “Antatangai mujuno kaandai-andai om ondodomo mujuno iri poudor di kumpulan Porisi om kumpulan Soduki,” kadi Yisus
7Nga moitatangar ikoi dii nong onu komoion di Yisus do, “Mitangar gia Isido dilo do au inovit tokou i kuui maino,” kanja.
8Nga oilaani di Yisus iri tinangarja, om kaDisido, “Ikovuno iti tulun au songkuro aparsaya. Nokuro poitatangaran muju do, ‘Auso kuui tokou,’ kamuju? 9Aupo naku kosuut kou di ponudukanKu? Au kama aandaman muju iri limo noinan kuui om limo noribu kusai nakaakan, om piropo dii vakid noponu pinumpung muju? 10Ko iripo turu noinan kuui om apat noribu kusai do nakaakan om piropo dii balatak#16:10 balatak: bakul noponu pinumpung muju? 11Om nokuro do au koupo kosuut do okoniko kuui komoionKu dikovu? Ondodomo mujuno iri poudor di kumpulan Porisi om kumpulan Soduki,” kadi Yisus dagai. 12Na, ampa nogi dii do nakaarati ikoi do okonko iri poudor i vaalon do kuui komoionJo, nga irino sinuu ikoi di Yisus do ondodomono iri ponudukan di kumpulan Porisi om kumpulan Soduki supaya au apalid ikoi.
Pongokuan di Pitrus do i Yisusno i Koristus
(Mar. 8:27-30; Luk. 9:18-21)
13Korikot dii i Yisus om ikoi i tongotulunJo ponong silo Bandar Koisoria Polipi, om pongoduatno dii i Yisus dagai, kaDisido, “Nong kaandaman di tongotulun isai naku Oku diti, i Sinumiliu do Tulun?” ka.
14Nga kadagai, “Kivarono piipiro diolo mitangar do Ikano i Yaya Mamamatis,#16:14 Mamamatis: Momomonsu om kivaro diolo mitangar do Ikano i nabi Ilia, om kivaro nogi diolo mitangar do Ikano i nabi Yoromia ko isopo nabi vokon mantad di nabi pogulu, i popolombus di tinangaran di Kinoringan,” kanja.
15Nga kadi Yisus, “Nong ikovu, isai Oku kaandaman muju?” ka.
16Jawapno dii i Simun Pitrus, “Ikano i Koristus, i Tanak do Kinoringan i poimvijau,” ka.
17Nga kadii di Yisus, “Uu Simun tanak di Yaya, ososogitkono, do mantad diAmoKuno#16:17 diAmo: diApa silo suruga monuduk dika, okoniko mantad do tulun do monuduk dika dino,” kadi Yisus. 18“Om Ioku nogi nga mitangar dikau do i Pitrusko. Om timpak do vatu tagajo ditino poingkakatanKu do iso poiuntunan do tulun i aparsaya Dogo, om insan poijananpo di tongotulun di apatai nga auno kakala diolo. 19Om onuanKu ika nogi do kuasa siri Kopomorintaan di Kinoringan. Om onuu nopo potingkodonnu siti vonuvo nga potingkodon nogi di Kinoringan soi suruga laid. Om onuu nopo ililanu siti vonuvo, nga ilila di Kinoringan soi suruga laid,” kadi Yisus. 20Om pitangarno dii i Yisus dagai di tongotulunJo do, “Ada marong sangkaabarai di tongotulun vokon do i Koristus Oku,” kaDisido.
Kotimpuunon di Yisus Popoilo diri KapatajanJo
(Mar. 8:31-33; Luk. 9:22)
21Mantad diri tinumimpuun i Yisus popoilo dagai di tongotulunJo do kaDisido, “Potingkuropo nga misti do mongoi Oku silo Bandar Yorusalim om pasansarawon Oku marong di tongokotua do tulun Joudi, irino i tongomoloingon, om i tongokotua di imam om i tongotulun monunuduk di Undang-undang Ugama gosob do patajon Oku diolo, nga ontok di tadau kotolu om vijauon Oku kavagu,” kadi Yisus.
22Nga korongou nopo i Pitrus di tangar di Yisus, kuutaino dii disido i Yisus poinsomok disido, om toguro dii di Pitrus Isido do, “Tuhan, poinsoduonpo daa do Kinoringan ino, om aui olombusanKo diolo mamatai,” ka.
23Nga kovilipo i Yisus di Pitrus om pitangarno do, “Soitan, pogiduno siti! Monobonko noopo do kouvanganKu, do irino kouvangan do tulun ino ondomonnu, okonko kouvangan di Kinoringan ino ondomonnu,” kadi Yisus.
Ponudukan di Yisus pasal di Kovijaan do Tulun
(Mar. 8:34-9:1; Luk. 9:23-27)
24Om pitangar nogi dii i Yisus dagai di tongotulunJo, do kaDisido, “Isaai nopo uvang maja Dogo, misti do olinganno i kouvanganjo kondiri, om monimban di salibjo, irino do mijau matai nga sumangal#16:24 sumangal: tumaan diri kasansaraanjo sabap aparsaya Dogo, om maja nogi Dogo. 25Do isaai nopo momiara noopo do kovijaanjo kondiri nga irino oliangan do kovijaan diri auso koovion. Nga isaai nopo oliangan do kovijaanjo sabap do maja Dogo nga irino kaanu kovijaan diri auso koovion. 26Sabap ausoi kountungan do tulun insan asanganupo disido kasangkat iti vonuvo nong apatai i tatodjo. Au dii kopituuk do kovijaan di tulun diri auso koovion. 27Iokuno i Sinumiliu do Tulun, om rumikot Oku kavagu siti vonuvo saralom do vinaang diAmoKu#16:27 diAmo: diApa mivaja di tongomoloikatKu, om ontok dirino do monsuli Oku di pointikid do tulun maja diri kinurijo do aandai ko araatpo. 28Om patangaronKu marong dikovu iti, do kivaropo piipiro dikovu di songingkakat siti do aupo apatai om koontongpo Dogo do rumikot monguasa dikovu, do Iokuno i Sinumiliu do Tulun,” kadi Yisus.
Iliyochaguliwa sasa
Matius 16: LabukPKV
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 1995, Wycliffe Bible Translators, Inc. All rights reserved.
Matius 16
16
Mokiintalang i Kumpulan Porisi om Soduki do Kosunduvan di Yisus
(Mat. 12:38-40; Mar. 8:11-13; Luk. 12:54-56)
1Korikot dii i Yisus om ikoi i tongotulunJo siri pantok do Bandar Magadan, om kivaro dii piipiro tulun kumpulan Porisi om kumpulan Soduki do rinumikot monsuba daa di Yisus do mokiintalang daa iolo di kuasa do pongintutunan do mantad Isido si di Kinoringan. 2Nga jawapno dii i Yisus diolo do, “Sombia nopo do sumodopno ilo tadau om kibunsilouno silo tavan,#16:2 tavan: langit oilaan mujuno do magadau irad suvab do, ‘Aandai ilo tavan,’ kamuju. 3Nga nong kibunsilou om oluub nopo ilo tavan di minsarap, oilaan mujuno do gumompus. Kotutun kou nong potingkuro ilo tavan do magadau ko gumompus, nga au kovi kotutun nong onu iti pongintutunan di vaalonKu diti maso maino.#16:2-3 Kivaro piipiro solinan di poguluupo do au nokotulis di tangar di Yisus siri ayat 2-3. 4Ikovuno tulun do maino do araat om au rumalan maja di Kinoringan, do mokiintalang kou noopo daa do pongintutunan. Nga auso nunu pongintutunan ipoontongKu dikovu, nga irino pongintutunan irad di nabi Yunus, i popolombus di tinangaran do Kinoringan pogulu,” kadi Yisus, om iduaiJo nopo dii iolo sumondipau kavagu.
Jaajagawo i Tulun di Mamamalid
(Mar. 8:14-21)
5Kosondipau nopo dii ikoi doi Yisus om kaandamaija nogi dii di tongotulun di Yisus do noolinganja mongovit i kuui. 6Nga kadii di Yisus dagai, “Antatangai mujuno kaandai-andai om ondodomo mujuno iri poudor di kumpulan Porisi om kumpulan Soduki,” kadi Yisus
7Nga moitatangar ikoi dii nong onu komoion di Yisus do, “Mitangar gia Isido dilo do au inovit tokou i kuui maino,” kanja.
8Nga oilaani di Yisus iri tinangarja, om kaDisido, “Ikovuno iti tulun au songkuro aparsaya. Nokuro poitatangaran muju do, ‘Auso kuui tokou,’ kamuju? 9Aupo naku kosuut kou di ponudukanKu? Au kama aandaman muju iri limo noinan kuui om limo noribu kusai nakaakan, om piropo dii vakid noponu pinumpung muju? 10Ko iripo turu noinan kuui om apat noribu kusai do nakaakan om piropo dii balatak#16:10 balatak: bakul noponu pinumpung muju? 11Om nokuro do au koupo kosuut do okoniko kuui komoionKu dikovu? Ondodomo mujuno iri poudor di kumpulan Porisi om kumpulan Soduki,” kadi Yisus dagai. 12Na, ampa nogi dii do nakaarati ikoi do okonko iri poudor i vaalon do kuui komoionJo, nga irino sinuu ikoi di Yisus do ondodomono iri ponudukan di kumpulan Porisi om kumpulan Soduki supaya au apalid ikoi.
Pongokuan di Pitrus do i Yisusno i Koristus
(Mar. 8:27-30; Luk. 9:18-21)
13Korikot dii i Yisus om ikoi i tongotulunJo ponong silo Bandar Koisoria Polipi, om pongoduatno dii i Yisus dagai, kaDisido, “Nong kaandaman di tongotulun isai naku Oku diti, i Sinumiliu do Tulun?” ka.
14Nga kadagai, “Kivarono piipiro diolo mitangar do Ikano i Yaya Mamamatis,#16:14 Mamamatis: Momomonsu om kivaro diolo mitangar do Ikano i nabi Ilia, om kivaro nogi diolo mitangar do Ikano i nabi Yoromia ko isopo nabi vokon mantad di nabi pogulu, i popolombus di tinangaran di Kinoringan,” kanja.
15Nga kadi Yisus, “Nong ikovu, isai Oku kaandaman muju?” ka.
16Jawapno dii i Simun Pitrus, “Ikano i Koristus, i Tanak do Kinoringan i poimvijau,” ka.
17Nga kadii di Yisus, “Uu Simun tanak di Yaya, ososogitkono, do mantad diAmoKuno#16:17 diAmo: diApa silo suruga monuduk dika, okoniko mantad do tulun do monuduk dika dino,” kadi Yisus. 18“Om Ioku nogi nga mitangar dikau do i Pitrusko. Om timpak do vatu tagajo ditino poingkakatanKu do iso poiuntunan do tulun i aparsaya Dogo, om insan poijananpo di tongotulun di apatai nga auno kakala diolo. 19Om onuanKu ika nogi do kuasa siri Kopomorintaan di Kinoringan. Om onuu nopo potingkodonnu siti vonuvo nga potingkodon nogi di Kinoringan soi suruga laid. Om onuu nopo ililanu siti vonuvo, nga ilila di Kinoringan soi suruga laid,” kadi Yisus. 20Om pitangarno dii i Yisus dagai di tongotulunJo do, “Ada marong sangkaabarai di tongotulun vokon do i Koristus Oku,” kaDisido.
Kotimpuunon di Yisus Popoilo diri KapatajanJo
(Mar. 8:31-33; Luk. 9:22)
21Mantad diri tinumimpuun i Yisus popoilo dagai di tongotulunJo do kaDisido, “Potingkuropo nga misti do mongoi Oku silo Bandar Yorusalim om pasansarawon Oku marong di tongokotua do tulun Joudi, irino i tongomoloingon, om i tongokotua di imam om i tongotulun monunuduk di Undang-undang Ugama gosob do patajon Oku diolo, nga ontok di tadau kotolu om vijauon Oku kavagu,” kadi Yisus.
22Nga korongou nopo i Pitrus di tangar di Yisus, kuutaino dii disido i Yisus poinsomok disido, om toguro dii di Pitrus Isido do, “Tuhan, poinsoduonpo daa do Kinoringan ino, om aui olombusanKo diolo mamatai,” ka.
23Nga kovilipo i Yisus di Pitrus om pitangarno do, “Soitan, pogiduno siti! Monobonko noopo do kouvanganKu, do irino kouvangan do tulun ino ondomonnu, okonko kouvangan di Kinoringan ino ondomonnu,” kadi Yisus.
Ponudukan di Yisus pasal di Kovijaan do Tulun
(Mar. 8:34-9:1; Luk. 9:23-27)
24Om pitangar nogi dii i Yisus dagai di tongotulunJo, do kaDisido, “Isaai nopo uvang maja Dogo, misti do olinganno i kouvanganjo kondiri, om monimban di salibjo, irino do mijau matai nga sumangal#16:24 sumangal: tumaan diri kasansaraanjo sabap aparsaya Dogo, om maja nogi Dogo. 25Do isaai nopo momiara noopo do kovijaanjo kondiri nga irino oliangan do kovijaan diri auso koovion. Nga isaai nopo oliangan do kovijaanjo sabap do maja Dogo nga irino kaanu kovijaan diri auso koovion. 26Sabap ausoi kountungan do tulun insan asanganupo disido kasangkat iti vonuvo nong apatai i tatodjo. Au dii kopituuk do kovijaan di tulun diri auso koovion. 27Iokuno i Sinumiliu do Tulun, om rumikot Oku kavagu siti vonuvo saralom do vinaang diAmoKu#16:27 diAmo: diApa mivaja di tongomoloikatKu, om ontok dirino do monsuli Oku di pointikid do tulun maja diri kinurijo do aandai ko araatpo. 28Om patangaronKu marong dikovu iti, do kivaropo piipiro dikovu di songingkakat siti do aupo apatai om koontongpo Dogo do rumikot monguasa dikovu, do Iokuno i Sinumiliu do Tulun,” kadi Yisus.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 1995, Wycliffe Bible Translators, Inc. All rights reserved.